لعبة طريق الحرير

[Karim]

طبعا ده سفه و عبط و هبل كمان

المفروض الواحد يلعب علشان يتسلى

و كمان خد بالك فى جماعه بيجيبوا برامج تلعب لهم

مافيش حد سأل نفسه فيهم ..... طيب أنا بلعب ليه بأه

المهم

قولتلى النت اللى اسمه فالكون فين بالظبط

هو فعلا هبل وعبط وسفة كمان يا استاذ ماجد . لكن مش عارف اللعبة سيطرت عليهم بدرجة غريبة .
اما بالنسبة لمكان النت اللي اسمة فالكون فا للاسف هو بعيد كل البعد عن تفكيركم في القاهرة لانة متواجد في مدينة طنطا . انت تعالي بس يا استاذ ماجد ومتحملش هم اي حاجة كفاية بس ان طنطا هتنور .

[Karim]

اظن فالكون ده في الهرم

جت منك اوت دي يا مدام توتا

[Karim]

ياحاج الديب مني هديه بس اشوفك بس
اتلم عليك في اللعبه .. عاوزين نظبط يوم نلعب فيه مع بعض..
قولي طلعت بتجاره ولا لسه..؟
بالنسبه شحن السيلك عشان الارنب الحمد لله انا راجل لسه بصحتي وبمد ايدي على الارض اجيب الحاجات اللي بتقع..
والمصريين الوقتي بيصرفوا فلوس كتير جدا على السيلك.. ودا مكسب اللعبه وقال ايه مجانيه..
ما تخلي ابنك ياتوتا يظبطني انا و الحج ماجد اهو نستفيد منك بحاجه

انا بقي عندي سؤال . هو السلك دا مش ممكن الواحد يجمعوا وهو بيلعب في اللعبة ولا انا غلطان ولو مش ممكن ما كدا لو في حد محتاجة بيجبروة انة يشترية بس اعتقد انة ممكن يتجمع في اللعب ؟ صح ولا انا مو صح؟

[mask_sameh]

مو صح
السيلك يأتي بنقود حقيقيه فقط

[Karim]

مو صح
السيلك يأتي بنقود حقيقيه فقط

طب يا تري السيلك دا مهم في اللعبة ولا هو بس عشان يجيب ارنب وبتاع بيطير والحاجات الكماليات دي ؟

[mask_sameh]

لا هيه كماليات .. يعني انا بلعب من غير سيلك والدنيا ماشيه عادي..
ولو ان عاوز اخف شويه عشان اوفر وقت للدراسه الحره

[Karim]

لا هيه كماليات .. يعني انا بلعب من غير سيلك والدنيا ماشيه عادي..
ولو ان عاوز اخف شويه عشان اوفر وقت للدراسه الحره

يبقي فعلا الناس دي اللعبة كلت دماغهم ووصلت لمرحلة صعبة جدا من الهبل والجنان باللعبة

[ماجد]

لا أزال ألعب هذه اللعبه

و قد أغرمت بها ..... و أوقات كتير اقعد أفكر فيها

و بالأسس الفلسفيه الموجودة بها .... أو التى تفرعت عنها

و لا شك فى أن من ابتدعوها هم من أصحاب الفكر النير و اللامع .

انا فى المستوى 26 دلوقتى .... بس ماشى على مهلى خالص

و لا يزال عندى أسئله حول الشخصيه التى العب بها

من حيث تطويرها و تنميتها و أحسن لبس ليها و أحسن سلاح كمان

لعبه عبقريه فعلا

فينك ياماسك سامح

[ماجد]

كمثال على الأسئله

الشخصيه هايبر بالأساس ... يعنى Str , Int متقاربين لحد ما

و اللبس بتاعها معظمه Garment ماعدا القميص فهو Armor

و السلاح أما Sword Sos أو Spear

فماذا أستطيع فعله لتطوير هذه الشخصيه ... سواء من تغيير اللبس أو تغيير السلاح و تنمية مهاراته Skills

[mask_sameh]

وحشتني ياحاج ماجد..

اولا احرص تماما ان انا وانت منجتمعش في اجتماع واحه مع بعض (:sad: ) لان الاكيد ان عم نوبي ممكن يخبطي بطفايه السجاير او يسبونا ويروحوا قهوه تانيه لو اتفتحت سيره اللعبه وقعدنا نحكي

* مبدئيا armor هوه اللي ينفع يتلبس مع protector في نفس الوقت
لكن ال garment مش بيتلبس الا لوحده

* انا منصحكش تكمل بالشخصيه دي .. الشخصيه دي كحال اول شخصيه بالظبط زي اول حب مش هوه اللي بيكمل معاك .. لكن هوه اللي بيعلمك ويجمد قلبك وكده .

* فانت الوقتي عرفت انواع الشخصيات صيني واوروبي وانصحك بالصيني لانه الاساس وفهمناه
* وعرفت انواع build وهوه int , str و hybird وانصحك في شخصيك الجديده انك تعملها str
قلتلي ليه
اقولك ليه

str
* قوي جدا وبيستحمل ومش بيموت بسرعه
* شخصيته مش بتحتاج مصاريف كتير على اللبس و potions hp or mp يعني الدم والطاقه
* " انا int بصرف متوسط 350000 على الدم والطاقه في كل طلعة صيد "
* مش بتتزنق لعمل فارم زي الشخصيات التانيه.. اه بتحتاج فارم لكن مش بنفس الالحاح


* طيب ملحوظه هاتقولي الشخصيه دي تعبت فيها ومعاك فلوس وممكن ديب و هدوم وسلاح كل دا هيروح فين

اقولك
انت ليك سبع شخصيات على نفس الاكاونت تقدر تعملهم و المخزن بيبقه مشترك
فالفلوس وكل حاجه ينفع تستفيد بيها
بس ايه ياعمنا من اولها كده لقيت سوس دا انا لسه معملتهاش

* طيب فرضا انت مش هاتعمل شخصيه جديده وعاوز تستمر على شخصيتك فالاجابه على اسئلتك هتكون كالتالي


انت عارف ان الشخصيه البيور هيه اللي ليها قوانين في اللبس و السلاح
* يعني الانت بيلعب بسبير او سورد عشان الماجك بتاعهم اعلى وبيلبس جارمنت عشان الماجيكال البالانس بتاعه يزيد فقوته تزيد اكتر وبفتح اسكلز السحر سواء لايت او كولد او فاير بيفتح غالبا اتنين منهم لكن مش بيفتح سكلز اسلحه ودا العرف السائد مش قوانين اللعبه .. اللعبه بتيح ليك تعمل اي حاجه بحيث يبقه فيه تنوع في الشخصيات وفي الغالب فيه توازن محسوب
* الاسترنس بيلعب ببليد او جليف عشان الفيزكال تاك بتاعهم اعلى وبيلبس ارمور او بروتكتور او تشكيله بينهم فيزيد الفيزكال بالانس بتاعه فقوته تزيد وغالبا بيفتح اسكلز السلاح اللي بيلعب بيه واكسلز سحر معاه وبرضه دا العرف مش قانون
-- فيه ناس بيور وبيلعبوا ب قوس و وبيعكسوا في اللبس يعني الانت يلبس ارمور عشان يتحمل الضربات الفيزكال و الاسترنس بيلبس جارمنت عشان يتحمل الماجيكال

* الهايبرد تلت انوع
هايبرد انت
هايبرد استرنس
وهايبرد متكافئ اللي هوه حسب ما فهمت منك بيمثل شخصيتك
انا قلتلك قبل كده ان الهايبرد مش متبع في مصر خالص
الاجانب بس هما اللي بيلعبوا بيه لانهم فاهمينه كويس وبيطلعوا بيه نتائج كويسه
انت بالنسبه ليك استقر على نوع لبس واحد وعلى سلاح معين وركز في فتح اتنين اسكلز يعني مثلا لو هاتلعب بسورد افتح الاسورد وافتح معاه الفاير وكمل معاهم وانت بما انك هايبرد فمش ملزم بلبس معين او سلاح معين يعني اختار اللي يعجبك لان شخصيتك وسط تقبل دا وتقبل دا..

***** ياترى شفت التطوير الجديد اللي في اللعبه بتاع الحروب .. بقا فيه جايلد بتمسك المنطقه اللي تحت جنجان وبتاخد ضرايب على كل حاجه حتى تلاحظ ان الترانسبورت من جنجان بقا ب 6000 الالف الزياده ضرايب
وكل مده هايتفتح باب الحرب بين الجايلدات والجايلد دي واللي يغلب يسيطر على فرض الضرائب وهكذا ..

*** ال event خلص بعد ما كان كل الناس ماشيه تلم شربات سنتا كلو رجع للعب العادي.

انت اكيد زهقت من القراءه .. خد الموقع دا اقراه
بصراحه موقع جميل جدا جدا
http://www.silkroad-online.gr/