صفحة 9 من 22 الأولىالأولى ... 789101119 ... الأخيرةالأخيرة
النتائج 81 إلى 90 من 220

الموضوع: جمعيه أصدقاء إنجل هارت لمحاربه الإدمان

  1. #81
    Banned
    الحالة : دكتور مهندس جمال الشربينى غير متواجد حالياً
    رقم العضوية : 10560
    تاريخ التسجيل : Nov 2009
    الدولة : مصر ومش Egypt
    العمل : خبير تحليل مشاكل من جذورها دكتوراه فى هندسة التآكل والحماية من المعهد الهندى للتكنولوجيا (التقنية)
    المشاركات : 7,863

    افتراضي

    اقتباس المشاركة الأصلية كتبت بواسطة ماجد مشاهدة المشاركة
    أنا جاهز لتنظيم لقاء المنصوره

    و ليكوا كمان عزومه على الغدا أو العشا للجميع حسب الموعد

    و الشيشه للكبير عمنا سيد جابر خصوصى


    أنا لا أحضر أي إجتماعات فيها تدخين من أي نوع
    وسأكون موجود على السكاي بي


  2. #82
    An Oasis Pioneer
    الصورة الرمزية angelheart1986
    الحالة : angelheart1986 غير متواجد حالياً
    رقم العضوية : 6896
    تاريخ التسجيل : Nov 2008
    المشاركات : 11,269

    افتراضي

    دايما بقول

    ربما تجمعنا اقدارنا ذات يوم بعدما عز اللقاء

    لو اللقاء فى المنصورة ياريييييييييت

    اسكندرية كما تعلمون بالنسبة للمواطن المنصوراوى 3 ساعات رايح و3 ساعات راجع

    بس لو يعنى اعجزكم الامر فا انا اعلم ان المشكلة التى اواجهها هى نفس ما سوف تواجهوه اذا اردتم المجىء للمنصورة

    بس ايه رايكم هى فرصة تشوفوا التطور الى حصل فى المنصورة

    لدرجة ان بعضكم ممكن يتشجع للاستثمار فى هذه المدينة التى واضح تماما ان لها مستقبل كبير

    المنصورة بدأت تلعب على كبير وعدد البنوك ورؤوس الاموال اصبح حجمه اكبر بكثير مما يتخيل البعض

    والزحمة بتاعت العيد ورمضان انتهت كمان

    لو عندى فيلا وكنت من الاثرياء كنت عزمتكم كلكم وكنا نبات ونقعد براحتنا

    شفتم الفيلا او القصر الى كانت عايشة فيه غادة عبد الرازق فى مسلسل مع سبق الاصرار وشفتوا الديكور كان عامل ازاى فى الحقيقة كتير عم بيعقد .

    ياسلام لو بيت زى دا الواحد يكسبه فى مسابقة زى مسابقة حقق حلمك بتاعت الام بى سى



    لكن للاسف انا كبقية الطبقة المتوسطة اسكن فى شقة لاتتجاوز ال 200 متر


    بس صحيح فى اختراع اسمه فنادق

    عندنا فندق رمادا كويس ومعقول بس مبالغ فى اسعاره بالنسبة لكونه لايستحق اكثر من 3 نجوم

    فندق مارشال الجزيرة او المحطة اكثر واقعية وكمان تشعر فيه بعبق التاريخ

    تخيلوا فندق مارشال دا فات عليه حوالى 90 ل 100 سنة

    يعنى المنصورة كان فيها فندق او اوتيل وفيها كبارى بتتفتح وبيتم اغلاقها لمرور العبارات الضخمة وسكك حديد فى الوقت الذى كانت فيه مدينة كدبى شبه صحراء لا يوجد فيها اى مظهر من مظاهر المدنية

    شوفوا دلوقتى المنصورة فين ودبى فين

    ممكن بقى اخدكم البلد وهناك مايشبه الفيلا
    وهنبقى مع نفسنا وحوالينا مساحة كبيرة من الاراضى الخضراء

    بس مليش دعوة لو تم مهاجمتنا من الاسلاميين
    لان التيار السلفى احتل القرية واصبحت كل النساء منقبات والرجال اطلقوا اللحى
    ويعلمون اننى ليبرالى علمانى نصرانى مسيحى يروج للشبهات ويدعم الفلول واعطى صوته لشفيق
    فا يا سلام لو وصلت انباء عن تجمع مجموعة من الليبراليين المعارضين للاخوان وكمان انجل هارت وسطهم
    فاكرين الى حصل لعتريس لما اهل البلد هجموا عليه عشان يخلصوا فؤادة

    ممكن يحصلنا دا

    ومفيش حكومة بالمناسبة ......................انا وانت وهم الحكومة .

    ---------------------------------------

    بس صحيح هطخوا المشوار وتباتوا فى فندق وتكلفوا نفسكم كل دا عشان مقابلة واحد مدمن وقلول وزنديق وزملكاوى زى انجل !

    بصوا اعتبروها مقابلة الهدف منها لقاء الاستاذ الرائع ماجد

    الاستاذ ماجد يستحق ان تشد الرحال اليه وحقيقى بدون مجامله وانتم عارفين دا اكثر منى


    يبقى اللقاء الهدف منه مقابلة الاستاذ ماجد والاطمئنان عليه والجلوس اليه وليس انجل هارت

    وطبعا عشان ادبس برده بالمرة الاستاذ ماجد فى الحساب على الشيشة والمعسل (يهودى انا فى موضوع الفلوس بسبب الادمان الله يلعن الادمان )

    ----------------------------------------------------------
    بحب السفر بالقطار لو هسافر

    بعكس العربيات

    يمكن عشان سيارتى تفتقد الثبات على السرعات العالية

    بس عيب القطار مواعيده

    ولو سهرت فى اسكندرية لبعد منتصف الليل لن تجد الا القطر القشاش الى بيوقف فى كل محطة وزجاجه مكسور ومظلم

    اممممممممممممممممممم الاتوبيس وسيلة ايضا جيدة

    وطبعا السيارة خصوصا بعد تطوير الطريق

    ---------------------------------------------

    ويادكتور جمال احنا ممكن نتقابل فى سيلانترو
    وسيلانتروا مفيش فيه شيشة وفى مكان مخصص للمدخنين
    وفيه واى فاى وفيه شوكولاه جلاسيه وفى وفى كل ما تتمنوه

    وبالتالى نبقى رضينا الكل مدخن وغير مدخن بس ظلمنا من يريد الشيشة بس برده فى حل قرروا بس

    بناقص الدخان بس تعالى وشرفنا ونورنا

    ---------------------------------------------------------------
    انتوا معملتوش لقاءات خارج الاسكندرية والقاهرة
    ودا معناه طبقية وعنصرية وتمييز من جانب الواحة المصرية

    تقصدوا ايه يعنى

    المنصورة مش قد المقام يعنى والا ايه ؟؟؟؟

    عندنا مظاهر للمدنية والله والحياة عندنا مش ابقار وخرفان وزراعة وفدادين وعربيات كارو والجو دا(فى ناس متصورين كده خصوصا الشباب )

    هناك فرق بين المنصورة وبين الدقهلية

    --------------------------------------------------------------------

    مين عنده الشجاعة واللياقة البدنية والوقت والحماس للتغيير انه ييجى ويلتقى الاستاذ ماجد ؟؟

    --------------------------------------------------------------------------------
    للاسف مفيش طيران من اى مكان للمنصورة

    ودا احد نواقص وعيوب ما نسميه بمدينة المنصورة

    لازم يبقى فى مطار فى الدلتا يا جماعة

    ---------------------------------------------------------



    -------------------------------------------------


    ها

    شفتم الترامادول بيخلى الواحد يفكر فى 100 حاجة فى نفس الوقت ازاى ههههههههههههههههه
    أحسن إلى الأعداء والأصدقاء فإنَّما أُنس القلوب الصفَاء واغفر لأصحابكَ زلاّتهم وسامح الأعداء تَمْحُ العِداء.

  3. #83
    An Oasis Pioneer
    الصورة الرمزية angelheart1986
    الحالة : angelheart1986 غير متواجد حالياً
    رقم العضوية : 6896
    تاريخ التسجيل : Nov 2008
    المشاركات : 11,269

    افتراضي

    مداخلة بعيدة عن الموضوع

    بس اهو بدل ما اعمل موضوع خاص خلينا هنا



    اعتقد يا جماعة الواحد يبعد بقدر الامكان عن السياسة ويخليه فى الموضوعات الى يهواها ويحبها
    خصوصا اننى عندما خضت فى السياسة اغضبت الاغلبية وربما حصلت على كراهيتهم لانهم ظنوا اننى منحاز للقتلة وللظالمين واننى لا اهتم بمشاعر الشهداء والمصابين واننى اضع مصلحة النظام قبل مصلحة الشعب واننى لا اختلف عن اى عميل من عملاء امن الدولة واننى واننى واننى وكل هذا غير حقيقى بتاتا .

    ما تعرضت له من اتهامات فى السياسة

    يشبه بالتحديد ما يقوم الان الاخوان والاسلاميون بتوجيهه نحو الييبراليين ونحو حركات وائتلافات ثورية واحزاب ليبرالية واشتراكية وغيره .

    فها هم الاخوان يعتبرون كل هؤلاء هم والفلول واحد بل سموهم حقا فلول وحتى انا كتب موضوع عن الفلول الجدد

    وهاهم الاخوان والاسلاميين يعتبرون انفسهم الشعب ويعتبرون انفسهم جسم الثورة الرئيسى ويقولوا انهم هم من حولوا المظاهرات لثورة عندما اشتركوا فى 28 يناير فى جمعة الغضب وان الليبراليين كانوا فى الخلف بعيدا عن المواجهات وان شباب الاخوان هم من تصدوا وواجهوا وحموا الميدان وحتى منعوا الناس من الانصراف بعد تاثير خطاب مبارك وحموا الناس فى موقعة الجمل الخ الخ الخ .

    وهاهم الاخوان والسلفيين قد وصفوا الثوار بانهم بلا اخلاق ولا دين ولمحوا لمخدرات وجنس والافظع انهم تحدثوا عن العمالة للخارج وعن الجاسوسية وعن العلمانيين اصحاب الاجندات الممولين والمدفوعين لمحاربة التيار الاسلامى حتى لايقوم للاسلام قومة وحتى يقضوا على الهوية الاسلامية لهذا الشعب .

    وتعلمون ما ينشروه وما كتبوه عن البرادعى وحملة دعم البرادعى كلها
    لقد شوهوا الحملة واساؤا للبرادعى وانصاره اكثر من ما فعله حتى الحزب الوطنى

    وتعلمون ما كانوا يقولوه عن 6 ابريل حتى اصبح المسمى المتعارف عليه بين شبابهم مع اعتذارى للفظ (سكس ابريل )
    ولم يتراجعوا الا بعد مساندة 6 ابريل جبهة احمد ماهر لمرسى ضد شفيق .
    والسلفيين ايضا تراجعوا عندما اشترك معهم شباب 6 ابريل فى موقعة العباسية .

    قالوا الليبراليين والعلمانيين ينسبون الثورة لانفسهم بسبب اعلامهم المضلل

    وكما قلت لكم الان الثورة وميدان التحرير من خلال الخطاب الاسلامى ستفهم اننا كنا بصدد ثورة اسلامية او حركة اسلامية كبرى وليس ثورة شباب او ثورة شعبية وليست ثورة مدنية ليبرالية والحقيقة ان اتباعهم صدقوا هذا ويروجوا لهذا لكى يستطيعوا تثبيت دعائم ملكهم وجمهوريتهم الجديدة .


    لماذا انقل لكم ما يعتقده الاسلاميون عنكم او عن الثوار او التحرير او ايا كان

    انقل لكم هذا لكى تعلموا اننا فى زمن من السهل خلط كل شىء فيه ومن السهل توزيع التهم الخطيرة
    واننى مثلا كما تم اتهامى بكذا وكذا ربما لشراسة هجومى او بعض التجاوزات اللفظية والمبالغات التى يكون الهدف منها اظهار الغضب وتشديد وتاكيد المعنى ها هو الان قطاع يمثل الاغلبية من جماهير مصر وتيار هو الذى اصبح يمثل الدولة يقوم بتوجيه كل اشكال والوان التهم ويقوم بوصفكم بصورة تجعل المواطن السيط يتصور اشياء غريبه فى خيالة وهذا مخالف للحقيقة وللواقع

    فلا انتم عملاء وجواسيس وممولين من الخارج
    ولا انتم تكرهون الاسلام ومشكلتم مع الدين والمتدينين
    ولا انتم تسفهون اختيار وارادة الشعب وتنقلبون على الديموقراطية
    ولا انتم كفرة بلا اخلاق وبلا مبادىء ووازع دينى
    ولا انتم حريصين كل الحرص على وجود الخمور والبيكينى والعرى والدعارة

    والان الاتهام الجديد

    ان الليبراليين ومن كانوا ثوارا بالامس اصبحوا مستعدين للتحالف مع الفلول ومع النصارى لقيادة ثورة مضادة وللقيام با اعمال شغب تعيق مسيرة الاصلاح التى بدأها الرئيس مرسى وكل هذا بهدف ان يفشل حزب الاخوان وان يفشل الدكتور مرسى فى الايفاء با اى وعد من وعوده



    اعود لنفسى

    عندما كنت ضد الثورة وغاضبا من التحرير غضبا شديدا
    قلت

    الهى يضربوا بالرصاص ونخلص منهم
    الهى يولعوا بجاز وسخ ونخلص منهم

    اصبحت هذه الجمل معناها اننى حقا لامشكلة عندى فى ان يتم اطلاق الرصاص الحى على الثوار واننى سا اكون سعيد بموتهم

    وطبعا صدقوا بجد انى اتمنى ان يتم احراقهم وتحويلهم لرماد

    والكلمتين دول لاكثر من سنة ممسوكين عليا
    وياريتهم ممسوكين عليا من منطلق انها مبالغات فى التعبير عن الغضب

    لا دول ممسوكين على بمعنى اننى كنت اقصد كل حرف حقا مما كتبته

    وبالتالى اى عضو فى الواحة كان فى الثورة هو او اولاده او اقاربه فا انجل هارت يتمنى لهم الموت بالرصاص او الموت بالحرق

    وبالتالى طبعا مش لطيفه ابدا النتيجة

    انا اصبحت مثال الشر وقسوة القلب
    استمتع بذل الشعوب وقهر الفقراء والمساكين
    سادى ماسوشى ستوكهولمى


    فا يعنى بصراحة كوميديا بجد
    انا الشر والقسوة وقهر الفقير والمسكين والعاشق للقتل وللدماء ؟؟ انا ؟؟ انجل هارت ؟؟
    الكلام دا لو حد من الى يعرفونى شافه او سمعه ورأى ان البعض يتصورنى بهذه الصفات قد يموت من الضحك وقد يصاب بذهول لم يسبق له الاصابة به

    ليس من الجيد ان تمدح نفسك

    لكن ان كنتم بصدد الطيبة ورقة القلب والحساسية والحرص على الناس والتألم لاجل الفقراء والمرضى والمساكين فا الله وحده يعلم اننى من اكثر الناس ارتباطا بهذا الصدد

    اساسا الشىء الوحيد الذى يتبادر الى ذهن اى شخص يعرفنى صديق او عدو مباشرة مصطلحات كالطيبة والتسامح والحفاظ على شعور الجميع ومحبة الكل

    فا لما السياسة تحولك لنموذج للشر ما شرحت لكم

    ساعتها تعرف على طول ان السياسة على الطريقة المصرية دى الظاهر عمليات نصب وكذب ولف ودوران ومصالح شخصية ورياء ونفاق وادعاء بطولات زائفة وخداع الناس عبر دغدغة مشاعرهم وتغييب عقولهم الخ وليست كما هو المفروض علما محترما منظما له قواعده واصوله وله بالطبع من المبادىء والاخلاقيات التى تنظمه .

    كان واجبا على الاحزاب التى تدعى ان لها مرجعية اسلامية ان تمارس السياسة المنضبطة بمبادىء الدين وان لايكونوا كغيرهم مستعدين لفعل اى شىء ولو تعارض مع ابسط قواعد الدين للوصول لغاية ما .

    لكن للاسف خذلونا
    وما يسمى بالمرجعية الاسلامية ماهى الا جملة لا تنعكس تماما على ممارساتهم
    وهم لايفرقون بتاتا عن اى حزب سياسى عادى وكل مافى الامر ان الدين وسيلة دعاية غير مكلفة تماما ومؤثرة اكثر بمئات المرات من اى وسيلة اخرى .

    -------------------------------------------------------------------------

    فا المجال الى اتكلم فيه واتحول بسبب كلامى فيه لشرير ونظام بائد وواحد عاوز الشعب يفضل فى ذل وواحد بيعبد مبارك والحزب الوطنى وواحد بيعبد العسكر وواحد بيكره الحرية او مش فاهم معنى الحرية ولا يقدر قيمتها لانه ياعينى عمره ما جربها وواحد مبيفرقش معاه ان الشباب يموتوا ويصابوا بعاهات

    فا بصراحة بناقص

    مشاركتى فيه تبقى خبيثة اكثر واتجمل وارتدى قناع البراءة والكمال كما يفعل كل طرف

    ومينفعش صراحتى المعهودة فيه تماما ولا ينفع اقول كل مافى داخلى لا تماما

    لازم تلف وتدور وتكذب وتجامل وتطبل

    لازم تشوف اغلب الناس عاوزين يسمعوا ايه بغض النظر صح والا غلط

    وحاجات كتير تانية


    يعنى مداخلة كده على ماقسم

    وياريت تهتموا بالمداخلة الاهم الى هيا قبل دى

    وانا هعيدها تانى عشان تبقى فى الاخر
    التعديل الأخير تم بواسطة angelheart1986 ; 26-08-2012 الساعة 03:52 PM

  4. #84
    An Oasis Pioneer
    الصورة الرمزية hopsan
    الحالة : hopsan غير متواجد حالياً
    رقم العضوية : 195
    تاريخ التسجيل : Aug 2006
    الدولة : البلد اللى هى ماريه و ترابها زعفران
    العمل : بحار و بيحب البحر
    المشاركات : 23,330

    افتراضي

    ياعم إنجل ... يا أبو الأناجل .... إنزل بمستوى ذكاءك لمستوى الغلابه اللى زى حالاتنا ....
    تعمدت ترك الغرض الأساسى و هو يتكون من بندين و كلبشت فى الفرع و الى هو مقدور عليه بعدما نمشى خطوات جاده ..
    الناس اللى وضعت فيك ثقتها على إنتظار البندين
    البند الأول هو وضع الجدول و البند الثانى هو البدء الفعلى فى العلاج الذاتى
    فمتى تحديدا ستبدأ ؟؟؟؟؟؟؟
    لو نويت و النيه لله .. أن تضع أمامنا ما أنت عليه الآن .... أى أنواع الحبوب و عددها و الجرعه فى المره الواحده و بعد كده الجدول و حجم التناقص ( على أقل من مهلك ) بحيث فى نهايه الأربعه أشهر تكون المحصله النهائيه زيرو عقار .... و الشهر الخامس نتابعك يوميا بحث نؤكد عليك و تؤكد علينا أن التعاطى = زيرو فى ال 24 ساعه يوميا ... فى نهايه ال خمسه أشهر نعلن خلو جسد و دم إنجل هارت من المخدرات و المهدآت ... هنا نبدأ بتحضير الإحتفاليه و كل ما سبق فى مداخلتك .... كابيتو يا ريس ؟
    ملحوظه .. لو كانت رغبتك أن تكون تلك الصفحه هى الصفحه المعنيه سنبقى عليها و نغير من عنوانها ... بس أنت إرضى علينا



    مكتوب على موج البحر منذ ولدت ... بأنك للبحر مالك

    سيان تعيش على شط البر... أو فى قوقعه البحر فإنك هالك

  5. #85
    An Oasis Resident
    الحالة : سيد جابر غير متواجد حالياً
    رقم العضوية : 4255
    تاريخ التسجيل : Mar 2008
    المشاركات : 344

    افتراضي

    اقتباس المشاركة الأصلية كتبت بواسطة hopsan مشاهدة المشاركة

    البند الأول هو وضع الجدول و البند الثانى هو البدء الفعلى فى العلاج الذاتى
    فمتى تحديدا ستبدأ ؟؟؟؟؟؟؟
    لو نويت و النيه لله .. أن تضع أمامنا ما أنت عليه الآن .... أى أنواع الحبوب و عددها و الجرعه فى المره الواحده و بعد كده الجدول و حجم التناقص ( على أقل من مهلك ) بحيث فى نهايه الأربعه أشهر تكون المحصله النهائيه زيرو عقار ....
    فى اعتقادى انه لو لم يحدث هذا على نهايه هذا الأسبوع .
    فمعنى ذلك ان الفكره والمبادره مرفوضه من المعنى بها .
    أقسمت بالإسراء وبراءة العذراء الدم كله سواء حرامٌ بأمر الله
    إسمع كلامى وحلله تلقاه بسيط من اوله
    تعمل حويط وتأوله تطلع غشيم

  6. #86
    An Oasis Pioneer
    الصورة الرمزية hopsan
    الحالة : hopsan غير متواجد حالياً
    رقم العضوية : 195
    تاريخ التسجيل : Aug 2006
    الدولة : البلد اللى هى ماريه و ترابها زعفران
    العمل : بحار و بيحب البحر
    المشاركات : 23,330

    افتراضي

    اقتباس المشاركة الأصلية كتبت بواسطة سيد جابر مشاهدة المشاركة
    فى اعتقادى انه لو لم يحدث هذا على نهايه هذا الأسبوع .
    فمعنى ذلك ان الفكره والمبادره مرفوضه من المعنى بها .
    أجدنى متفق معك يا أبو السيد .... هيبقى شكلى وحش و أنا بعتذر لأعضاء الجمعيه

  7. #87
    An Oasis Pioneer
    الصورة الرمزية محمود تركى
    الحالة : محمود تركى غير متواجد حالياً
    رقم العضوية : 266
    تاريخ التسجيل : Oct 2006
    الدولة : أستاذ قانون متقاعد, مقيم فى ملبورن, ولاية فيكتوريا,أستراليا
    العمل : أستاذ قانون متقاعد
    المشاركات : 7,578

    افتراضي

    عزيى القبطان هوبسان, الأستاذ سيد جابر,

    اعطو د.أنجل هارت فرصة,

    فأنا أرى أنه مصمم على إنهاء الأزمة, فاتركوا له التوقيت, فهذه الأمور لا يمكن حلها بالزق, أو الدفع.

    مشاركته الأخيرة فى مقالاتى عن نفس الموضوع تبين نية واضحة, فلا تضيعوها بالله عليكم.

    تقبلوا تحياتى.
    مع تحيات محمود تركى ( متفرج)
    <img src=http://www.egyptianoasis.net/forums/image.php?type=sigpic&userid=266&dateline=1294356656 border=0 alt= />

  8. #88
    An Oasis Pioneer
    الصورة الرمزية angelheart1986
    الحالة : angelheart1986 غير متواجد حالياً
    رقم العضوية : 6896
    تاريخ التسجيل : Nov 2008
    المشاركات : 11,269

    افتراضي

    بلاش القسوة دى

    انتوا لو اتعاملتوا مع كل المرضى كده مش هتكملوا مع حد
    انتوا فاكرين ان مريض الادمان دا سهل

    دا اصعب مرض ممكن يقابل طبيب ويقابل مجتمع ويقابل اى حد وكمان خطير جدا على نفسه وعلى غيره


    انتوا مخدتوش بالكم من نقطة مهمة

    الا وهى الانفلونذا

    والله لم اخترع موضوع الانفلونذا دا من اجل تأجيل وضع الجدول والالتزام به

    لو كنت اساسا فى نيتى الكذب والاختراع

    كنت حطيت جدول ومكنتش قلت انفلونذا وكنت قلت انى يوم السبت مثلا عملت كذا ويوم الاحد حصل كذا
    وفى الحقيقة كنت اعمل الى فى دماغى

    لكن احنا متفقين على الشفافية والمصداقية التامة

    لا مصلحة لى لكى اكذب


    فا صدقونى ان ابدأ رحلة التوقف والنزول بالجرعات مع وجود انفلونذا شديدة شىء غير رومانسى تماما

    لولا الانفلونذا لكنت من يوم الجمعة الى فات وضعت الجدول

    ولكنت زمانى ماشى عليه دلوقتى

    العقل والمنطق يتم تاجيل الامر اسبوع على ما اتخلص من الانفلونذا

    ايضا سوف اعلمكم بخطوة جديدة نويت عليها انا وماما


    سوف احاول الذهاب هذا الاسبوع الاربعاء او الخميس للدكتور محمد المهدى احد اشهر المتخصصين فى هذا المجال لكى استشيره فى موضوع الجداول دا

    هو صحيح مش هيقدم ليا جديد بس بلاش تكبر وغرور الراجل اكيد برده بعد الماجستير والدكتوراه وخبرة السنين جايز عنده طرق جديدة فى التوقف التدريجى جايز ينصح بعقاقير مساعدة وجايز وجايز

    لو طلع مش فاضى هنفضله وهنمشى زى ما احنا

    عندنا السادة اعضاء الجمعية احسن من اتخنها دكتور

    واساسا علاج الادمان بطريقتنا التى اتفقنا عليها تعبر بديهية لاتحتاج لمتخصص

    واحد عاوز يبطل حاجة
    فا كل يوم بياخد كية اقل
    يعنى بدل مايقفز 4 او 5 سلالم ورجله توجعه ويعرض نفسه للكسر ينزل سلمة سلمة

    يعنى مش معضلة ولا كيمياء ولا فيزياء


    ياجماعة انا بقالى 5 سنين فى الهباب دا

    فا التاخير البسيط دا وخصوصا ان ليه مبرر لايستحق رد فعل منكم ثورى

    هى الثوريات دى الى بتخليكم تتحولوا

    بلاش تبقوا ثوار هنا


  9. #89
    An Oasis Pioneer
    الصورة الرمزية angelheart1986
    الحالة : angelheart1986 غير متواجد حالياً
    رقم العضوية : 6896
    تاريخ التسجيل : Nov 2008
    المشاركات : 11,269

    افتراضي

    طب ايه رايكم انا حطيت ييجى عشر جداول
    وقللت الجرعة بنسبة صحيح تافهة
    بس محبتش اقول دا عشان محدش يقول انى بشتغلكم من اولها

    بس الفكرة ان الانفلونذا بتلخبط اليوم
    بتخليك مش طايق نفسك
    ممكن تنسى اى جدول او اى قصص
    ممكن تكون عاوز تستريح من الرشح والصداع والالم بتوع الانفلونذا فتاخد جرعات كبيرة وتقول طز فى اى حاجة بس استريح


    لكن عموما لم اصل للجدول المثالى

    كلها جداول لقيت انها هتخلينى ابطل خلال شهر بالكتير !!!

    ودى مبالغة والفكرة دلوفتى انى عاوز اعمل جدول يخلى الشهر دا شهرين مثلا على الاقل

    بصوا هو طول المدة او قصرها كل طرف فيهم ليه عيوبه وايجابياته

  10. #90
    An Oasis Pioneer
    الصورة الرمزية angelheart1986
    الحالة : angelheart1986 غير متواجد حالياً
    رقم العضوية : 6896
    تاريخ التسجيل : Nov 2008
    المشاركات : 11,269

    افتراضي

    دا انا جبت تابلت مخصوص سامسونج (وانا عدو التكنولوجيا )
    عشان اعرف اتواصل معاكم وانا نايم وملقى على السرير
    الاب توب تقيل وبيطلع حرارة وصوت مزعج

    بس والله السامسونج الصغير الغلبان دا عاجبنى اكثر منه
    رغم انى جايب اقل سامسونج الى هو 7 انش وموديله p1000

    المهم يعنى واخد الموضوع جد

صفحة 9 من 22 الأولىالأولى ... 789101119 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •