صفحة 3 من 453 الأولىالأولى 123451353103 ... الأخيرةالأخيرة
النتائج 21 إلى 30 من 4526

الموضوع: أي كلام ..

  1. #21
    An Oasis Resident
    الصورة الرمزية Smart
    الحالة : Smart غير متواجد حالياً
    رقم العضوية : 90
    تاريخ التسجيل : Apr 2006
    الدولة : USA
    المشاركات : 219

    افتراضي

    معنديش كلام أقوله لأن اللى بيحصل فى مصر حاجة تسد النفس .. وتسد الفم كمان ..

    بس قعدت أقرأ وأتأمل اللى بتكتبوه .. حاجة تخلى الواحد يزداد حزن حقيقى ..
    ارمى خبزك على وجه المياه.. فإنك تجده بعد أيام كثيرة!
    [نأسف, تم إيقاف حسابك الخاص لدينا من المحتمل أن يتم إرجاع حسابك في 21 Apr 2035, 10:36 PM (من قرارات إدارة منتدى شئون مصرية)]

  2. #22
    An Oasis Pioneer
    الصورة الرمزية toota
    الحالة : toota غير متواجد حالياً
    رقم العضوية : 52
    تاريخ التسجيل : Apr 2006
    المشاركات : 5,862

    افتراضي

    ليه الناس بتجادل وهي غلطانه؟

    انا بعتبر المجادله بالغلط وقاحه او جرأة في غير مكانها..وغباء بيخلي صاحبه يقل مقداره في عيون الطرف الاخر............لماذا اصبح الاعتراف بالحق صعبا على الكثير ممن نتعامل معهم يوميا؟...

    "انا اخطأت ومعاك حق" ... الجمله دي لم اعد اسمعها كثيرا او بالاحرى بقالي كتير مسمعتهاش.........يظهر انقرضت؟
    Bla..bla..bla..


  3. #23
    An Oasis Pioneer
    الصورة الرمزية Hammer
    الحالة : Hammer غير متواجد حالياً
    رقم العضوية : 27
    تاريخ التسجيل : Apr 2006
    المشاركات : 9,488

    افتراضي

    كثيرة هي الأشياء التي أتمني أن تتغير في ثقافتنا ...

    و منها الإستعانة بدكتور نفسي أو لنسميه محلل نفسي , فأنا أعتقد أن معظم الناس قد لا تحتاج إلي دكتور بشري و لكن معظمهم يحتاج لمساعدة متخصص نفسي .

    إمتي نشيل فكرة إن الدكتور النفسي للمجانين بس ..


    هه ....

    إيه بقي ...
    .

    Our life is what our thoughts make it

  4. #24
    An Oasis Pioneer
    الحالة : blue_mind غير متواجد حالياً
    رقم العضوية : 20
    تاريخ التسجيل : Apr 2006
    المشاركات : 2,662

    Red face

    Citizens of Denmark are not welcomed in thise shop

    العبارة دي مكتوبة على احد المحلات الموجودة في الملحق التجارى لهيلتون رمسيس
    وعلى الرغم من قسوتها..... وعلى الرغم من انها في مكانيرتاده العديد من السياح.....وعلى الرغم من انه سيقول قائل طب المواطنين الدنماركيين ذنبهم ايه........ او يقول اخر لأ عيب دي مش اخلاق المصريين او اللي كتب كده هيستفيد ايه ده كده بيشوه سمعة مصر

    الا انني وبكل صراحة انحنيت احتراما لصاحب المحل بيني وبين نفسي

  5. #25
    An Oasis Pioneer
    الحالة : blue_mind غير متواجد حالياً
    رقم العضوية : 20
    تاريخ التسجيل : Apr 2006
    المشاركات : 2,662

    افتراضي

    النهاردة كان راكب جنبي وفي الكنبة اللي ورايا في الميكروباص عائلتين قبطيتين...واضح من اسمائهم وهما بيندهو على بعض وكمان واضح من لبس العيد اللي لابسينه.
    اول ما الميكروباص بدا يتحرك, ونظرا لطول المسافة طلعت مصحف الجيب وقعدت اقرا .....الحمد لله على هذه العادة


    وفي هذه الاثناء استمر اطفال العائلتين القبطتين في الهزار والكلام...طبعا تضايقت لاني لم استطع ان اركز خصوصا اني كنت اقرا سورة الفرقان وهي من السور التي تؤثر بي...واحساسي بالضيق طبيعي لاني لا احب دوشة الاطفال وهزارهم في المواصلات العامة ...بل بصراحة لا احب دوشة الاطفال وهزارهم خصوصا عندما يكونوا في سن معينة
    المهم بذلت مجهود لحد ما قدرت اركز اكتر في قراءة القران...

    واحنا بنلم الاجرة لقيت رب الاسرة القبطية الذي بجواري يسالني عن فكة 100 جنيه....طلعت المحفظة وفكيتله ...وبعد كده لميت الحساب من الناس وقعدنا انا وهو نحسب مع بعض مين باقيلوا كام ...وفي الاخر اديت الفلوس للقدامي وقلتله انا كده عاوز نص جنيه ...لقيت جاري القبطي بيقولي لأ انت ليك اكتر... وقعدنا نحسب تاني لحد ما اتاكدنا
    الاسرتين القبطيتين نزلوا عند ملاهي السندباد -شكلها الفسحة بتاعة العيد- قمت عشان افسح الطريق ليهم ويعرفوا ينزلوا من الميكروباص...
    بعد ما نزلوا لقيت رب الاسرة بيقولي باحترام مع السلامة يا شيخ -انا دقني في العادة خفيفة بس اليومين دول مش مهذبها -..... المهم رديت عليه تحيته وقلتله كل سنة وانتم طيبين

    يصراحة مش عارف اخوانا اللي بيتكلموا عن علاقة المسلمين والاقباط في مصر وعن البركان اللي احنا عايشين فوقه وعن الفتنة الطائفية بيجيبوا الكلام ده منين!!!

    انا لا ابسط الموضوع او اهونه ولكن ما حدث وما يحدث في مصر لا نستطيع ان نفصله عن الاخلاقيات التي راينها في الانتخابات البرلمانية , ما حدث وما يحدث لا نستطيع ان نفصله عن ممارسة جماهير الكورة ....هوجة تفلت فيها الاعصاب وتخرج خلالها التصرفات الغير مسئولة....ما حدث وما يحدث اخلاقيات اختلاف وليست فتنة طائفية

    ارحموا بلدكم يا ساسة ارحموا بلدكم يا اعلامين ارحموا بلدكم يا من تصطادون في المياه النتنة

    بس خلاص

  6. #26
    An Oasis Pioneer
    الصورة الرمزية toota
    الحالة : toota غير متواجد حالياً
    رقم العضوية : 52
    تاريخ التسجيل : Apr 2006
    المشاركات : 5,862

    افتراضي

    مبارح واحنا قاعدين في النادي كان فيه ست محجبه حجاب موضته جديده ....قاعده ورانا ... حجابها لفت نظر صديقتي المحجبه حديثا وطلبت مني اروح معاها نسال السيده عن حجابها واشترته منين والطريقه ازاي .... اما صديقتي الاخرى التي كانت تجلس معنا قالت مش حروح معاكم... عشان مديهاش اكتر من قيمتها انا مفهمتش قصدها ايه وتركناها ورحنا للست دي:wacko:

    اول ما سالنها قعدت تقول اصل ده كان قطعه قماش واشتريت العبايه من سيده في المهندسين واتفضلوه ...طب السيده دي فين واسعارها ايه........ترد اسعارها وحشه وغاليه اوي اوي........ ودي بكذا ودي بكذا....... وشويه لقينا الست ابتدت تتنرفز لما سالناها على العنوان ورقم الهاتف... ومنعرفش اذا كانت ادتنا الرقم صح ام خطأ:wacko:

    وسبناها وهي متضايقه... مع اننا كلمناها بطريقه ظريفه ولطيفه وطول الوقت كنا بنثني على حجابها الجميل

    لما رجعنا طاولتنا صاحبتي بتقولي هي ليه اتنرفزت؟؟؟؟ :wacko:

    الصديقه الي رفضت تروح تسالها معانا قالت ده قصدي لما بقولكم مديهاش اكتر من قيمتها... لان فيه ناس لما بتظهر اعجابك بحاجتهم او باسلوبهم بيتعاملوا معاكم بقلاطه وباسلوب مش ظريف:wacko:

    بصراحه اكتشفت ان فيه حاجات كتيره انا مش بفهمها... ولسه عايز لي كورسات من معامله البشر

  7. #27
    An Oasis Citizen
    الصورة الرمزية فــيــروز
    الحالة : فــيــروز غير متواجد حالياً
    رقم العضوية : 72
    تاريخ التسجيل : Apr 2006
    المشاركات : 1,891

    افتراضي

    ممنوع منعا باتا على موظّفى البنك الخروج خلال اوقات العمل الرسميه و التزاحم حول ماكينة الصارف الآلى حيث ان هذا يضر بصورة البنك و يتعارض مع قواعد العمل .. و سيتم اتخاذ اجراءات مشدّده مع المخالفين :nono:


    هذا الخطاب وزّعه أكثر من مره رئيس مجلس ادارة البنك .. اضطررت اليوم لخرق القرار و الخروج لسحب مبلغ الجمعيه لتسليمه لصاحب نصيبه اللى كان واقف فوق راسى عاوز فلوسه .. وانا خارجه بعد سحب الفلوس الاقى مين واقف مستنّى يسحب .. برافو رئيس مجلس الاداره صخصيا طبعا بكل ثبات عينى فى عينه ولا كأن فيه حاجه ..

  8. #28
    An Oasis Pioneer
    الصورة الرمزية Farida
    الحالة : Farida غير متواجد حالياً
    رقم العضوية : 41
    تاريخ التسجيل : Apr 2006
    المشاركات : 5,898

    افتراضي

    ليه واحده لسه اول امبارح كانت محجبه و كاشفه وشها و شكلها استغفر الله العظيم النهارده لاقيتها منقبة و استغربت جدا و قاومت وسواس ملح الحاح غريب عايزنى اسالها ليه اتنقبتى مع انك مش جميله قوى يعنى و كانت على طرطوفة لسانى بس ربنا ستر ...
    * اللهم انى اشكو اليك ضعف قوتى و قلة حيلتى و هوانى على الناس
    * اللهم و لى امورنا خيارنا و لا تول امورنا شرارنا
    * الساكت عن الحق شيطان أخرس
    * الشعوب تستحق حكامها

    *"وعباد الرحمن الذين يمشون على الارض هونا واذا خاطبهم الجاهلون قالوا سلاما " صدق الله العظيم

  9. #29
    An Oasis Citizen
    الصورة الرمزية فــيــروز
    الحالة : فــيــروز غير متواجد حالياً
    رقم العضوية : 72
    تاريخ التسجيل : Apr 2006
    المشاركات : 1,891

    افتراضي

    بالأمس فقط بدأت -لأول مره فى حياتى- قراءة الجزء الاول من ثلاثية نجيب محفوظ الشهيره .. أقرأ فى "بين القصرين" !!
    لوقت طويل جدا كنت أشعر ان هناك حاجز ما بينى و بين كتاباته لا ادرى ما سببه !! ربّما لأنّى بدأت بقراءة اعمال اخرى له لم ترق لى و اكتفيت من الثلاثيه بالفيلم و المسلسل اللذان بنيا عليها ..

    الروايه مختلفه تماما .. أو هكذا هو إحساسى بها .. مختلفه تماما و أكاد أشعر أنّى لا أريد أن أتوقّف حتى تنتهى !! ورغم التناقضات المريعه فى شخصية بطلها "السيد أحمد عبد الجوّاد" أجدنى أنتظر و أتريّث قبل أن أبدأ فى إصدار الأحكام كعادتى !!

  10. #30
    حـكـيـم الواحة المصريّة
    الصورة الرمزية الأفوكاتو
    الحالة : الأفوكاتو غير متواجد حالياً
    رقم العضوية : 6
    تاريخ التسجيل : Apr 2006
    الدولة : بريطانيا
    العمل : أستاذ فى القانون الإنجليزى(متقاعد)
    المشاركات : 3,742

    افتراضي

    ليه واحده لسه اول امبارح كانت محجبه و كاشفه وشها و شكلها استغفر الله العظيم النهارده لاقيتها منقبة و استغربت جدا و قاومت وسواس ملح الحاح غريب عايزنى اسالها ليه اتنقبتى مع انك مش جميله قوى يعنى و كانت على طرطوفة لسانى بس ربنا ستر ...
    السيدة الفاضلة فريدة,

    ربما كان هذا هو سبب التنقب , و الله أعلم.

    تحيـــــــــ:rose1: اتـــــــــــى.

صفحة 3 من 453 الأولىالأولى 123451353103 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •