صفحة 1 من 5 123 ... الأخيرةالأخيرة
النتائج 1 إلى 10 من 43

الموضوع: كحك وبتى فور وبسكوت

  1. #1
    An Oasis Pioneer
    الصورة الرمزية masreya
    الحالة : masreya غير متواجد حالياً
    رقم العضوية : 87
    تاريخ التسجيل : Apr 2006
    المشاركات : 7,683

    افتراضي كحك وبتى فور وبسكوت

    كل عام وانتم بخير ....عيد سعيد

    بناءا على رغبة بناتى فى المنتدى اقدم لكم ...حلوى العيد على طريقتى وبمقاديرى الخاصة


    اولا الكحك

    مقاديره:

    لكل واحد كيلو دقيق

    2 ونص كوب سمن طبيعى

    واحد ملعقة صغيرة رائحة كحك من العطار..

    3 ملعقة سمسم محمص

    4 ملاعق صغيرة خميرة فورية ...او صباع خميرة طبيعية من الفرن..

    الطريقة:

    قومى بنخل الدقيق وضعى عيه راحة الكحك والسمسم المحمص

    قومى بقدح السمن جيدا وصبيه فوق الدقيق وقلبيه بمعلقة خشب الى ان تهدأ حرارته

    ثم قومى بعملية البس...وهذه هى التى بتوقف عليها جودة الكحك عملية البس...وهى عبارة عن فرك بباطن اليد للدقيق مع السمن ...فرك جيد حتى يختلط الدقيق بالسمن جيدا

    ثم قومى بوضع الماء الدافىء وقومى بعملية العجن العجينة النهائية عجينة يابسة الى حد كبير...

    اتركيها تخمر وقومى بعمل كور صغيرة واتركيها تخمر ثم قومى بحشوها على حسب الرغبة..وحشو الكحك اما بالملبن المحشو بالجوز او بالعجمية المحشوة بالفستق او الجوز او التمر المحشو جوز وساقدم لكم طرق الحشوات كلها لتختاروا ما يناسبكم منها......

    قومى بنقش الكحك بالمنقاش الخاص وادخليه فرن حار وسريع حتى يحتفظ بالونه الفاتح ...

    قومى برش السكر البودرة على الوجه وقدميه....

    بالف هنا وكل عيد وانتم بخير

    محلوظة : يفضل الا تضعى السكر الا فى وقت التقديم واتركى باقى المقدار بدون سكر


    حشو الكحك:

    العجمية ....مقاديرها لليكلو
    3 ملاعق سمن تسيح على النارضيفى لها ملعقة كبيرة دقيق حتى يصير لونها اصفر ممكن اضافة ملعقةى صغيرة سمسم محمص فى حالة استخدام العجمية كا حشو فقط للكحك....

    قلبى الخليط على نار هادئة ثم ارفعيه من النار ةضعى كول من العسل الابيض وقلبى جيدا حتى يمكنك عمل كور صغيرة من العجمية لا تلتصق باليد ويسهل حشو الكحك
    يمكن اضافة جوز او فستق حلبى مع قليل من العجمية كا نوع اخر من الحشوات (بلاش جوز عشان فريدة مش بتحبه)

  2. #2
    An Oasis Pioneer
    الصورة الرمزية masreya
    الحالة : masreya غير متواجد حالياً
    رقم العضوية : 87
    تاريخ التسجيل : Apr 2006
    المشاركات : 7,683

    افتراضي بتى فور مصرية

    ثانيا البتى فور ...

    البتى فور ده خاص بماما مصرية يا بنات هاتدعوا لى بجد لما تجربوه


    مقاديره:

    4 كوب دقيق
    2 بيضة
    2 كوب سمن او 2 ونص زبد
    واحد كوب سكر ناعم
    فانيلا
    معلقة صغيرة باكنج باودر

    طبعا للتزين حاجات كتير جدا: شوكولا فارميسيل ...مربى مشمش او مرملاد مشمش_ لوز محمص ومجروش

    شوكولا سايله ...جوز هند وممكن حلوى ايسنج (سكر مخصوص لعمل الايسنج )




    الطريقة:

    اولا اخفقى السمن جيد جدا حتى تتغير لونها للون الابيض ثم ضيفى السكر واعيدى الخفق جيدا الى ان يتحول الخليط لكريم ابيض ....ودى اهم مرحلة فى عمل عجينة البتى فور...

    ابدئى فى اضافة الدقيق المخلوط بالباكنج بادور وابدئى فى التقليب لحد ما تجدى عجينة ملساء جدا

    اخفقى البيض مع الفانيلا جيدا وضيفيه وقلبى بمعلقه خشب ثم ابدئى تشكيله على حسب رغبتك

    فى ماكينة خاصة للتشكيل ...على اشكال جميلة جدا

    ضعيه فى فرن حار وسريع ...

    فى حالة رغبتك فى البتى فور الشوكولا شيلى من المقدار نص كوب دقيق وضيفى نص كوب شوكولا او كاكاو خام.....

    او يمكنك اخذ جزء من العجينة بعد انتهائها وخلطها بكاكاو فاخر او شوكولا (انا باستخدم نوع اسمه هيرتشيز)


    التزين مهم جدا فى تنويع البتى فور هاقدم لكم بعض اشكاله التى وجدتها على النت...

    وبالف هنا وكل عيد وانتم بخير

  3. #3
    An Oasis Pioneer
    الصورة الرمزية masreya
    الحالة : masreya غير متواجد حالياً
    رقم العضوية : 87
    تاريخ التسجيل : Apr 2006
    المشاركات : 7,683

    افتراضي بسكوت النشا

    من اسهل الانواع بسكوت بالنشا

    المقادير:

    3 كوب دقيق
    2 بيضة
    1 كوب سكر بودرة
    1 كوب سمن
    فانيلا...باكو باكنج باودر
    1 ونص كوب نشا

    لبن دافى ان احتاج الامر

    الطريقة:

    اخفقى كما فى البتى فور السمن اولا ثم اضيفى السكر ثم البيضالمخفوق المخلوط بالفانيلا

    اخلطى الدقيق بالنشا وقومى بوضعه على الخليط تدريجيا بعد اضافة الباكنج باودر

    شكليه اما بالماكينة او اصابع واعملى عليها علامات بالشوكة ....

    ادخليه فرن حار وسريع وبالف هنا

    وعيد سعيد

  4. #4
    An Oasis Pioneer
    الصورة الرمزية masreya
    الحالة : masreya غير متواجد حالياً
    رقم العضوية : 87
    تاريخ التسجيل : Apr 2006
    المشاركات : 7,683

    افتراضي الغريبه

    من اكثر انواع الحلوى فى العيد ...

    الغريبه...

    المقادير:

    لكل كيلو دقيق
    3 كوب سمن مجمد
    واحد كوب سكر بودرة
    زلال بيضتان
    فانليا
    لوز مقشر للتجميل

    الطريقة:
    اخفقى السمن وهو مجمد حتى يبيض لونه ثم اضيفى السكر واخفقى حتى يتكون عجين ابيض جدا
    اخفقى الزلال لوده الى ان يجمد ..ثم اضيفيه على الخليط يالتدريج وبهدوء شديد جدا

    وفى النهاية اضيفى الدقيق تدريجى..الى ان تتكون عجينة يابسة
    شكليها على هيئة كرات صغيرة وجملى الوجه بلوزة مقشره
    وضعيه فى فرن هادى الحرارة الى حد ما لانه من المهم فى الغريبه عدم تغير لونها

    وبالف هنا وعيد سعيد

  5. #5
    An Oasis Pioneer
    الصورة الرمزية masreya
    الحالة : masreya غير متواجد حالياً
    رقم العضوية : 87
    تاريخ التسجيل : Apr 2006
    المشاركات : 7,683

    افتراضي سابلييه

    السابلييه

    ممكن تعمليه على شكل تورته بنفس الفكرة....بس اعملى الدائرتين على حجم اكبر



    المقادير:

    3 كوب دقيق او يذيد على حسب العجن

    واحد كوب زبده

    بيضة واحدة

    نص كوب سكر بودره

    ملح وفانيلا

    الطريقه:

    اخفقلا الزبده ثم اضيفى السكر واخفقى الى ان تتكون عجينة بيضاء..

    اخفقى البيضة بالفانيلا ثم ضيفيها على الخليط

    ثم ضيفى بالتدريخ بملعقه خشب الدقيق المخلوط بالملح...

    واخلطى حتى تتكون عجينة متماسكة قابلة للفرد والطى

    اقسمى العجينة الى 2 وقومى بفرد كل قسم بالنشابة على شكل مستطيل ...

    اعملى دائرتين واحده مغلقة والتانية مفتوحة من الوسط طبعا فى ادوات مخصوصه بس لو مش عندك يمكنك استخدام اى دوات فى التقطيه زى كوب بحجم مناسب ولعمل الفراغ فى المنتصف ممكن غطا صغير ..

    لكن فى قطاعات مخصوصة للسابيليه بتسهل عمليةا لتشكيل

    ادخليها فى فرن حار سريع

    ثم الصقى الدائرة الكاملة وفوقها الدائرة المجوفه اما بداخلها سكر بودرة او شكولاته سايله او مربى

    او قدميها بشكلها ومرشوش عليها السكر البودرة ...

    وبالف هنا وعيدكم سعيد

  6. #6
    An Oasis Pioneer
    الصورة الرمزية زعلان
    الحالة : زعلان غير متواجد حالياً
    رقم العضوية : 258
    تاريخ التسجيل : Sep 2006
    المشاركات : 10,827

    افتراضي

    ممكن تبعتولنا شوية كحك ليلة العيد وشكرا

  7. #7
    An Oasis Pioneer
    الصورة الرمزية masreya
    الحالة : masreya غير متواجد حالياً
    رقم العضوية : 87
    تاريخ التسجيل : Apr 2006
    المشاركات : 7,683

    افتراضي

    بسكوت بالعجوة
    او باسمه العروف كعب غزال....

    مقاديره:

    من 4 الى 5 كوب دقيق

    2 بيضة

    كوب الا ربع زبدة

    واحد كوب سكر بودر

    نص كوب لبن دافى

    فانلا_باكنج بادور

    الطريقة:

    كما فى البتى فور اخفقى لزبده جيدا ثم اضيفى لها السكر واخفقى حتى تتحول للون الابيض

    اخفقى البيض والفانيلا ثم اضيفيه على الخليط السابق( لو عاوزاها تكون طرية جدا ضيفى الصفار فقط)

    ضيفى الدقيق المضاف له الباكنج بادور تدريجى الى ان تتكون عجينة متماسكة ثم ابدئى فى اضافة اللبن الدافىء حتى تتكون عجينة طرية ملساء قابلة للتشكيل

    افردى العجينه بالنشابه على شكل مستطيل وضعى بداخلها حشو التمرثم لفى اسطوانة الشكل محشوة بالعجوة

    وقطعيها بالورب اما بفتلة او سكين حامى

    ادهينى الوجه بالبيض المخفوق جيدا وادخليها فرن حار وسريع ...


    محلوظة:

    لعمل الحشوة اخلطى 2 ملعقة زبدة مع البلح المنزوع النوى واخلطيه على نار هادئة حتى تتكون منه عجينة سهلة التشكيل لتضعيها حشو بداخل العجينة .....

    كما يمكنك اضافة السمسم المحمص على الوجه بعد دهنه بالبيض المخفوق

    وبالف هنا

    وعيد سعيد عليكم جميعا


  8. #8
    An Oasis Pioneer
    الصورة الرمزية masreya
    الحالة : masreya غير متواجد حالياً
    رقم العضوية : 87
    تاريخ التسجيل : Apr 2006
    المشاركات : 7,683

    افتراضي

    اقتباس المشاركة الأصلية كتبت بواسطة زعلان مشاهدة المشاركة
    ممكن تبعتولنا شوية كحك ليلة العيد وشكرا

    ممكن بالطبع اخى الكريم

    لو ده يخليك تغير اسمك وتبقى فرحان

    يارب عيدك سعيد

  9. #9
    An Oasis Pioneer
    الصورة الرمزية alnoobi
    الحالة : alnoobi غير متواجد حالياً
    رقم العضوية : 79
    تاريخ التسجيل : Apr 2006
    الدولة : فوق شقة المجنى عليها عنايات أبوسنه
    العمل : كائد تابية
    المشاركات : 9,626

    افتراضي

    كل سنة و سكان الواحة المصرية بألف خير
    الجيل الحالي ما يعرفش قد إيه كنا بنستنى أواخر أيام رمضان علشان مهرجان عمايل الكحك .
    النهاردة الكميات اللي بتتعمل صغيرة جدا مقارنة بالكميات اللي كانت بتتعمل زمان .. دة غير مافيه ستات بقت بتستسهل و تشتري من السوق و بدل ما كانت الست زمان تتباهى بكحكها و ريحتة بقت النهاردة تستعرض شطارتها : " قويدر إيه .. دة البتي فور بتاع بسكو مصر مالوش حل ولا الكحك بتاعه "
    زمان كانت الست لما تيجي تعمل الكحك كنتي تلاقي عندها اتنين تلاتة من جاراتها بيساعدوها (الكميات كانت تجارية) و ما كانش فيه فرن البوتاجاز بتاع البيت و لو كان فيه ما كانش هيسعف .. كانت الستات تأجر صاجات من الفرن (اللي بيخبزوا فيها العيش الفينو) و يستفوا الصاجات و يعلموها بالطباشير علشان ما تتلخبطش مع صاجات تانية ... أيامها كان الكحك و البسكويت يتشون في سلال .
    أجمل ذكرياتي عن هذه الأيام عندما كنا نقف في الشارع و نتحين الفرص لإصطياد حبات من الكحك و البسكويت من الصاجات المحمولة فوق رؤس البنات اللي راجعة من الفرن .. كحك طازة و سخن
    كل سنة و انتوا طيبين
    صباح الخير علي الورد اللي فتح في جناين مصر
    صباح العندليب يشدي بألحان السبوع يا مصر

    صباح الدايه واللفه..... ورش الملح في الزفه

    صباح يطلع بأعلامنا من القلعه لباب النصر


  10. #10
    An Oasis Pioneer
    الصورة الرمزية Farida
    الحالة : Farida غير متواجد حالياً
    رقم العضوية : 41
    تاريخ التسجيل : Apr 2006
    المشاركات : 5,898

    افتراضي

    تسلم ايدك يا مصرية بجد حاجه تجنن لكن مين له نفس و مجهود يعمل لكن ممكن اجرب فى اليسكوت و البتى فور ....................
    تعرف يانوبى ايام الكحك دى كانت ايام كان الجيران يتجمعوا كلهم عندنا و يبتدوا يعملوا الكحك مع امى ربنا يديها الصحه و انا اللى كنت باشرف على مرواح الصاجات للفرن و اكتب الأسامى عليها و ياما امى قضت ايام بكاء و حزن لما الكحك يتحرق ولا لما الصاجات تتبدل و نقعد نلف على كحكنا من كحك غيرنا ......يانهار دى كانت ايام بجد فكرتونا بالذى مضى
    * اللهم انى اشكو اليك ضعف قوتى و قلة حيلتى و هوانى على الناس
    * اللهم و لى امورنا خيارنا و لا تول امورنا شرارنا
    * الساكت عن الحق شيطان أخرس
    * الشعوب تستحق حكامها

    *"وعباد الرحمن الذين يمشون على الارض هونا واذا خاطبهم الجاهلون قالوا سلاما " صدق الله العظيم

صفحة 1 من 5 123 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •