صفحة 5 من 6 الأولىالأولى ... 3456 الأخيرةالأخيرة
النتائج 41 إلى 50 من 51

الموضوع: كيف تشترى سيارة مستعمله

  1. #41
    An Oasis Pioneer
    الصورة الرمزية ماجد
    الحالة : ماجد غير متواجد حالياً
    رقم العضوية : 25
    تاريخ التسجيل : Apr 2006
    الدولة : مصر المحروسه
    المشاركات : 10,833

    افتراضي

    طيب نتكلم عن الصاج ... احنا فى مصر مانحبش السياره اللى رشت دوكو ... و ده بسبب ان السيارات دى بتكون عامله حوادث و ممكن تكون حوادث كبيره و طبعا عارفين مستوى صنايعية السمكره ... فممكن السياره ماتكونش سليمه من حيث البنيه و الامان .

    لما تيجى تتفرج على عربيه لازم تبص عليها بالنهار اساسا و فى جو جاف مش ممطر ... تقف من الخلف و تلاحظ استقامة الاجناب و السوك ( الحواف الحاده و الدورانات )..... كمان تبص على فروق الابواب و الكبوت لأن الفروق دى لو مش مضبوطه تعنى اصلاح غير سليم.

    كمان لازم تبص تحت الزجاج الامامى و الخلفى بدقه بحثا عن اثار البرومه و كذلك فى داخل الرفارف الاماميه و الخلفيه خصوصا فى اسفل الدوران حيث تجمعات المياه .

    كمان لو السياره فيها فتحة سقف لازم تبص على مجارى السقف من الجزء الظاهر و الخفى لأنها اماكن تجمع الماء و التراب فتكون مصايد للصدأ ... و عادة السياره اللى فيها برومه فى فتحة السقف ابعد عنها تماما لأن ملهاش علاج حاسم فى مصر .

    علشان تعرف اذا كانت العربيه رشه دوكو ولا لأ عاوزه حرفنه و خبره ... لكن ده يمكن تعويضه بشراء قلم صغير يقيس مغتاطيسية الصاج و انا هاضع صورته و ده مفيد جدا . كل المغناطيسيه ما تقل يبقى هناك دوكو و معجون كتير.

    و احنا بنبص على السياره من الخارج ممكن نشوف كمان حالة الشكمان و كمان حالة دواسات السياره من الخارج ( صاج اسفل السياره ) و كمان نبص على حالة الفوانيس ( لامعه و نظيفه او مطفيه )

    الخدوش و الحكات و النقر الصغيره غير مهمه اطلاقا فى مصر .
    و تسلم الأيادى .....هههههههههه

  2. #42
    An Oasis Pioneer
    الصورة الرمزية ماجد
    الحالة : ماجد غير متواجد حالياً
    رقم العضوية : 25
    تاريخ التسجيل : Apr 2006
    الدولة : مصر المحروسه
    المشاركات : 10,833

    افتراضي

    الاكصدامات و الفوانيس و الاشارات ... زى ما قلنا الفوانيس تكون مش مطفيه و لا غامقه و لا داخلها مياه او اتربه لأنها تحتاج اصلاح مكلف او حتى استبدال و كذلك الاكصدام لو نيكل مايكونش مجرح او مطفى ... الكصدامات الفيبر بتتصلح الا لو كانت معووجه جامد او الشاسيه بتاعها مكسور ..... لازم تمسكها و تهزها ... لو سايبه ممكن يكون الشاسيه مكسور ..... الشاسيه الامامى ممكن يكون ب 1000 جنيه و الخلفى ممكن يكون 500 جنيه .... ده سعر الشاسيه مش سعر الاكصدام نفسه اللى ممكن يكون سعره 1800 جنيه مستعمل و ليس جديد

  3. #43
    An Oasis Pioneer
    الصورة الرمزية ماجد
    الحالة : ماجد غير متواجد حالياً
    رقم العضوية : 25
    تاريخ التسجيل : Apr 2006
    الدولة : مصر المحروسه
    المشاركات : 10,833

    افتراضي

    اطارات السياره .... نبص على نقشة الكاوتش و على تآكل الاطارات هل هناك تآكل فى جانب اكتر من جانب ... كمان لازم نبص على عمق النقشه و المفروض لا يقل عن 5 مم ... كمان هل الاطارات من نوع واحد ولا انواع مختلفه ..... طبعا لو انواع مختلفه يبقى صاحبها مهمل و مش ركيب

    الاطارات لها عمر و لها عدد كيلومترات ... العمر لا يزيد عن 5 سنوات من تاريخ الصنع أو 50000 كم ايهما اقرب .... تاريخ الصنع بتلاقى رقم على الاطار زى كده .... 1320 ( او 2013 ) ده معناه الاسبوع ال 20 سنة 2013 ... بمعنى انتاج مايو 2013

  4. #44
    An Oasis Pioneer
    الصورة الرمزية ماجد
    الحالة : ماجد غير متواجد حالياً
    رقم العضوية : 25
    تاريخ التسجيل : Apr 2006
    الدولة : مصر المحروسه
    المشاركات : 10,833

    افتراضي

    زجاج السياره ... بنبص على 3 حاجات ... الزجاج و النيكل و الكاوتش بتاعه .... طبعا الشروخ او كاوتش متآكل او نيكل مجرح او مصدى ... كله لازم يتغير ... الكاوتش المتآكل هايدخل ميه و بالتالى يجيب برومه او حتى يسرب التكييف و يخلى العربيه مش معزوله صوتيا كويس و تحس انك قاعد فى الشارع

  5. #45
    An Oasis Pioneer
    الصورة الرمزية ماجد
    الحالة : ماجد غير متواجد حالياً
    رقم العضوية : 25
    تاريخ التسجيل : Apr 2006
    الدولة : مصر المحروسه
    المشاركات : 10,833

    افتراضي

    حوض المكنه ... مبدأيا بنبص على البطاحات و دى اعلى المساعدين ... بيكون عليها فرش معجون ... دى بتاعة المصنع يعنى معجون معمول كان فرشة عدت عليه ... بنقارن شكل الفرش يمين و شمال ..... كمان نبص على مناطق اتصال الرفارف بحوض المكنه سواء كانت لحام او مسامير ... هل شكلها متماثل فى الجنبين او لأ ... اللحام فى المنطقة دى بيكون بنط .... كل مسافه بنطة ..... هل المسافات واحده يمين و شمال ولا لأ .

    تانى حاجه نبص على فرد الشاسيه و دى بتكون فى قاع الحوض موازيه لطول السياره... هل فيها لحام او سمكره ظاهره ... هل لونها مختلف عن لون السياره ... هل لامعه او مطفيه .... لو لامعه تبقى مدهونه و تبقى العربيه دخلت فى الحيطه قبل كده ....

    نبص كمان على حالة سلوك الكهرباء ... هل فى شغل معمول ... الوان مختلفه للسلوك .... شترتون ملفوف عليها ..... ده بيدينا فكره عن نوعية الصنايعيه اللى صاحب العربيه بيتعامل معاهم .

    نبص على وجود اى تسريب للزيوت على جسم المحرك ... هل يوجد تسريب من الثلث العلوى ...يبقى جوان غطا التاكيهات و دى سهله .... تسريب من المنتصف يبقى جوان وش السلندر و ده حاجه متعبه .

    نفتح غطاء المحرك و نبص عليه ... هل هناك لون زى الطحينه ...يبقى الماء دخل على الزيت بسبب تلف جوان وش السلندر و تبعد يا معلم فورا ... كذلك تفتح غطاء الرادياتير و تبص على الميه ... هل هناك صدأ ... او هناك زيت ... لو زيت تبعد بردو يا معلم.

    بص بالمره على باقى سوائل العربيه ..ز زيت الفيتيس ( لو تعرف ) و زيت الباور .... دى مش حاجه خطيره لكن بيديك فكره عن مالك السياره و كيف يعاملها

    بص تحت السياره و شوف هل فيه رشح لأى سائل من السوائل ... لو عرفت تفتح فايظ ( او راجع ) هواء المكنه و عادة بيكون خرطوم واصل على المحرك او على فلتر الهواء ... لو لقيته معرق زيت يبقى المكنه بتنفخ بما معناه طقم شمبر و ابعد يا معلم

  6. #46
    An Oasis Pioneer
    الصورة الرمزية ماجد
    الحالة : ماجد غير متواجد حالياً
    رقم العضوية : 25
    تاريخ التسجيل : Apr 2006
    الدولة : مصر المحروسه
    المشاركات : 10,833

    افتراضي

    لمحرك و الفيتيس ... فى العربيات الحديثه ( موديل 1996فما فوق ) لازم تكشف بالسكانر و تعرف اكواد الاعطال ايه و ممكن كمان يقيس لك كبس البساتم و كل ده بيديك صوره كامله عن حالتهم .... اى عيوب جوهريه تبعد فورا بما فيها اعطال حساسات علبة البيئه لأن بعض الماركات بيكون الاصلاح مكلف جدا .

    و بعض معارض السيارات بتكون موفره نسخه من كشف التوكيل من شهر مثلا للعربيه بحيث تطمن خصوصا للعربيات العاليه مرسيدس و بى ام

  7. #47
    An Oasis Pioneer
    الصورة الرمزية ماجد
    الحالة : ماجد غير متواجد حالياً
    رقم العضوية : 25
    تاريخ التسجيل : Apr 2006
    الدولة : مصر المحروسه
    المشاركات : 10,833

    افتراضي

    الشنطه ... هانرفع المشمع او الموكيت و نبص على صاج الشنطه من حيث استقامته او وجود صدأ و كمان نبص لو فيه فرش معجون هل متطابقة فى الشكل على الجانبين ... و لو عرفنا نشيل الفرش اللى على الجوانب و نبص على دهاتها هل مطفى او بيلمع

    بالمناسبه فيه طرق كتيره تخلى الدهان الجديد يظهر زى القديم ... منها انك ترش زيت و تسيبه فتره كبيره ... أو حتى تدهن بيتومين بارد و تشيله بعد كده بالجاز .... بس اللى ماتعرفش تضحك عليه هو قلم مقاس الدوكو

  8. #48
    An Oasis Pioneer
    الصورة الرمزية ماجد
    الحالة : ماجد غير متواجد حالياً
    رقم العضوية : 25
    تاريخ التسجيل : Apr 2006
    الدولة : مصر المحروسه
    المشاركات : 10,833

    افتراضي

    لصالون ... هانبص على حالة الكراسى و الكنبه ... هل فيه تقطيع او شقوق ( لو جلد ) و طبعا الجلد احسن من القماش ( على الرغم من الحراره فى الصيف ) و نبص على التابلوه هل فيه شروخ ... نشيل الدواسات و نبص على الصاج ... هل فيه برومه او لحامات خصوصا فى كرسى الراكب الامامى لأن المنطقة دى بتكون ساعات فيها تسريب ماء من التكييف لو الفلتر مسدود ... كمان هانبص على حالة فرش السقف و نشوف حالة احزمة الامان و طبعا نبص على كيلومتر العربيه و نشوف لو فيها اعطال او لمض منوره خصوصا لمبة تشيك انجن او لمبة abs لان الحاجات دى بتكون مكلفة جدا غالبا

    كمان نبص على حالة تنجيد الكراسى ... هل فيه كرسى هابط أو ضهره مكسور ولا لأ ... كاوتش الابواب حالته ايه .... السنتر لوك شغال ولا لأ و كمان بيقفل الشنطه و لا لأ .... دراع فتح الشنطة و التانك من الدخل ... شغال ولا لأ

  9. #49
    An Oasis Pioneer
    الصورة الرمزية ماجد
    الحالة : ماجد غير متواجد حالياً
    رقم العضوية : 25
    تاريخ التسجيل : Apr 2006
    الدولة : مصر المحروسه
    المشاركات : 10,833

    افتراضي

    الكماليات الداخليه ..... و دى نجربها واحده واحد و اولها طبعا التكييف .. ماتصدقش اللى بيقولك انه عاوز شحن ... ده غالبا محتاج كمبرسور او سربنتينه و دى حاجات ممكن تكلفك كتير اوى

    نجرب المرايات الكهربا لو موجوده و الزجاج الكهربائى و الانوار و نور الشبوره و نور الصالون و الراديو و نسمع الصوت و الكراسى الكهربا لو موجوده و كمان فتحة السقف لو موجوده

  10. #50
    An Oasis Pioneer
    الصورة الرمزية ماجد
    الحالة : ماجد غير متواجد حالياً
    رقم العضوية : 25
    تاريخ التسجيل : Apr 2006
    الدولة : مصر المحروسه
    المشاركات : 10,833

    افتراضي

    آخر حاجه نطلع نجرب العربيه .. و احنا رايحين هانشوف الفيتيس بياخد نقلاته كلها ولا لأ .... و نقفل زجاج العربيه و نراقب ايه الاصوات اللى بنسمعها و هل عزل العربيه محكم ولا بنسمع صوت الهوا ... خد بالك لو حاولت تعالج دى بتكون صعبه شويه .. فى المشوار ده بنسوق بسرعه و نجرب الفرامل كمان بس خد بالك من اللى جاى وراك

    و احنا راجعين نسوق بهدوء و الشبابيك مفتوحه و نحاول نمشى على طريق مكسر شويه و نسمع ايه الاصوات من العفشه او الدريكسيون

    من الافضل جدا تكون العربيه بارده تمام قبل ما نطلع نجرب .. لأن اصوات المحرك بتكون اوضح

صفحة 5 من 6 الأولىالأولى ... 3456 الأخيرةالأخيرة

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •