صفحة 10 من 15 الأولىالأولى ... 89101112 ... الأخيرةالأخيرة
النتائج 91 إلى 100 من 150

الموضوع: جارتي الهولندية وأنــــا...

  1. #91
    An Oasis Pioneer
    الصورة الرمزية last_samurai
    الحالة : last_samurai غير متواجد حالياً
    رقم العضوية : 209
    تاريخ التسجيل : Aug 2006
    الدولة : بلاد الله الواسعه
    العمل : مهندس
    المشاركات : 2,554

    افتراضي

    بجد يا معلم انت معلم بجد
    احييك على الموضوع الاكثر من رائع
    الف شكر وتسجيل متابعه يا معلم
    ولمصر في قلب الزمان رسالة .. مكتوبة يُصغي لها الأحياء من مصر تبدأ قصة في طيبها .. تروي الحوادث والعلا سيناء

  2. #92
    An Oasis Citizen
    الحالة : ahmed غير متواجد حالياً
    رقم العضوية : 26
    تاريخ التسجيل : Apr 2006
    المشاركات : 1,564

    افتراضي

    بجد يا معلم انت معلم بجد
    احييك على الموضوع الاكثر من رائع

    الف شكر وتسجيل متابعه يا معلم


    للاسف المعلم اختفى فى ظروف غامضة, والغريب ان اختفائه واكب اختفاء سى فود.

    انت فين يا عم؟؟؟؟؟؟

  3. #93
    An Oasis Citizen
    الصورة الرمزية Shaden
    الحالة : Shaden غير متواجد حالياً
    رقم العضوية : 1350
    تاريخ التسجيل : Jun 2007
    الدولة : KSA
    المشاركات : 1,905

    افتراضي

    الحوارات اللي بينكوا اكتر من رائعه........
    وردك عليها ذكي جدا.........

    تسلم يامعلم

  4. #94
    An Oasis Citizen
    الصورة الرمزية diab
    الحالة : diab غير متواجد حالياً
    رقم العضوية : 251
    تاريخ التسجيل : Sep 2006
    المشاركات : 1,646

    افتراضي

    تسجيل متابعة

  5. #95
    An Oasis Pioneer
    الصورة الرمزية elmaalem68 المعلم
    الحالة : elmaalem68 المعلم غير متواجد حالياً
    رقم العضوية : 501
    تاريخ التسجيل : Feb 2007
    الدولة : Holland
    العمل : باحث في العلوم الانسانيه
    المشاركات : 3,170

    Arrow ردود واجبة

    اقتباس المشاركة الأصلية كتبت بواسطة last_samurai مشاهدة المشاركة
    بجد يا معلم انت معلم بجد
    احييك على الموضوع الاكثر من رائع
    الف شكر وتسجيل متابعه يا معلم
    الشكر لكم انتم
    فانا ادين لكل قاريء


    تحياتي
    اقتباس المشاركة الأصلية كتبت بواسطة ahmed مشاهدة المشاركة

    للاسف المعلم اختفى فى ظروف غامضة, والغريب ان اختفائه واكب اختفاء سى فود.

    انت فين يا عم؟؟؟؟؟؟
    ايوة يا ريس

    انا و سي فود طلعنا على بورتو مارينا


    انا زهقت ورجعت
    وهو لسه قاعد هناك بيصطاد
    -
    -
    -
    -
    -
    -
    -
    -
    -
    -
    سمك طبعا

    اقتباس المشاركة الأصلية كتبت بواسطة Shaden مشاهدة المشاركة
    الحوارات اللي بينكوا اكتر من رائعه........
    وردك عليها ذكي جدا.........

    تسلم يامعلم
    الاروع هو مرورك الكريم

    تحياتي
    اقتباس المشاركة الأصلية كتبت بواسطة diab مشاهدة المشاركة
    تسجيل متابعة
    شكلك كده بتفكرني:)
    عشان اكمل

    حاضر اخي الفاضل
    فيه حوار حدث مؤخرا
    سأقوم بعملية تمصيره
    وانزله
    نزيف قلم :محمد عزالدين امام
    آ بالموت تخوفوننا؟ الا فلتعلموا أن الموت عندنا عادة وكرامتنا من الله الشهادة
    الامام علي زين العابدين
    بن
    الامام الثائر الحسين بن امير المؤمنين علي
    فيلسوف الحرية و رائد الأحرار
    السلام عليكم يا اعز الناس واشرف الناس
    هيهات منا الذلة

  6. #96
    An Oasis Pioneer
    الصورة الرمزية elmaalem68 المعلم
    الحالة : elmaalem68 المعلم غير متواجد حالياً
    رقم العضوية : 501
    تاريخ التسجيل : Feb 2007
    الدولة : Holland
    العمل : باحث في العلوم الانسانيه
    المشاركات : 3,170

    Arrow رأس المسلمة

    [MOVE="left"]جارتي الهولندية ......و أنــــــــــــــــــــــــــــا[/MOVE]


    رأس المسلمة

    بقالنا اسبوع
    نخرج في مطر
    ونرجع في مطر:sad:
    لا وايه؟
    السحاب قريب جدا من الارض
    يعني تحس كده انك لو مديت ايدك - ولامؤخذة - هتلمسه
    يعني ناقص ان الناس تمشي موطية
    لاحسن دماغها تخبط في السحاب

    عمار يا مصر
    جو ايه
    فين وفين لما تندع حتى:)

    حار جاف صيفا
    دفيء ممطر شتاءا

    فاكرين الجملة دي؟
    انا حافظها من ايام جغرافيا الابتدائي

    المهم
    ورق الشجر
    خلى الارضية قدام بيتي خضرا
    كل يوم اقول هنضف قدام البيت
    ومش عارف من المطرة
    لا وزي ما تكون بتستناني
    خصوصا في الويك اند

    امبارح راجع
    اذ فجاةا
    لاقيتها سكتت
    هي مين؟!
    حنفية الماية السماوية طبعا
    قلت يا واد يا معلم
    الحق ونضف المنطقة
    خدت المقشة ومليت الجردل ( ولامؤخذة ) ماية سخنة
    و شوية كلورلكس
    وابتدينا
    هنا
    عاملين زي مصارف صغيرة بين كل بيت واخوه

    المهم
    نضفت قدام بيتي
    ووصلت لحدود بيت جارتي
    اسم النبي حارسها " شانتال "
    قوم ايه
    الجدعنة المصرية نقحت عليا
    قلت يا واد
    خليك شهم وخد الحتة اللي قدام بيتها بالمرة
    بضرب بالمقشة ضربة والتانية
    ولاقيت بابها اتفتح

    #
    ازيك يا "موه" ؟
    ( موه = محمد يعني انا )
    *
    كويس ، انتي عاملة ايه؟
    #كويسة ، ايه ده بتعمل ايه؟
    انت اشتركت مع مجموعة نضافة المنطقة بتاعتنا والا ايه ؟

    ( هناك في كل ناحية مجموعة متطوعة من اهل الحي بيقوموا باعمال طوعية
    ك النظافة و مساعدة كبار السن وخلافه )

    * لا
    ايه!
    انا كنت بنضف قدام بيتي قلت اخد الحتة اللي قدامك بالمرة يعني
    #شكرا قوي يا موه
    بجد انا مكنتش عارفة انضفها بقالي اسبوعين
    * لا ولا يهمك
    ادخلي انتي وانا هكمل
    # طيب لما تخلص رن عليا نشرب قهوة
    * وماله حاضر
    ( مطيع انا قوي.. مش كده والنبي ! )

    المهم خلصت و دخلت المقشة والجردل
    ورنيت على شنتال
    #شكرا مرة تانية يا " موه "
    اتفضل
    انا لسه فاكرة قهوتك
    اسبرسو بدون سكر او لبن قهوة
    *تمام
    قلت كده مبتسما وانا واقف قدام الباب
    # ادخل يا "موه"
    انا فاتحة التلفزيون
    اقعد واستناني

    يا اخي قد ما الواحد قعد في اوربا
    لكن لسه بيتكسف لما يخش بيت غريب

    * هي " دورين " فين اومال
    ( ده انا بسأل
    وانا بوارب الباب وبدخل على الصالة اللي قدام الباب
    وكانت هي على يميني في المطبخ الملاصق للمدخل )
    # نامت
    عندها مدرسة بكره كالعادة

    (نامت ؟! دي الساعة يادوبك عشرة بالليل!!
    افتكرت لما كنت في مصر ، اي وقت انزل فيه
    الاقي شباب وبنات في الشارع حتى ولو الساعة واحدة او اتنين بالليل !!
    ده احنا صيع يابا بقى )
    جت ومعاها القهوة بتاعتي وبتاعتها
    وكان التلفزيون بيعيد نشرة تمانية وهي النشرة الرئيسية..
    # شفت ؟
    * لا ما شفتش وربنا ؟ خير !
    # مش " خيرت ويلدرز " قدم طلب بقانون يمنع ارتداء المسلمة ل غطاء الرأس في المصالح الحكومية ؟

    ( خيرت ويلدرز سياسي يميني هولندي اجندته الوحيدة منع اسلمة هولندا حسب تعبيره )

    * ليه؟ وتفرق ايه واحدة مغطية شعرها من كاشفاه؟
    # لا تفرق طبعا
    هو بيقول ان ده
    عنصرية
    لانه بيدل على هوية الموظف الحكومي الدينية
    وده بييقلل من حياديته..
    * يا سلام؟
    وانتي ايه رايك؟
    # بصراحة يا " موه " انا لما بروح البلدية اقدم طلب والا حاجة
    ويندهوا على رقمي ويطلع حظي مع واحدة مغطية شعرها
    بعرف انها مغربية وبتوتر
    * وتتوتري ليه ؟ هتاكلك؟
    # لا بس انت عارف المغاربة واللي بيعملوه
    ببقى كاشة منها كده:sad:
    * يا ستي مش المغاربة بس اللي بيعملوا مشاكل في الشارع
    ده كل الجيل المهبب اللي تحت العشرين
    انتي مثلا
    بيعجبك كل اللي بتعمله " دورين
    # لا . بس برضه هي ما بتتشقاش قوي زي اللي بنشوفه
    من المغاربة في محطات القطار والاوتوبيس والمترو
    * على العموم مش موضوعنا
    والبرلمان ناقش الطلب؟
    # اه ووافق عليه باغلبية
    * كده في جلسة واحدة؟!
    # ماهو الطلب لاقى تأييد من اغلبية الاحزاب
    ما عدا حزب " اليسار الاخضر " و حزب " التجمع المسيحي "

    ( حزب اليسار الاخضر يؤيد حق الاجانب في الحفاظ على هويتهم دون انصهار
    وحزب التجمع المسيحي عارض القانون لانه بيحظر اي مظهر ديني ك الطاقية اليهودية والصلبان الكبيرة )

    * طيب انا عندي سؤال
    # ايه؟
    * مين محافظ امستردام ؟
    # كوهين
    * وده كاثوليكي؟
    # لا طبعا يهودي
    * عرفتي منين؟
    # من اسمه
    * اه
    يعني الاسم دل على الهوية الدينية ؟
    طيب ايه رأيك لو اتقدم طلب بحظر الاسماء التي تدل على هوية دينية؟
    # لا طبعا ده جنون
    * ليه
    # الاسماء حرية شخصية
    * وصلنا لمربط الفرس:)
    يعني الاسم حرية شخصية ! واللبس ماهواش حرية شخصية؟
    مش شايفة انها نظرة قاصرة ومنطق مريض؟
    # اه عندك حق ( قالتها ووشها في الارض من الخجل)
    * شوفي يا شانتل في بلادي بدافع عن حق من تريد ان تكشف شعرها
    ولا تعتقد انه جزء من دينها
    وهنا
    ولاني رجل تحكمه مبادئه
    سادافع عن حق اي امرأة تريد ان تغطي شعرها
    سواء اعتقدت انه جزء من هويتها الدينية او لحريتها الشخصية
    # عندك حق
    انت هتعمل ايه في الكريسماس
    * هعقد في البيت
    # تيجي تاكل معانا انا و " دورين " يومها؟
    باباها جاي ومامتي وبابايا

    * ان شاء الله ربنا يسهل

    يتبع.................... ..........................

  7. #97
    An Oasis Pioneer
    الصورة الرمزية أيسر
    الحالة : أيسر غير متواجد حالياً
    رقم العضوية : 270
    تاريخ التسجيل : Oct 2006
    المشاركات : 8,409

    افتراضي

    طيب والستات المسلمات بيلبسوا حجاب ليه فى هولندا ؟؟؟ .... هوه فيه رجالة فى هولندا ؟؟
    ماعدا المعلم طبعا .

  8. #98
    An Oasis Pioneer
    الصورة الرمزية alnoobi
    الحالة : alnoobi غير متواجد حالياً
    رقم العضوية : 79
    تاريخ التسجيل : Apr 2006
    الدولة : فوق شقة المجنى عليها عنايات أبوسنه
    العمل : كائد تابية
    المشاركات : 9,626

    افتراضي

    عزيزي المعلم ..
    علشان نكون في الصورة بس موش أكتر .. هي جارتك دي عندها كام سنة ؟
    خلينا نحدد موقفنا من باقي الحكايات .. نكمل زي ما حنا من الوضع (فاغرا فاه) و لا كل واحد فينا يشوف اللي وراه .. عاوزين نعرف الله يبارك لك إن كنا متسنترين صح ولا واقفين غلط .. بس بسرعة و النبي ونش المرور زمانه جاي
    :)
    صباح الخير علي الورد اللي فتح في جناين مصر
    صباح العندليب يشدي بألحان السبوع يا مصر

    صباح الدايه واللفه..... ورش الملح في الزفه

    صباح يطلع بأعلامنا من القلعه لباب النصر


  9. #99
    An Oasis Pioneer
    الصورة الرمزية hopsan
    الحالة : hopsan غير متواجد حالياً
    رقم العضوية : 195
    تاريخ التسجيل : Aug 2006
    الدولة : البلد اللى هى ماريه و ترابها زعفران
    العمل : بحار و بيحب البحر
    المشاركات : 23,684

    افتراضي

    اقتباس المشاركة الأصلية كتبت بواسطة alnoobi مشاهدة المشاركة
    عزيزي المعلم ..
    علشان نكون في الصورة بس موش أكتر .. هي جارتك دي عندها كام سنة ؟
    خلينا نحدد موقفنا من باقي الحكايات .. نكمل زي ما حنا من الوضع (فاغرا فاه) و لا كل واحد فينا يشوف اللي وراه .. عاوزين نعرف الله يبارك لك إن كنا متسنترين صح ولا واقفين غلط .. بس بسرعة و النبي ونش المرور زمانه جاي :)
    يعنى الواحد يروح بره .. يروح جوه ..... المبادىء لا تتجزأ
    التقدير مهم جدا .... يعنى العمليه مش سبهلله ولا خدمه لله والوطن .... لابد من التقدير و اللى يحسب الحسابات فى الهنا يبات
    هيه ... عندها كام سنه بقى ؟



    مكتوب على موج البحر منذ ولدت ... بأنك للبحر مالك

    سيان تعيش على شط البر... أو فى قوقعه البحر فإنك هالك

  10. #100
    An Oasis Pioneer
    الصورة الرمزية الشامسي
    الحالة : الشامسي غير متواجد حالياً
    رقم العضوية : 2135
    تاريخ التسجيل : Oct 2007
    الدولة : مدينة الشمس
    المشاركات : 4,203

    افتراضي

    اسلوب لاغبار عليه لطرح قضايا ونقاشها والطرح على مستوى الناس العادية جدا

    اكثر من رائع

    وبانتظار التكملة:congrats:

صفحة 10 من 15 الأولىالأولى ... 89101112 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •