صفحة 10 من 16 الأولىالأولى ... 89101112 ... الأخيرةالأخيرة
النتائج 91 إلى 100 من 158

الموضوع: الخفايا المبهمه و دليل نجوم الرمرمه, فاست فود بعطشى !!!

  1. #91
    An Oasis Citizen
    الصورة الرمزية tafshan
    الحالة : tafshan غير متواجد حالياً
    رقم العضوية : 63
    تاريخ التسجيل : Apr 2006
    المشاركات : 756

    افتراضي

    كشري ...

    اول وجبه خارج المنزل تناولتها كانت وجبة الكشرى .. كالعادة كانت تحزيرات الاهل حائلاً قوياً امام التجربة الى ان استجمعت شجاعتى و طلبت من جاري الاكبر منى سناً - كنت في الصف الاول الاعدادى - و ذهبنا الى "ابوعلى" امام مستشفى الرمد في الجيزة .. كان محلاً جديداً و مازالت كراسيه و طاولاته و اطباقه المعدنية جديدة و لامعة مما شجعنا على المخاطرة ...

    جلسنا على الطاولة و طلبنا اغلى طبق كشري - بجنيه واحد ! - و جاء الطبق الضخم و عليه طبقاً صغيراً به مادة زيتية حمراء قاتمة لم نجرؤ ان نسأل ما هى و قررنا ان نذوقها ... و اذ بها شيئاً من جهنم !!! شطة حارقة ملتهبة حرقت لسانى فوراً و اضطررت ان اطفئها بثلاث او اربعة ملاعق من الكشرى ... عندها رأيت لافته موضوعة على كل طاولة مكتوب عليها " احترس من الشطة " . و بعد ان انطفئت النار بدأنا تناول الكشري بأضافة مسحة بسيطة من الشطة و قليل من الدقة و طلبت انا بدورى طبق "ورد" (بصل محمر) و طبق "عدس" ...و اكتشفت ان مذاق الكشرى يختلف تماماً عما عهدت في بيتي و اصبح "الكشرى" جزءً من الفسحة كلما خرجت مع صديقى .

    محلات الكشرى هي الاكثر شيوعاً في الشارع المصري .. و بالرغم من ان كل محل له مذاقه الخاص الى ان اغلبهم يقدم هذه الوجبه ببراعة ... اشهر المحلات في وسط البلد مثل جحا و لوكس و غيرهم .. و هى محلات قديمة جداً كانت تقدم احلى وجبات الكشرى و لكن مع الزمن بدأ مستواها يقل .. حكى لي ابي ذات يوم عن زكريات شبابه مع الكشرى و زياراته لجحا و كيف كان طابور السائحون يتزاخم على المحل لمشاهدة الطباخ و هو يقذف بالمكونات عالياً بالمغرفة من ارز و مكرونه و عدس لتطير في الهواء و تنزل في الطبق ببراعة و بميزان حساس لا يخطئ و كأنه يقول لي "هو انتم شفتوا كشري !! " و مع ذلك لم يثنى هذا من عزمى و كتمت حسرتى و صمت !

    كشري التحرير او KT كما يطلق عليه الشباب الروش من ارباب النوادى و الجامعة الامريكية على غرار KFC "كنتاكى " السلسلة الامريكية الشهيرة ساهم في احداث نقلة نوعية في تاريخ الكشرى حيث قدم نفس الوجبة الرائعة و لكن في مكان اكثر حداثة مما شجع فئات اكبر من المصريين على تناول الكشرى ... اما اعجب محلات الكشرى فهو " كشرى السنى" و هو محل صغير يقدم احلى كشرى من الممكن ان تتزوقه و مكانه بالقرب من سوق السمك في الجيزة .. هذا المحل يفتح فقط بعد صلاة الفجر و يغلق مع الشروق و قد باع ما لا يستطيع ان يبيعه اي محل مماثل طول اليوم ... اكلت عنده مرة واحدة فقط لن انساها ... و لا ادري ان كان لازال يعمل ام لا

    و للحديث بقية ...

  2. #92
    An Oasis Citizen
    الصورة الرمزية tafshan
    الحالة : tafshan غير متواجد حالياً
    رقم العضوية : 63
    تاريخ التسجيل : Apr 2006
    المشاركات : 756

    افتراضي

    اقتباس المشاركة الأصلية كتبت بواسطة ragab
    ممكن الرمرمة
    مرة كل فترة مافيش مانع لإكتساب مناعة
    يعنى كل اسبوعين تلاتة
    بنجيب طرب وكفتة وكباب من مطعم نضيف
    وأحيانا ساندويتشات وناكل فى البيت حاجة زى تغيير
    وخاصة الطرب العيال غاوياه لأن صعب عمله فى البيت
    والعيال غاويين للأسف هوم دليفرى وخاصة البيتزا

    ولما كنا طلبة
    كان فيه مطاعم فى التوفيقية بوسط البلد
    خطيرة فى ساندويتشات البيض بالبسطرمة والسجق
    تاكل منها ماتشبعش
    مش عارف مازالت موجودة والا قفلت
    الرمرمة تحلى مع لمة الصحاب .. و عشان كده بتقل كل شوية :(

    على فكرة محلات التوفيقية لسه زي ما هى

    (عقلى الباطن : و بيقول ما لوش في الرمرمة )

  3. #93
    An Oasis Citizen
    الصورة الرمزية tafshan
    الحالة : tafshan غير متواجد حالياً
    رقم العضوية : 63
    تاريخ التسجيل : Apr 2006
    المشاركات : 756

    افتراضي

    اقتباس المشاركة الأصلية كتبت بواسطة Hammer


    اللي في باب الشعرية إسمه وادي النيل و هو فعلاً من المتميزين في الكبدة والمخ و ليه فرعين تانيين في نفس الشارع واحد أسماك و جمبري و التاني فول و طعمية .

    و كمان في سلطان أبو العلا معروف جداً في بولاق أبو العلا علي شارع 26 يوليو ... و كمان في سعيد في شارع محمد علي في القلعة .... كلهم تمام التمام

    جربته و مميز فعلاً ..

    في كمان البرنس اللى في امبابه و ده متنوع المواهب وبيعمل كل حاجه تتخيلها تقريباًَ بس يصنف بتاع كبده بانيه

  4. #94
    An Oasis Citizen
    الصورة الرمزية tafshan
    الحالة : tafshan غير متواجد حالياً
    رقم العضوية : 63
    تاريخ التسجيل : Apr 2006
    المشاركات : 756

    افتراضي

    اقتباس المشاركة الأصلية كتبت بواسطة Disappointed
    .

    و إنت واقف عنده إضرب بعينك على الناحية الثانية من الشارع حتلاقى ميييييين؟؟؟

    الطوخى بتاع الفطير و البيتزا البلدى بالسجق......و بعده بــ200 متر على نفس الصف "الأمور" بتاع الفطير و البيتزا البلدى (تقولش فولة و إتقسمت نصين...نفس الطعم و الشطشطة بالمللى)
    .

    انا جربت الامور :)

    بيعمل سلطة بطاطس هايلة ...

    على فكرة في واحد بتاع زبادى في نفس الشارع بيبيع الزبادى في اوانى فخار : جامد جداً

  5. #95
    An Oasis Citizen
    الصورة الرمزية tafshan
    الحالة : tafshan غير متواجد حالياً
    رقم العضوية : 63
    تاريخ التسجيل : Apr 2006
    المشاركات : 756

    افتراضي

    اقتباس المشاركة الأصلية كتبت بواسطة الأميرأمير
    ولا حواوشي التوفيقيه واللي مش موجود في أي مكان تاني فيكي يا مصر بنفس (المستوى المتدني لأكل الشارع )
    اللي ريحته تخليك تفقع رغيفين تلاته وتمسح إيدك ف الجرنال اللي جاي بيه الرغيف ويا عيني على الدهن اللي يفضل عالق ف حلق الفم ساعات ورا ساعات لا يمحيه سباتس ولا كولا ولا مية نار .مع بقايا المخلل والطرشي اللي أحياناً كتير كانت بتجيلك نص زتونيايه ف وسط الخيار المخلل .
    وهو فيه أحسن من الرمرمه

    انت تقصد شلبى اللى في ميدان التوفيقية ؟؟

    لأ في واحد احلى منه

    في التوفيقية برضو : شارع الاسعاف امام سنترال الاسعاف في شارع ضيق .. على اليمين في "حواوشى" و ده اسم صاحب المحل و هو من اخترع هذه الوجبه :)

    فعلاً ما فيش حد بيعملها زيه

  6. #96
    عضو طاقم ضيافة الواحة المصريّة
    الصورة الرمزية Oasis Host 2
    الحالة : Oasis Host 2 غير متواجد حالياً
    رقم العضوية : 10
    تاريخ التسجيل : Apr 2006
    المشاركات : 1,557

    افتراضي

    في التوفيقية برضو : شارع الاسعاف امام سنترال الاسعاف في شارع ضيق .. على اليمين في "حواوشى" و ده اسم صاحب المحل و هو من اخترع هذه الوجبه

    فعلاً ما فيش حد بيعملها زيه
    يا اخ طفشان هذا المحل الذى تقصده لم يعد له وجود على ارض الواقع, كان اسوأ مافى هذا المحل انك مضظر للاكل وصور لاعبى الاهلى تلاحقك فى كل مكان حاجة تسد النفس.

    للمرة الثانية تكرر هذه المعلومة مما يستوجب ان تراجع معلوماتك قبل ان تطفش.

  7. #97
    An Oasis Citizen
    الصورة الرمزية nhro
    الحالة : nhro غير متواجد حالياً
    رقم العضوية : 35
    تاريخ التسجيل : Apr 2006
    المشاركات : 1,007

    افتراضي

    اقتباس المشاركة الأصلية كتبت بواسطة Oasis Host 3
    كان اسوأ مافى هذا المحل انك مضظر للاكل وصور لاعبى الاهلى تلاحقك فى كل مكان حاجة تسد النفس.

    .
    حاسب... قف ....انتظر

    ماله الأهلى ...وحش... كخة...مينفعش خلاص .. الله يرحم كنا بنشوف نوادى بيسموها منفسه كانت بتأجر اللعيبه
    كلمة السر(خلتى بتسلم عليكى)

  8. #98
    An Oasis Pioneer
    الصورة الرمزية Hammer
    الحالة : Hammer غير متواجد حالياً
    رقم العضوية : 27
    تاريخ التسجيل : Apr 2006
    المشاركات : 9,488

    افتراضي

    اقتباس المشاركة الأصلية كتبت بواسطة Oasis Host 3
    كان اسوأ مافى هذا المحل انك مضظر للاكل وصور لاعبى الاهلى تلاحقك فى كل مكان حاجة تسد النفس.

    .
    تعالالي هنا ....

    يا بشر.... يا هو ... يا مجتمع

    إمسكوا الراجل ده معايا

    قفشتك يا محبط ... و إنت متخفي في زي ال Oasis Host 3 علشان تقول علي لعيبة الأهلي قرف و تنال من نادي المبادئ ؟؟

    يا حلو بانت لبتك
    .

    Our life is what our thoughts make it

  9. #99
    An Oasis Pioneer
    الصورة الرمزية Hammer
    الحالة : Hammer غير متواجد حالياً
    رقم العضوية : 27
    تاريخ التسجيل : Apr 2006
    المشاركات : 9,488

    افتراضي

    اقتباس المشاركة الأصلية كتبت بواسطة tafshan
    كشري ...

    ما ليش تقل قوي علي الكشري الحقيقة لا برة البيت و لا جوة البيت ... و مع ذلك ساعات كل حين و مين تطلب طبق كدة علي الماشي .

    و إذا كنا ح نتكلم عن الكشري ... فالأول بلا منازع هو " أبو طارق " في معروف .. و اللي كنت بأشوفه منذ الصغر بس أيام ما كان علي عربية علي نفس ناصية محله الحالي .... و كانت معظم زبائنه من الصنايعية العاملين في ورش معروف المختلفة ..... دلوقتي بسم الله ما شاء الله ... محل دورين مكيف و موقع علي الإنترنت و موجود في الدليل السياحي اللي بييجي مع السياح زيه زي فلفلة .

    و كمان في حلاوة زمان في أول فيصل و ده بالضرب و قليط قوي اللاست أوردر عنده الساعة 4,30 العصر و متميز جداً في الصلصة بتاعته .

  10. #100
    An Oasis Citizen
    الصورة الرمزية nhro
    الحالة : nhro غير متواجد حالياً
    رقم العضوية : 35
    تاريخ التسجيل : Apr 2006
    المشاركات : 1,007

    افتراضي

    مكرر........................

صفحة 10 من 16 الأولىالأولى ... 89101112 ... الأخيرةالأخيرة

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •