صفحة 5 من 6 الأولىالأولى ... 3456 الأخيرةالأخيرة
النتائج 41 إلى 50 من 54

الموضوع: العروسة بتجهز إيه..والعريس بيجهز إيه؟؟

  1. #41
    An Oasis Resident
    الصورة الرمزية أم مشمش
    الحالة : أم مشمش غير متواجد حالياً
    رقم العضوية : 16775
    تاريخ التسجيل : Dec 2010
    المشاركات : 410

    افتراضي

    موضوع الجهاز ده بيختلف من بلد للتانى وفى مصر نفسها بيختلف من محافظة للتانية المفروض كل واحد يتكلم عن عاداته فى المكان اللى هو عايش فيه دلوقتى انا بشوف فى عرايس بشترى غرفة من الغرفة يعنى انتريه والمفروشات والنجف والستاير والسجاد العريس بقى عليه والقطن والتنجيد وطقم الصينى والعفش كله وطبعا الاجهزة الكهربائية ده على ما اعرف طبعا اكيد ممكن يكون فى ناس بتعمل غير كده خالص

    وفى الاول والاخر الحاجات دى ما بتفرقش المهم العشرة الطيبة والحب والتفاهم لان عند الخلاف ما بتفرقش مع حد هو جاب ايه ولا دفع ايه

  2. #42
    An Oasis Pioneer
    الصورة الرمزية موحد
    الحالة : موحد غير متواجد حالياً
    رقم العضوية : 3436
    تاريخ التسجيل : Jan 2008
    الدولة : مصر
    العمل : عمل حر
    المشاركات : 7,321

    افتراضي

    الصراحة الموضوع ده مهم أوي بالنسبة لي :sad: خطبه وحفلة وكتب كتاب وزواج ومهر وشبكه وقايمه ونايمه وزفت الطين :cry2::cry2:
    طب أنا أعمل إيه في الحاجة دي

    مش عارف برضه.. يعني مهر البنت البكر أكتر من مهر الثيِّب ولو ما فيش لزوم للمشاركه .. يعني الراجل مجهز الشقة من مجاميعها :sad:

    وما هي آخر الأسعار :sad: بالنسبة للشبكه والمهر والقايمه.. وكم لازم يحط الواحد مؤخر ؟؟

    الصراحة مع إني مصري بس ماعرفش حاجة من العادات دي.. عشان البلدان اللي عشت بيها مافيهاش كل الكلام ده..

    كان الراجل يجيب شبكه.. مثلا على قد الحال.. ومن الممكن يشتري لخطيبته حاجة من جهازها.. يعني الحاجات الأساسية.. بس بالنسبة للشقه وتجهيزها بالكامل على الراجل .. والبنت ما بتدفعش حاجة.. لأنه مافيش نظام أسمه القايمه في الشرق الأوسط

    الحاجة التانية.. بالنسبة للمؤخر والمقدم.. اعتاد أكثر من 90% من شعوب المنطقه يعني سوريا والأردن وفلسطين ولبنان.. على كتابة دينار مقدم ودينار مؤخر.. على أساس أن أهل البنت بيشتروا راجل.. مش شروه :sad:

    الصراحة أنا عملتها في جوازتي هنا في مصر.. وكنت زي المدب.. يعني ما فكرتش بالفلوس خالص (أيام اللولو) بس الصراحة دلوقت أنا مزنووووووووووووووق :cry2: ومن المفروض أتبع بعض العادات غصبت عني

    يعني الجوازه حاتكلفني كام .. عشان أبيع هدومي من دلوقت:cry2:

    معلش هيه كده.. والمتل بيقول في بلاد الشام اللي عايز الدح مش لازم يقول أح:cry2:



  3. #43
    An Oasis Pioneer
    الصورة الرمزية Fern
    الحالة : Fern غير متواجد حالياً
    رقم العضوية : 288
    تاريخ التسجيل : Oct 2006
    المشاركات : 20,369

    افتراضي

    الشبكة والمهر والشقة وأجهزة المنزل وفستان الفرح وكتب الكتاب والفرح على العريس
    الخطوبة والعفش والفرش على العروسة

    أى كلام تانى يكون بالإتفاااااااااااااق

    وقف الخلق ينظرون جميــــــعاً ....... كيف أبنى قواعد المجد وحدى
    وبناة الأهرام فى ســـالف الدهر ....... كفونى الكلام عند التــــــحدى
    أنا تاج العلاء فى مفرق الشرق ........ ودراته فرائـد عـــــــــــــقدى

  4. #44
    An Oasis Pioneer
    الصورة الرمزية Fern
    الحالة : Fern غير متواجد حالياً
    رقم العضوية : 288
    تاريخ التسجيل : Oct 2006
    المشاركات : 20,369

    افتراضي

    اقتباس المشاركة الأصلية كتبت بواسطة أفرو-ست مشاهدة المشاركة
    يافرعون أنا مش مصرية ...أنا من ثقافة أخرى وعادات وتقاليد مختلفة كل الاختلاف
    حتى شوف صورتي وشوف توقيعي
    يا سلاااااااااااام زى ما يكون كلام بجد
    ولا تعرفى أيتها حاجة عن السودان غير إسمة اللى قالولك عليه فى المدرسة فى مصر

    عموماً إحنا معندناش فى المنتدى سودانيين غير العزيزة سمسمة ..... أى عزيزة تانية تبآه مصرية وصورتها صورة عفاف وتوقيعها عفااااااااااااااااف

    واللى مش عاجبه يروح يشرب من نيلنا ....

  5. #45
    An Oasis Pioneer
    الصورة الرمزية masreya
    الحالة : masreya غير متواجد حالياً
    رقم العضوية : 87
    تاريخ التسجيل : Apr 2006
    المشاركات : 7,683

    افتراضي

    صباح الخير يا مدام افرو ست والا راجل بقى والله ما بتفرق معانا الاسماء

    ايه بقى المشكلة ؟

    يا ستى يا حببتى كل شيىء بالاتفاق الا الجواز لازم يكون بالخناق

    مافيش حاجات محددة على فكرة ولا عرف ولا اى حاجه من الكلام ده اصلا ...

    الناس زى ما بيتم الاتفاق بينهم هوه ده عرفهم ...

    والناس تفضل تتكلم فى الدين والشريعة وساعة الجواز هوبااااااااااااا كله بيتنسى لان

    وكل وسط اجتماعى له عرفه ..

    يعنى ايام ما انا اتجوزت كانوا الابهات بيشتروا رجاله

    يعنى العريس يجيب البيت والاجهزة ويدفع مهر وشبكة على حسب امكاناته وابو العروسه يقبل

    الخطوبة وعقد القران وتكاليفهم بالكامل على العروسة ....

    اما الفرح على العريس ....

    فى اوساط اجتماعية اخرى لازم العريس يجيب فستان الفرح ويدفع الكوافور انا مش فاهة ليه اصلا؟؟

    العروسة بتجهز كل عفش او فرش البيت ...


    حاليا بقى واخر صيحة سمعتها من بناتى وعجبتنى جدا صديقات لهم اتجوزا كل حاجه بالمشاركه فى بيوت ايجار جديد ..ايه المشكلة يعنى؟؟؟


    انما ماتسمعيش كلام حدج يقول لك ده لازم وده ضرورى مافيش حاجه اسمها ضرورى ...

    انما موضوع القايمه ده مرفوض تماما عندناانا هادى له بنتى واخاف على شوية الخشب جاتهم خيبة ..قايمة ايه دى ؟؟

    ماعندناش الكلام الفارغ ده ......

    زى ما قلت لك كله بالاتفاق .....يا سام لو الناس ترجع زى زمان ومايبقاش الجواز صفقة تجارية مين فيها يقدر ياخد من التانى اكتر ...!!:sad:

    صباح الفل يا افروووووووو

  6. #46
    An Oasis Pioneer
    الصورة الرمزية masreya
    الحالة : masreya غير متواجد حالياً
    رقم العضوية : 87
    تاريخ التسجيل : Apr 2006
    المشاركات : 7,683

    افتراضي

    اقتباس المشاركة الأصلية كتبت بواسطة Fern مشاهدة المشاركة
    الشبكة والمهر والشقة وأجهزة المنزل وفستان الفرح وكتب الكتاب والفرح على العريس
    الخطوبة والعفش والفرش على العروسة

    أى كلام تانى يكون بالإتفاااااااااااااق
    كتب الكتاب على العروسة يا مولانا انت نسيت والا ايه

    العريس يدفع بس المأذون ..انما اى تكاليف اخرى ولو حفل يبقى على العروسة ...بس العريس على حسب ايام زمان كان بيجيب فى ايديه علبة فيها المهر غالبا كانت بتكون شكمجية اما فضة او والا بلاش ....وبونبونيرة فخمة فيها شوكولاته وملبس للعروسه دى تقاليد يعنى ماعدتش مهمة دلوقتى

    شكلك انضحك عليك زمان وانا موش عارفه

  7. #47
    An Oasis Citizen
    الصورة الرمزية Bassam
    الحالة : Bassam غير متواجد حالياً
    رقم العضوية : 16213
    تاريخ التسجيل : Dec 2010
    المشاركات : 1,039

    افتراضي

    اقتباس المشاركة الأصلية كتبت بواسطة Fern مشاهدة المشاركة
    الشبكة والمهر والشقة وأجهزة المنزل وفستان الفرح وكتب الكتاب والفرح على العريس
    الخطوبة والعفش والفرش على العروسة

    أى كلام تانى يكون بالإتفاااااااااااااق
    أنا معاك يا برنس في كل الي قولتة هوة ينفع اتجوز الي بالي بالك تاني انا شكلي اضحك عليا في اول جوازة وشكلها اخر جوازة من الاسكنرانية

  8. #48
    An Oasis Resident
    الصورة الرمزية أم مشمش
    الحالة : أم مشمش غير متواجد حالياً
    رقم العضوية : 16775
    تاريخ التسجيل : Dec 2010
    المشاركات : 410

    افتراضي

    اقتباس المشاركة الأصلية كتبت بواسطة Bassam مشاهدة المشاركة
    أنا معاك يا برنس في كل الي قولتة هوة ينفع اتجوز الي بالي بالك تاني انا شكلي اضحك عليا في اول جوازة وشكلها اخر جوازة من الاسكنرانية

    ياعزيزى لا تبكى على اللبن المسكوب ..... طبعا حاتكون اخر جوازة من اسكندرية لانى حااحط صورك على مداخل ومخارج المحافظة وعلى كل محطات الترام واكتب تحتها مطلوب حيا ....

  9. #49
    An Oasis Pioneer
    الصورة الرمزية Fern
    الحالة : Fern غير متواجد حالياً
    رقم العضوية : 288
    تاريخ التسجيل : Oct 2006
    المشاركات : 20,369

    افتراضي

    اقتباس المشاركة الأصلية كتبت بواسطة masreya مشاهدة المشاركة
    كتب الكتاب على العروسة يا مولانا انت نسيت والا ايه

    العريس يدفع بس المأذون ..انما اى تكاليف اخرى ولو حفل يبقى على العروسة ...بس العريس على حسب ايام زمان كان بيجيب فى ايديه علبة فيها المهر غالبا كانت بتكون شكمجية اما فضة او والا بلاش ....وبونبونيرة فخمة فيها شوكولاته وملبس للعروسه دى تقاليد يعنى ماعدتش مهمة دلوقتى

    شكلك انضحك عليك زمان وانا موش عارفه
    مانسيتش ولا حاجة يا ست الكل ، بس أبوكى الله يرحمه من اللى كانوا بيشتروا رجالة ، إنما اليومين دول أديكى شايفه مجايب البنات ( كل واحده جايبه شاب حليوه من بتوع يا حسافة وليه ليه ) ومبسوطه أوى ..... يعنى بعد الشر بنتى لو جابتلى واحد من دول اعمل بيه إيه وأشتريه بكام دا ولا أبوسهولها وأحطه جنب الحيط .... دا أمضيه على قايمه ونايمة وعلى إستلام البنت بسركى وتبآه وقعه اهله كوبيا لو جرالها حاجه أو زعلها ( كل دا وهى اللى جايباه ) ..... وأسلط عليه ارنوبه وأم مشمش يوروه النجوم فى عز الضهر ولو كتر فى اللماضة هتضطر أوديه لعطر ودى هتكون نهايته

  10. #50
    An Oasis Resident
    الصورة الرمزية أم مشمش
    الحالة : أم مشمش غير متواجد حالياً
    رقم العضوية : 16775
    تاريخ التسجيل : Dec 2010
    المشاركات : 410

    افتراضي

    اقتباس المشاركة الأصلية كتبت بواسطة Fern مشاهدة المشاركة
    مانسيتش ولا حاجة يا ست الكل ، بس أبوكى الله يرحمه من اللى كانوا بيشتروا رجالة ، إنما اليومين دول أديكى شايفه مجايب البنات ( كل واحده جايبه شاب حليوه من بتوع يا حسافة وليه ليه ) ومبسوطه أوى ..... يعنى بعد الشر بنتى لو جابتلى واحد من دول اعمل بيه إيه وأشتريه بكام دا ولا أبوسهولها وأحطه جنب الحيط .... دا أمضيه على قايمه ونايمة وعلى إستلام البنت بسركى وتبآه وقعه اهله كوبيا لو جرالها حاجه أو زعلها ( كل دا وهى اللى جايباه ) ..... وأسلط عليه ارنوبه وأم مشمش يوروه النجوم فى عز الضهر ولو كتر فى اللماضة هتضطر أوديه لعطر ودى هتكون نهايته

    هو لسه فيه نجوم لحد دلوقتى انا اللى اعرفه اننا طلعناها كلها من زمان حااسأل أرنوبة فاضل كام نجمه إذا خلصوا حانشوف له صرفه تانية .... تحب نوديهولك المريخ ولا ورا الشمس بيقولوا كوكب بلوتو لسه فيه مكان .

    وآسفه طلعنا عن الموضوع

صفحة 5 من 6 الأولىالأولى ... 3456 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •