فى الواقع من فترة طويلة كنت مصابا بنوع من القلق وعدم القدرة على النوم الا بصعوبة شديدة جدا هذا بالاضافة الى درجة من درجات الاكتئاب والضيق الدائم.
استشرت حاولى 3 طباء على مدار ال السنتين الى فاتو
المهم فى البداية استخدمت دواء اسمه موتيفال لكن للاسف لم ياتى بنتيجة
لكن بعد ان شعرت بعدم الثقة فى الاطباء اساسا وعندم فهمهم لطبيعة حالتى
لجات الى المهدئات التى تنتمى لعائلية البنتزوديازبين الى هى الفاليوم والزناكس والزولام وغيرها ...
المهم انا ماشى على الزولام بقالى 3 سنين تقريبا بشكل يومى وبجرعة تقريبا متوسطة .
الى حصل بقى بالامس ان انا لم اجد فجاة فى علبة الدواء اى حباية
والوقت كات متاخر والصيدليات كلها قفلت
انا قلت مش مشكلة يعنى استمنى بقى الصبح
المهم بدات الشعور بالتوتر والاكتئاب يصيبنى بشكل زائد عن الحد
وظهرت فى دماغى فكرة جهنمية (للاسف الله لا يرجعها فكرة)
الفكرة انى جربت بديل موجود عندى فى البيت وهو عبارة عن دواء يسمى كلوبيكسول ويعتبر مضاد للشيزوفرينيا بالتحديد
المهم انا كنت عاوز حاجة تهدى الاعصاب وخلاص
انا خدت 4 حبايات من هذا الدواء
وبعد ساعتين خدت 4 تانيين
هذا وللاسف وجدت الاعراض الى الاسوء
بل وفجاة اصبحت اعانى من عملية وحالة لا استطيع ان اصفها جيدا
ضعف شديد وحركة مستمرة بلا هدف
مع دوخة وشعور با اننى سوف اصاب بتشنجات
نعم فعضلات جسمى كانت تهتز بشكل غير ارادى
الخوف سيطر على وبدات افقد السيطرة على افكارى وعلى نفسى
المهم انا بكيت بجد وحسيت ان انا هموت
دخلت صحيح ماما وانا المشكلة مش عارف اوصفلها الوضع
هى عارفة ان الزلوام انا باخده بوصفة طبية
ولما صحت لاحظ انى برتعش وانى بجد مش طبيعى
خافت عليهاا جدا وخطر فى دماغها انها تتصل بحالتى بحكم ان زوجها مدير فى شركة ادوية وغالبا هو بيتخدم الدواء هو كمان
خالتى قالت تعالى خديه لو محتجاها والكلام دا كان الصبح بدرى اوى
ماما كانت عاوز تروح لواحده
اصريت انى انزل معاها واوصله انا بالعربية
ولا اصف لكم الضغط الذى تعرضت له اثناء القيادة
والله كنت عاجز عن الضغط على الفرامل احيانا
وحتى الان لا اعلم كيف وصلت سالما الى البيت
لولا اننى سائق ماهر ومتمرس اعتقد كان ممكن يحصل حاجة
بس عجزى عن التركيز وعن قيادة السيارة اثبت لى ان هناك مشكلة حقا عصبية وتتعلق بالعضلات
المهم انا كنت حصلت على الدواء من خالتى ربنا يخليها يارب
واخذت حبوبى وكنت اشعر كانسان ظمان وجد ينبوع ماء فى صحراء مقحلة
عدت الى البيت وحدث تحسن كبير
على الاقل استطعت ان انام
الان من خلال بحثى فى الامر من ناحية طبية توصلت الى الاسباب التى كانت ستودى بحياتى ان كنت قد تاخرت فى الحصول على الدواء
السبب الاول هو اعراض انسحاب البنزودايزبين التى يعتبر التشنجات احدى اعراضها الخطيرة
الشىء الاخر هو استخدامى لذلك الدواء الملعون ال كلوبيكسول كبديل
وقد اتضح ليه ان هذه الدواء فى وضعى هذا بالتحديد يزيد الطين بله وقد يؤدى الى حالات خطير جدا
المهم انا حالتى بالتحديد كنات catatoni وهى احد الاعراض العصبية
فى الواقع انا فى اشد حالات الندم بسبب التمادى فى التعود على عقاقير طبية دون مشورة الاطباء .
اكتشفت ايضا ان المهدئات هذه مصيبة فى حد ذاتها على عكس مايعتقد البعض .
ايضا تعلمت درسا
وهو عدم استخدام اى ادوية كبديل او او بدون علم كامل
كونى طالب فى تم لا يعطينى الكفاءة الكاملة لكى اصف لنفسى ادوية :sad:
تخيلوا يوم كامل اعانى فيه من فكرة امكانية حدوث صرع لى :cry2:
بجد شىء صعب جد ومؤلم ومخيف
تخيلوا مكنتش قادر اتكلم مع حد او اركز فى تلفزيون
كل الى كنت قادر اعمله انه اضع دماغى على السرير
مع ععجز عن النوم
وضربات قلبى تتزايد والخوف يتزايد من المضاعفات التى يمكن ان تحدث
فى الواقع انا اشكر الله الذى هدى امى الى مكالمة اختها كمحاولة كانت يائسة والمفاجاة انها نجحت
اشعر حقا ان العناية الالهية هى التى وفقتنا الى ذلك
بل واشكر الله على منحى القدرة على القايدة فى الطريق
والله لا اصدفق حتى الان كيف قدت هذه المسافة
وانا قبلها لم اكن قادرا حتى على التركيز فى التلفزيون
الادوية كلها سموم
الانسان السليم ليس بحاجة لها
وحتى الامريض عليه ان لا يستخدمها الا فى اضيق الحدود
وبا استشارة الاطبياء
اريد ان اسال كل من له علم بالمهدئات من الزولام والفاليم والفانيلين
كيف يتم التخلص منها دون التعرض لهذه العراض الخطيرة ؟؟؟
التوقف المفجىء كما ترى كان سيؤدى الى درجة من درجات التشنجات :cry2:
وبالتحديد السؤال الاهم
اى نوع من الاطباء الجىء اليه
ام الجىء الى مستشفى مثلا
ولو رحت مستشفى هقولهم ايه بالتحديد ؟؟؟
الحمد لله انا بقيت كويس بنسبة 90 % ومع الوقت فى تحسن
بس طبعا انا كرهت اى حاجة اسمها حبوب
ومش عاوز احط نفسى فى هذه التجربة المؤلمة نفسيا لى ولوالدتى الى هى مش مستحملة اساسا .
تفتكروا دا تخصص طبيب مخ واعصاب
ام طبيب نفسى
ام طبيب علاج ادمان
!!!!!!!!!!!
انا بقيت مدمن :cry2:
لو اى حد يعرف اى تجارب مماثلة
او اى حد ممكن يسالى
انا الناس الى حواليا محدش هيفهنى
صراحة يعنى
الموضوع على ويكيبيديا موضوف بالتفصيل
وينطبق بجد على الى حصلى
http://en.wikipedia.org/wiki/Benzodi...rawal_syndrome
اما عن الكاتاتونيا فهى فى نفس الصفحة بس الرابط بتاعها
http://en.wikipedia.org/wiki/Catatonia
اعتقد كده هو دا الى حصلى
وهسال تانى
تفتكروا دا تخصص طبيب مخ واعصاب
ام طبيب نفسى
ام طبيب علاج ادمان