صفحة 3 من 9 الأولىالأولى 12345 ... الأخيرةالأخيرة
النتائج 21 إلى 30 من 81

الموضوع: المرسال جالكوا..بريلا بريلا بريليلا

  1. #21
    كاتبة صحفية و مترجمة
    الصورة الرمزية إكرام يوسف
    الحالة : إكرام يوسف غير متواجد حالياً
    رقم العضوية : 4087
    تاريخ التسجيل : Mar 2008
    الدولة : أم الدنيا ربنا يشفيها
    العمل : صحفية ومترجمة
    المشاركات : 5,679

    افتراضي

    يااااه يا عفاف.. فكرتينا بالذي مضى.. رغم اني كنت عايشة في الصحرا واللعب كان يا اما تسلق التلال أو تسلق النخلة.... انما برضه لحقت شوية العاب من دي.. بس بريللا بريللا بريليلا دي كانت عبارة تقريبا عن فريقين كل فريق يتحرك مع بعضه في صف بالعرض وقت تشابكت ايدي الفتيات

    • الفريق الأول وهو يجري قفزا نحو الفريقي الثاني: المرسال جايلكوابريللا بريللا بريليلا.(ثم يعود الفريق الأول بنفس الطريقة ولكن بخطوات إلى الوراء)
    • الفريق التاني يتقدم إلى الأمام: عايزين مين؟ بريللا بريللا بريليلا.
    • الفريق الأول يتقدم إلى الأمام بينما يتراجع الفريق الثاني: عايزين فلانة (واحدة من أعضاء الفريق الثاني).
    • الفريق الثاني بنفس الطريقة متقدما: تجيبولها إيه.. بريلللا بريللا.ثم يتراجع.
    • الفريق الأول متقدما: نجيب لها حرير.. بريللا بريللا بريليلا.
    • الفريق الثاني: ما يقضيهاشي.. بريللا بريللا بريليلا.
    • الفريق الأول: نجيب لها ذهب.. بريللا بريللا بريليلا.
    • الفريق الثاني: ما يقضيهاش.. بريللا بريللا بريليلا.
    ويظل الفريق الأول يعرض كافة أنواع المغريات والفريق الثاني يقول: ما يقضيهاش.. إلى أن يقول الفريق الأول: نجيب لها الدنيا دي كلها.
    الفريق التاني: اتفضلوا خدوها بس اوعوا تزعلوها. فينقض الفريق الأول على الفريق الثاني يخطف منه بعد مقاومة العضر اللي عليها العين.

    ياترى كده صح يا عفاف؟
    ده اللي أنا فاكراه من الألعاب الجماعية في الإجازات الصيفية.. أما في الفسحة المدرسية فكانت بين تناول الساندوتشات وحجرة الموسيقى حيث كنت مشروع مغنية وعازفة فاشلة.. أو القسم المخصوص (شرحه مشروع رياضية فاشلة).. أو مكتبة المدرسة حيث الأمر الوحيد الذي أجيده وهو القراءة.
    كان مناه يلمح علامة خوف بسيطة..طب حييجي الخوف منين ابن العبيطة؟..
    هو مين فينا الجبان؟.. واللا مين فينا اللي خان؟
    دولة الظلم ساعة.. هــــــــــــانت.. باقي دقائق

  2. #22
    An Oasis Pioneer
    الصورة الرمزية hopsan
    الحالة : hopsan غير متواجد حالياً
    رقم العضوية : 195
    تاريخ التسجيل : Aug 2006
    الدولة : البلد اللى هى ماريه و ترابها زعفران
    العمل : بحار و بيحب البحر
    المشاركات : 23,684

    افتراضي

    اقتباس المشاركة الأصلية كتبت بواسطة أبوكريم مشاهدة المشاركة
    والله عال قوى
    فيرن والنوبي وهوبسان قاعدين يلعبو مع البنات
    وأنا واقف ملطوع مستني بالكورة الشراب والسبع طوبات



    مكتوب على موج البحر منذ ولدت ... بأنك للبحر مالك

    سيان تعيش على شط البر... أو فى قوقعه البحر فإنك هالك

  3. #23
    An Oasis Pioneer
    الصورة الرمزية عفاف
    الحالة : عفاف غير متواجد حالياً
    رقم العضوية : 295
    تاريخ التسجيل : Oct 2006
    الدولة : مقيمة بمصر
    المشاركات : 12,232

    افتراضي

    اقتباس المشاركة الأصلية كتبت بواسطة إكرام يوسف مشاهدة المشاركة
    إلى أن يقول الفريق الأول: نجيب لها الدنيا دي كلها. (كل الدنيا ليها )
    الفريق التاني: اتفضلوا خدوها بس اوعوا تزعلوها. فينقض الفريق الأول على الفريق الثاني يخطف منه بعد مقاومة العضو اللي عليها العين.

    ياترى كده صح يا عفاف؟
    أكيد صح ...إنت لعبتيها بعدي

    الأغنية دي محتاجة تحليل :

    نجيب لها دهب...نجيب لها حرير..نجيب لها خاتم ..نجيب لها ساعة ..نجيب إسورة..نجيب لها سلسلة
    ومافيش فايدة ..هل ده اللي طمع البنات وخلاهم عايزين شبكة غالية ومهر مبالغ فيه وشقة تمليك وكوافير مشهور ؟

  4. #24
    An Oasis Pioneer
    الصورة الرمزية alnoobi
    الحالة : alnoobi غير متواجد حالياً
    رقم العضوية : 79
    تاريخ التسجيل : Apr 2006
    الدولة : فوق شقة المجنى عليها عنايات أبوسنه
    العمل : كائد تابية
    المشاركات : 9,626

    افتراضي

    اقتباس المشاركة الأصلية كتبت بواسطة أفرو-ست مشاهدة المشاركة
    وتتقسم الشلة لمجموعتين..تنتهي بإن كل بنات مجموعة داحس مخاصمين كل بنات مجموعة الغبراء


    اقتباس المشاركة الأصلية كتبت بواسطة أبوكريم مشاهدة المشاركة
    وأنا واقف ملطوع مستني بالكورة الشراب والسبع طوبات
    ياه يابو كريم .. السبع طوبات .
    كان لينا زميل حريف جداً في السبع طوبات .. إزاي ؟
    أقول لك ... كان له رمية سحرية توقع الطوبة اللي فوق بس و كان إتنين من زمايلة يستنوا جنب رصة الطوب .. هو يوقع الطوبة و واحد منهم يرجع يرصها مكانها قبل ما حد يلحق يضربة

    كان فيه لعبة اسمها بلتك أو برتك .. حد لعبها .. حد من الولاد طبعاً ؟
    فريقين و نرسم مربع كبير على الأرض و تبقى فرقة جوة المربع و فرقة برة .
    الفرقة اللي برة يدخل منها واحد جوة المربع و يحاول يلمس أي فرد و يخرج و الفرد اللي اتلمس يبقى برة اللعبة .
    الفرقة اللي جوة تحاول تمسكه و لو مسكوه يدوروا فيه الضرب لغاية ما يقول "بلتك أو برتك" علشان يسيبوه و يبقى برة اللعبة .. و لو ما قالش يستمر الضرب حتى إشعار آخر

    إيه الألعاب الغريبة دي ؟ :sad:
    صباح الخير علي الورد اللي فتح في جناين مصر
    صباح العندليب يشدي بألحان السبوع يا مصر

    صباح الدايه واللفه..... ورش الملح في الزفه

    صباح يطلع بأعلامنا من القلعه لباب النصر


  5. #25
    An Oasis Pioneer
    الصورة الرمزية hopsan
    الحالة : hopsan غير متواجد حالياً
    رقم العضوية : 195
    تاريخ التسجيل : Aug 2006
    الدولة : البلد اللى هى ماريه و ترابها زعفران
    العمل : بحار و بيحب البحر
    المشاركات : 23,684

    افتراضي

    اقتباس المشاركة الأصلية كتبت بواسطة أبوكريم مشاهدة المشاركة
    والله عال قوى
    فيرن والنوبي وهوبسان قاعدين يلعبو مع البنات
    وأنا واقف ملطوع مستني بالكورة الشراب والسبع طوبات
    رغم كان تواجدى مع البنات من أيام الحضانه ( مكنش عندنا بلاى سكول و لا كى جى ) لحد الإعداديه إلا أننا كانت لنا ألعابنا الصبيانيه الخشنه و لما نزهق كنا نمارس زكوريتنا على البنات بإحتلال ألعابهن و طردهن من المكان .. حيث كن دائما يخترن الأماكن ذات الظلال فى الوقت الذى كنا نجرى فى الحوش فى لعبه التصادم العنيفه و تسلق سور الجونينه لقذف البلح الذى لم ينضج بعد فى مسابقه للنشان ... كنا عصابات و لم نكن أطفال عاديه و كنا نشكل للمديره عقده لا حل لها .... الى تفتأ ذهن المديره لفكره جهنميه .. بأن حولت تلك العصابات الى نظاميين لحفظ الأمن فى الفسحه و أعطتنا منح كالبيريه الأخضر و شاره خضراء على الكم و بعض المديح فى كل مقابله .... فأصبحنا نتبارى على حفظ النظام و فرض الهدوء على الحوش .... و كان أفظع ما فعلته المديره بنا أن جعلتنا نراقب بعضنا و نبلغ عن من منا يخرق النظام .... فبعد أن كنا عصابات تحترم الصفه الإجراميه فينا و أن بيننا عهد و ميثاق الجنتلمان أصبحنا نتبع المديره و كل منا معتقد أنه الوحيد المدلل و يفشى أسرار عصابته و عصابات الآخرين

  6. #26
    An Oasis Pioneer
    الصورة الرمزية عفاف
    الحالة : عفاف غير متواجد حالياً
    رقم العضوية : 295
    تاريخ التسجيل : Oct 2006
    الدولة : مقيمة بمصر
    المشاركات : 12,232

    افتراضي

    الموضوع ولع..بألعاب الصبيان
    استأذنكم ألعب (ستات أم محمدات ..أو بيوت ) يعني قايمة أجهز لقمة للغدا عالسريع (كروتة ..وحد يشرح كلمة كروتة لأختكم إيزيس) وارجع لكم:)

  7. #27
    An Oasis Pioneer
    الصورة الرمزية ارنوبه الجزراوى
    الحالة : ارنوبه الجزراوى غير متواجد حالياً
    رقم العضوية : 2766
    تاريخ التسجيل : Dec 2007
    الدولة : فى مكان ما
    العمل : اى حاجه
    المشاركات : 7,497

    افتراضي

    اقتباس المشاركة الأصلية كتبت بواسطة أفرو-ست مشاهدة المشاركة
    الموضوع ولع..بألعاب الصبيان
    استأذنكم ألعب (ستات أم محمدات ..أو بيوت ) يعني قايمة أجهز لقمة للغدا عالسريع (كروتة ..وحد يشرح كلمة كروتة لأختكم إيزيس) وارجع لكم:)


    ايه ده كانت على ايامك ستات ام محمدات او طنط وطنط

    كانت لعبه جميلة ياما اكلنا علق بسبها عشان كنا بنكسر كوب جزم امى لما بنلبس جزمها عشان ابقى طنط ده غير لبسها وشنطها وقطع القماش اللى لسه حتخيطهم



  8. #28
    An Oasis Pioneer
    الصورة الرمزية alnoobi
    الحالة : alnoobi غير متواجد حالياً
    رقم العضوية : 79
    تاريخ التسجيل : Apr 2006
    الدولة : فوق شقة المجنى عليها عنايات أبوسنه
    العمل : كائد تابية
    المشاركات : 9,626

    افتراضي

    اقتباس المشاركة الأصلية كتبت بواسطة أفرو-ست مشاهدة المشاركة
    (كروتة ..وحد يشرح كلمة كروتة لأختكم إيزيس) وارجع لكم:)
    الكروتة يا إيزيس اللي هي الكوتشينة و دي جاية من كلمة كارت اللي هي تحريف لكلمة بلاينج كارد .
    أم كريم كانت عاوزة تقول لك إنها كانت بتعلب كوتشينة مع البنات في ابتدائي ... على السندويتشات .

    و بتقوليها على العام إنك هتكروتي الغدا بتاع أبوكريم ؟

  9. #29
    An Oasis Citizen
    الصورة الرمزية أبوكريم
    الحالة : أبوكريم غير متواجد حالياً
    رقم العضوية : 300
    تاريخ التسجيل : Nov 2006
    الدولة : القاهرة / المقطم
    العمل : teacher
    المشاركات : 895

    افتراضي

    اقتباس المشاركة الأصلية كتبت بواسطة hopsan;625450[SIZE=5
    .... و كان أفظع ما فعلته المديره بنا أن جعلتنا نراقب بعضنا و نبلغ عن من منا يخرق النظام .... فبعد أن كنا عصابات تحترم الصفه الإجراميه فينا و أن بيننا عهد و ميثاق الجنتلمان أصبحنا نتبع المديره و كل منا معتقد أنه الوحيد المدلل و يفشى أسرار عصابته و عصابات الآخرين [/SIZE]

    طول عمره الأستعمار الأجنبي ( الكبار في هذا الموطن من وصف الأحداث متمثلا في المديرة ) يتبع سياسة فرق تسد

    من نقل إليك فقد نقل عنك
    تفضل عندنا في كشك الموسيقي

  10. #30
    An Oasis Citizen
    الصورة الرمزية أبوكريم
    الحالة : أبوكريم غير متواجد حالياً
    رقم العضوية : 300
    تاريخ التسجيل : Nov 2006
    الدولة : القاهرة / المقطم
    العمل : teacher
    المشاركات : 895

    افتراضي

    اقتباس المشاركة الأصلية كتبت بواسطة alnoobi مشاهدة المشاركة





    إيه الألعاب الغريبة دي ؟ :sad:

    غريبة ؟؟؟؟!!!!!!
    مش أنت اللي جايبها
    وبم أن مصدرها حيكم فأغلب الظن أنها فرعونية الأصل

صفحة 3 من 9 الأولىالأولى 12345 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •