صفحة 3 من 3 الأولىالأولى 123
النتائج 21 إلى 30 من 30

الموضوع: مستقبل مصر

  1. #21
    An Oasis Pioneer
    الصورة الرمزية oskasan
    الحالة : oskasan غير متواجد حالياً
    رقم العضوية : 45
    تاريخ التسجيل : Apr 2006
    المشاركات : 2,521

    افتراضي

    اقتباس المشاركة الأصلية كتبت بواسطة ملك الفؤاد مشاهدة المشاركة
    أول مره اشوف الحوار ده ....قرأته كله كلمه كلمه .....يمكن فعلا هو حوار محترم وهادف

    لإن اطرافه أكيد على مستوى عالى من اللياقه ...والثقافه ....والعقلانيه

    شكرا لكم
    ده من زوقك يا فندم
    مَالِك نَفْسَهُ خَيِرٌ مِن مَالِك مَدِينَة

  2. #22
    An Oasis Pioneer
    الصورة الرمزية oskasan
    الحالة : oskasan غير متواجد حالياً
    رقم العضوية : 45
    تاريخ التسجيل : Apr 2006
    المشاركات : 2,521

    افتراضي

    اقتباس المشاركة الأصلية كتبت بواسطة الاسكندرانى مشاهدة المشاركة



    انت مش واثق فى اخوك ولا ايه ماكنش العشم فيك يا اوسكا :cry2::cry2:
    واثق فيك





    بس مش واثق في بعضهم:cry2:

  3. #23
    An Oasis Citizen
    الصورة الرمزية ragaai
    الحالة : ragaai غير متواجد حالياً
    رقم العضوية : 165
    تاريخ التسجيل : Jun 2006
    المشاركات : 567

    افتراضي

    والله انا مستمتع جدا بالحوار
    الطرفين ماشاء الله لا قوة الا بالله في منتهى العقلانية والتحضر
    لو كل مسلمي ومسيحيي مصر كانوا على هذه الدرجة من الوعي لارتاحت مصر من كثير مما لا لزوم له
    تقبلا تحياتي
    [imgl]http://forum.hawahome.com/nupload/68715_1195495094.gif[/imgl]

  4. #24
    An Oasis Pioneer
    الصورة الرمزية الاسكندرانى
    الحالة : الاسكندرانى غير متواجد حالياً
    رقم العضوية : 203
    تاريخ التسجيل : Aug 2006
    المشاركات : 6,988

    افتراضي

    مساء الخير يااوسكا
    اقتباس المشاركة الأصلية كتبت بواسطة oskasan مشاهدة المشاركة
    الكلام اللى قاله السادات مع الكلام المكتوب والمسموع والمقروء من شيوخ الجماعات وامراء الميكروباسات لم يتغير ومازال يقال مؤثرا فى الكثيرين حتى اليوم
    يبقى اذا و بناءا عليه ,,,,,,, التقوى بقوى الخارج و الاستمرار من الانتقام و اخذ التار من البلد كلها طالما معرفوش يطول السادات و الموت خده من ايديهم
    يبقى ناخد التار بقه من اكبر عياله (مبارك و مصر )


    مش مبداء نهائيا يا اوسكا

    مش معنى ان حبة شيوخ و كام شريط كاسيت لو يتغيروا يبقى مبداء الاستعانه


    ياراجل بقولك ده انا لو حسبتها لك بالورقة و القلم عدد الشيوخ دول لن يزيد عن 100 او 200 فرد اقولك ازى

    اى منطقة فى مصر معروف ان فيها جامع متشدد اذا فيه كام منطقة و محافظة فى مصر


    مش معنى ان فيه اقلية منهم بالمنظر ده يا اوسكا تودى الى الرعب العالمى اللى بيسوقه اقباط المهجر


    لا تعقل



    يمكن انا رجعت سليم لانى سامع وساكت وباضحك فى سرى ..
    بس غيري كتير مش هايسكت

    واذا سكت فيوم عن يوم يفضل يغلى لغاية لما ينفجر
    انا وانت فاهمين اللعبة
    لكن مش كل الناس كده

    لا والله مش علشان قعدت ساكت .......لان اللى قاعد جنبك اساسا مش عاجبه كل مايقال فى شريط الميكروباص
    لان اللى قاعد جنبك ده عاوز يحميك زى ما مفروض عليك تحميه
    بدليل اى عضو هنا مثلا فى الواحة لو شهدنا وقولنا له ايه رائيك فيما يقوله المتشدد الغير موضوعى فلان ابن علان علطول حنلاقيه بيقولك لا انا مش معه انا معتدل
    و مصر كذلك ايضا
    فيه اللى فى حاله و بيفرض عليه يسمع خطبة الجامع اياه او فى ميكروباص يسمع شريط لكنه يجلس فى حاله و مش معنى انه سمع انه موافق
    وفيه اللى الدنيا اخداه و مصاريف العيال و البيت و مش فاضى اساسا علشان يفهم ان فيه حاجه اسمها فتنه
    وفيه المثقفين اللى مع الفتنه
    وفية المثقفين اللى ضدد الفتنه

    و انا شايف بصراحه ان اقباط المهجر انهم من المثقفين اللى مع الفتنه كطرف اول
    و شايف اقباط الداخل انهم من المثقفين اللى ضدد الفتنه بس مافيش مانع يمكن نكسب متر ولا اتنين ولا ايه رائيك انت :)

    وانا مش هاعترض معاك في النقطه دى وخصوصا فى الأملاك من شقق وأراضى
    الموضوع ده فعلا بيحصل لكن ماتنكرش انه بيحدث من الطرفين

    وعلشان اوضح الأمور أكتر
    ان القياده الكنسيه ليست لها أى علاقة من قريب أو بعيد بتلك الممارسات

    نفسيري ليه مختلف عن تفسيرك
    مش موضوع تقارب ارواح وعادات
    لاننا مندمجين مع بعض بنفس العادات والألفاظ والتقاليد
    انا بافسره محاوله عمل مناعه ضد سلبيات الفهم المضاد
    منطق رجل الشارع هو ابعد عن الشر وغني له

    لكن فى التجاره لأ الموضوع عكس ما بتقوله تماما
    .. منطقيا لو التاجر عمل كده هايخسر
    حتى لو كان مسلم
    لو تفتكر كان فيه حادث مشهور في شبرا مطعم مشهور اسمه مؤمن
    علق اعلان مطلوب موظفين مسلمين
    أول ما قاطعوه المسيحيين نزل اعتذار في الجرائد
    ماينفعش تاجر يحدد عملائه
    كويس انك واضح و صريح فعلا يا اوسكا الاملاك و الاراضى و الشقق
    بس مش من الطرفين ,,,,,,
    المسلم لما بيبيع حاجه من دول بيدور على السعر الاعلى
    ام المسيحيى لما بيبيع بيكون خايف من الكنيسه لان على حسب معرفتى
    تم صياغة قانون مقتبس من الدستور المصرى و تم تحريفه شويه فاصبح
    المسيحيى اول بالشفعه و ليس الجار ولو كان المسيحي البائع وجد عرض من مسيحيى اخر ولم يبيع له ممكن له الذهاب للكنيسة و شكوى البائع و الذى يحضر الى الكنيسه و ياخد دش محترم يا اما يفضل الفلوس الزيادة بس ميدخلش نشاطات الكنيسه ديه تانى و الاحسن ميدخلهاش من اساسه


    بالنسبة لتفسيرك محاوله عمل مناعه ضد سلبيات الفهم المضاد


    ده كارثة ,,,,,:wacko: يعنى يا اوسكا انت تاخد جنب علشان محدش يفهمك غلط و بعدين تيجى و تقول لى انا مضهد

    من اذا من عمل المناعه ,,,,,
    من اللى مش عاوز يوحع دماغه و فضل الانكماش

    بالنسبة للتجارة انت مافهمتش قصدى
    بالطبع التاجر لن يخسر زبون لديانته انا اقصد
    الشراكه فى راس المال و الاصول لن تكون الا مع مسيحيى اخر
    و الوضع مماثل فى المسلمين ايضا

    يعنى بالعقل كده عايز تطبق قانون من 100 سنة ليه ظروفه وقتها

    يفضل سارى لغاية النهارده حتى بعد طلب اصحاب الشأن تغييره ؟
    ايوووووووووووه يا اوسكا هو القانون ليه مده صلاحية و بيفسد بعد كده ولا القانون معلب و عليه مواد حافظة لازم ابص على التاريخ الصادر فيه
    القانون قانون يا صاحبى و بالعقل برده نقدر نحكم على تعالى بص كده على الخط الهمايونى
    يضمن للطوائف غير المسلمة احترام حصانتها التقليدية و حرية العبادة، و ممارسة شعائرها الدينية و بناء معابدها بشروط يتوافر فيها التسامح. كما أكد الخط الهمايوني على المساواة في المعاملة بين جميع الطوائف ومنع استعمال الألفاظ التي تحط من قيمة غير المسلمين، و تأمين الحرية الدينية لأهل كل المذاهب، و إفساح المجال أمام كافة رعايا السلطان للمساهمة في خدمة الدولة و ذلك عن طريق تعيينهم في الوظائف واستفادتهم من خدمات الدولة التعليمية، بالإضافة إلى إنشاء محاكم مختلفة للفصل في القضايا المدنية و الجنائية، وأما الدعاوى الخاصة بالأحوال الشخصية و الإرث فتحال إلى المحاكم الشرعية بالنسبة للمسلمين، و إلى المحاكم الطائفية بالنسب لغيرالمسلمين، والمساواة بين جميع رعايا الدولة في الحقوق و الواجبات، لا سيما في مجال الخدمة العسكرية، فأصبح الجميع يخضعون لقانون التجنيد العسكري، و تم إعادة تنظيم الهياكل الإدارية، كما أصبح جميع رعايا الإمبراطورية متساوين فيما يتعلق بالضرائب، و القضاء، و كذلك الالتحاق بمدارس واحدة. والمرسوم الصادر عن الباب العالى يشبه لحد كبير قانون الكراهية الأمريكى والذى ينص على جزاءات سالبة للحرية لكل من يقوم أو يساعد على جريمة كراهية بسبب الدين. وإن كان قرار رئيس الجمهورية رقم 453 لعام 1999 والذى نص بأن يكون الترخيص بترميم أو تدعيم كافة دور العبادة من اختصاص الجهة الإدارية المعنية بشؤن التنظيم فى كل محافظة وكان قد سبقه قرار بأن يكون ذلك من اختصاص المحافظين ثم أصبح لرؤساء الأحياء
    يعنى يا سيدى
    الخط الهمايونى الذى يقول عنه اقباط المهجر انه للتنكيل بالاقباط انه ليس كذلك
    و الحقيقة المقتبس اعلاه
    و قد قام مبارك بالتعديل عليه لمزيد من الحرية و التجاوب مع الاقباط

    1- السماح بترميم وبناء الكنائس بالتنسيق مع القيادة الدينية يعنى مش كل واحد عايز يبنى يشترى ارض ويبنى
    2- الغاء النسب الغير معلنه والمعلنه فى دخول بعض الكليات مثل الشرطة وبعض أقسام الطب

    3- الغاء كلمة أقليات من قاموس المفردات فى حوارتنا حتى ولو كانت صحيحه
    فهى تعطى انطباعات غير سويه للطبقه الدنيا من العامه الغير مثقفين دينيا ولو كانوا مثقفين علميا
    ويتعاملون بتجاهل عمدا وبدون عمد مع تلك المعطيه
    1. الكنائس قرار ترميمها ليس كما يشاع انه من رئيس الجمهورية بل يصدر كاى قرار ترميم عقار (هام او حيوي او تاريخى) يصدر بموافقه المحافظ و على فكرة مش كل الجوامع بيتعمل لها الترميمات بدون موافقات الجهات المختصة ايضا

    2. هب يا معلم انا مش حعرف ارد عليك فى ديه :cry2: لانها فعلا حقيقة
    نسب المسيحيون فى شرطه و الكليات العسكرية قليله
    بس بالنسبة لطب ما شاء الله عليكم فيه نسبة كبيرة اى نعم قسم نساء والولادة عددكم قليل فيه بس فيه برده و اكثرهم حريم
    و انت برده عارف ان التخصص ده حساس و بيلمس المجتمع بشكل مباشر


    3. ايه الغاء كلمة اقليات ,,,,,,, ازى يعنى
    ده اللعب القادم كله جاى على تلك الكلمة يا اوسكا ....... السلاح الذى يفتك مصر الان هو الاقليات


    اقليات مسيحية
    اقليات نوبيه
    اقليات بدو سيناء
    اقليات بهائيه


    ده الباب اللى حتنضرب بيه مصر انت مش حاسس بالتسخين و الاحماء اللى بيحصل ولا ايه

    اقباط مهجر بيسخن فى الركن البعيد الهادى
    ابناء النوبة فى المهجر برده بتسخن
    بدو سيناء وش كده على الحدود مع اسرائيل بيسخنوا هناك
    بهائية


    اسكت يا اوسكا ديه شكلها حتولع نار


    ها افتكرت مطالب تانيه نتكلم فيها
    التعديل الأخير تم بواسطة الاسكندرانى ; 14-07-2009 الساعة 01:25 AM


    لا تحسبن برقصها تعلو على اسيادها ..........فالاسود اسود و الكلاب كلاب

    عجباً على زمن ،، فيه القاهره تحترق .. ودمشق تدمر .. وبيروت تشتعل ..والخرطوم تقسم .. واليمن تنتهب .. وتونس تذبح .. وطرابلس تائهة .. وبغداد تتفجر .. والقدس تسرق وتهود .. و"تل أبيب" هادئة تعيش بسلام !!


    مصر
    جربت الهكسوس.. جربت الفرس.. جربت الرومان.. جربت التتار.. جربت الصليبييين..
    جربت العثمانيين.. جربت الفرنسيين.. جربت الإنجليز.. جربت الملكية.. جربت العسكر..
    ومكنش فاضل غير انها تجرب الإخوانجية عشان تبقى جربت كل انواع الفواحش



  5. #25
    An Oasis Pioneer
    الصورة الرمزية oskasan
    الحالة : oskasan غير متواجد حالياً
    رقم العضوية : 45
    تاريخ التسجيل : Apr 2006
    المشاركات : 2,521

    افتراضي

    يبقى اذا و بناءا عليه ,,,,,,, التقوى بقوى الخارج و الاستمرار من الانتقام و اخذ

    التار من البلد كلها طالما معرفوش يطول السادات و الموت خده من ايديهم
    يبقى ناخد التار بقه من اكبر عياله (مبارك و مصر )
    مش مبداء نهائيا يا اوسكا
    أخدت بالك انا كتبت ايه؟
    انا قلت

    الكلام اللى قاله السادات مع الكلام المكتوب والمسموع والمقروء من شيوخ الجماعات وامراء الميكروباسات لم يتغير ومازال يقال مؤثرا فى الكثيرين حتى اليوم


    مش معنى ان حبة شيوخ و كام شريط كاسيت لو يتغيروا يبقى مبداء الاستعانه ياراجل بقولك ده انا لو حسبتها لك بالورقة و القلم عدد الشيوخ دول لن يزيد عن 100 او 200 فرد اقولك ازى
    اى منطقة فى مصر معروف ان فيها جامع متشدد اذا فيه كام منطقة و محافظة فى مصر

    بلاش تحجم الخطأ فى مصر يا اسكندرانى
    انا اعترفت بخطأ أقباط المهجر ويكفى واحد فيهم يصدر بيان او فكره ان الكل هايتبعه
    نفس المبدأ يكفى شيخ واحد يسجل شريط كاست هاتلاقى ملايين بتسمعه غصب عنهم أو بإرادتهم

    الشريط ده ما بيتمسحش ده بيتنسخ حتى لو الشيخ اللى سجله توفاه الله
    شوف كام شيخ بيسجل كام شريط مع انى مختلف فى حساباتك عن ال200 فرد لكن الفكره ماهياش عدد شيوخ قد ما هى استعداد للتصديق
    زمان كان سن المنتسبين والمصدقين والمغممين من العامه يبدأ بعد التخرج والفشل بالحصول على وظيفة مناسبة
    النهارده بنلاقى ناس عندهم 12 سنة وبيحملوا نفس الأفكار ودول لسه ماشافوش مشاكل اقتصادية

    ده معناه ايه غير ان القصة مش عدد شيوخ قد ماهى تغلغل افكارهم داخل جدران الاسرة المسلمة


    و انا شايف بصراحه ان اقباط المهجر انهم من المثقفين اللى مع الفتنه كطرف اول و شايف اقباط الداخل انهم من المثقفين اللى ضدد الفتنه بس مافيش مانع يمكن نكسب متر ولا اتنين ولا ايه رائيك انت
    أقباط الداخل زيهم زي الكل مطحونين بين طرفى الرحى مابين البحث عن لقمة العيش وشعورهم بالاستفذاذ
    كويس انك واضح و صريح فعلا يا اوسكا الاملاك و الاراضى و الشقق بس مش من الطرفين ,,,,,,
    المسلم لما بيبيع حاجه من دول بيدور على السعر الاعلى ام المسيحيى لما بيبيع بيكون خايف من الكنيسه لان على حسب معرفتى تم صياغة قانون مقتبس من الدستور المصرى و تم تحريفه شويه فاصبح المسيحيى اول بالشفعه و ليس الجار ولو كان المسيحي البائع وجد عرض من مسيحيى

    اخر ولم يبيع له ممكن له الذهاب للكنيسة و شكوى البائع و الذى يحضر الى الكنيسه و ياخد دش محترم يا اما يفضل الفلوس الزيادة بس ميدخلش نشاطات الكنيسه ديه تانى و الاحسن ميدخلهاش من اساسه
    كويس انك قولت الكلام ده
    الجمله المقتبسه أعلاه أكبر دليل على كلامى ان هناك استعداد للتصديق حتى من جميع فئات الشعب
    المعلومة اللى انت بتقولها دى متداوله وبكثره لكن تاه مصدرها وأصبحت علكه يلوك بها الجميع
    ولذلك انا استشعرت ما ترمى اليه وانهيت جملتى ب:

    ان القياده الكنسيه ليست لها أى علاقة من قريب أو بعيد بتلك الممارسات
    ياعزيزى مصدر تلك المعلومات هو احد منتسبى تلك الفرق المتأسلمه جمع شتات معلومات من هنا وهناك
    وانتج معلومه شبه صحيحه واستغل جهل المسلمين فى كثير من الأمور المسيحية واطلقها
    وساعده فى ذلك الاستعداد التام لتقبل كل ماهو سيئ لدى الغير

    غير حقيقى تماما ما تقوله .. الكنيسة ليس لها علاقة بالمعاملات التجارية وليس لها وصاية فى الاجتماعيات
    كل ما فى الأمر وهو الجزء الصحيح من شتات المعلومات التى استقاها مُصَدِر تلك المعلومة انه عند حدوث خلاف بين افراد مسيحيين يذهب أحدهم للكنيسة للتوسط للحل الودى قبل أن يذهب للقضاء
    ولكن دش غسيل وحرمانه من نشاطات وكلام من ده يضحك الجنين فى بطن أمه


    ده كارثة ,,,,, يعنى يا اوسكا انت تاخد جنب علشان محدش يفهمك غلط و بعدين

    تيجى و تقول لى انا مضهد
    من اذا من عمل المناعه ,,,,,
    من اللى مش عاوز يوحع دماغه و فضل الانكماش
    لا يا فندم انا عايز أرجع لعيالى سليم واحفظ عيالى من زملائهم
    خوف على الاسره ليس الا ( انا باتكلم بصيغة رجل الشارع )


    بالنسبة للتجارة انت مافهمتش قصدى
    بالطبع التاجر لن يخسر زبون لديانته انا اقصد
    الشراكه فى راس المال و الاصول لن تكون الا مع مسيحيى اخر
    و الوضع مماثل فى المسلمين ايضا
    كده متفقين فى النقطة دى ان الموضوع ده من الطرفين وليس المسيحيين وحدهم
    يبقى جملتك
    تقارب ارواح وعادات و تقاليد
    تنطبق على الطرفين


    يفضل سارى لغاية النهارده حتى بعد طلب اصحاب الشأن تغييره ؟
    ايوووووووووووه يا اوسكا هو القانون ليه مده صلاحية و بيفسد بعد كده ولا

    القانون معلب و عليه مواد حافظة لازم ابص على التاريخ الصادر فيه
    طبعا والف طبعا
    القانون ده وضعى يعنى يجب أن يتغير حسب ظروف ومتغيرات العصر
    لاهو قرآن ولا إنجيل
    كم من قانون تعدل او لغى بسبب عدم تناسبه مع الظروف
    هو الخط الهمايونى ده تبع قانون الطوارئ ولا ايه

    يضمن للطوائف غير المسلمة احترام حصانتها التقليدية و حرية العبادة، و ممارسة شعائرها الدينية و بناء معابدها بشروط يتوافر فيها التسامح. كما أكد الخط الهمايوني على المساواة في المعاملة بين جميع الطوائف ومنع استعمال الألفاظ التي تحط من قيمة غير المسلمين، و تأمين الحرية الدينية لأهل كل المذاهب، و إفساح المجال أمام كافة رعايا السلطان للمساهمة في خدمة الدولة و ذلك عن طريق تعيينهم في الوظائف واستفادتهم من خدمات الدولة التعليمية، بالإضافة إلى إنشاء محاكم مختلفة للفصل في القضايا المدنية و الجنائية، وأما الدعاوى الخاصة بالأحوال الشخصية و الإرث فتحال إلى المحاكم الشرعية بالنسبة للمسلمين، و إلى المحاكم الطائفية بالنسب لغيرالمسلمين، والمساواة بين جميع رعايا الدولة في الحقوق و الواجبات، لا سيما في مجال الخدمة العسكرية، فأصبح الجميع يخضعون لقانون التجنيد العسكري، و تم إعادة تنظيم الهياكل الإدارية، كما أصبح جميع رعايا الإمبراطورية متساوين فيما يتعلق بالضرائب، و القضاء، و كذلك الالتحاق بمدارس واحدة. والمرسوم الصادر عن الباب العالى يشبه لحد كبير قانون الكراهية الأمريكى والذى ينص على جزاءات سالبة للحرية لكل من يقوم أو يساعد على جريمة كراهية بسبب الدين. وإن كان قرار رئيس الجمهورية رقم 453 لعام 1999 والذى نص بأن يكون الترخيص بترميم أو تدعيم كافة دور العبادة من اختصاص الجهة الإدارية المعنية بشؤن التنظيم فى كل محافظة وكان قد سبقه قرار بأن يكون ذلك من اختصاص المحافظين ثم أصبح لرؤساء الأحياء
    يعنى يا سيدى
    الخط الهمايونى الذى يقول عنه اقباط المهجر انه للتنكيل بالاقباط انه ليس كذلك
    و الحقيقة المقتبس اعلاه
    و قد قام مبارك بالتعديل عليه لمزيد من الحرية و التجاوب مع الاقباط
    تفتكر ان فعلا بيتنفذ كما هو معلن
    تعالى النهارده خد تصريح ببناء او ترميم كنيسه وشوف العقد والشراشيب اللى هاتطلع ويفضل الورق كام سنة فى أدراج المسؤلين بحجج باليه


    1
    . الكنائس قرار ترميمها ليس كما يشاع انه من رئيس الجمهورية بل يصدر كاى

    قرار ترميم عقار (هام او حيوي او تاريخى) يصدر بموافقه المحافظ و على فكرة

    مش كل الجوامع بيتعمل لها الترميمات بدون موافقات الجهات المختصة ايضا
    القرار ده لسه متعدل من كام سنة يابو اسكندر
    وتعديله على الورق فقط مفيش تنفيذ حتى قرار المحافظ بيحسب نسبة المسيحيين الموجودين فى المنطقة وعدد الكنائس الموجوده فيها وعلى اساسها يعطى قراره بالبناء أم لا يعنى فيه تخيل عام ان المسيحيين همهم بناء كنيسة فى كل شارع لمجرد العند فقط وليس الاحتياج
    وبعدين مين يقدر يمنع بناء مسجد فى أي مكان النهارده
    حتى لو زى مابتقول محتاج موافقات
    مجرد ابداء الرأى فى بناء المسجد يبقى اعتراض على كلام ربنا حسب الآية اللى بتقول
    إنما يعمر مساجد الله من آمن بالله واليوم الآخر وأقام الصلاة ..
    بس حط الأية دى فوق الطلب هاتلاقى الموافقات نازله ترف بين يوم وليله حتى وبدون موافقات
    تعالى كده ابنى مسجد وشوف مين يقدر يدى مخالفة بناء وتراخيص ؟
    بلاش كده
    نسيت قانون ضرائب العوائد اللى بيعفى صاحب البناية من العوائد لو بنى فى عمارته مسجد
    اينعم القانون ده اتلغى ( مع انه مالهوش تاريخ صلاحيه ومعلب و عليه مواد حافظة زى مابتقول على الخط الهمايونى )
    لكنه ارسى مبدأ غسيل الأموال فى تلك النقطة بالذات


    2. هب يا معلم انا مش حعرف ارد عليك فى ديه لانها فعلا حقيقة
    نسب المسيحيون فى شرطه و الكليات العسكرية قليله
    مع العلم ان فيه بعض المسيحيين فى الشرطة والجيش
    لكن ليه تحديد النسبه اجمالا
    تقدر تقولى تفسيرها ايه؟
    ممكن تفتح باب التفسيرات الكثيره .. خد مثلا
    عدم ثقة فى المسيحيين انهم ممكن يساعدوا الأعداء من خلال مناصبهم
    الخوف من انقلاب عسكرى مسيحى
    عدم ثقة فى ان المسيحيين يقدروا يحموا البلد
    مع العلم ان أقباط مصر ليس لهم رئاسة دينية خارج مصر كالكاثوليك والبروتوستانت

    يعنى مفيش انتماء خارجى ومسيحيى مصر مالهومش غير مصر


    بس بالنسبة لطب ما شاء الله عليكم فيه نسبة كبيرة اى نعم قسم نساء والولادة عددكم قليل فيه بس فيه برده و اكثرهم حريم
    و انت برده عارف ان التخصص ده حساس و بيلمس المجتمع بشكل مباشر
    يعنى تفتكر ان القصه فى دين الدكتور ولا جنسه
    اللى مش عايزه تكشف عند راجل مش هاتبص على دينه ولا ايه ؟
    يبقى الأولى اننا نحدد جنس المقبولين مش دينهم
    التعديل الأخير تم بواسطة oskasan ; 14-07-2009 الساعة 07:39 PM سبب آخر: تنسيق أفضل

  6. #26
    An Oasis Pioneer
    الصورة الرمزية الاسكندرانى
    الحالة : الاسكندرانى غير متواجد حالياً
    رقم العضوية : 203
    تاريخ التسجيل : Aug 2006
    المشاركات : 6,988

    افتراضي

    أخدت بالك انا كتبت ايه؟
    انا قلت
    الكلام اللى قاله السادات مع الكلام المكتوب والمسموع والمقروء من شيوخ الجماعات وامراء الميكروباسات لم يتغير ومازال يقال مؤثرا فى الكثيرين حتى اليوم
    ياسيدى فهمك ,,,, لكن انت اللى مش فاهمنى انا بقصد
    ان انت مستريح للى بيعملوه اقباط المهجر كرد فعل على ما يفعله شيوخ الميكروباصات


    اى انك مع الاخذ بالتار المتركم من ايام السادات

    بلاش تحجم الخطأ فى مصر يا اسكندرانى
    انا اعترفت بخطأ أقباط المهجر ويكفى واحد فيهم يصدر بيان او فكره ان الكل هايتبعه
    نفس المبدأ يكفى شيخ واحد يسجل شريط كاست هاتلاقى ملايين بتسمعه غصب عنهم أو بإرادتهم
    يا اوسكا انا لا استهون بالمشكلة
    و انا ايضا اعترفت بخطا بعض الشيوخ

    بس المشكلة يا اوسكا يمكن علشان انت فيها اكتر منى فا انت شايف ان الشيوخ اللى يقولوا كفار اقتلوهم كتير لانهم بيتوجه بالكلام ده ليك انت و بذلك انت بتركز معهم و اصبحوا السمة العامه بالنسبة لك

    وفى الحقيقة انت عندك حق لان الانسان يكون همه الاول و الاخير حياته وحياتة من معه


    ولكن فى ظل حرصك على امانة نفسك واهل بيتك انشغلت عن الوجه الاخر

    يا اوسكا ,,,,,, الرسول وصى امته على الجار اى كانت ملته او دينه
    انت نسيت الجزء ده مع انهم الاهم و الاكثر الجزء ده اللى بيطبق قول الرسول بدون تشدد او مبالغ



    خوفك اعمك عن صلة رحم بتقام دائما فى مصر بين الجار و اخوه ولكن طبعا قلت تلك الصلة لان زى ماقولنا قبل كده لانكم قررتم الابتعاد زى ما انت بتقول لتجنب سوء الفهم المضاد


    النهارده بنلاقى ناس عندهم 12 سنة وبيحملوا نفس الأفكار ودول لسه ماشافوش مشاكل اقتصادية
    بالنسبة للنقطة ديه

    فى سن 12 بتكون بلطجة و صياعه وعوجة بق :) (مراهقه) اكتر منها تشدد دينى او كراهية

    أقباط الداخل زيهم زي الكل مطحونين بين طرفى الرحى مابين البحث عن لقمة العيش وشعورهم بالاستفذاذ
    ايوه يا سيدى بس برده مافيش مانع ادى زوبه زقه من اقباط الخارج والله جت معهم يبقى خير و بركه ماجتش معهم يبقى ولا تعرفهم و شفنهم

    و المحصلة فى الاخر فى صالحكم


    ياعزيزى مصدر تلك المعلومات هو احد منتسبى تلك الفرق المتأسلمه جمع شتات معلومات من هنا وهناك
    وانتج معلومه شبه صحيحه واستغل جهل المسلمين فى كثير من الأمور المسيحية واطلقها
    وساعده فى ذلك الاستعداد التام لتقبل كل ماهو سيئ لدى الغير

    غير حقيقى تماما ما تقوله .. الكنيسة ليس لها علاقة بالمعاملات التجارية وليس لها وصاية فى الاجتماعيات
    كل ما فى الأمر وهو الجزء الصحيح من شتات المعلومات التى استقاها مُصَدِر تلك المعلومة انه عند حدوث خلاف بين افراد مسيحيين يذهب أحدهم للكنيسة للتوسط للحل الودى قبل أن يذهب للقضاء
    ولكن دش غسيل وحرمانه من نشاطات وكلام من ده يضحك الجنين فى بطن أمه
    ماشى يا اوسكا مش حنختلف فى النقطة ديه و نجعلها تخرجنا من حوارنا

    المهم ان انت فعلا وافقتنى فى الراى ان الاقباط فى المساكن و المحلات و الشقق و المشاركة لا تتم الا بينهم فقط وبذلك بتنسلخوا من اى تعاون او مشاركة

    لا يا فندم انا عايز أرجع لعيالى سليم واحفظ عيالى من زملائهم
    خوف على الاسره ليس الا ( انا باتكلم بصيغة رجل الشارع )
    :wacko::wacko:
    يعنى خوفك على عيالك هو اللى بيخاليك ساكت علشان انت خلاص بقيت متاكد ان كل اللى فى الشارع حيكونوا ضددك
    يا اخى حرام عليك الظن ده و التعميم ده يا اوسكا مصر مش كده و لو زى ما انت فاكر يبقى ازى بتكلمنى دلوقتى

    القانون ده وضعى يعنى يجب أن يتغير حسب ظروف ومتغيرات العصر
    لاهو قرآن ولا إنجيل
    كم من قانون تعدل او لغى بسبب عدم تناسبه مع الظروف
    هو الخط الهمايونى ده تبع قانون الطوارئ ولا ايه
    تفتكر ان فعلا بيتنفذ كما هو معلن
    هنا تناقض يا اوسكا

    طبعا القانون لاهو قران ولا هو انجيل وبالطبع يعدل اذا كان يحتاج تعديل
    لكن زى ما انت شايف انت راجع بتسالنى و بتقولى هو بينفذ كما هو معلن

    اذا يا اوسكا الخط الهمايونى و قانونه واضح وصريح و صياغته شامله و تخص
    فلا داعى لتغيره الا فى اضيق الحدود كا التعديل بتاع 99 اللى اعطى المحافظ الحق فى اعطاء التصريح


    قرار المحافظ بيحسب نسبة المسيحيين الموجودين فى المنطقة وعدد الكنائس الموجوده فيها وعلى اساسها يعطى قراره بالبناء أم لا
    ان جيت للحق يا اوسكا ,,, ده كلام العقل و المنطق

    والله لو فيه احتياج زى ما بيقول مقدم طلب البناء اكيد الاحتياج ده حيظهر فى النسب و الاعداد لما المحافظ يدرس الموضوع ,,,,,

    توافق الاتنين فى نسبهم ,,, يبقى نبنى كنيسه
    لم يحدث توافق يبقى لا داعى للكلام الكبير و بيمنعوا و بيضهدونا :nono:


    وبعدين مين يقدر يمنع بناء مسجد فى أي مكان النهارده
    حتى لو زى مابتقول محتاج موافقات
    مجرد ابداء الرأى فى بناء المسجد يبقى اعتراض على كلام ربنا حسب الآية اللى بتقول
    إنما يعمر مساجد الله من آمن بالله واليوم الآخر وأقام الصلاة ..
    بس حط الأية دى فوق الطلب هاتلاقى الموافقات نازله ترف بين يوم وليله حتى وبدون موافقات
    تعالى كده ابنى مسجد وشوف مين يقدر يدى مخالفة بناء وتراخيص ؟
    بلاش كده
    نسيت قانون ضرائب العوائد اللى بيعفى صاحب البناية من العوائد لو بنى فى عمارته مسجد
    اينعم القانون ده اتلغى ( مع انه مالهوش تاريخ صلاحيه ومعلب و عليه مواد حافظة زى مابتقول على الخط الهمايونى )
    لكنه ارسى مبدأ غسيل الأموال فى تلك النقطة بالذات
    مع العلم ان فيه بعض المسيحيين فى الشرطة والجيش
    لكن ليه تحديد النسبه اجمالا
    تقدر تقولى تفسيرها ايه؟
    ممكن تفتح باب التفسيرات الكثيره .. خد مثلا
    عدم ثقة فى المسيحيين انهم ممكن يساعدوا الأعداء من خلال مناصبهم
    الخوف من انقلاب عسكرى مسيحى
    عدم ثقة فى ان المسيحيين يقدروا يحموا البلد
    مع العلم ان أقباط مصر ليس لهم رئاسة دينية خارج مصر كالكاثوليك والبروتوستانت
    يعنى مفيش انتماء خارجى ومسيحيى مصر مالهومش غير مصر
    النقاط دول ,,,,,, حيجعلونا ندخل فى الدين و يبقى مناظرة فى الديانات
    و انا مش عاوز اتكلم فى الدين :cry2:

    يعنى تفتكر ان القصه فى دين الدكتور ولا جنسه
    اللى مش عايزه تكشف عند راجل مش هاتبص على دينه ولا ايه ؟
    يبقى الأولى اننا نحدد جنس المقبولين مش دينهم
    بص يا اوسكا ,,,,,, ملخص سريع و مرور سريع من فوق الوش

    النساء و الولادة ,,,,,, امر خاص

    الطب بصفه عامه عددكم فيه كبير و فى النساء والولاده يوجد لكم عدد ايضا
    التعديل الأخير تم بواسطة الاسكندرانى ; 16-07-2009 الساعة 03:42 AM

  7. #27
    An Oasis Pioneer
    الصورة الرمزية Mzohairy
    الحالة : Mzohairy غير متواجد حالياً
    رقم العضوية : 99
    تاريخ التسجيل : Apr 2006
    الدولة : Zamalek-Cairo /Vancouver
    العمل : Finance Director
    المشاركات : 12,363

    افتراضي

    كان عندي صديق مسيحي كان بيشير الى نقطه لا اعلم مدى صحتها حقيقة

    هل لا يوجد في المخابرات المصريه فعلا اي مسيحي في كوادرها؟

    ايضا هل لا يوجد اي محافظ مسيحي؟

    و أخيرا هل لا يوجد في قيادات الشرطه و الجيش العليا اي مسيحي؟
    You live life looking forward, you understand life looking backward

    وَلَتَجِدَنَّ أَقْرَبَهُمْ مَّوَدَّةً لِّلَّذِينَ آمَنُواْ الَّذِينَ قَالُوَاْ إِنَّا نَصَارَى ذَلِكَ بِأَنَّ مِنْهُمْ قِسِّيسِينَ وَرُهْبَانًا وَأَنَّهُمْ لاَ يَسْتَكْبِرُونَ

    C:\Documents and Settings\DELL\My Documents\My Pictures\doooooodi.jpg

    Merry Chris 2 all Orthodox brothers
    Still songs r possible

  8. #28
    An Oasis Pioneer
    الصورة الرمزية الاسكندرانى
    الحالة : الاسكندرانى غير متواجد حالياً
    رقم العضوية : 203
    تاريخ التسجيل : Aug 2006
    المشاركات : 6,988

    افتراضي

    كل سنة و انت طيب يا اوسكا

    ياريت اوعى تنسنا يا سيدى


  9. #29
    An Oasis Pioneer
    الصورة الرمزية الاسكندرانى
    الحالة : الاسكندرانى غير متواجد حالياً
    رقم العضوية : 203
    تاريخ التسجيل : Aug 2006
    المشاركات : 6,988

    افتراضي

    للرفع ,,,,,

  10. #30
    An Oasis Pioneer
    الصورة الرمزية oskasan
    الحالة : oskasan غير متواجد حالياً
    رقم العضوية : 45
    تاريخ التسجيل : Apr 2006
    المشاركات : 2,521

    افتراضي

    للخفض

صفحة 3 من 3 الأولىالأولى 123

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •