صفحة 5 من 93 الأولىالأولى ... 345671555 ... الأخيرةالأخيرة
النتائج 41 إلى 50 من 929

الموضوع: مشاكل النسخه الجديده يلا ياواحاتيه هجوم للوصول للأفضل

  1. #41
    An Oasis Pioneer
    الصورة الرمزية hopsan
    الحالة : hopsan غير متواجد حالياً
    رقم العضوية : 195
    تاريخ التسجيل : Aug 2006
    الدولة : البلد اللى هى ماريه و ترابها زعفران
    العمل : بحار و بيحب البحر
    المشاركات : 23,353

    افتراضي

    اقتباس المشاركة الأصلية كتبت بواسطة أسامة مشاهدة المشاركة
    بصراحة أنا مش واخد راحتي

    و أنا كمان .... بس قولت فى عقل بالى هتطلع أنت الفلوطه فى المشوار ده ... إبلع و أنت ساكت ... دول دافعين شىء و شويات فى الستايل ده .... على إعتبار إنها النسخه الأكثر حداثه على مستوى المنتديات و أنا تأكدت بنفسى و قرأت أن عمر العيل الخيبان ده عدد 1 إسبوع .. و من جماله دلوقتى حالا أنا بكتب فى الهوا .. يعنى مش شايف اللى بكتبه و أنا بكتب داخل الإقتباس ولازم أحرك الماوس لتحت علشان أشوف اللى كتبته و عند كتابه أول حرف يطلع الإقتباس لأول سطرين و إياك أن تصلح ما كتبته داخل الإقتباس و إلا ستعانى الأمرين كأنك تجرى و راء الحرف علشان تظلله و تحذفه أو تعدله
    ده غير إن كان فيه أوبشنز مش لاقيها دلوقتي زي الخط الفاصل مثلا.

    وبعد كده لون المنتدى بقى فاتح وباهت وبيلخبط ، وانا كنت دايما بختار الأولد ستايل قبل كده علشان اللون الأزرق الغامق نسبيا ، فياريت يكون فيه ستايلات إضافية علشان نتخير منها.

    عندك ذوق يادى الجدع ... أنا بعمل كده برضه .. محبش الألوان السايخه أو المايصه أو المايعه
    هو مش مفروض فالكون بيحقق لنا الأماني بتاعتنا برضه ؟

    عايزين فالكون

    عايزين فالكون

    فالكون مش فاضى ليكو ... الجدع فى مارينا ... و لما يرجع من المصيف يبقى يشوف مشاكلكم



    مكتوب على موج البحر منذ ولدت ... بأنك للبحر مالك

    سيان تعيش على شط البر... أو فى قوقعه البحر فإنك هالك

  2. #42
    An Oasis Pioneer
    الصورة الرمزية الباش مهندسه
    الحالة : الباش مهندسه غير متواجد حالياً
    رقم العضوية : 1646
    تاريخ التسجيل : Aug 2007
    المشاركات : 3,911

    افتراضي

    انا مش عاجبني بانر الواحة من حوالي 4 سنين تقريبا من ساعة ما سجلت في الواحة بس كنت كاتمة في نافسي وصابرة (وش واحد بيعيط بحرقة شديدة )

    واقول معلش اصبري يابت ياباش مهندسة ههههههه

    لما الاشية تبقي معدن نبقي نغير الديكورات ونعمل بانر جديد روش كده
    ودلوقتي بعد ما ربنا فرجها علينا وعزلنا في بيت جديد يبقي لازم بانر جديد

    احنا نطلب من كل واحد بيعرف يصمم بانرات يساعدنا

    تعاطفك لوحده مش كفاية اتبرع ولو ببانر (وش واحد بيشحت )


  3. #43
    An Oasis Pioneer
    الصورة الرمزية ملك الفؤاد
    الحالة : ملك الفؤاد غير متواجد حالياً
    رقم العضوية : 8733
    تاريخ التسجيل : May 2009
    المشاركات : 3,876

    افتراضي

    حمد الله على سلامة الواحة أهم شىء

    أنا أول مادخلت استغربت الاستايل الجديد وشكلها العام

    لكن والله بمجرد دخولى وقرائتى لمداخلات الأعضاء احسست بتعود على شكلها

    (إن أمكن ) ياريت بس يكون فيه ستايلات اخرى نختار بينها ال يناسب بعض الأذواق هنا

    الف شكر لكل من ساهم فى رجوع الواحة ساااالمة

    تحياتى

    [center][/center

  4. #44
    Banned
    الصورة الرمزية الأميرأمير
    الحالة : الأميرأمير غير متواجد حالياً
    رقم العضوية : 50
    تاريخ التسجيل : Apr 2006
    الدولة : Montreal QC Canada
    العمل : Trucking
    المشاركات : 9,714

    افتراضي

    يا واحاتيه الصبر جميل
    بلاش ضغط وإختراعات دحنا ف أول يوم عوده وكووول اللي بتقولوه معلوم عند فالكون ومفريك بس عيرش هيا الضغوط التقنيه واللي بتاخد وقت
    متقلقوش أضعف الإيمان هينجحوا في إعادة نفس ترتيب وهيكلة الواحة قبل الوعكه ونلعب ساعتها براحتنا
    نغير بانر نضيف علم مصر نعمل أنيميشن
    بس يا ريت ولا نحط قلوب ولا لومض تنور وتطفي جنب كل عضو متواجد زي الأحياء الشعبيه (وكييييركركركركركرك)
    المتصفح معايا صاروخ وتغيير الفونت والتلوين وتغيير الحجم بيتم فور الدعسه بأقل من ثانيه وأنا طول عمري إكسبلورر.. زودوا دسم لأجهزتكم يمكن ناقصهم بروطينات ((:

  5. #45
    An Oasis Pioneer
    الصورة الرمزية أسامة
    الحالة : أسامة غير متواجد حالياً
    رقم العضوية : 370
    تاريخ التسجيل : Dec 2006
    المشاركات : 4,966

    افتراضي

    و أنا كمان .... بس قولت فى عقل بالى هتطلع أنت الفلوطه فى المشوار ده ... إبلع و أنت ساكت ... دول دافعين شىء و شويات فى الستايل ده .... على إعتبار إنها النسخه الأكثر حداثه على مستوى المنتديات و أنا تأكدت بنفسى و قرأت أن عمر العيل الخيبان ده عدد 1 إسبوع
    طيب يعني مينفعش يبيعوه ويجيبوا مكانه أي واحد قديم ولو كان حتى سَكـَـنْد هانْد (أيقونة بتشحت)

    أنا مقدر حالة التعب اللي انت فيها ( أيقونة بتقدر حالة التعب اللي القبطان فيها ) ، لأن كتابة مداخلة منظمة ومترستقة ومتريشة بقت حاجة صعبة بصراحة ، وبتحصل مشاكل غريبة كده بس ساعات تحصل وساعات لأ

    يعني مرة تلاقي الخط بيصغر لوحده وتحتاج كل شوية تختار الفونت الكبير ، وعلشان تختار الفونت الكبير لازم تستنى على بال ما سي السيد يعمل لنفسه داونلود ، وساعات كمان العلامة بتاعتة الكتابة ( الشرطة الواقفة ) تختفي وتقعد تدور عليها وتعمل رفرش للصفحة ومتلقهاش برضه ، تروح تحاول تخمن مكانها يطلع التخمين غلط ، فتيجي تحركها ــ وهي غير مرئية ــ فتلقاها بتروح في أماكن غريبة خالص مش بتاعتها فمتعرفش تعدل ولا ما متعدلش وممكن دمك يتحرق وتتراجع عن المشاركة ، وممكن تحط المشاركة زي ما تيجي ويبقى نصيبها كده.

    ده غير إن اللون الباهت بيلخبط وبيجيب صداع ( أيقونة متلخبطة وعندها صداع )

    شوف يا قبطاننا ..... الحل الوحيد هو إرسال فرقة كوماندوز إلى مارينا واختطاف الفالكون من هناك وتخييره بين أن يعطينا استايلا جديدا أو إجباره على مشاهدة برنامج تليفيزيوني لمدة 5 ساعات يكون فيه تامر أمين مستضيفا لسعد الصغير وهالة سرحان. ( أيقونة سادية ) ، وثق تماما أن الاستايل الجديد سيكون جاهزا في خلال ساعة على الأكثر.
    رُوحُ المُحِبِّ على الأحْكامِ صابرةٌ
    لعَلَّ مُسقِمَهـــا يومـــًا يُــــداويها


  6. #46
    An Oasis Pioneer
    الصورة الرمزية أنس
    الحالة : أنس غير متواجد حالياً
    رقم العضوية : 12408
    تاريخ التسجيل : Apr 2010
    المشاركات : 6,034

    افتراضي

    من القلب خالصة كل التحية والشكر لكل من ساهم فى عودة الواحة .

    مقدر ان فى مصاريف اتصرفت ومعنديش خبرة ان كانت كتير او قليل دا بخلاف المجهود الكبير.

    الواحة لما نعمل لها بحث فى جوجل نلاقى "منتدى متنوع" ودا قليل اوى على الواحة .

    الموضوعات فى المنتدى مش بيكتب فيها "الصفحة الاخيرة" بس موجودة داخل الموضوع .

    كل كوم واستيل "واحتى 3" كوم تانى وياريت تطمنونى ممكن يرجع ولا لاء .

    دا اللى لحظته لو فى تنانى هقول قبل تسجيل الخروج .

    امتنانى الوافر ،،


    الثورة مستمرة
    ------------------------------------
    عشان الادب فضلوه عن العلم (:





  7. #47
    An Oasis Pioneer
    الصورة الرمزية أنس
    الحالة : أنس غير متواجد حالياً
    رقم العضوية : 12408
    تاريخ التسجيل : Apr 2010
    المشاركات : 6,034

    افتراضي

    - الشريط - ناسى اسمه - اللى بيحرك اتجاهات الصفحة الموجود شريط من اعلى

    لاسفل او العكس اما شريط من الشمال لليمين او العكس مش موجود.

    - كنت فى موضوع وجيت اغير لصفحة فى نفس الموضوع لقيت رسالة تعنى

    هتحذف بياناتى لو غير الصفحة واخترت ابقى فى هذه الصفحة (دا ما يعنى).
    التعديل الأخير تم بواسطة أنس ; 26-06-2011 الساعة 08:01 PM سبب آخر: تعديل كلمة

  8. #48
    An Oasis Pioneer
    الصورة الرمزية The Falcon
    الحالة : The Falcon غير متواجد حالياً
    رقم العضوية : 23
    تاريخ التسجيل : Apr 2006
    المشاركات : 6,293

    افتراضي ملاحظات الأعضاء حول مشاكل الواحة بعد العودة

    الأخوة الأفاضل/ أعضاء الواحة المصرية الكرام..

    أرجو ممن لديه ملاحظة أو شكوى بخصوص التصفح أو المشاركة بالواحة أن يضعها ضمن هذا الموضوع حتى يتم العمل على حلها إن شاء الله..

    أعلم أن هناك الكثير من الملاحظات مثل حجم الخط والابتسامات وتعدد الاستايلات تحتاج لحل المشاكل الخاصة بها وجميع الملاحظات الحالية موضوعة في الاعتبار فأرجو عدم الاستعجال لأن مثل هذه الأمور تحتاج لوقت طويل وللأسف لا أملك الوقت الكافي لذلك حالياً..

    وأود أن أشير إلى أن الاستايل الحالي هو أحدث استايل تم إصداره للمنتديات من في بوليتين وإصدار البرنامج هو أحدث إصدار يحمل الرقم 4.1.4 وللأسف جميع الاستايلات السابقة التي كانت موجوة بالمنتدى غير متوافقة مع هذا الإصدار وسيتم إضافة الاستايلات المتوافقة أو الخاصة بهذه النسخة قريباً إن شاء الله حال توفرها أو الحصول عليها. كذلك فإن بعض أدوات التنسيق السابقة مثل الخط الفاصل والإطارات وتحريك النص...الخ أصبحت أيضاً غير متاحة حالياً لعدم توافق تلك الأدوات مع النسخة الجديدة وجاري البحث عن تحديث لها أو نسخة متوافقة لتركيبها.

    أما بالنسبة لسرعة فتح قوائم الخطوط والألوان وحجم الخط فهي سريعة جداً كما يتضح من الفيديو المرفق..



    فقط أرجو تسجيل الملاحظات والشكاوي هنا حتى يسهل الرجوع إليها في موضوع مجمع، وأعتذر للجميع إن كان هناك أي تقصير أو كانت عودة الواحة على غير ما توقع الكثيرون فقد قررت عودة الواحة بهذا الشكل بعدما طالت فترة التوقف وزاد القلق بين الأعضاء كما لاحظت على الفيس بوك فكان قرار الافتتاح رغم وجود بعض الأمور التي تحتاج للاستكمال.

    عذراً مرة أخرى، وللجميع خالص تحياتي..


    ليس الشديد بالصُرَعة..إنما الشديد من ملك نفسه ساعة الغضب

    سبحان الله وبحمده..سبحان الله العظيم

  9. #49
    An Oasis Pioneer
    الصورة الرمزية الفرعون المجهول
    الحالة : الفرعون المجهول غير متواجد حالياً
    رقم العضوية : 3370
    تاريخ التسجيل : Jan 2008
    الدولة : مصر أتكتب التاريخ علي أرضها
    المشاركات : 4,834

    افتراضي

    اقتباس المشاركة الأصلية كتبت بواسطة The Falcon مشاهدة المشاركة
    وللجميع خالص تحياتي..

    والجميع يقدمون التحية لك و يقدرون لك مجهودك الضخم...
    يستطيع الشيطان أن يكون ملاكاً . . والقزم عملاقاً . . والخفاش نسراً
    والظلمات نوراً . . لكن أمام الحمقى والسذج فقط.





  10. #50
    Banned
    الصورة الرمزية الأميرأمير
    الحالة : الأميرأمير غير متواجد حالياً
    رقم العضوية : 50
    تاريخ التسجيل : Apr 2006
    الدولة : Montreal QC Canada
    العمل : Trucking
    المشاركات : 9,714

    افتراضي

    اقتباس المشاركة الأصلية كتبت بواسطة masreya مشاهدة المشاركة



    شوف يا استاذ هانى بما ان هناك تطور غير عادى فى عالم الدهانات والديكور ....وعلى حسب نظرية من فات قديمه تاه ...وبمناسبه انى اخر لماضه فى الحقيقه ولمت لا يعرفوننى فى الحقيقيه فان عندى ولع لدرجة الجنون بكل ماهو يدوى ...وبالطبع النقاش اصبح صديقى وتعلمت منه اصول الدهانات والفرق بين المائى والزيتى فانا حاليا باشتغل فى مناطق لابد من دهانها بالزيتى اى اللاكيه ولابد من تخفيفه على الاسطى عشان المشط يمشى معاك زى السكينه فى الحلاوة ولاموأخذه ...

    عتعلمت ايضا استخدام المعجون الجاهز بطرق جديدة ومبتكرة فى دهان الكرانيش الجاهزة ثم طلائها بانواع مدهبة فوق المعجون المزركش ماقولكش بقى لالنتيجة ولا قصر البارون امبان اكيد عارفه طبعا اجدع من قصر سكاكينى ( وش واحد بيضحك)

    هانفتح موضوع ان شاء الله قريب ونتكلم ونحكى خبراتنا للشباب عشان كل واحد يدهن بيته بايده بعد كده ...ويركب ارضيات جاهزة فى ساعة زمن ...

    انا فرحانه جدا بعودة الواحه وباسيب الشغل واجى احط مداخله واجرى احسن الاسطى يتضايق ويطردنى ويتقطع عيشى من شغلانه تأكلك الشهد ...

    بعد الثورة اكتشتفت ان الصناعية بتوع مصر بجد ثروة قوميه ...وماتنسوش ابقوا فكرونى احكى لكم عن الصنايعى السلفى وماذا حدث معى عندى لكم حواديت ومواضيع كيره جدا بس ادهولى اخلص عمرة الموتور ( وش واحد غلس)

    وانا اسفر على طول على البحر وماكنتبش حاجه واجرى على الصيد ....هىء هىء هىء هىء بدل كركر يا ضحك القديمه دى ..ناس ديموديه صحيح ...

    الاسطى مصرية نقاش وصنايعى تحت التدريب
    شوفي يا مدام مصريه علشان منلغوصش بالبويه الموضوع إفتحيلنا موضوع دهانات ونقاشه ومعجنه وصنفره وكل ما يخطر ف بالك عن عالم التحديثات المنزليه وأنا يا ستي هثبتلك بالدليل المادي وبصور من كاميرتي للبعض أعمالي , بعد إقراري بوضع لمساتي الفنيه عندك ف البيت وحياة أمي وببلاش علشان أعّرفك لفين التقدم راح في عالم الدهانات
    أعتقد أنك تعرفي أن النهارده في دهانات بلاستيكيه (لميع ونص لميع ) ولا حاجه أبداً اليوم لإستخدام دهانات زيتيه تمط الوقت والنتيجه واحده غير ال(الصنه اللي بيخلفها ضوء النيون على الدهانات الزيتيه )
    وحياتك يا ست الكل البلاستك النهارده فيه المطفي والنص مط والمط (يعني السيمي جلاس والجلاس) ولما تفتحي موضوعك هحطلك شوية إبداعات من إيدي في فيلات تمن أقل واحده فيهم 4 مليوووووم دورار (كيييييركركرككركركركر) ياللا خلينا نتكلم فني ونعلم الواحاتيه كيف تُدهن الجدران كما العالم الأول
    وأوعدك بشطف الحيطان بالليفه والصابون (إنشاللا بالكلور ) للحيطان البلاستيكيه وتصبح كأنك دهناها من ساعه فاتت !
    آل زيت آل وتربنتين ونفتالين وكيروسين والحل ف وشين بلاستيكيين معتبرين بس السعر يمكن يكون ممطوط ف مصر (هاهاهاهاهاهاهاها)
    وإيييييييييييييييييييييييييييييييييييييييييييييييي ييييييييييييييييه
    التعديل الأخير تم بواسطة الأميرأمير ; 26-06-2011 الساعة 09:12 PM

صفحة 5 من 93 الأولىالأولى ... 345671555 ... الأخيرةالأخيرة

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •