اقتباس المشاركة الأصلية كتبت بواسطة Farida مشاهدة المشاركة
لا اقترح ان تضم مكتبه الواحه هذه الروايه باللى فيها ......انا قرأت اجزاء منها فى الدستور و صدمت و انزعجت و فى الأخر قرفت ثم حزنت ليه لأن علاء الأسوانى كاتب موهوب و مش لاقيه اى سبب او عذر له انه بقدم فى الروايه كل هذا الجنس و بشكل صادم و غير مبرر من وجهة نظرى لو شال المشاهد اياها فى رأيي حاتبقى روايه هايله تصوير مشاعر المغتربين و شخصياتهم رائعه الا البورنو ده اللى فى الروايه تغور الروايه باللى فيها


تحياتي يا مدام فريده فقد عبرتي عما يجوش بداخلي((يجوش...؟ ايه الكلام الكبير اللي أنا بقوله ده:wacko:))


حوارات ظابط امن الدوله__كان اسمه ف الروايه صلاح رشوان تقريبا___ مع طه الشاذلي .....واقعيه الي حد كبير

وبالنسبه لحاتم رشيد __أكثر الشخصيات اثاره للجدل ف الروايه__ متهيألي ان علاء الاسواني صنع حاله من التعاطف مع شخصيه لا تستحق التعاطف((وده يحسب ليه ككاتب)) ولكن طبعا يؤخذ عليه المبالغه ف التفاصيل

وكمان الحوارات الرائعه وطريقه السرد الجميله ف حوارات كمال الشاذلي__اصدي كمال الفولي__
وطريقه عرض علاء الاسواني للحوارات دي تحسسك بجد ان علاء الاسواني كان معاهم ف المطعم او عند ياسر ابن الفولي بس متهألي حته انهم راحو للكبير((اوفر شويه)) وانتو أكيد عارفين ليه....

أما شيكاجو بالرغم ان فكرتها جميله بس للأسف علاء الاسواني صاغ تفاصيها
((صاغ:wacko:...........................بردو بقول كلام كبير:cry2:))

بطريقه اشبه لروايات البورنو المقززه وبكده الروايه خرجت عن مسارها والهدف اللي عايزاه

أنا مقرتش الروايه بس بحكم عليها من خلال اللي اتنشر ف الدستور __الاعداد دي اتخلصت منها لان فيهم الجزء المنشور ده__ أنا اساسا كنت مكسوف جدا ونا بقرا القذاره اللي كاتبها ف الروايه

علاء الاسواني __ف رأيي المتواضع__ انه حب الشهره اكثر من المدح النقدي

وده اللي حسه هو شخصيا من خلال الضجه اللي اثارتها شخصيه حاتم رشيد___مع ان اللي كان المفروض يثير ضجه هو تعذيب طه الشاذلي لدرجه تدفعه انه يكون ارهابي في تلميح ان الدوله هي السبب من الاساس__

عشان كده هو زود الجرعه ف (شيكاجو) عشان ياخد شهره ويبقي حديث الناس

بس يا ريت علاء الاسواني يفتكر انه((اذا زاد الشيء عن حده انقلب الي ضده))



مع خالص تحياتي