صفحة 9 من 16 الأولىالأولى ... 7891011 ... الأخيرةالأخيرة
النتائج 81 إلى 90 من 158

الموضوع: الخفايا المبهمه و دليل نجوم الرمرمه, فاست فود بعطشى !!!

  1. #81
    An Oasis Pioneer
    الصورة الرمزية masreya
    الحالة : masreya غير متواجد حالياً
    رقم العضوية : 87
    تاريخ التسجيل : Apr 2006
    المشاركات : 7,683

    افتراضي

    قدورة بتاع السمك في اسكندرية رحت له على الشهرة، بس بصراحة انا مش عارف ازاي واحد بكل هذه الشهرة مخلي المحل بتاعه بهذه الرائحة الغريبة، إضافة إلى ان المحل عبارة عن مجمع بيوت قديمة، يعني حتى مش راضي بينيه بناء فاخر يتناسب مع سمعة المحل.
    ومع ذلك لا يمكن انكر ان احلى بوري موجود عنده.
    اتذكر احلى سمك بحرى اكلته فى حياتى كلها فى اسكندريه

    عند واحد فى بحرى اظنه كان يونانى اسمه زفريون !!!!

    يا ترى زفريون لسه موجود؟؟؟

    السمك رائع تنقى السمكه صاحيه وفريش وتروح بنفسك تحدد عاوزها ايه؟؟؟

    واظنهم كمان كانوا بيستخدموا زيت السيرج فى قلى السمك

    موش تقولوا لى جحش ووحش ونتانه وزفاره
    :sad:

    انا روحت لقدروه ده عباره عن مكان بين عمارتين فى مكان شعبى جدا والمنظر لا يسر عدو ولا حبيب ولا مستوى النضافه الادنى موجوزد

    المهم انه كان غالى جدا على ايه موش فاهمه!!!!

    الظاهر الموضه دلوقتى النتانه وانا اللى بقيت موضه قديمه


    اتذكر كمان ايام الجامعه عم عبده بتاع الفول طبعا الفول مافيش اجمل منه من الشارع بس والله كان نضيف جدا

    والطعميه كانت مقرمشه دلوقتى محدش بيعمل طعميه مقرمشه كلها مزيته ومعجنه وزى اكنها hojvhu صعب تنفيذه!!!:cry2:

    كمان كان فى مكان مشهور جدا بيتغدو فى الطلبه اسمه لقمه للاسف مش موجود النهارده

    كنا بناكل كفتة داوود باشا بالارز وكانت رخيصه جدا

    ونطلع من لقمه نروح جوسى نشرب عصير كان مشهور بعصير جوز الهند الطبيعى!!!

    حد عنده فكره عن الاماكن دى ؟؟؟

  2. #82
    An Oasis Pioneer
    الصورة الرمزية toota
    الحالة : toota غير متواجد حالياً
    رقم العضوية : 52
    تاريخ التسجيل : Apr 2006
    المشاركات : 5,862

    افتراضي

    زفريون في ابوقير. ..............فعلا من احلى السمك الي ممكن ناكله في بحري كله
    Bla..bla..bla..


  3. #83
    An Oasis Pioneer
    الصورة الرمزية حازم الأمين
    الحالة : حازم الأمين غير متواجد حالياً
    رقم العضوية : 64
    تاريخ التسجيل : Apr 2006
    المشاركات : 10,554

    افتراضي

    موش تقولوا لى جحش ووحش ونتانه وزفاره

    انا روحت لقدروه ده عباره عن مكان بين عمارتين فى مكان شعبى جدا والمنظر لا يسر عدو ولا حبيب ولا مستوى النضافه الادنى موجوزد

    المهم انه كان غالى جدا على ايه موش فاهمه!!!!
    الموضوع اساسا عن الرمرمة
    وليس معنى هذا ان كل من يكتب مؤيد للرمرمة
    انا لما رحت عند قدورة كنت قاعد على اعصابي
    وكلامك عنه صحيحة مئة بالمئة

  4. #84
    An Oasis Citizen
    الصورة الرمزية tafshan
    الحالة : tafshan غير متواجد حالياً
    رقم العضوية : 63
    تاريخ التسجيل : Apr 2006
    المشاركات : 756

    افتراضي

    كبده و مخ و جمبري ...

    اختراع عبقرى هذه الوجبه ... شرائح محمرة من الكبده المغطاه بطبقة من الدقيق الابيض .. دقائق و تخرج من الزيت بنية اللون مقرمشة الاطراف لتختبئ داخل رغيف بلدى اسمر و تكتسي بقليل من الطحينه البيضاء ...

    اجمل ما يميز هذه المطاعم السلطة : سلطة الطحينه .. سلطة الكبده الحمراء بلسان العصفور .. السلطة الخضراء المختمرة .. و كئوس ال "وسكى" كما اعتدنا تسميتها - سامحنا الله - و هى ماء السلطة الخضراء المختمره بالشطة و عصارة الطماطم و البصل و الليمون و باقى الخضروات ..

    كان الاقرب "عجيبه" في المنيل : كنت اذهب اليه اسبوعياً تقريباً مع اصدقائى المنيلوية لأتناول سندوتشات الكبده و المخ ... و الطريف انه اشيع عنه انه يقدم مخ "كلاب " في المحل .. و كدت اصدق هذه المقوله حيث كان مذاقه مختلف فعلاً ! ... اما اصدقائى فكانوا يتناولون الجمبري و كان عجيباً حقاً : حيث كان دقيقاً جداً في الحجم لدرجة تثير الريبة ! .. و بعد انتهاء الوجبه نكمل الليله نتسكع في شارع عبد العزيز آل سعود .. و قد نختمها بأيس كريم من عند لارين او نكمل الرحلة الى جوكى او ماضى

    افضل من يقدم هذه الوجبه هو شاهر في وسك البلد .. و يتميز بنظافة المحل بشكل عام و الوجبات بشكل خاص حيث تشعر انك تتناول وجبه منزلية - و ربما يكون هذا عيبه ! - و لذلك فانا افضل "الشرقاوى " في ميت عقبه حيث يحتفظ بالمذاق "المحبش" لأكل الشارع

    و للحديث بقية ...

  5. #85
    عضو شرف الواحة المصرية
    الصورة الرمزية ragab
    الحالة : ragab غير متواجد حالياً
    رقم العضوية : 51
    تاريخ التسجيل : Apr 2006
    العمل : مدير الصحة العامة لإمارة الشارقة وملحقاتها سابقا
    المشاركات : 4,853

    افتراضي

    ممكن الرمرمة
    مرة كل فترة مافيش مانع لإكتساب مناعة
    يعنى كل اسبوعين تلاتة
    بنجيب طرب وكفتة وكباب من مطعم نضيف
    وأحيانا ساندويتشات وناكل فى البيت حاجة زى تغيير
    وخاصة الطرب العيال غاوياه لأن صعب عمله فى البيت
    والعيال غاويين للأسف هوم دليفرى وخاصة البيتزا

    ولما كنا طلبة
    كان فيه مطاعم فى التوفيقية بوسط البلد
    خطيرة فى ساندويتشات البيض بالبسطرمة والسجق
    تاكل منها ماتشبعش
    مش عارف مازالت موجودة والا قفلت

  6. #86
    An Oasis Pioneer
    الصورة الرمزية حازم الأمين
    الحالة : حازم الأمين غير متواجد حالياً
    رقم العضوية : 64
    تاريخ التسجيل : Apr 2006
    المشاركات : 10,554

    افتراضي

    اقتباس المشاركة الأصلية كتبت بواسطة tafshan
    كبده و مخ و جمبري ...

    اختراع عبقرى هذه الوجبه ... شرائح محمرة من الكبده المغطاه بطبقة من الدقيق الابيض .. دقائق و تخرج من الزيت بنية اللون مقرمشة الاطراف لتختبئ داخل رغيف بلدى اسمر و تكتسي بقليل من الطحينه البيضاء ...

    اجمل ما يميز هذه المطاعم السلطة : سلطة الطحينه .. سلطة الكبده الحمراء بلسان العصفور .. السلطة الخضراء المختمرة .. و كئوس ال "وسكى" كما اعتدنا تسميتها - سامحنا الله - و هى ماء السلطة الخضراء المختمره بالشطة و عصارة الطماطم و البصل و الليمون و باقى الخضروات ..

    كان الاقرب "عجيبه" في المنيل : كنت اذهب اليه اسبوعياً تقريباً مع اصدقائى المنيلوية لأتناول سندوتشات الكبده و المخ ... و الطريف انه اشيع عنه انه يقدم مخ "كلاب " في المحل .. و كدت اصدق هذه المقوله حيث كان مذاقه مختلف فعلاً ! ... اما اصدقائى فكانوا يتناولون الجمبري و كان عجيباً حقاً : حيث كان دقيقاً جداً في الحجم لدرجة تثير الريبة ! .. و بعد انتهاء الوجبه نكمل الليله نتسكع في شارع عبد العزيز آل سعود .. و قد نختمها بأيس كريم من عند لارين او نكمل الرحلة الى جوكى او ماضى

    افضل من يقدم هذه الوجبه هو شاهر في وسك البلد .. و يتميز بنظافة المحل بشكل عام و الوجبات بشكل خاص حيث تشعر انك تتناول وجبه منزلية - و ربما يكون هذا عيبه ! - و لذلك فانا افضل "الشرقاوى " في ميت عقبه حيث يحتفظ بالمذاق "المحبش" لأكل الشارع

    و للحديث بقية ...
    فيه كمان ابو طاهر في باب الشعرية
    والنيل في باب الشعرية برضه

  7. #87
    An Oasis Pioneer
    الصورة الرمزية Hammer
    الحالة : Hammer غير متواجد حالياً
    رقم العضوية : 27
    تاريخ التسجيل : Apr 2006
    المشاركات : 9,488

    افتراضي

    اقتباس المشاركة الأصلية كتبت بواسطة حازم الأمين
    فيه كمان ابو طاهر في باب الشعرية
    والنيل في باب الشعرية برضه
    اللي في باب الشعرية إسمه وادي النيل و هو فعلاً من المتميزين في الكبدة والمخ و ليه فرعين تانيين في نفس الشارع واحد أسماك و جمبري و التاني فول و طعمية .

    و كمان في سلطان أبو العلا معروف جداً في بولاق أبو العلا علي شارع 26 يوليو ... و كمان في سعيد في شارع محمد علي في القلعة .... كلهم تمام التمام
    .

    Our life is what our thoughts make it

  8. #88
    An Oasis Founder
    الصورة الرمزية Disappointed
    الحالة : Disappointed غير متواجد حالياً
    رقم العضوية : 2
    تاريخ التسجيل : Apr 2006
    المشاركات : 27,587

    افتراضي

    .


    اقتباس المشاركة الأصلية كتبت بواسطة Hammer


    اللي في باب الشعرية إسمه وادي النيل و هو فعلاً من المتميزين في الكبدة والمخ



    و إنت واقف عنده إضرب بعينك على الناحية الثانية من الشارع حتلاقى ميييييين؟؟؟

    الطوخى بتاع الفطير و البيتزا البلدى بالسجق......و بعده بــ200 متر على نفس الصف "الأمور" بتاع الفطير و البيتزا البلدى (تقولش فولة و إتقسمت نصين...نفس الطعم و الشطشطة بالمللى)




    .

  9. #89
    Banned
    الصورة الرمزية الأميرأمير
    الحالة : الأميرأمير غير متواجد حالياً
    رقم العضوية : 50
    تاريخ التسجيل : Apr 2006
    الدولة : Montreal QC Canada
    العمل : Trucking
    المشاركات : 9,714

    افتراضي

    ولا حواوشي التوفيقيه واللي مش موجود في أي مكان تاني فيكي يا مصر بنفس (المستوى المتدني لأكل الشارع )
    اللي ريحته تخليك تفقع رغيفين تلاته وتمسح إيدك ف الجرنال اللي جاي بيه الرغيف ويا عيني على الدهن اللي يفضل عالق ف حلق الفم ساعات ورا ساعات لا يمحيه سباتس ولا كولا ولا مية نار .مع بقايا المخلل والطرشي اللي أحياناً كتير كانت بتجيلك نص زتونيايه ف وسط الخيار المخلل .
    وهو فيه أحسن من الرمرمه

  10. #90
    Banned
    الصورة الرمزية الأميرأمير
    الحالة : الأميرأمير غير متواجد حالياً
    رقم العضوية : 50
    تاريخ التسجيل : Apr 2006
    الدولة : Montreal QC Canada
    العمل : Trucking
    المشاركات : 9,714

    افتراضي

    ولا موضة جروبي !!
    تدخل مع المدموازيل بتاعتك وإنتا بقه فارد طولك ويتأشرلها بإيدك تدخل قبلك منتا جنتل مان
    ويجيك المينيو كله غمز ولمز فرنساوي بس البالعربي تنتهي بيك الحال على شاي ساده وكيك
    لا الشاي طعمه شاي ولا سخن وكأنهم جايبينلك (مخصوص ) شاي دافي ولو جدع تقطع الجاتو بطرف المعلقه زي المفروض
    تلاقيك بتبص حواليك وعاوز تلقالك سكينه دبح علشان تفصل جزء من الصبه الأسمنتيه المسماه جاتوه
    ولغاية هنا والرمرمه تقف لأن ليها حدود !!
    مكنتش أتخيل أبداً إني أكون واحد من بتوع موضة الكشري ولا المكرونه في أكياس نايلون لل تك أواي
    مستحيل
    كنت أسيب طابور أصحابي الرمراميين جنب سبنما أوديون ف وسط البلد على محل المكرونه أم أكياس نايلون وأعدي لعربية الكبده وأطحنلي (كبدة شارع) كده كنت بأسميها زمان .أصل الوالده الله يمسيها بالخير ويديها الصحه مكانتش غاويه كبدة شارع وكانت دايماً بتعملها ف البيت
    بس كانت بتاكلها لوحدها وإحنا الولدين واحد ورا التاني
    طيب هزق أنا أشدلي كام كبده على سجق من عند فلان
    وفلان ده كان كتير قوي عندنا ف الضاهر
    كل أربعين خمسين متر تلاقي فلان بتاع الكبده وتقولش إسطمبه ف الطهم واللون والسعر ؟!!
    آل كشري ف كياس نايلون وهاتك يا نزهه ف وسط البلد والكيس ف إيد ومعلقه بلاستيك ف إيد آل

صفحة 9 من 16 الأولىالأولى ... 7891011 ... الأخيرةالأخيرة

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •