سالم سالم سالم سالم سالم سالم

[hopsan]

صباح الفل يا عم سالم
نازل ترحيب بأعضاء قدامى و أنت الجديد ... يا ترى ما الغرض ؟ ... 48 مداخله ترحيب فى دقائق
هل الرغبه فى عمل مشاركات كثيره بتلك الجمله ( اهلا و سهلا بيك في الواحة )
المنتدى هنا ليس بكثره المشاركات أو ب بارك الله فيك و يضاف لميزان حسناتك و شكرا شكرا
المنتدى هنا مختلف كثيرا ... هنا لتناقش و تعبر عن أفكارك و تقول ما تشعر به تجاه القضايا الراهنه أو أى موضوع يثير الإهتمام
هنا لا إعتبار لعدد المشاركات
هنا لا توجد ميداليات أو أوسمه أو حتى تقدير ... لا أحد يهتم بذلك بقدر إهتمام الأعضاء بما تكتبه بغض النظر عن سنك أو مكانتك العلميه ... المهم أن تقول ما عندك
و متنساش تعدى على دستور الواحه ... هتلاقى فيه حاجات حلوه

[الباش مهندسه]

والله لو ارسال الرسائل الخاصه عندنا يتم بعد 50 مشاركة ...يبقي السبب مفهوم ..ولكن انا في الحقيقه لا اتذكر هما 50 ولا 25 ولا كام ؟؟؟
عموما يا اخ سالم الترحيب يكون بالاعضاء الجدد مش الاعضاء الي بقالهم شهور !!!!ولا ايه ؟؟

[hopsan]

أعتقد بعد 50 مشاركه ... و بعد كده رساله لعفاف ... كله يستعد

[hopsan]

هو أنت كنت ناوى تعمل كده يا سالم ؟ ..
سالم ..؟
سالم ..؟؟؟؟
رد يا سالم ... !!!

[سمسمة]

ههههههه
عشان كدة لازم نعلن حالة الطوارئ ونرفعها إلى مائة مشاركة...

[hopsan]

ههههههه
عشان كدة لازم نعلن حالة الطوارئ ونرفعها إلى مائة مشاركة...

نخليها لسالم 1000 أو نغلقها له الى أن تظهر النوايا ... هو هيعوز إيه من الميل بوكس ؟
كفايه عليه ترحيب بالأعضاء القدامى
إتفقنا يا عم سالم ؟
أشوفك المره الجايه عثمانوف أو .... نياظى

[عفاف]

أعتقد بعد 50 مشاركه ... و بعد كده رساله لعفاف ... كله يستعد

[سمسمة]

هيه..يعني وصلت؟
مهو الخمسين اكتملت...

[عفاف]

أنا باضحك على توقعات هوبسان ..لا والله مافيش حاجة وصلت
فكرتوني ..أقوم أقفل صندوق البوستة

[اشرف عبد المنعم]

سالم بقولك ايه تعالى هنا .... قول والله العظيم اقول الحق .... انت عايز تعدى حاجز ال50 علشان ......... واللا عايز تعدى حاجز المائة ......... طب ايه رايك ماتقدم حسن النية وتدخل تكلمنا عنك شوية .

إحيات ابوك يا شيخ بلاش عفاف ... شوف لك حد تانى ...