كنت بلعب حجله..واستغمايه ..ولعبت كيكا عالعالي
وايه كمان ياربي...
وكان فيه لعبه تشبه الاستغمايه..اسمها ثبت:)
كنت بلعب حجله..واستغمايه ..ولعبت كيكا عالعالي
وايه كمان ياربي...
وكان فيه لعبه تشبه الاستغمايه..اسمها ثبت:)
مش هي دي لعبة (الكبة kabba)المشاركة الأصلية كتبت بواسطة هنا و سيف
انا اعرف اللعبه دي..:)
شفت اطفال بيلعبوها لما كنت رايحه ازور واحده صاحبتي في بلد ارياف
وسالت ايه اللعبه دي...قالولي ده آل !!
وهي عباره عن قطع سيراميك..وبيشقطوها لفوووق..وبعدين تتلاقاها على ضهر الايد بسرعه
في الاول بتاخد تقريبا قطعه واحده
وبعدين اتنين
لغايه اما تخلصهم
وباين لو واحده وقعت يبقى كده دورك انتهى
انا جيت العبها في البيت واقلدهم...مفيش ولا واحده عرفت اتلقاها
كلهم وقعوا!!!
صعبه جدا على فكره!!
كنا بنلعبها بنوى المشمش أو الزلط..بيكونوا 5 حبات
هل هي دي الآل يا فيرن ويا مصرية ؟؟
الآل ده كان القالب اللي بنلعب به الأولى أو الحجلة..حتة بلاط..أو علبة ورنيش مليانة رمل
يجلس الجميع في حلقة ...وواحد أو واحدة معاه منديل (قماش طبعا مش تيشو بيبر)..ويلف حول الدايرة ويقول:
وعلى البحر غير الراكيت كنا بنلعب لعبة المنديل حد عارفها ؟
الدبة
وهم يردوا : وقعت في البير
وصاحبها
واحد خنزير
مافاتش عليكوا الديب الديب السحراوي
فات فات
في ديله
سبع لفات
ويرمي المنديل ورا واحد من القاعدين..واللي وقع وراه المنديل ياخدو بسرعة ويجري ورا اللي رماه ويحاول يمسكه قبل مايقعد في الدائرة..
لو اتمسك بيخرج بره اللعبة..والتاني يلف بالمنديل حول الدائرة ..وتتكرر العملية
التعديل الأخير تم بواسطة عفاف ; 23-01-2011 الساعة 04:58 PM سبب آخر: واو زيادة..قمت حذفتها
ياهنا وسيف ياحبيباتي ...فين الشرح؟
لازم نشرح اللعبة علشان ده توثيق لألعاب الطفولة
لعبتها اللى بنوى المشمش بس نسيت اسمها
طب حد لعب طلعت انا والعصفوره بس دى للاطفال الاصغر جدا
يعنى 5 6 7 سنين
هي إيه اللي لعبتيها بنوى المشمش ؟؟
أفصحي هداك الله
واحنا كمان لعبنا اللعبة دى بس افتكر لعبة المنديل اللى تقصدها مصرية عبارة عن فريقين كل فريق بيقف فى جنب خلف خط بيترسم على الرمله وواحد يقف فى نصف المسافة بين الفريقين وماسك فى ايديه منديل وكل عضو فى الفريقين بيكون له رقم واللى ماسك المنديل ينادى على الاعضاء بالارقام مثلا يقول 1 من فريق فلان و4 من فريق علان يقوم الافراد اللى بيحملوا الارقام دى من كل فريق يتقدموا للوسط قدام المنديل والشاطر اللى يعرف يخطف المنديل قبل التانى وبدون لمس من منافسه ويرجع مكانه ... يارب اكون عرفت اوضح فكرة اللعبة
شوفي انا هشرح..بس يارب توصل:)
ثبّت دي زي الاستغمايه بنختار واحده مننا..طبعا بطريقة كلوا باميه..وهي اللي تستغمى
وبعدين تقول خلااااويص
لو محدش رد..تجري تدور على المستخبيين..ولو شافت حد..موش بتمسكه زي الاستغمايه..بتقوله ثبّت من بعيد..
اللي بيوصل للامه خلاص مفيش مشاكل
اللي اتثبتوا بيسموا اسامي وبتختار منها واحد..هو اللي يستغمى(غالبا بنختار اسامي مقرفه عشان موش تختارنا)
كيكا عالعالي..
برضه بنختار حد بكلوا باميه ..بيجري ورا الكل..اللي واقف عالعالي..خلاص
(العالي هنا ممكن يكون رصيف سلم طوبه اي مكان عالي)
اللي واقف عالارض وميلحقش يقف عالعالي بيتمسك ..وياخد الدور
وبس:)
في كمان كهربا..:)
ودي لعبه بنختار واحد بكلوا باميه برضه
بيجري ورا الكل..قبل ما يمسك حد نقول كهرباااا
اللي قال كهربا ميعرفش يجري زي الباقيين :nono:
بيفضل واقف كده..لحد ما حد يجي ويساعده ..عن طريق ضرب كفه
بكف المتكهرب ويقول شد الكوبس
وبالتالي يعرف يجري زي التانيين..واللي يتمسك ..هو اللي يجري..وهكذا
وفي سيجه..
والسلم والتعبان
وبنك الحظ!!:)
اما انتى عليكى عنوانين مش عارف والله بتجبيها منين دى
طيب بس عشان معدشى قفص جوافه فى الموضوع
هو بيتكلم عن ايه الاول . لان انا مش هفر سبع صفحات
وصلتوا لاايه يعنى
انا عمال ادور على موضوع اركب فيه مش لاقى
طيب موضوع الطم فيه على نفقه الدوله مش لاقى
الجو هادى يعنى ايه الموضوع
مفيش مصيبه نتلئح فيها فى اى حته على منشوف أى حدث جديد نشلشل فيه برده نشلشل فيه على نفقه الدوله . مهى ارزاق اصله
يعنى ناس تتعالج بالملايين على نفقه الدوله وناس ملهاش ده
ليها اللطم على نفقه الدوله
واهم كلهم مصريين
ورضا جه يام رضا
اموت واعرف رضا ده كان فين أمصيبه
ضوابط المشاركة
رد مع اقتباس
