صفحة 1 من 5 123 ... الأخيرةالأخيرة
النتائج 1 إلى 10 من 81

الموضوع: المرسال جالكوا..بريلا بريلا بريليلا

العرض المتطور

  1. #1
    An Oasis Pioneer
    الصورة الرمزية عفاف
    الحالة : عفاف غير متواجد حالياً
    رقم العضوية : 295
    تاريخ التسجيل : Oct 2006
    الدولة : مقيمة بمصر
    المشاركات : 12,232

    افتراضي المرسال جالكوا..بريلا بريلا بريليلا

    من 50 سنة ..كانت العابنا (البنات بالذات) تعتمد على الغناء..وكانت معظمها تؤدى في فناء المدرسة ..بالذات في الفسحة الكبيرة ..البريك يعني..كانت مدتها تقريبا 45 دقيقة
    من بين العابنا وقتها مراسم إجراء القرعة
    ودي كانت الأغنية المصاحبة :
    دو دو دو ...كاتريه كاتريه كاتريه
    كازوزة إي كافيه
    كافيه فرانسيز..موديل بحري
    بعت جواب لصاحبتي
    وقع مني في سكتي
    هو ده ..لأ مش ده
    لازم يكون هو ده

    البنات بيقفوا صف بالعرض ..واللي بتعمل القرعة بتقف مواجهة لهن ..وتلمس البنات وهي بتغني الفرانكو آراب السابق ..ومن تنتهي عندها آخر كلمة في الأغنية تخرج من الصف وتنتظر مصيرها ..أي مع فريق من ستلعب ..أو تخرج نهائيا لو كان العدد أكبر من المطلوب

    تحليل كلمات الأغنية :
    دو : رقم 2 بالفرنسية
    كاتر : رقم 4 بالفرنسية
    كازوزة : مياه غازية
    أي : و
    كافيه : قهوة
    وطبعا كلمات كلها لامعنى لها ..إيه اللي جاب الكازوزة ..وإيه هو الموديل البحري :wacko:
    ولانعرف ..ولا يهمنا نعرف..طقوس بنعملها وخلاص ...وبذمة وضمير وإخلاص:)
    وقانون القرعة غير قابل للنقاش
    أكيد الأغنية فرنسية 100% ..وغنوها البنات في مدارس الراهبات..لكن وصلت لنا في مدارسنا الحكومية معربة ومشوهة بالصورة دي

    يتبع

  2. #2
    An Oasis Pioneer
    الصورة الرمزية alnoobi
    الحالة : alnoobi غير متواجد حالياً
    رقم العضوية : 79
    تاريخ التسجيل : Apr 2006
    الدولة : فوق شقة المجنى عليها عنايات أبوسنه
    العمل : كائد تابية
    المشاركات : 9,626

    افتراضي

    اقتباس المشاركة الأصلية كتبت بواسطة أفرو-ست مشاهدة المشاركة
    يتبع
    مستنيين
    صباح الخير علي الورد اللي فتح في جناين مصر
    صباح العندليب يشدي بألحان السبوع يا مصر

    صباح الدايه واللفه..... ورش الملح في الزفه

    صباح يطلع بأعلامنا من القلعه لباب النصر


  3. #3
    An Oasis Pioneer
    الصورة الرمزية Fern
    الحالة : Fern غير متواجد حالياً
    رقم العضوية : 288
    تاريخ التسجيل : Oct 2006
    المشاركات : 20,369

    افتراضي

    اقتباس المشاركة الأصلية كتبت بواسطة alnoobi مشاهدة المشاركة
    مستنيين
    مستنى إيه !! .......... إنت كنت فى مدارس راهبات ......:nono:

    دى لسه هتدخل على بريلا بريلا بريليله وهدومنا جميلة يا حليله

    وحتى الأغنية الاولانية بتقولها غلط ..... هو برضه الفرنساويين بيبدؤا العد من دو ( 2 ) ...اكيد لأ ... يبآه الطبيعى إن الأغنية تبدأ أن (1) ... دو ( 2 ) ... تروا ( 3 ) .... كاتريه كاتريه .... الخ

    وطبعاً إنت سيد العارفين إن عفااااااااااااف عندها مشكلة مزمنة فى الداتا من زماااااااان ( مشكلة الليفة إياها اللى أخدت منا شيىء وشويات ) .... وبسبب تلك المشكلة تلاقى على ما الداتا وصلت من فرنسا لحد عندهم سقطوا منها ال (ان ... 1 ) ويادوب لحقوا يسمعوا ال ( دو ... 2 ) وهوبا راحت الليفة فاصله والخط لغوش وكل اللى كانوا سامعينه لغوشه الخط ( دودودو) وبالتالى إفتكروا إن دا باقى الأغنية

    وقف الخلق ينظرون جميــــــعاً ....... كيف أبنى قواعد المجد وحدى
    وبناة الأهرام فى ســـالف الدهر ....... كفونى الكلام عند التــــــحدى
    أنا تاج العلاء فى مفرق الشرق ........ ودراته فرائـد عـــــــــــــقدى

  4. #4
    An Oasis Pioneer
    الصورة الرمزية عفاف
    الحالة : عفاف غير متواجد حالياً
    رقم العضوية : 295
    تاريخ التسجيل : Oct 2006
    الدولة : مقيمة بمصر
    المشاركات : 12,232

    افتراضي

    اقتباس المشاركة الأصلية كتبت بواسطة Fern مشاهدة المشاركة
    مستنى إيه !! .......... إنت كنت فى مدارس راهبات ......:nono:

    دى لسه هتدخل على بريلا بريلا بريليله وهدومنا جميلة يا حليله

    وحتى الأغنية الاولانية بتقولها غلط ..... هو برضه الفرنساويين بيبدؤا العد من دو ( 2 ) ...اكيد لأ ... يبآه الطبيعى إن الأغنية تبدأ أن (1) ... دو ( 2 ) ... تروا ( 3 ) .... كاتريه كاتريه .... الخ

    وطبعاً إنت سيد العارفين إن عفااااااااااااف عندها مشكلة مزمنة فى الداتا من زماااااااان ( مشكلة الليفة إياها اللى أخدت منا شيىء وشويات ) .... وبسبب تلك المشكلة تلاقى على ما الداتا وصلت من فرنسا لحد عندهم سقطوا منها ال (ان ... 1 ) ويادوب لحقوا يسمعوا ال ( دو ... 2 ) وهوبا راحت الليفة فاصله والخط لغوش وكل اللى كانوا سامعينه لغوشه الخط ( دودودو) وبالتالى إفتكروا إن دا باقى الأغنية
    يادي الليفة ..ويادي الداتا
    أنا باكتب تاريخ مصر باعتباري شاهد على العصر
    ماتعصبنيش..لو اتعصبت ..حازرجن
    ولو زرجنت ..مش حاكتب
    ال ان ..1 يعني لها قصة
    تعالوا نقراها
    التعديل الأخير تم بواسطة عفاف ; 22-01-2011 الساعة 09:44 AM سبب آخر: عصبني خلاني كتبت غلط

  5. #5
    An Oasis Pioneer
    الصورة الرمزية Fern
    الحالة : Fern غير متواجد حالياً
    رقم العضوية : 288
    تاريخ التسجيل : Oct 2006
    المشاركات : 20,369

    افتراضي

    اقتباس المشاركة الأصلية كتبت بواسطة أفرو-ست مشاهدة المشاركة
    يادي الليفة ..ويادي الداتا
    أنا باكتب تاريخ مصر باعتباري شاهد على العصر
    ماتعصبنيش..لو اتعصيت ..حازرجن
    ولو زرجنت ..مش حاكتب
    ال ان ..1 يعني لها قصة
    تعالوا نقراها
    إحكى يا شهرزاااااااااد

  6. #6
    An Oasis Pioneer
    الصورة الرمزية alnoobi
    الحالة : alnoobi غير متواجد حالياً
    رقم العضوية : 79
    تاريخ التسجيل : Apr 2006
    الدولة : فوق شقة المجنى عليها عنايات أبوسنه
    العمل : كائد تابية
    المشاركات : 9,626

    افتراضي

    اقتباس المشاركة الأصلية كتبت بواسطة Fern مشاهدة المشاركة
    إحكى يا شهرزاااااااااد
    المفروض يطلعوك برة الفصل يا فيرن !
    موش معقولة الشغب اللي انت عامله دة :sad:

  7. #7
    An Oasis Pioneer
    الصورة الرمزية عفاف
    الحالة : عفاف غير متواجد حالياً
    رقم العضوية : 295
    تاريخ التسجيل : Oct 2006
    الدولة : مقيمة بمصر
    المشاركات : 12,232

    افتراضي

    رقم 1 في العابنا زمان

    الرقم ده كان ملغي تماما ..لانقوله في اللعب..ولا نكتبه على الأرض
    لو في العدد نبدأ بالعشرة
    10 -20-30
    لو حنكتب الأرقام من 1 إلى 5 (في لعبة الأولى أو الحجلة ) بنترك الخانة الأولى بدون رقم ..وبعدين نكتب 2و 3 و4و5
    والسبب إن الواحد هو الله
    واللعب باسم من اسماء الله حرااااام
    ولا يصح كتابته على الأرض ..واللي حيعمل كده حيروح النار

  8. #8
    An Oasis Pioneer
    الصورة الرمزية Isis
    الحالة : Isis غير متواجد حالياً
    رقم العضوية : 39
    تاريخ التسجيل : Apr 2006
    المشاركات : 5,248

    افتراضي

    تسجيل متابعة...


    الحجلة كانت لعبتنا المفضلة في المدرسة و بالظبط كده زي ما قالت مدام عفاف..
    يــــارَبْ عَلمّنْي أنْ أحــبّ النَاسْ كَما أحــبّ نَفسْي..وَعَلّمني أنْ أحَاسِبْ نَفسْي كَما أحَاسِبْ النَاسْ..وَعَلّمنْي أنْ التسَامح هَو أكْبَر مَراتب القوّة وَأنّ حبّ الانتقام هَو أولْ مَظاهِر الضعْفَ

  9. #9
    An Oasis Pioneer
    الصورة الرمزية Fern
    الحالة : Fern غير متواجد حالياً
    رقم العضوية : 288
    تاريخ التسجيل : Oct 2006
    المشاركات : 20,369

    افتراضي

    خلاص ...... حبكت

    أخطاء الأطفال الصغار بئت علشان خاطر الدين ..... إنقل يا عم الناظر الموضوع على نداء الإيمان

  10. #10
    كاتبة صحفية و مترجمة
    الصورة الرمزية إكرام يوسف
    الحالة : إكرام يوسف غير متواجد حالياً
    رقم العضوية : 4087
    تاريخ التسجيل : Mar 2008
    الدولة : أم الدنيا ربنا يشفيها
    العمل : صحفية ومترجمة
    المشاركات : 5,679

    افتراضي

    يااااه يا عفاف.. فكرتينا بالذي مضى.. رغم اني كنت عايشة في الصحرا واللعب كان يا اما تسلق التلال أو تسلق النخلة.... انما برضه لحقت شوية العاب من دي.. بس بريللا بريللا بريليلا دي كانت عبارة تقريبا عن فريقين كل فريق يتحرك مع بعضه في صف بالعرض وقت تشابكت ايدي الفتيات

    • الفريق الأول وهو يجري قفزا نحو الفريقي الثاني: المرسال جايلكوابريللا بريللا بريليلا.(ثم يعود الفريق الأول بنفس الطريقة ولكن بخطوات إلى الوراء)
    • الفريق التاني يتقدم إلى الأمام: عايزين مين؟ بريللا بريللا بريليلا.
    • الفريق الأول يتقدم إلى الأمام بينما يتراجع الفريق الثاني: عايزين فلانة (واحدة من أعضاء الفريق الثاني).
    • الفريق الثاني بنفس الطريقة متقدما: تجيبولها إيه.. بريلللا بريللا.ثم يتراجع.
    • الفريق الأول متقدما: نجيب لها حرير.. بريللا بريللا بريليلا.
    • الفريق الثاني: ما يقضيهاشي.. بريللا بريللا بريليلا.
    • الفريق الأول: نجيب لها ذهب.. بريللا بريللا بريليلا.
    • الفريق الثاني: ما يقضيهاش.. بريللا بريللا بريليلا.
    ويظل الفريق الأول يعرض كافة أنواع المغريات والفريق الثاني يقول: ما يقضيهاش.. إلى أن يقول الفريق الأول: نجيب لها الدنيا دي كلها.
    الفريق التاني: اتفضلوا خدوها بس اوعوا تزعلوها. فينقض الفريق الأول على الفريق الثاني يخطف منه بعد مقاومة العضر اللي عليها العين.

    ياترى كده صح يا عفاف؟
    ده اللي أنا فاكراه من الألعاب الجماعية في الإجازات الصيفية.. أما في الفسحة المدرسية فكانت بين تناول الساندوتشات وحجرة الموسيقى حيث كنت مشروع مغنية وعازفة فاشلة.. أو القسم المخصوص (شرحه مشروع رياضية فاشلة).. أو مكتبة المدرسة حيث الأمر الوحيد الذي أجيده وهو القراءة.
    كان مناه يلمح علامة خوف بسيطة..طب حييجي الخوف منين ابن العبيطة؟..
    هو مين فينا الجبان؟.. واللا مين فينا اللي خان؟
    دولة الظلم ساعة.. هــــــــــــانت.. باقي دقائق

صفحة 1 من 5 123 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •