02-06-2006, 10:29 AM
|
المشاركة رقم: 1 |
|
|
المنتدى :
همس القوافى
عايش في الكلمات !
تعدي سنه ورا سنه= و قطار العمر يفوت= فينا من زمانه نسى= و بنى حوله سدود= و فينا من عبرله قناه= لجل يعيش مبسوط= شاف إن هناه= في حلم غير موجود= ما هي الحياة= يا تضن يا علينا تجود= ***= أيام كنا فيها صغار= قلوبنا ماليها الصفا= دنيتنا كلها أخيار= يعرفوا معنى الوفا= لا نحير و لا نحتار= بين الحب و الجفا= حتى الليل و النهار= مختلفين الصفة= ما ينشط الأشرار= إلا لو النور إنطفا= ***= كان الفرح مالينا= بدنيا قدامنا براح= فيها كل شيء لينا= نحلم به يصير متاح= كنا نشوف أهالينا= يصحوا كل صباح= يطمنوا بينا و علينا= يدعولنا بكل فلاح= لجل ما تقوى أيادينا= و ينور قلبنا مصباح= ***= أصحاب أولاد و بنات= العصاري كنا نتلاقى= الأهل في التراسات= تقولشي فل في باقة= آباء في فانلات= لا كلفة و لا عياقة= ستاتهم دمهم شربات= تتسلى بخناقة= الأكل بالكوبونات= لكن النفس مرتاحة= ***= أميره عينها على عادل= و عادل قال إيه تقلان= يجرى بالكورة و يغازل= عايز يجيب أجوان= يتفلحص و يقوم شايل= من وسطه الواد شعبان= بعضلاته يمشي يتخايل= بصوته عامل هيجان= يطل عم إمام قايل= يا عالم عايزين ننام= ***= أصله خوجة الكتاب= في الحارة له إحترام= منين ما تدق عليه الباب= تلقاه بيك سعيد فرحان= قاري كدا كام كتاب= بس حافظ القرآن= و لو عيله فيها عتاب= يصالح في الخلان= نسيب الكورة و الألعاب= عشان خاطرك يا عم إمام= ***= شويه و المغربية تهل= تسمع أغاني في الراديو= نرجع بيوتنا لجل نكن= و الواجب أقوم عامله= نحكي حكاوي الجن= و الشاطر حسن حاربه= جدي يقول بطلوا زن= أصل حالنا موش عاجبه= عمره ما حب الفن= لو إنه كان ما في قده= ***= يحكوا عنه في شبابه= كان بارم الشنبات= عايق و الكل يهابه= يحوش في الشلنات= بس كان عيبه= يبصبص للستات= واخد بيت من بابه= فيه ثلاث زوجات= و للنهاردا ما على لسانه= غير الرابعة فين يا بنات ؟= ***= تعدي بينا الأيام= و تكتر الحكايات= عاشت فينا أحلام= و ماتت لنا روايات= ندوق مرارة الأحزان= لتفرق الجماعات= دا عاش على الأوهام= فلا عاش و لا مات= و دا مات من زمان= و موجود في الكلمات= __________= أبو حميد المصري 02/06/2006 = |
|
|
|
02-06-2006, 03:24 PM
|
المشاركة رقم: 2 | ||
|
|
كاتب الموضوع :
أبو حميد المصري
المنتدى :
همس القوافى
تسلم حقيقى بكون مبسوط قوى لما اقراء كلماتك
|
||
|
|
|
|
02-06-2006, 07:29 PM
|
المشاركة رقم: 3 | |
|
|
كاتب الموضوع :
أبو حميد المصري
المنتدى :
همس القوافى
اقتباس:
أشكرك على مرورك الكريم و ثنائك الطيب و الله يا أخي غصبا عني ساعات الواحد بيبقى حالته النفسية متدنية موش عايز يدخل يقرأ كلام يضايقه و إنت شايف الآراء العجيبة إللي بتنتشر اليومين دول فبأقول ريح نفسك يا عم و إنت صاحب عيا على كل أنا بترتفع معنوياتي لما أجد تعقيب يشجعني يبين إن لسه الدنيا بخير تحياتي و شكري و تقديري  |
|
|
|
|
 |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض العادي
|
|
الساعة الآن 11:47 AM.