النتائج 1 إلى 8 من 8

الموضوع: حوار جنان,,,,,,, امير والاسكندرانى

  1. #1
    An Oasis Pioneer
    الصورة الرمزية الاسكندرانى
    الحالة : الاسكندرانى غير متواجد حالياً
    رقم العضوية : 203
    تاريخ التسجيل : Aug 2006
    المشاركات : 6,988

    افتراضي حوار جنان,,,,,,, امير والاسكندرانى

    من وحى موضوع العزيز محبط ,,,, المرزبة

    سوف اقوم بموضوع بينى و بين نفسى ,,,,,, شغل جنان اى شغل و خلاص


    لا تحسبن برقصها تعلو على اسيادها ..........فالاسود اسود و الكلاب كلاب

    عجباً على زمن ،، فيه القاهره تحترق .. ودمشق تدمر .. وبيروت تشتعل ..والخرطوم تقسم .. واليمن تنتهب .. وتونس تذبح .. وطرابلس تائهة .. وبغداد تتفجر .. والقدس تسرق وتهود .. و"تل أبيب" هادئة تعيش بسلام !!


    مصر
    جربت الهكسوس.. جربت الفرس.. جربت الرومان.. جربت التتار.. جربت الصليبييين..
    جربت العثمانيين.. جربت الفرنسيين.. جربت الإنجليز.. جربت الملكية.. جربت العسكر..
    ومكنش فاضل غير انها تجرب الإخوانجية عشان تبقى جربت كل انواع الفواحش



  2. #2
    An Oasis Pioneer
    الصورة الرمزية الاسكندرانى
    الحالة : الاسكندرانى غير متواجد حالياً
    رقم العضوية : 203
    تاريخ التسجيل : Aug 2006
    المشاركات : 6,988

    افتراضي طابور العيش


    امير ,, طابور العيش ؟؟ و الناس اللى مش لاقى تاكل
    الاسكندرانى يابنى انت بتصدق ؟ الموضوع كله ان قناة الجزيرة هى اللى كبرت الموضوع و حزب نشر الاحباط مصدق مسك فيها زيها بالظبط زى الدوشه اللى حصلت على اقسام الشرطه و على
    الظباط
    امير ,,,,,,,,,,, ايوه والله عندك حق
    الاسكندرانى ايوه يابنى انت مش فاكر الحوارات اللى حصلت بعد ما الشرطة مسكت البنت الصحفيه ديه
    و قناة الجزيرة نزلت بكام تقرير عن شرطة مصر علشان تشحن الشعب على الحكومة و تاخد حق
    البنت اللى اتمسكت ديه
    امير ,,,,,,,,,, يعنى انت عاوز تقول ان قناة زى الجزيرة دة بقت و اصبحت تتحكم فى افعال المصريين ؟؟؟
    الاسكندرانى ايوه يابنى ده شعب عاطفى و بيمشى بالاشارة
    امير ,,,,,,,,, طيب يا عم الفكاهنى ظباط الشرطه و عرفنا مصلحة قناة الجزيرة فيها ايه بقه مصلحتها فى
    موضوع طابور العيش؟؟؟
    الاسكندرانى يابنى هو طابور العيش جديد عليك ؟؟؟؟ قول بقه انك عمرك ما وقفت فى طابور عيش ؟؟؟؟
    امير ,,,,,,,,, ايوه صحيح ده و صغير كنت اروح اجيب العيش و استنى ساعات وليالى لحد ما اختراعت
    حوار الجنيه بتاع العيش افكه اربع ارباع و كل خمس دقائق ادخل اجيب خمسه
    الاسكندرانى صدقتنى بقه ؟؟؟؟ و شهد شاهد من اهلها افكرك تانى قولى مثلا انك عمرك ما دخلت على
    فرن و رحت قايل لتانى واحد فى الصف هاتلى عشرة معاك
    امير ,,,,,,,,, لا الصراحة حصل ,,, و كنت بقعد استنى لحد ما اجمع العشرين رغيف و اروح على بيتنا لحد
    ما اقنعت البواب ياخد هو نص جنيه كل يوم و يروح هو يجيب العيش كل يوم الصبح للبيت :)

    الاسكندرانى شوفت تستنتج ايه بقه ؟؟؟ مش لما اقولك حزب نشر الاحباط ما بيصدق يمسك فى حاجة
    و قناة الجزيرة مستهبله فيها و بتلعب بشعب مصر لعب عالى ضد الحكومة
    التعديل الأخير تم بواسطة الاسكندرانى ; 24-03-2008 الساعة 11:21 PM

  3. #3
    An Oasis Pioneer
    الصورة الرمزية الاسكندرانى
    الحالة : الاسكندرانى غير متواجد حالياً
    رقم العضوية : 203
    تاريخ التسجيل : Aug 2006
    المشاركات : 6,988

    افتراضي الغربه



    امير ,,,,,,,,, يعنى ايه غربة ؟؟؟؟؟
    الاسكندرانى هى ثقافات و عادات جديدة تفرض عليك ولا يوجد لك خيار غير تقبلها و يكون حزنك و ندمك على قبول تلك الثقافات و العادات بالاكراه هو احساسك بالغربة
    امير ,,,,,,, فى ناس بتقول الغربة غربة المكان و العادات ؟؟؟؟؟
    الاسكندرانى الغربة اشتياق لما كنت تفعله و اصبحت لا تقدر على فعله مرة اخرى و اكثر ما يحرك احساس الغربة فترات ذكريات المراهقة و الشباب
    امير ,,,,,,, المجتمع الجديد عليك له عامل اساسى فى شعورك بالغربة
    الاسكندرانى ان وجدت فى المجتمع الجديد اشخاص و اصدقاء مراحل عمرك قبل الهجرة قد لا تشعر بالغربة ولكن هذا مستحيل

  4. #4
    An Oasis Pioneer
    الصورة الرمزية الاسكندرانى
    الحالة : الاسكندرانى غير متواجد حالياً
    رقم العضوية : 203
    تاريخ التسجيل : Aug 2006
    المشاركات : 6,988

    افتراضي الجيش و العيش


    امير ,,,,,,,,,,, الحمد لله ازمة العيش فى طريقها للحل طالما مسكها الجيش
    الاسكندرانى ,, والله كويس الجيش مسكها دلوقتى ,,,,,, ثوانى بعد اذنك يا مير حعمل تليفون

    ترن ترن ترن ترن

    الاسكندرانى ,, الو ايةه يا محسن بيه الاسكندرانى مع حضرتك
    محسن بيه ,,,,, ايوه يا اسكندر عامل ايه ,,,,,, السمك بتاع المرة اللى فاتت كان مش قد كده
    الاسكندرانى ,, معليش يا بيه نعوضه المرة ديه بسمك برضه على حتتين كابوريا على كام استاكوزا يستهلوا فمك يابيه
    محسن بيه ,,, طيب ياسيدى سماح المرة ديه خير فى حاجه ؟؟؟؟
    الاسكندرانى ,,, ايوه والله يا بيه عندى الواد ابن اختى داخل الجيش عاوز مساعدتك معنا نوديه على قسم العيش البلدى او فرع الباتون ساليه او كرواسون الله يكرمك يا بيه
    محسن بيه ,,, سهلة خالص خاليه يعدى عليه بكرة فى البيت يجيب الحاجات اللى انت قولت عليها و بعدين نطلع على المنطقه سوا
    الاسكندرانى ماشى يا محسن بيه تشكر مع السلامة
    الاسكندرانى معلش يا امير اتاخرت عليك
    امير ,,,,,,,, لا ولا يهمك خير فى حاجه
    الاسكندرانى ,,, لا الحمد لله لقيت سكه للواد فى الجيش اهو على الاقل يطلع عارف حاجه بدل ما يطلع يقولنا الشويش مش عارف مين و العفاريت و الجن اللى فى الصحراء

  5. #5
    A Passerby
    الصورة الرمزية utopia
    الحالة : utopia غير متواجد حالياً
    رقم العضوية : 5330
    تاريخ التسجيل : Jun 2008
    الدولة : egypt
    العمل : accountant
    المشاركات : 51

    افتراضي

    السلام عليكم
    موضوع جميل جدا
    بس نصيحه متتكلمش كتير مع نفسك لحسن لا قدر الله يجرالك حاجة
    والله الموفق

    ربى هب لى فى الدنيا حسنة و فى الآخرة حسنة و قنى عذاب النار

  6. #6
    An Oasis Pioneer
    الصورة الرمزية الاسكندرانى
    الحالة : الاسكندرانى غير متواجد حالياً
    رقم العضوية : 203
    تاريخ التسجيل : Aug 2006
    المشاركات : 6,988

    افتراضي

    امير ... ايه يا عم الاسكندرانى
    الاسكندرانى ... ايه يا عم امير عاوز ايه ما تسبنى فى حالى انا مش ناقصك :wacko:
    امير ..... يالا بينا فى ايه ؟؟؟؟
    الاسكندرانى .... خلاص زهقت من مصريين الغربة
    امير .... يا ابنى كله عايش بدماغة بناءا على ثقافة و تربيه مش انت اللى حتغير 25 سنة او 50 سنة عاشهم مغترب مصرى فى بلده قبل ما تقبله فى الغربة

    الاسكندرانى ... عندك حق تعرف مشكلتى بجد العشم ,,,, بقابل اى مصرى بالاقى نفسى عشم و عشرة و تقبل سريع للشخص الواقف امامى على اقل تقدير بكون منتظر منه نفس الشعور يعنى يكون شعور متبادل على اقل تقدير

    امير ...... فيه فرق ولازم تحسب النقطة ديه
    صحابك اللى كانوا صحابك لما ترجع مش حيكونوا هما هما بالعكس زواجهم و مسوليتهم سوف يجعلهم اشخاص اخرون يا اسكندرانى انت بسبب غربتك عشت وحيد تتذكر ايام عشم الاصدقاء و فرحة الايام و قفلت على نقسك تلك الذكريات كل يوم تتذكرها و تجددها فى حين انهم فى معصرة الحياة المعتاده لهم تلك الايام التى تتذكرها انت بالساعات قد يتذكرونها هم لحظات او دقائق على اقصى تقدير


    الاسكندرانى .... يا عم انا بكلمك فى ايه و انت بتقولى اصحابى

    امير .... الموضوع وما فيه يا اسكندرانى ,,,, انك طلعت من مصر فى ريعان شبابك و ازهى ايامك و عملت بلوك للفترة ديه و فى اعتقادك انك لما بتشوف مصرى فى غربتك عقلك الباطن يقول بس هو ده الشخص اللى ممكن تاخده بديل لصديقك القديم لتعودوا معا لاحلى ايام ولكن الشخص الذى امامك له هدف اخر ...
    الاسكندرانى ..... كلكعها انت ..... ثم اساسا انت بتقول ايه ...... اخلع يا عم انا مش ناقصك

  7. #7
    An Oasis Pioneer
    الصورة الرمزية الاسكندرانى
    الحالة : الاسكندرانى غير متواجد حالياً
    رقم العضوية : 203
    تاريخ التسجيل : Aug 2006
    المشاركات : 6,988

    افتراضي



    امير... شفت يا معلم اسكندرانى اللى بتعمله الحكومة فى يوم زيارة اوباما لمصر نفس النسخة من فيلم زواج بقرار جمهورى بتاع هانى رمزى و اللى كان بيتريق على المحليات و الاحياء

    الاسكندرانى ... يا ابنى اقعد ساكت علشان انا لو انفتحت فيك انت حر

    امير ... بس علشان تشوف مدى نفاق الحكومة’ ورد و زرع و بياض علشان خاطر اوباما

    الاسكندرانى ,,, يعنى انت عاوز تفهمنى ان الحكومة لو صرفت مليارات علشان تروق البلد ده حيكون تصرف حكيم منها ؟؟

    امير ... بالطبع يا ابنى لما نكون فى مظهر حضارى طوال العام اليس كافيا ذلك

    الاسكندرانى .... طيب من الاخر كده اللى عنده قرد بيعرف يسلسله و الحكومة عارفة كويس ايه هو الشعب المصرى اللى سرق صناديق الزبالة فى اسكندرية و اللى بيسرق الكابلات من الشارع و غطاء المجارى ها يا امير اكمل ؟؟؟


    امير ... ايوه بس لو الحكومة عاودت الشعب على النظافة اكيد الشعب حيستجيب

    الاسكندرانى ... وهى مصر كانت ازى الاول و مين اللى عمل فيها كده مش ناسها و فهلوتهم
    مش شوارعها كانت اروربا و قصورها وووو
    عاوز تفهمنى ان الحكومة لو عملت بياض للمبانى تانى يوم مش هنلاقى اعلان ملصوق بالغراء لمعهد ايه ,,,,, او مركز ايه للكمبيوتر او اعلانات السادة المرشحين
    عاوز تفهمنى ان الحكومة لو سابت الزرع و الاصيص فى الشوارع حنلاقيها فى اماكنها كما وضعتها الحكومة ولا حنلاقيها برده فى نفس الشارع بس البلكونات ياراجل اقعد ساكت

    امير ... انت مالك يا اخى متحمل على الناس كده ليه
    الاسكندرانى ... و انت مالك يا اخى فاكر ان الحكومة هى بابا و هى ماما

  8. #8
    An Oasis Pioneer
    الصورة الرمزية SindBad
    الحالة : SindBad غير متواجد حالياً
    رقم العضوية : 174
    تاريخ التسجيل : Jul 2006
    الدولة : هوايا في وادي النيل
    العمل : مدرس ثانوي
    المشاركات : 8,862

    افتراضي

    المشاركة الأصلية كتبت بواسطة الاسكندرانى


    امير ,,,,,,,,,,, الحمد لله ازمة العيش فى طريقها للحل طالما مسكها الجيش
    الاسكندرانى ,, والله كويس الجيش مسكها دلوقتى ,,,,,, ثوانى بعد اذنك يا مير حعمل تليفون

    ترن ترن ترن ترن

    الاسكندرانى ,,الو ايةه يا محسن بيه الاسكندرانى مع حضرتك
    محسن بيه ,,,,,ايوه يا اسكندر عامل ايه ,,,,,, السمك بتاع المرة اللى فاتت كان مش قد كده
    الاسكندرانى ,, معليش يا بيه نعوضه المرة ديه بسمك برضه على حتتين كابوريا على كام استاكوزا يستهلوا فمك يابيه
    محسن بيه ,,,طيب ياسيدى سماح المرة ديه خير فى حاجه ؟؟؟؟
    الاسكندرانى ,,, ايوه والله يا بيه عندى الواد ابن اختى داخل الجيش عاوز مساعدتك معنا نوديه على قسم العيش البلدى او فرع الباتون ساليه او كرواسون الله يكرمك يا بيه
    محسن بيه ,,, سهلة خالص خاليه يعدى عليه بكرة فى البيت يجيب الحاجات اللى انت قولت عليها و بعدين نطلع على المنطقه سوا
    الاسكندرانى ماشى يا محسن بيه تشكر مع السلامة
    الاسكندرانى معلش يا امير اتاخرت عليك
    امير ,,,,,,,, لا ولا يهمك خير فى حاجه
    الاسكندرانى ,,, لا الحمد لله لقيت سكه للواد فى الجيش اهو على الاقل يطلع عارف حاجه بدل ما يطلع يقولنا الشويش مش عارف مين و العفاريت و الجن اللى فى الصحراء


    محسن بيه:
    أنت بتتريق على الجيش يا اسكندراني هبعتلك كتيبة شرطة عسكرية بقيادة الفنجري





    إنا لله وإنا إليه راحعون

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •