صفحة 4 من 4 الأولىالأولى ... 234
النتائج 31 إلى 35 من 35

الموضوع: الفريدة فريدة

  1. #31
    An Oasis Pioneer
    الحالة : أنس غير متواجد حالياً
    رقم العضوية : 12408
    تاريخ التسجيل : Apr 2010
    المشاركات : 6,034

    افتراضي



    نور العين وروح القلب فريدة اقتربت من بلوغ عاما كاملا بفضل من الله تعالى
    وقد شهد الفاصل الزمنى بين هذه المشاركة والأخيرة تطورات ونقله نوعية
    جداً .. فبعد الحبو ومنذ ايام قليلة بدأت المشى مع الوقوع من مشوار لاخر وحبيبتى
    سعيدة جدا بهذه الحرية المطلقة جدا والتى تسمح بالانطلاق بلا حدود او حاجز حتى
    ولو كان جدار الغرفة ومنذ الحبو ثم المشى ادركت انا ونصفى الاخر ما لم يكن فى الحسبان
    من حيث رفع كل ما يمكن رفعه لاعلى وبعيدا عن متناول اليد مثل -اعزكم الله -
    شباشب واحذية وورد صناعى مفارش وكتب واشياء قابلة للكسر الخ الخ مش فاضل غير
    النيش ابو دلف زجاج بفكر ابنى حوله جدار عازل ،، دا غير فتح الادراج القريبة
    منها والعبث بمحتوياتها .. وكل شوية الحق يا ابو فريدة فريدة فتحت درج
    الفلانى الحقى يام فريدة فريدة دخلت التواليت يعنى حالة طوارىء قصوى
    واخرة ما نتعب بقفل الباب علينا فيما يشبه حبس جماعى .. ومع ذلك فى القلب سعادة
    بالغة واوقات بساعدها على الشقاوة جدا ..

    دا غير 4 اسنان اتنين فوق واتنين تحت مغلبنها ومغلبانا معاها خدت منهم كام عضه
    فى الجول عدل وانا وحظى شفتى انفى ودنى صبعى خدى اهو كلها مناطق سهلة ومتوافرة،، بل
    احيانا عندما ترغب فى العض فتتصنع رغبتها فى بوسه ف ابوس ثم أأأأننن على شفتى وانا آآآآآآآآه
    بس اضحك واقول تعيشى وتبوسى وتعضى يا بنتى ..

    وعن كلام صغيرتى فهى تنطق "بابا" "تاااتا" "هباهبا" وهبا هبا دى اتعلمتها من غنانا ليها
    تاتا خطى العتبة تاتا حبا حبا واوقات وهى بتتشمى مع نفسها تفضل تغنيها "هبا هبا"
    .. "مااا ما" " أء" اللى هو اسم مامتها " إت" يعنى هات " دغ دغ دغ دغ" مش
    عارف معنها بصراحه هههه .. وتعشق الموبيل فبمجرد سماعها لرنته تتبسط جدا
    وتبقى مهتمه جدا جدا وانا بتكلم فى الموبيل لحد ما اقفل لازم عايزة تخده واتحطوا
    على ودنها وتقول " إيه إيه إيه" واوقات ممكن اى حاجة تبقى موبيل يعنى مثلا
    علبة دوا كيس كورة الخ الخ :)

    بطبعى لا استطيع الراحة والاستراخاء الى فى مكان ونظيف وكان هذا هو الواقع
    حتى جاءت فريدة فمع الحركة وظهور الاسنان اصبح من المعتاد انتشار العديد
    من العرائس والدمى والكرات فى مناطق متفرقة ويمكن ان اتعثر فيها دون ادراك
    وهذا سهل لان الاصعب هو فتافيت الطعام المختلفة ومهما حاولنا السيطرة على تلك
    الفوضى لا يستمر الوضع مستتب الا لوقت قصيرا او اثناء النوم ،، وطبعا المكنسة
    اصبحت صديقتنا الصدوق .. ومع ذلك - والذى لا يمثل ادنى مشكلة - فهى أجمل شىء فى
    حياتنا ونعمة من الله تعالى ،، ربنا يبارك فيكى يا بنتى ويحفظك من كل شر انتى وكل الاطفال ..


    الثورة مستمرة
    ------------------------------------
    عشان الادب فضلوه عن العلم (:





  2. #32
    An Oasis Pioneer
    الحالة : أنس غير متواجد حالياً
    رقم العضوية : 12408
    تاريخ التسجيل : Apr 2010
    المشاركات : 6,034

    افتراضي

    روح القلب والعين والهوى اقتربت من بلوغ العام ونصف العام.. مرحلة جميلة جدا
    وخطيرة جدا فى نفس ذات الوقت جميلة لانها بتكبر وبتتعلم وبتتكلم اكتر وبنتعلق
    بيها اكتر واكتر واكتر ... وخطيرة بسبب كثرة الحركة التسلق والقفز الخ الخ

    طلعه شقية جدااااااااا وامى بتقوللى اهو انت كنت كدا واكتر .. تهوى تسلق كرسى الانتريه
    والجلوس على جانبه القريب من شاشة التلفزيون مع تحريك ارجلها فى الهواء
    فدائية جدا وعلى استعداد تام لالقاء نفسها من فوق اى مرتفع .. مغرمة باللعب
    فى المياه ،، وكريمة جدا لدرجة ان شعرها بتأكله معها،، لما بناكل بنجيب لها طبق
    عشان تتعلم تاكل لواحد تقوم تاكل بادب واحترام فى الاول وبعده فوضىىىىى
    من لغوصه لوضع كفوف اليد فى الطبق ومن ثم الى شعرها .. والى الدش مباشرة
    ومن الصعب جدا الخروج الا بالحيلة فهمت يعنى ايه تغيير الملابس والخروج الى عالم
    اخر مختلف واوقات بخرجها معايا وتفضل تبوس فيه من فرحتها .. صابع السبابة
    الايمن وسيلة تعرفها على اى شىء حتى ولو كان شخص غريب او طفل بوضعه فى
    عينه مباشرة (: مع النظر الى وابتسامة بسعادة ... اخر كلماتها "حهات" وتفيد
    طلب شىء او فتح شىء .. "بابو" يعنى بابا بس لما تكون منشكحه ههههههه
    لانها بتقول "بابا" واضحة جدا ... بتحب الغنا جدا لدرجة ان قناة "طيور الجنة"
    مفتوحة طوال الوقت وتهمهم مع غناء الاطفال وتسعد جدا بهذه الاغنية ..




    فريدة : تء تء تء
    أنس: مين مين مييييييين
    فريدة: تء تء تء
    ((مع انها المفروض تقول انا لين بس هى مصممة على تء تء تء))


    والان عندى قاموس اغانى اطفال لا بأس به من كتر اغانى فريدة ،،
    الخلاصة: بتوحشنى وهى فى حضنى


  3. #33
    An Oasis Pioneer
    الحالة : أنس غير متواجد حالياً
    رقم العضوية : 12408
    تاريخ التسجيل : Apr 2010
    المشاركات : 6,034

    افتراضي

    كذا مرة قبل ما اكتب مشاركة جديدة فى هذا الموضوع اضع فى حسابى
    تقدير شعور من لم يرزقهم الله تعالى بابن او ابنه ،، واتفكر فى حالهم
    ورغبة الابوة والامومة وقضاء الله ،، ولكن افكر ايضا فى حالى لو كنت
    مكان احدهم فماذا انا فعال؟ ،، واقول ان الابناء نعمة وفضل من الله
    والشعور بالابوة او الامومة اذا حال مانع طبى فى تحقيقة هناك البديل
    وهو التبنى ،، فبالفعل ان اعشق الاطفال للغاية وكنت سارضى
    بما قسمة الله وكنت ساتبنى طفل او طفلة لتعويض الغير متاح ..

    اذا رغبتم فى الاطفال فلا تحرموا انفسكم هذه المتعة فالدنيا
    اسهل من ذلك بكثير والتبنى متاح لمن يرغب ويملك القدرة
    على تربية طفل او طفلة ،، وذلك فضلا عن الاجر والثواب
    فى الدنيا والاخرة ،، فكروا فى هذا ..



  4. #34
    An Oasis Pioneer
    الحالة : أنس غير متواجد حالياً
    رقم العضوية : 12408
    تاريخ التسجيل : Apr 2010
    المشاركات : 6,034

    افتراضي

    يوم بدون فريدة يوم بلا طعم او معنى

    ابنتى العسولة بلغت من العُمر حوالى سنة و7 شهور
    ..
    خلصت الطعيمات الاساسية بتعاطى جرعة السنة ونص ،، وان شاء
    الله هطعمها تطعيمات اخرى ضرورية،، مازالت تحب التلفزيون وقنوات الاطفال
    جدا وتهوى الاغانى الطفولية جدا جدا ،، ومعندهاش مانع تتفرج على مسلسل او
    فيلم ،، شهيتها للاكل ضعيفة جدا بسبب التسنين بس فاتح الشهية بيعالج النقطة
    دى ،، اما شقاوتها وحركتها محتاجه يوم كامل للكتابه عنها ،، المشكلة
    ان المرحلة المقبلة فريدة هتبقى محتاجه توجيه وربما عقاب ودا طبيعى
    بس المشكلة فيا انا دور الاب الموجة والصرام هفشل فيه جدا مع مرتبة
    الشرف الاولى خلال هذه المرحلة العمرية ،، لما تزعل وتبتدى تبكى
    بضعف جدا وببقا عارف ان دا غلط بس اعمل ايه؟ قلب الاب (:


    معظم الاوقات ببقى عايزها تعرف اكتر وتكتشف اكتر واخرها امباح
    استكشفت هاندى فرى حتى لقى مصرعه اربا بين اسنانها
    ،، مامتها بتقولى انى هبوظ البنت بالشكل ده! ،، فقلت لها خلاص
    وجهى وعاقبى دلوقتى ولما تكبر شوية هقوم بواجبى ..

    اجمل شىء فى الدنيا وبنسا معها اى تعب او زعل لما فريدة
    تأخذ راسى فى صدرها وتطبطب على ظهرى وتقولى حبيبى حبيبى حبيبى
    يااااااااااااا سعادة غامرة ،، وطبعا هاتك يا لعب ودغدغة وعض وقهقهه
    لحد ما اشعر انها تعبت ،،

    قاموس كلمها فيه حبيبى - امبو - هات - اه - لاء - الو

    وبشكل عابر بحس انها بتقول جملة كاملة وواضحه




    ‫بطة بطة شفناها‬‎ - YouTube

    الاغنية دى كتير بغنيها لفريدة خصوصا فريدة مغرمة بالميه


    ربنا يحفظها هى وكل الاولاد من كل شر ويبعد عنهم السوء
    ويبارك فيهم


  5. #35
    An Oasis Pioneer
    الحالة : أنس غير متواجد حالياً
    رقم العضوية : 12408
    تاريخ التسجيل : Apr 2010
    المشاركات : 6,034

    افتراضي






صفحة 4 من 4 الأولىالأولى ... 234

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •