صفحة 1 من 4 123 ... الأخيرةالأخيرة
النتائج 1 إلى 10 من 34

الموضوع: مربى الكمكوات

  1. #1
    An Oasis Pioneer
    الصورة الرمزية عفاف
    الحالة : عفاف غير متواجد حالياً
    رقم العضوية : 295
    تاريخ التسجيل : Oct 2006
    الدولة : مقيمة بمصر
    المشاركات : 12,232

    افتراضي مربى الكمكوات

    من كام يوم كنت في كارفور..ولقيت الكمكوات (مش كمكمة واحدة :)) والكيلو ب 5 جنيه قلت والله فرصة ندوقها
    أكلنا كام واحدة (بقشرها طبعا ) وفتحت درج المطبخ...وجبت كتاب أبلة نظيرة نقولا وطنط بهية عثمان..الله يقدس روح الأولانية ويرحم التانية ..آميييين
    ومن الفهرس جبت صفحة المربى (ص 797) ودي المقادير:
    كيلو كمكوات
    كيلو سكر
    كوب و3أرباع ماء بارد
    ملعقة كبيرة عصير ليمون

    وغسلت الكمكوات..وقعدت أنا وحورس نتفرج على التلفزيون ونخرم الكمكوات بخلة الأسنان ثقوب نافذة من الجهتين عددهم 6
    وحطيت الكمكوات المخرمة في الحلة وعليهم الميه..وسبتهم يغلوا
    وبعد مااستوت نص سواء...طلعت الثمار (حلوة الثمار دي ) وحطيت نص كيلو سكر مع الميه (زودت الميه شوية حوالي نص كوباية )وسبتهم يغلو ييجي 5 دقائق..بعد كده رجعت الكمكوات للحلة تكمل النضج لمدة 10 دقائق وبعدين أضفت باقي السكر وهديت النار وأضفت عصير الليمون
    وبعد 5 دقائق كانت عندي أحلى مربى


  2. #2
    An Oasis Pioneer
    الصورة الرمزية الباش مهندسه
    الحالة : الباش مهندسه غير متواجد حالياً
    رقم العضوية : 1646
    تاريخ التسجيل : Aug 2007
    المشاركات : 3,911

    افتراضي

    برده معرفناش يعني ايه كمكموات

  3. #3
    An Oasis Pioneer
    الصورة الرمزية عفاف
    الحالة : عفاف غير متواجد حالياً
    رقم العضوية : 295
    تاريخ التسجيل : Oct 2006
    الدولة : مقيمة بمصر
    المشاركات : 12,232

    افتراضي

    اقتباس المشاركة الأصلية كتبت بواسطة الباش مهندسه مشاهدة المشاركة
    برده معرفناش يعني ايه كمكموات
    نوع من الحمضيات..قريب البرتقال ...في حجم البلحاية..بيتاكل بقشره..والقشرة طعمها حلو
    حورس بيقول إنه كان بيتباع قدام المدرسة مع الحرنكش في خمسينيات القرن الماضي

  4. #4
    An Oasis Pioneer
    الصورة الرمزية Faro
    الحالة : Faro غير متواجد حالياً
    رقم العضوية : 30
    تاريخ التسجيل : Apr 2006
    المشاركات : 16,671

    افتراضي

    عملتها بنفس الطريقة منذ أكثر من عام وكان الكومكوات من الشجرة أدناه.

    ولكن قمت بشقة بالعرض بغرض إذالة البذر.

    الطريقة الثانية ,,, سلقه بعض الوقت فى الماء ثم تصفيته و وضعه فى عصير برتقال بدلا من الماء.






    الصور المرفقة   
    صدق أو لا تصدق ,,, ولا تكذبني


    أقل مراتب العلم ما تعلّمه الإنسان من الكتب والأساتذة، وأعظمها ما تعلمها بتجاربه الشخصية في الأشياء والناس





  5. #5
    An Oasis Citizen
    الصورة الرمزية فيفي
    الحالة : فيفي غير متواجد حالياً
    رقم العضوية : 4172
    تاريخ التسجيل : Mar 2008
    المشاركات : 1,878

    افتراضي

    الفاكهه اسمها كده كمكوات يعنى اقول للفاكهانى كمكوات ولا يضحك عليا
    طيب سهلوهالى شويه طعمها زى ايه
    فارو بيقول فيها بذور زى العنب يعنى وتتشال ازاى دى قبل المربى ولا ناكل المربى بالبذور

  6. #6
    An Oasis Pioneer
    الصورة الرمزية اصيل
    الحالة : اصيل غير متواجد حالياً
    رقم العضوية : 7603
    تاريخ التسجيل : Mar 2009
    المشاركات : 6,123

    افتراضي

    اقتباس المشاركة الأصلية كتبت بواسطة AFAF مشاهدة المشاركة
    نوع من الحمضيات..قريب البرتقال ...في حجم البلحاية..بيتاكل بقشره..والقشرة طعمها حلو
    حورس بيقول إنه كان بيتباع قدام المدرسة مع الحرنكش في خمسينيات القرن الماضي

    علي النعمه حورس بيتكلم صح..طالما قال قدام المدرسه يبقى بيتكلم صح...وطالما انه من خمسنيات القرن الماضي يبقى بيتكلم صح..
    بس انا مكنتش اعرف اسمه ولا اشتريته..بس كمكموات دي مفردها ايه..؟؟

  7. #7
    An Oasis Pioneer
    الصورة الرمزية masreya
    الحالة : masreya غير متواجد حالياً
    رقم العضوية : 87
    تاريخ التسجيل : Apr 2006
    المشاركات : 7,683

    افتراضي

    الكمكوات kumquatموجود فى مصر من زمان كان والدى يحضره وكانت امى رحمها الله تصنع منه اجمل مرملاد ...

    هو فعلا نوع من الفاكهة الحمضية(البرتقال الدهبى) بس لو هاتاكلوه فريش يبقى تاكل القشر فقط لانه مسكر قلبه فى مزازه مع مراره وعشان كده احلى مرملاد ممكن تصنع منه...

    وممكن تعملوا منه حاجه زى فاكهه مسكرة كمان جميل جدا ....

    عايزه اقول لعفاف تجرب تستبدل الميه بعصير برتقال وهاتشوف نتيجة مزهلة


    ممكن كمان يتقطع فصوص بعد ازالة البذر



    او تعمله بطريقة الفراولة يعنى تنقع الكمكوات بدون تخريم مع السكر لمدة 3 ساعات هاينزل سائل كتير جدا وبعدين ارفعيه على النار وجربى تحطى شوية فانيلا بسيطه جدا عليه


    لمن يحب معلومات اكثر عن الكمكوات هناك موقع خاص به

    http://kumquatjam.com/

    خاص بالمربات او المرملاد او المسكر

    لو جربتوا البحث عنه بالعربى هتلاقوا موضوعنا فى الواحة هو اول موقع

    يبدو انه نبات غير معروف للكثير

    صباح الكمكوات

    كنت لسه باعمل مربة جزر شكلى هاعمل مرملاد كمكوات كمان





  8. #8
    An Oasis Pioneer
    الصورة الرمزية عفاف
    الحالة : عفاف غير متواجد حالياً
    رقم العضوية : 295
    تاريخ التسجيل : Oct 2006
    الدولة : مقيمة بمصر
    المشاركات : 12,232

    افتراضي

    الأستاذ فارو:
    شكرا على الصور...وأكيد زي ماحضرتك قلت بعصير البرتقال حيكون الطعم أطيب كتير

    مدام فيفي:
    ماتقوليش للفكهاني حاجة..إعملي زيي...روحي كارفور..وحتلاقي شبك جنب البرتقال فيه كمكوات...مدي إيديك وخدي شبكة وعدي على البنت بتاعة الميزان علشان توزنها وتسعرها
    إنما الفكهاني أبو جلابية مش حيجيب كمكوات..كفاية عليه الكيوي اللي بياخده إجباري :)

    مدام مصرية ..موسوعة مطبخ الواحة
    فكرة الكمكوات المسكر دي حلوة أوي..حاجربها الأسبوع الجاي بإذن الله
    وألف شكر على الإضافات الرائعة للكمكوات

    ملحوظة:
    شجرة الكمكوات ممكن تتزرع في برميل أو إصيص كبير في البلكونة...أنا شفت في التلفزيون ناس في لبنان عملوا كده...وطرحت كمان

  9. #9
    An Oasis Pioneer
    الصورة الرمزية alnoobi
    الحالة : alnoobi غير متواجد حالياً
    رقم العضوية : 79
    تاريخ التسجيل : Apr 2006
    الدولة : فوق شقة المجنى عليها عنايات أبوسنه
    العمل : كائد تابية
    المشاركات : 9,626

    افتراضي

    اقتباس المشاركة الأصلية كتبت بواسطة AFAF مشاهدة المشاركة
    حورس بيقول إنه كان بيتباع قدام المدرسة مع الحرنكش في خمسينيات القرن الماضي
    و أخونا حورس ما قالش جاب المعلومة دي منين ؟
    يعني حد حكى له ولا قراها في مجلة ولا إيه بالظبط ؟
    المصدر يا حورس !



















    أي خدمة يا بو كريم
    صباح الخير علي الورد اللي فتح في جناين مصر
    صباح العندليب يشدي بألحان السبوع يا مصر

    صباح الدايه واللفه..... ورش الملح في الزفه

    صباح يطلع بأعلامنا من القلعه لباب النصر


  10. #10
    An Oasis Pioneer
    الصورة الرمزية Faro
    الحالة : Faro غير متواجد حالياً
    رقم العضوية : 30
    تاريخ التسجيل : Apr 2006
    المشاركات : 16,671

    افتراضي


    الأستاذ فارو:
    شكرا على الصور...وأكيد زي ماحضرتك قلت بعصير البرتقال حيكون الطعم أطيب كتير
    لو تم ذكر ذلك الموضوع العام الماضى لزودتك بكمية من الشجرة أدناه ( نمتلك شجرتين ) ويتم إرغام المعارف على أخذ طرحهما مجانا.



صفحة 1 من 4 123 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •