صفحة 2 من 2 الأولىالأولى 12
النتائج 11 إلى 15 من 15

الموضوع: مسرحية قصيرة جدا .بقلم علاء حمودة

  1. #11
    An Oasis Pioneer
    الصورة الرمزية عفاف
    الحالة : عفاف غير متواجد حالياً
    رقم العضوية : 295
    تاريخ التسجيل : Oct 2006
    الدولة : مقيمة بمصر
    المشاركات : 12,230

    افتراضي

    (11)


    جوني (رأسمالي ملحد): مصر داخلة علي تضخم فظيع مستر حموده... كارثة.. عارف يعني ايه تضخم؟

    حموده: يعني الفلوس كترت و رخصت..

    جوني: برافو عليك.. يعني العمال تعمل إضراب.. الشركات و الحكومة تديهم زيادات.. الجنيه يزيد في الأيادي سعره ينزل.. تغلا البضائع و السلع و الخدمات.. فالزيادة ماتكفيش و العمال تعمل اضراب.. الخ.. و الإنتاج مبيزيدش...

    حموده: مانتوا لو أصلا بتراعوا العمال شوية و مبسوطين في أشغالهم مكانش حد أضرب..

    جوني: إيه نراعي و منراعيش و الغباء دا.. في تنافسية.. تتنافس أراعيك و أديلك تعيش.. متتنافسش.. تموت من الجوع...

    حموده: ما هو دا يا مولانا اللي عاملك المشكلة.. الإنسان لو ماحسش بالأمان بيجيله جنون وقتي يخليه يتصرف غلط.. لازم يحس إن في حد أدني من الحياة الكريمة.. أكل محدود و سقف و علاج.. و يتنافس علي الأفضل.. مش يتنافس عشان يعيش.. دي مش غابة.. إحنا بشر...

    جوني: مش فاهم مستر حموده؟؟

    حموده: يعني الإنسان يبقي عارف انه لو وقع في الشغل.. و معرفش ينافس من المرض.. م حايموت من الجوع و عياله مش حاتشحت الرغيف.. يعرف إنه في قوانين بتحميه و هو ضعيف و تمدله يد المساعدة لو احتاج مساعدة..

    جوني: آه و كل واحد يتدلع و نمدله يد المساعدة...

    حموده: يا سيدنا لما يحس إن عمله بينعكس عليه و في فرق مش حايتسلبط و يرضي يعيش في بدروم ياخد معاش يكفيه بالعافية.. حايشتغل و ينتج و كل ما ينتج كل ما ياخد...

    جوني: و لما يضرب بعد كده؟

    حموده: مش حيعمل اضراب.. عمرك سمعت عن إضراب في يونيليفر و للا جوجل العالمية؟ ليه؟ لأن العامل مبسوط في شغله و عارف قيمة العمل...

    جوني: العمل كقيمة مهدرة في المجتمع دا مستر حموده...

    حموده: ما هو بسببك برضه.. حولتوا الناس لكائنات استهلاكية جشعية.. تديله المرتب باليمين و يشتري منك بضاعة بأضعاف أضعاف ثمنها بهامش ربح خرافي بالشمال.. ما تكسب بالمعقول يا سيدنا و كله يبقي مبسوط بإذن الله...

    جوني: الله؟؟ آآآه.. إنت درويش مخرف مستر حموده.. صايع من بتوع الإشتراكيين الثوريين.. إنت بلشوفي حقير مستر حموده.. بتبص للي في إيد غيرك...

    حموده: هو أنا بقولك طلع من جيبك و إديني؟ أنا بقول.....

    جوني (يضغط أزرار جرس مكتبه في هستيريا): سيكيوريتي.. سيكيورتي...!!!

    (الأمن يحمل حموده و يلقيه أمام باب الشركة.. يسقط فوق صورة قديمة ممزقة لعبد الفتاح السيسي)

    يتوقف شاب من المارة: نايم فوق الصورة كده ليه؟؟ آآها.. إنت لحاس بيادة من عبيد السيسي...!!! إتفو عليكوا و علي أشكالكوا جيل معفن عرة.. وديتونا في داهية (يخرج الموبايل و يلتقط صورا: كليك كليك).. أنتوا اللي فرعنتوا العسكر.. شوية عبيد (ينصرف مشمئزا)
    التعديل الأخير تم بواسطة عفاف ; 26-02-2014 الساعة 08:27 PM

  2. #12
    An Oasis Pioneer
    الصورة الرمزية عفاف
    الحالة : عفاف غير متواجد حالياً
    رقم العضوية : 295
    تاريخ التسجيل : Oct 2006
    الدولة : مقيمة بمصر
    المشاركات : 12,230

    افتراضي

    (12)


    القاهرة 2014...


    (حموده يقف في الشارع أمام لافتات الدعاية الإنتخابية.. يتأمل كل منها مفكرا.. يقترب منه عدة أشخاص.. يتضح انهم كل الأشخاص الذين قابلهم من قبل)

    الشاب الملتحي: أخي في الله حموده؟؟ بالحضن.. طبعا حاتنتخبني...

    الإشتراكي الثوري: مين؟؟ الرفيق العزيز حموده؟؟ أهلا أهلا.. تاخد سيجاره فرط طيب شاي ع النوتة؟ طيب قررت طبعا تديني صوتك؟

    البرادعي: محدش بينجرح أوي يا حموده إلا لما يحب أوي.. المكرونة.. الـ..

    الرأسمالي الملحد: و الله العظيم يا حموده و لا ليك عليا حلفان.. و حق النبي عليه الصلاة و السلام اللي زرته و ملست علي شباكه بإيدي.. إنت واحشني... صوتك معايا طبعا...

    علاء: لأ لأ لأ يا حموده.. أوعى تكون زعلت من الهزار لما الحرس رموك برا.. دي كانت كدبة إبريل...

    حموده: ايوه لكن احنا كنا في شهر أغسطس...

    علاء: يا سيدي ماتدقش.. و الله انت واحشني.. بص.. كوادر الوطني مش حاتتكرر تاني.. كل دول جهلة و بهايم سياسة سيبك منهم.. انا اللي حاحقق أهداف الثورة..

    الناصري: لازم ناصر يرجع يا حموده يا صديقي.. بس ميكونش عسكري.. انت روح الناصرية يا حموده.. صوتك ليا...

    الشاب الثائر: لازم تقاطع يا حموده.. انت روح الثورة.. قاطع و متقولش رأيك خالص.. و بكده تبقي غيظتهم كلهم...

    حموده: أممال اشارك في وضع سياسة بلدي إزاي لما كل شوية تقولي قاطع...

    الشاب الثائر: بإنك تثور علي طول.. الثورة مستمرة يا حموده...

    الشاب الإخواني: كل دا أي كلام.. مرسي راجع...

    طنطاوي: آه.. طبعا....

    أبو الفتوح: أنا سعيد جدا إني شفتك.. و لو إني متضايق شوية إني شفتك... نفسي تديني صوتك مرة .. بس نفسي ماتدينيش صوتك في نفس الوقت..

    أحمد بك: إيه يا بو الفتوح الهبل اللي بتقوله لحموده بيه دا.. دانا بقول كلام مفهوم عن دا...

    الشيخ ياسر: حضر الطبلة يا بكار و سخنّها.. لما نشوف المرة دي حاتطبل لمين.. لما نشوف صوت حموده لمين...

    حموده (يخلع حذائه): يللا يا ولاد الـ....

    الكل يجري...

    (تمت)

  3. #13
    An Oasis Pioneer
    الصورة الرمزية hopsan
    الحالة : hopsan غير متواجد حالياً
    رقم العضوية : 195
    تاريخ التسجيل : Aug 2006
    الدولة : البلد اللى هى ماريه و ترابها زعفران
    العمل : بحار و بيحب البحر
    المشاركات : 23,546

    افتراضي

    متابع



    مكتوب على موج البحر منذ ولدت ... بأنك للبحر مالك

    سيان تعيش على شط البر... أو فى قوقعه البحر فإنك هالك

  4. #14
    An Oasis Pioneer
    الصورة الرمزية الاسكندرانى
    الحالة : الاسكندرانى غير متواجد حالياً
    رقم العضوية : 203
    تاريخ التسجيل : Aug 2006
    المشاركات : 6,987

    افتراضي

    وانا كمان متابع ,,,,, متابع ايه بس ماهى مكتوبه تمت
    اختيار ممتاز يا مدام عفاف

    فيها الكثير و الكثير من الاسقاطات اللذيذه والحقيقيه


    لا تحسبن برقصها تعلو على اسيادها ..........فالاسود اسود و الكلاب كلاب

    عجباً على زمن ،، فيه القاهره تحترق .. ودمشق تدمر .. وبيروت تشتعل ..والخرطوم تقسم .. واليمن تنتهب .. وتونس تذبح .. وطرابلس تائهة .. وبغداد تتفجر .. والقدس تسرق وتهود .. و"تل أبيب" هادئة تعيش بسلام !!


    مصر
    جربت الهكسوس.. جربت الفرس.. جربت الرومان.. جربت التتار.. جربت الصليبييين..
    جربت العثمانيين.. جربت الفرنسيين.. جربت الإنجليز.. جربت الملكية.. جربت العسكر..
    ومكنش فاضل غير انها تجرب الإخوانجية عشان تبقى جربت كل انواع الفواحش



  5. #15
    An Oasis Pioneer
    الصورة الرمزية عفاف
    الحالة : عفاف غير متواجد حالياً
    رقم العضوية : 295
    تاريخ التسجيل : Oct 2006
    الدولة : مقيمة بمصر
    المشاركات : 12,230

    افتراضي

    نهاية العالم (قصة قصيرة)
    بقلم الأستاذ علاء حمودة

    المكان: مشارف بغداد.. صحراء قاحلة.. موجه حرارة تكسر المرئيات...
    الزمان: نهاية العالم...
    المشهد: جيش جرار علي خيول يقوده رجل...
    في الأفق سحابة غبار هائلة.. و قطعان يأجوج و مأجوج.. مسوخ رهيبة سوداء بأنياب و مخالب و قرون و حوافر و هيئة شبه بشرية...
    الرجل المهيب علي حصانه يشير بذراعه فيطلق جيشه السهام... تنهمر السهام كالمطر علي قافلة يأجوج و مأجوج و تبيدهم عن بكرة أبيهم...
    اصوات من الفرسان: صدق رسول الله...
    - صلى الله عليه و سلم...
    - هو المهدي المنتظر..
    - كل الصفات و العلامات توافرت فيه...
    الرجل المهيب يهمس لفارس بجواره: ايما حسنة نصيب فمن الله.. أيما شر نفعل فمن نفوسنا...
    يظهر فجأة مجموعة شباب في المشهد تتقدم ناحية الجيش علي خيول.. يحملون علما أحمر: "كتيبة الكلجيّة"...
    المهدي: من أنتم.. عرفوا أنفسكم...
    شاب كلجي: إيه اللي عملتوه دا.. حرام عليكم.. قتلتوهم ليه؟ الدم كله حرام...
    الفارس: مالك يا بني؟ ماله دا...
    شاب كلجي: الدم كله حرام.. حرام عليكم.. (ينهار في البكاء)...
    المهدي (مشدوها): هؤلاء قوم يأجوج و مأجوج.. آكلي البشر.. حارقي الزرع و الـ....
    شاب كلجي آخر: انت كلمتهم؟ عندك دليل ان دول قتلوا حد و للا أكلوا حد؟؟
    فتاة كلجية علي حصان: الدم كله حرام..!!
    الفارس: دم إيه يا بهيم منك ليها اللي حرام؟؟؟
    (يتصاعد صوت حوافر خيول.. كتيبة أخرى تتقدم تحمل راية صفراء عليها أربعة أصابع سوداء)
    فارس: و مين حضراتكو؟
    الشاب الصفراوي: احنا جايين نقود الخلافة و نوحد الأمّة.. و معا نحو استاذية العالم...
    الفارس: إنت أهبل يابني؟؟ ما الأمة إتوحدت و المهدي قدامك أهه...
    الشاب الصفراوي: ههههه طبعا.. إعلامكم المدلس فهم الناس كده..
    شاب كلجي آخر: نضمن منين انه المهدي؟ معاه دليل؟
    الفارس (في ذهول): انت متابعتش في وكالات الأنباء الحرب اللي حصلت و النبؤات اللي اتحققت؟ و شفت جيوش بتبلعها الارض و جيوش بتنهزم؟
    الشاب الصفراوي: فوتوشوب...
    شاب كلجي: صح يا صفراوي.. هات بوسة بس من خد واحد.. انا لسه حازز في نفسيتي و شايل منك لما بعتونا في محمد محمود..
    الفارس: محمود مين يا بني انت و هو؟؟ وسع السكة عشان معانا جرحي و حالتهم خطيرة...
    الشاب الصفراوي: و إيه يعني؟ كان في جرحي و حالتهم خطيرة في رابعة.. و محدش حس بيهم يا قتلة...
    فتاة كلجية: و اللي قتلتوهم دلوقتي دول.. مش من حقهم إسعاف و رعاية طبية و كان المفروض نسمعهم و نشوف عايزين ايه؟؟
    شاب كلجي: إيه يعني يأجوج و مأجوج؟؟ نبيدهم يعني؟؟
    الفارس: اللهم طولك يا روح...
    يتصاعد الغبار من جديد.. و تظهر كتيبة جديدة تحمل راية سوداء مكتوب عليها "سنحيا حميراً"...
    الفارس: و مين حضراتكو إن شاء الله؟
    الشاب الصفراوي: إنتوا كنتوا فين يا حبايب قلبي.. دنا كنت حاتجنن عشانكم.. وحشتوني...!!
    الشاب الكلجي: فينكم مختفيين من مدة؟
    الشاب السوداوي: قائدنا كان نسي علف الحصان بتاعه و جري رجع يجيبه من سوق العبور.. و سابنا نخوض المعركة...
    شاب كلجي: و خضتوها؟
    الشاب السوداوي: لا جرينا برضه إحنا كمان.. و بعدين اسكت انت كافر أصلا بتتكلم ليه؟
    الشاب الكلجي: إخص عليك يا قاسي.. احنا كفار؟ عموما دا رأيك و احنا بنحترمه..
    الفارس: طب يللا يا بني انت و هو وسع السكة عشان مش فاضيين.. معانا المهدي و بنخوض حرب ضد كل اشكال الظلم في العالم...
    الشاب السوداوي: معلش بس دا مش المهدي...
    الشاب الصفراوي: ايوه...
    الفارس: يا بني انت مش شفت بعينك اللي حصل في العالم؟
    الشاب السوداوي: ايوه...
    الفارس: و عارف الحديث النبوي إن الخليفة اسمه علي اسم النبي الكريم عليه الصلاة و السلام و اسم أبيه علي اسم ابيه.. و له مواصفات معينة...
    الشاب السوداوي: ايوه...
    الفارس: طيب.. يبقي المهدي هو مين؟
    الشاب السوداوي: الشيخ حازم...
    الفارس: حازم ايه يا بني و هباب ايه.. بقولك علي اسم النبي عليه الصلاة و السلام...
    الشاب الصفراوي: ايوه.. فعلا.. الخليفة هو د. مرسي العياط...
    الفارس: عياط ايه يا بني و زفت ايه؟
    شاب كلجي: مفيش خلافة أصلا و لا مهدي و لا كلام من دا.. انت مهدي ازاي؟ احنا اخترناك؟
    شاب كلجي آخر: أيوه انت خدت الحكم بالقوة.. لازم ننتخبك...
    المهدي: تنتخبوني؟
    فتاة كلجية: أيوه بس بمجرد ما توافق.. كلنا حنقاطع الإنتخابات.. عشان مش موافقين عليكوا كلكوا اصلا...
    شاب كلجي: يسقط كل من خان...
    شاب كلجي ملحد: أيوه.. و علي فكرة اللي ميتين هناك دول مش يأجوج و مأجوج.. مفيش حاجة اسمها يأجوج و مأجوج.. دا وهم.. بطلوا تخلف بقي..
    شاب كلجي آخر: دول أصلا مخابرات و تبعه.. من الجيش بتاعه و ملبسهم كده ...
    فتاة كلجية: دي فزاعة عشان يخوفونا و منلاقيش غيرهم.. ايه الدليل ان دول من قوم يأجوج و مأجوج؟ شفت بطايقهم؟
    الشاب السوداوي: أنا سعيد إنك سألتي السؤال دا...
    يظهر فجأة رجل ضخم الجثة أعور العين.. يسير علي الهواء و لا يمس الأرض...
    شاب كلجي: مين حضرتك؟...
    الرجل المخيف: أنا المسيخ الدجال... (يخرج سيفا يضرب به الشاب السوداوي فيقتله.. ثم يضربه ضربه أخرى فيحييه).. أميت و أحيي.. و اتحكم في الطبيعة و أسير علي الماء..
    الشاب الصفراوي: و عايز مننا إيه؟
    الفتاة الكلجية للشاب الصفراوي: سيبه من حقه يقول رأيه بحرية..
    شاب كلجي: ارجو انك ماتكونش فقدت انسانيتك و تعترف إن الدم كله حرام...
    الشاب الصفراوي: معاً أإلي أستاذية العالم و ما بعدها...
    المسيخ الدجال: انت أهبل يابني؟؟ بعدها فين؟؟ و بعدين انتوا معرفتوش توصلوا لأستاذية كوبانية النور و ريسكم الأهطل قال: "أصل في واحد هناك مش عارف امسكه بيشد السكينة".. عالم إيه اللي حاتوصلوا لأستاذيته..؟؟؟
    شاب كلجي باكيا: الراجل دا قتل المسوخ اللي هناك دي.. بدون رحمة.. و عايز يقنعنا إنه المهدي...
    الشاب الصفراوي (في غيظ): اشمعني مولولتوش كده علي الي ماتوا في رابعة؟؟ جتكم القرف منافقين...
    شاب كلجي: و اللي بيقول انه المهدي دا واخد اسرى من قوم يأجوج و مأجوج...
    فتاة كلجية في ارتياع: اعتقال و قبض عشوائي.. (تخرج آيباد يعمل بالطاقة الشمسية و تبدأ بهاشتاج ‫#‏الحرية‬ ليأجوج و مأجوج)...
    الشاب السوداوي: هو مش المهدي أصلا.. الخليفة هو الشيخ حازم...
    شاب كلجي: اسكت انت و هو انتوا بعتونا في محمد محمود...
    الشاب الصفراوي: نبيع ايوه.. كله يهون في سبيل استاذية العالم و ما بعدها...
    (المسيخ الدجال يتقدم من الكلجية و الصفراوية و السوداوية)...
    المهدي (يخرج سيفه): ماذا ستفعل؟ لا تؤذهم ارجوك...
    الدجال (عيناه مغرورقتان بالدموع): انت مستحمل القرف دا ازاي من الصبح؟ حقك عليا يا مهدي.. حقك عليا يا كبير...
    شاب كلجي: ما قلنالك مش هو المهدي...
    الشاب السوداوي: الشيخ حازم...
    الشاب الصفراوي: معيطتش ليه علي اللي ماتوا في رابعة...
    المسيخ الدجال (يخلع حذائه و يجري نحوهم): يللا.. يللا يا ولاد الكلب يا بهايم...
    (الكل يجري)...
    تمت....



    التعديل الأخير تم بواسطة عفاف ; 09-02-2015 الساعة 08:20 AM

صفحة 2 من 2 الأولىالأولى 12

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •