صفحة 22 من 22 الأولىالأولى ... 12202122
النتائج 211 إلى 220 من 220

الموضوع: جمعيه أصدقاء إنجل هارت لمحاربه الإدمان

  1. #211
    An Oasis Pioneer
    الصورة الرمزية angelheart1986
    الحالة : angelheart1986 غير متواجد حالياً
    رقم العضوية : 6896
    تاريخ التسجيل : Nov 2008
    المشاركات : 11,273

    افتراضي

    اذا اردت ان تغير حياتك غير افكارك

    المقولة ليست من اختراع شخص محدد

    هى موجوده وتتكرر دائما

    لكن المعضلة الحقيقية ليس فى معرفة وفهم المقولة

    نعم انا اعلم ان افقارى التى فى راسى ان تغيرت بالتاكيد حياتى ستتغير

    لكن المحك الحقيقى كيف ستطبق هذا فى الواقع
    وكيف ستوجه افكارك وكيف ستشحن دماغك بالبيانات والمعلومات التى تريد من خلالها ان تصل لتغيير ما ؟؟

    تحدثت عن برمجة الدماغ وتعاملة مع الانسان كهارد وير وسوفت وير
    واخذت افكر وابحث كيف يمكن للانسان ان يحول يغير ويبتكر افكار ومعلومات وبيانات جديدة وفى نفس الوقت يستغل كل قدراته لمعالجة هذه البيانات وتحويلها الى نتائج ملموسة .

    كما يقال دائما العبرة بالعمل

    العبرة بالافعال

    قالها كل المفكرين والعظماء والانبياء والرسل

    صحيح العلم والثقافة شىء عظيم لكن كيف ستنفذ وتطبق على ارض الواقع
    أحسن إلى الأعداء والأصدقاء فإنَّما أُنس القلوب الصفَاء واغفر لأصحابكَ زلاّتهم وسامح الأعداء تَمْحُ العِداء.

  2. #212
    An Oasis Pioneer
    الصورة الرمزية angelheart1986
    الحالة : angelheart1986 غير متواجد حالياً
    رقم العضوية : 6896
    تاريخ التسجيل : Nov 2008
    المشاركات : 11,273

    افتراضي

    اذا اردت ان تغير حياتك غير افكارك

    المقولة ليست من اختراع شخص محدد

    هى موجوده وتتكرر دائما

    لكن المعضلة الحقيقية ليس فى معرفة وفهم المقولة

    نعم انا اعلم ان افكارى التى فى راسى لو تغيرت بالتاكيد حياتى ستتغير

    لكن المحك والتحدى الحقيقى كيف ستطبق هذا فى الواقع
    وكيف ستوجه افكارك وكيف ستشحن دماغك بالبيانات والمعلومات التى تريد من خلالها ان تصل لتغيير ما ؟؟

    تحدثت عن برمجة الدماغ وتعاملت مع الانسان كهارد وير وسوفت وير
    واخذت افكر وابحث كيف يمكن للانسان ان يحول يغير ويبتكر افكار ومعلومات وبيانات جديدة وفى نفس الوقت يستغل كل قدراته لمعالجة هذه البيانات وتحويلها الى نتائج ملموسة .

    كما يقال دائما العبرة بالعمل

    العبرة بالافعال

    قالها كل المفكرين والعظماء والانبياء والرسل

    صحيح العلم والثقافة شىء عظيم لكن كيف ستنفذ وتطبق على ارض الواقع. انا اريد نتائج فى النهاية واريد ان تتحول الطاقة الموجودة فى ذهنك وفى معنوياتك الى حركة او الى اى صورة ايجابية بدلا من ان تتحول الى صورة اخرى سلبية

    بالمناسبة لايوجد حل سحرى لحل هذه المعضلة
    المعضلة بمعنى تغيير النفس والبدء بداية جديدة ومختلفة وتحديث الشخصية الخ الخ

    لكن ما استطيع ان اؤكده ان العملية تمرين وتدريب واصرار .
    سوف تصاب بالارهاق والضعف وتشعر تقريبا ان الامر مستحيل
    لكن بالتصميم وكبت جماح نفسك واصرارك على الظهور بالشكل الجديد يوم وراء يوم سوف تندهش من قدرة الانسان الغريبة على التكيف والتاقلم مع اثر من وضع !!

    حاول وان فشلت حاول مرة اخرى وهكذا . الحياة محاولات وتجارب لاتنتهى والا فانت تعيش وكانك ميت .

  3. #213
    An Oasis Pioneer
    الصورة الرمزية angelheart1986
    الحالة : angelheart1986 غير متواجد حالياً
    رقم العضوية : 6896
    تاريخ التسجيل : Nov 2008
    المشاركات : 11,273

    افتراضي

    اذا اردت ان تشعر انك نجحت فى علاج مدمن على المخدرات
    ليست المسألة ان تحرمه من المخدر وتتخطى اعراض الانسحاب
    انا مثلا لو حبست نفسى 3 ايام ستنتهى اعراض انسحاب الترامادول
    والزانكس بالتدريج على اسبوعين او 3 ينتهى كل شىء

    لكن وبعدين

    هل خرجت بفناعة وفكر جديد
    هل اقتنعت حقا ان الحياة وانت طبيعى افضل من الحياة وانت تحت تاثير هذه المواد

    اذا لم تغير قناعات المريض وتقدم له بدائل اخرى وتغير نظرته للحياة وتجعله ينتبه الى وجود اشياء فى الحياة تستحق ان يحافظ على صحته وان يكون منتبها لاجلها فى الغالب المصير هو انه سيعود مرة اخرى كما حدث معى فبعد 7 شهور توقف تماما عدت فجأة لاننى بصراحة اصبت باحباط من الحياة العادية ووجدتها مملة جدا !!

  4. #214
    An Oasis Pioneer
    الصورة الرمزية ماجد
    الحالة : ماجد غير متواجد حالياً
    رقم العضوية : 25
    تاريخ التسجيل : Apr 2006
    الدولة : مصر المحروسه
    المشاركات : 10,680

    افتراضي

    اقتباس المشاركة الأصلية كتبت بواسطة angelheart1986 مشاهدة المشاركة
    اذا اردت ان تشعر انك نجحت فى علاج مدمن على المخدرات
    ليست المسألة ان تحرمه من المخدر وتتخطى اعراض الانسحاب
    انا مثلا لو حبست نفسى 3 ايام ستنتهى اعراض انسحاب الترامادول
    والزانكس بالتدريج على اسبوعين او 3 ينتهى كل شىء

    لكن وبعدين

    هل خرجت بفناعة وفكر جديد
    هل اقتنعت حقا ان الحياة وانت طبيعى افضل من الحياة وانت تحت تاثير هذه المواد

    اذا لم تغير قناعات المريض وتقدم له بدائل اخرى وتغير نظرته للحياة وتجعله ينتبه الى وجود اشياء فى الحياة تستحق ان يحافظ على صحته وان يكون منتبها لاجلها فى الغالب المصير هو انه سيعود مرة اخرى كما حدث معى فبعد 7 شهور توقف تماما عدت فجأة لاننى بصراحة اصبت باحباط من الحياة العادية ووجدتها مملة جدا !!

    اوفقك تمام يا انجل
    و تسلم الأيادى .....هههههههههه

  5. #215
    An Oasis Pioneer
    الصورة الرمزية hopsan
    الحالة : hopsan غير متواجد حالياً
    رقم العضوية : 195
    تاريخ التسجيل : Aug 2006
    الدولة : البلد اللى هى ماريه و ترابها زعفران
    العمل : بحار و بيحب البحر
    المشاركات : 23,369

    افتراضي

    طيب يا عم إنجل ... حطنا معاك فى الصوره وصلنا لحد فين ؟



    مكتوب على موج البحر منذ ولدت ... بأنك للبحر مالك

    سيان تعيش على شط البر... أو فى قوقعه البحر فإنك هالك

  6. #216
    An Oasis Pioneer
    الصورة الرمزية angelheart1986
    الحالة : angelheart1986 غير متواجد حالياً
    رقم العضوية : 6896
    تاريخ التسجيل : Nov 2008
    المشاركات : 11,273

    افتراضي




    مش عاوز ارجعك بعيد يا قبطان
    فاكر ايام الجدول والقصة دى الى التزمت بيه اسبوع

    طلعت منه بفايدة

    الا وهى ان مفيش فرق يستحق مابين 600 ملج و 1000 ملج مثلا
    هتزود الحمل على الكبد الكلى والجسم عموما

    الامر الاخر يتعلق بالعامل النفسى واسلوب تعاملك مع الحالة

    مثلا فى الاسبوع الى كنت باخد فيه جرعات صغيرة
    مكنتش بحبس نفسى فى البيت وابعد عن اصحابى

    لا حصل العكس وصدفة ظهر لى زملاء كثير من زملاء الماضى
    وموبايلى اشتغل تانى بعد سنة من او اكثر من سنة من الاغلاق

    اصبح فى حركة وتنقل وحوارات
    معدش فى فراغ زى الاول


    يااااااااااااااااه هو الفراغ ابن اللذين دا
    الفراغ المبالغ فيه بيدفعك للتورط فى اى شىء يحرق الوقت
    خصوصا لما يكون فراغ مع ضي مع اكتئاب وتوتر وقلق

    انا لست من نوعية المدمنين الذى يتعاطى عشان يعمل دماغ والسطل والجو دا
    انا حقيقى بتعامل مع الادوية دى من فترة طويلة جدا من منطلق انى مريض نفسيا ومحتاجها عشان استريح
    وعموما احدهم الى هو الزانكس دكتور وصفهولى من زمان اوى بس كان بيقولى قرص عند الضرورة
    انا اسأت استخدام الموضوع اصبح قرص كل يوم وهكذا

    المهم من ناحيتى عرفت سر مشكلتى وسر مشكلة اغلب المدمنين وكيف يمكن تقديم افضل علاج لكل فئة على حده فهم بالنسبة لى فئات قمت بتصنيفها على اساس علمى وعلى اساس التجربة


    انا حاليا بصراحة باخد ترامادول والبراكس عادى بس جرعة تقريبا متوسطة
    يعنى قبل ما بدأنا الجمعية كانت جرعتى اكبر بكثير

    دلوقتى اقصى حاجة 4 حبايات من كل نوع او 5

    انا كنت طول القترة الى فاتت ولحد اليوم الى سبق الجدول اياه كنت قد تخطيت ال 10 حبات بكل برود

    محدش يستغرب من الكميات
    الجهاز العصبى عنده قدرة عالية جدا انه بالتعود والاستمرار على هذا النوع من العقاقير سيحتاج كميات اكبر

    اكبر دليل عقار الزانكس

    عندك حباية ربع مج
    وعندك حباية 2 ملج يعنى ب 8 حبايات من الى فوق
    ودا للمريض العادى مابالك بالمدمن

    المهم بالنسبالى انا مبسوط نوعا ما بهذه الجرعة
    ومنتظر انجاز مهمة معينة وبعدها سوف اذهب لافضل مركز علاجى لكى اظل فيه اسبوع مثلا او 10 ايام


    المهمة هى الامتحان بتاع يوم الثلاثاء القادم

    المهمة الاخرى دى مبهدلانا ومبهدلة الاسرة كلها
    هى شىء جميل وعظيم وكويس وبارقة امل ودافع لانك تتحرك تحافظ على نفسك
    كان تقدم مشترى لشراء قطعة ارض عشان يبنى برج فى احد المناطق الجيدة فى المنصورة
    دى كانت باسم ماما رافة تماما انها تبيع

    اقتنعت بالبيع
    خلاص الناس قعدوا معانا وجبنا محاميين

    بس الحاجة ال مزاولانى مايسمى الشيك البنكى
    كنا المفروض نصرفه من اسبوعين او 10 ايام

    لكن الحى رفض يطلع رخصة بالبناء للمشترى
    وبالتالى ارفق القضية مع الشيك البنكى فاصبح لايمكن صرفه الا بعد فض النزاع

    القضية كانت ضد الحكومة عشان الارض كانت 780 متر الحكومة عملت شارع فى وسطها فضيع 200 متر تقريبا من الارض
    والاهالى طبعا عاوزين الشارع وانا شايف ان معاهم حق صراحة

    قررنا التنازل عن القضية خلاص وكفاية ال 580 متر

    واتفقت مع المحامى ان الشيك سيتم صرفه بمجرد النازل عن القضية لان هناك فى الحى قالوا ليه العائق الوحيد امامك ه القضية دى وبعدها نطلعلك الرخصة

    الموعد للجلسة فى اول نوفمبر

    بس مستشار كان صاحب والدى قالى هجيب ليكم معاد اقرب والمفوض ان الاسبوع الجاى حسب كلامه كل شىء هيخلص


    ================================================== =======
    طبيعى بقى انى اتشغل فى الفلوس
    وطبيعى انى اقعد اعمل حسابات وحوارات

    بس الحاجة ال تفصلك وتعكنن عليك انها باسم ماما
    يعنى لو نشفت دماغها وقالت محدش هياخد مليم الا كذ وكذا هبقى مفيش جديد
    ساعتها هنخلص عليها

    فا بصراحة بعد الايام ومنتظر الفلم دا يخلص وكل واحد ياخد حاجته احنا نقبض وه اخد ارضة ويبنى ويعيش حياته

    ================================================== ============

    شفت قد ايه انا بقى معذور فى انى اختفى وانى مكونش متفاعل مع الموضوع


  7. #217
    An Oasis Pioneer
    الصورة الرمزية angelheart1986
    الحالة : angelheart1986 غير متواجد حالياً
    رقم العضوية : 6896
    تاريخ التسجيل : Nov 2008
    المشاركات : 11,273

    افتراضي

    ففا بصراحة الى ان تنته الصفقة انا اجلت عملية التبطيل والاقلاع عشان ابقى فايق كده ومكز ومعاهم فى الصورة


    وبالفلوس بقى لو عاوز تتعالج احسن علاج هتتعالج
    ولو عاوز تتطور وتضرب كوكايين وهيروين واكستاسى برده موجود

    بس انا اميل للى فى الاول
    انا مؤمن ان صحتى متستحملش خلاص اى تورط من اى نوع فى اى مخدرات
    وانى حقيقى غصب عنى اساسا لازم ابطل

    الا لا مال لا شهادة ولاتعليم وشكل ولا دنيا ولا اى شىء هيبقى ليه معنى وطعم طول ما الواحد مغيب عن الحياة

    الحياة ممكن نستمتع بيها واحنا فايقين

    ولازم كل مدن تكتبله رشته بالتفصيل تشرحله فيها ازاى تستمتع بحياتك وقتك بدون مخدرات
    دى اهم من الادوية واهم من الحبس وتجاوز اعراض الانسحاب

    ومتع الحياة الرئيسية والاساسية كفيلة بمنحك السعادة

    والامر نسبى وليس مرتبط بالامكانيات والمال بالضرورة

    قد يكون الان احد سائقى التوكتوك راكن التوكوتوك وبيشرب حجر معسل وكوباية شاى وقاعد يرغ ويضحك مع زمايله ومزاجه عنب فى الوقت نفسه ممكن يكون واحد ف قصر وثرى من الاثرياء عاجز عن حتى مجرد الضحك لانه مكتئب ولانه مدخل نفسه فى مشاكل مع ناس وعامل لنفسه حوارات .

    انا والله كنت بحسد لعيال الى بيطلعوا باموتسيكلات الصينى ويشغلوا اغانى صوتها عالى وتلاقى الواحد فيهم مزاجة زى الفل
    واقول لنفسى يابخته تلاقيه مش بيشرب مخدرات لا محتاج حبوب وادوية عشان ينشكح كده ويقضيها وتلاقى اخره سجارة حشيش لا بانجو فى المناسبات

    فا يعنى فى امور لازم انشغل بها واعطيها حقها

    الجنس والحب والارتباط دا من افضل انواع العلاجات بالمناسبة بتكلم عن الزواج طبعا وبما لايخالف شرع الله

    الطب مهو انا خلاص غصب عنى دكتور فلازم ابقى شاطر وكويس فى المهنة ودامعناه مذاكرة واهتمام .

    الخروج من مثلث الدلتا المشؤوم

    والله لو عليا ولو كنت انا الى هقبض الفلوس كنت انتقلت وعزلت تماما الى احد الاحياء المتوسطة واللطيفة نوعا ما فى القاهرة
    بس دا مستحيل بالنسبة لماما وانا بقى ابقى اعمل دا بنفسى او مع نفسى بالتحديد

  8. #218
    An Oasis Pioneer
    الصورة الرمزية angelheart1986
    الحالة : angelheart1986 غير متواجد حالياً
    رقم العضوية : 6896
    تاريخ التسجيل : Nov 2008
    المشاركات : 11,273

    افتراضي

    بغض النظر عن اى شىء


    سؤال يا جماعة لو حد يعنى يعرف اى حاجة عن الى هقوله دا


    هل يوجد علاج للادمان فى القطاع الحكومى


    ايه حكاية الرقم الساخن الى بيقولك اتصل بيه وهم هيوصلوك للمكان المناسب


    طبعا العلاج فى الاماكن الخاصة سهل ومتوفر وموجود والى عاوز انشالله حتى يسافر اوروبا والا اميركا ويظبط نفسه

    بس انا دلوقتى بتكلم عن الغلابة والعاطلين والطلبة ومحدودى الدخل واصحاب الظروف الخاصة يعنى والفئة دى

    سمعت والله اعلم ان فى علاج مجانى بجد

    بس مش مصدق رغم ان المصدر المفروض ميكدبش

    مثال


    بيقولوا مستشفى القوات المسلحة بالمعادى فيها قسم لعلاج الادمان ومش بتتكلف ولا مليم واساتذة متخصصين وناس فل الفل


    انا دلوقتى عاوز بجد ابطل لانى كده العيار فلت منى خالص


    بس عاوز اعملها مفاجأة

    ماما واخواتى خلاص واخدين عهد ان محدش يتكلم معايا تانى فى الموضوع دا ومفيش فلوس ومفيش اى مساعدة واعمل ما بدالك

    فا انا دلوقتى محتاج مستشفى اتحبس فيها 3 او 4 ايام ودول المدة المطلوبة بالظبط
    انا عارف انا عاوز ايه بالظبط بناء على دراسة وعلم وابحاث
    طبعا دا مش المثالى . المثالى انك ممكن تحتاج شهور طويلة لحد ما تتعالج
    بس انا مليش فى شغل التمثيليات والتحليل النفسى والتاهيل للمجتمع والجو اياه دا . كله كلام عدى عليا مئات المرات واصبح ممل بالنسبالى

    انا مشكلتى مع تحمل الالم الجسدى
    عاوز اتحبس 3 ايام واخد ادوية وانا مطمن لان فى دكاترة بحيث لو الضغط انخفض والا ارتفع والا دخلت فى اى حالة مش طبيعية وهكذا

    -----------------------------------------------------------------

    رايكم اتصل انا على المستشفى واعرف منهم كل حاجة بنفسى صحيح وخلاص .................. هصدع الناس معايا ليه


    انا فشلت بامتياز وانا عارف دا طبعا وخيبت ظنكم


    معنديش استعداد اقول لماما انا عاوز مصحة ومش عاوز هنا فى المنصورة ومعنديش استعداد اخليها تنفق عليا الاف الجنيهات لان مبدئيا الحكاية فيها عناد اصلى مفهمهم ان انا مزاجى كده وانى لو عاوز ابطل فى اى لحظة سهل جدا وان مفيش مشاكل وبالنسبة للكلية برده بكذب واقول انا متعمد انى منجحش لانى عاوز افضل طالب الفترة دى ومش طالبة معايا اتخرج ومزاجى كده

    المهم علاقتى باهلى بجد بقت معقدة

    انا مش متفائل بالمصحات الى فى المنصورة بجد
    هدفع قول 3 الى 5 الاف جنيه فى اسبوع مثلا
    والخدمة اقل من المتوسط بكثير

    على فكرة لو سالتم هيقولوا اليوم ب 300 جنيه مثلا
    بس بيوصل ازاى ل 700 و800 و1000 كمان ؟؟

    ببساطة بتلاقى فواتير وورق جانبى مكتوب فيه زيارات يومية لاطباء معينين
    يعنى انا فاكر انى دفعت 300 جنيه عشان فى دكتور عدى على المركز وشافنى ميكملش دقايق معدودة وحتى سابنى بجة انه مشغول والتليفون كان شاغله اوى . الظاهر كان عنده مصلحة هيطلع منها بيزنس احسن من المشوار بتاعنا

    لو شربت علبة سجاير ممكن تلاقيهم مدونين 3 علب

    مش بعرف اكل الاكل بتاعهم فا ببقى عاوز حاجات تانية

    المهم حاجة مفرقة كده ودمها تقيل ومادام الوضع كده بالفلوس دى كلها يبقى اشوف القوات المسلحة

    عاجبنى الكلمتين دول قوات مسلحة ومعادى

    طاقة ايجابية
    والجيش حبيبى ولو كانت حاجة غير المخدرات كان اقرباء ليا كثير ظبطونى بس كده هتبقى فضايح


    امممممممممممممممممممممممممممم

    هحاول اكلمهم ولو انى محرج مش عارف ليه وحاسس بالضعف كده
    لو كان ينفع رسايل

    وحتى لو طلعوا بفلوس اهو هم اولى

    مش هتفرق بقى مهو كده كده فى الوف الجنيهات بيتم انفاقها على هذه السموم انا اولى بيها


  9. #219
    An Oasis Pioneer
    الصورة الرمزية free man 4 ever
    الحالة : free man 4 ever غير متواجد حالياً
    رقم العضوية : 5982
    تاريخ التسجيل : Aug 2008
    المشاركات : 6,800

    افتراضي

    بنا يعينك ويوفقك ,

  10. #220
    An Oasis Pioneer
    الصورة الرمزية محمود تركى
    الحالة : محمود تركى غير متواجد حالياً
    رقم العضوية : 266
    تاريخ التسجيل : Oct 2006
    الدولة : أستاذ قانون متقاعد, مقيم فى ملبورن, ولاية فيكتوريا,أستراليا
    العمل : أستاذ قانون متقاعد
    المشاركات : 7,578

    افتراضي

    توكل على الله, و أتصل للإستعلام من الجهات المختصة, ثم نفذ وعدك لنفسك, و سوف يعيبك الله.

    نحن جميعا نتمنى لك النجاخ , مادام هناك تصميم.
    مع تحيات محمود تركى ( متفرج)
    <img src=http://www.egyptianoasis.net/forums/image.php?type=sigpic&userid=266&dateline=1294356656 border=0 alt= />

صفحة 22 من 22 الأولىالأولى ... 12202122

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •