صفحة 1 من 2 12 الأخيرةالأخيرة
النتائج 1 إلى 10 من 15

الموضوع: مسرحية قصيرة جدا .بقلم علاء حمودة

  1. #1
    An Oasis Pioneer
    الصورة الرمزية عفاف
    الحالة : عفاف غير متواجد حالياً
    رقم العضوية : 295
    تاريخ التسجيل : Oct 2006
    الدولة : مقيمة بمصر
    المشاركات : 12,222

    افتراضي مسرحية قصيرة جدا .بقلم علاء حمودة

    الأبطال.. وجوه سياسية معروفة ماعدا (حموده).. مجرد مواطن عادي...

    (1)

    القاهرة.. 2011...


    حموده: إزيك يا دكتور أبو الفتوح.. يا ترى قررت تترشح عن الإخوان؟

    أبو الفتوح: أيوه قررت بس مش عن الإخوان.. أنا مايعجبنيش الشغل دا و انشقيت...

    تصور يا استاذ حموده النهاردة الصبح صحيت من النوم.. ببص في المرايا في الحمام.. فوجئت إني ليبرالي؟

    حموده: بسم الله ماشاء الله.. بعد 40 سنة في الإخوان.. و ماله مش عيب لما تكتشف نفسك من جديد... يعني بقيت ضد الإخوان...

    أبو الفتوح: لأ مانا انشقيت تنظيميا و ليس فكرياً...

    حموده: يعني لسه نفس فكر الإخوان؟

    أبو الفتوح: لا أنا معاهم فكريا و بعارضهم في أفكارهم في الوقت ذاته...

    حموده: آه يعني حضرتك انشقيت تنظيميا.. و معاهم فكريا.. بس مش معاهم فكريا في نفس الوقت..

    أبو الفتوح: بالضبط...

    حموده: بالتوفيق يا مولانا...

  2. #2
    An Oasis Pioneer
    الصورة الرمزية عفاف
    الحالة : عفاف غير متواجد حالياً
    رقم العضوية : 295
    تاريخ التسجيل : Oct 2006
    الدولة : مقيمة بمصر
    المشاركات : 12,222

    افتراضي

    (2)


    حموده: دكتور البرادعي.. الله يرضى عليك.. انت اللي حاتلحقني.. شوف انت تمسك البلد و تحل مشاكل الغلابة

    البرادعي: في مشاكل أهم.. الجيش بيعمل مكرونة....

    حموده: مكرونة؟ يا مولانا يعمل اللي يعمله.. دلوقتي في أدوية بعد الثورة مبقتش موجوده بسبب إن الشحنات مبتجيش من برا.. و غلابة كتير مش لاقية علاج.. و الدكاترة مضربين..

    البرادعي: المكرونة يا حموده.. حل مشاكل الغلابة تبدأ من تفكيك مصانع المكرونة التابعة للقوات المسلـ....

    حموده: قوات ايه يا دكتور سكت ليه؟ و بعدين أنا عندي سؤال.. إنت لاجيء في النمسا و دي بلد مهياش رخيصة.. يعني مانتش قاعد في السنبلاوين.. بتصرف منين؟؟؟

    البرادعي: ماقدرش أتكلم أكتر من 140 حرف في المرة.. و دا موضوع يطول شرحه.. المكرونة يا مني...

    حموده: طيب ربنا يشفيك يا رب...

  3. #3
    An Oasis Pioneer
    الصورة الرمزية عفاف
    الحالة : عفاف غير متواجد حالياً
    رقم العضوية : 295
    تاريخ التسجيل : Oct 2006
    الدولة : مقيمة بمصر
    المشاركات : 12,222

    افتراضي

    (3)


    (رجل متسول فقير يمر بجوار شاب طويل الشعر يحمل آي فون)...

    المتسول: لله يا محسنين....

    الشاب (في قرف): علي الله يا أخينا.. إيه البلاوي دي.. روحوا اشتغلوا...

    حموده: أهلا بحضرتك.. و حضرتك مين بقي؟

    الشاب: انا اشتراكي ثوري...

    حموده: أهلا بيك.. حصلتلنا البركة.. لكن ليه طالما اشتراكي مشاركتش جزء من الثروة اللي في جيبك مع الغلبان دا...

    الإشتراكي الثوري: هو دا مفهومك عن الإشتراكية؟ إنت حمار مسيو حموده.. الرأسمالية غسلت مخك و الإمبريالية عملت منك عميل...

    حموده: يا سيدنا بالراحة بس عليا.. أممال هي إيه قضية الإشتراكية لما ماتكونش المتسول دا؟

    الإشتراكي الثوري: حضرتك جاهل مسيو حموده.. بهيم.. الإشتراكية ماتبصش للفقراء و لا تستعنيهم إلا بعد ما نفكك الدولة و الجيش تماما...

    حموده: يا ساتر يا رب.. نفككهم ليه؟

    الإشتراكي الثوري: عشان نبنيهم علي نضافة مسيو حموده.. اتعلموها بقي...

    حموده: بس لما أي نظام بيفكك و ينهار تماما.. بيحصل قلة موارد و بطالة و قلق.. لازم ساعتها تكون عينينا علي الفقير و نشيل بعض...

    الإشتراكي الثوري: القضاء علي الإمبريالية قبل كل شيء مسيو حموده.. و قطع الموارد عن الرأسماليين و الإستيلاء علي مواردهم و تدمير قطب الإمبريالية الأكبر.. أمريكا...

    حموده: يا مولانا تقضي عليها إزاي؟؟ هو انت الآي فون إللي في إيدك دا من كوبا؟؟ ما هو أمريكي.. إنت بصياعتك و فشلك و سرحانك علي القهاوي أكبر ممول للإمبريالية...

    الإشتراكي الثوري: إنت فلول رأسمالي حقير مسيو حموده... بهيم مسيو حموده...

    حموده: الله يستر أصل اللي خلفوك يا شيخ...

  4. #4
    An Oasis Pioneer
    الصورة الرمزية عفاف
    الحالة : عفاف غير متواجد حالياً
    رقم العضوية : 295
    تاريخ التسجيل : Oct 2006
    الدولة : مقيمة بمصر
    المشاركات : 12,222

    افتراضي

    (4)


    حموده: إزيك يا مولانا...

    الشاب الملتحي: لازم حازم...

    حموده: لكن يا مولانا دا خلاص منعوه من الترشح...

    الشاب الملتحي: لازم حازم...

    حموده: ماشي لازم حازم.. بس ليه لازم؟

    الشاب الملتحي (في إرتياح): أيوه كده الله يفتح عليك.. لازم لأن الملك العضوض بعديه خلافة.. و الشيخ حازم هو الخليفة المرتقب.. فيه كل صفات الخليفة التي بلغتنا من الأثر...

    حموده: طيب طالما خلافة و خليفة يبقي أكيد ربنا حايديله الحكم...


    (4 مكرر)


    نفس الشاب الملتحي: مرسي الخليفة و أمير المؤمنين

    حموده: الله يا مولانا هو مش كان حازم من شهرين؟

    الشاب الملتحي: مرسي فيه كل صفات الخلافة...

    حموده: يا مولانا مش دي كانت عند الأخ حازم؟

    الشاب الملتحي: انت معترض علي صفات الخلافة الواردة في الأثر؟ ماذا رأيت من دين الله حتي تكفر به...

    حموده: يا مولانا أنا معرفهاش أصلا.. و انا متكلمتش عن الدين.. أنا بتكلم سياسة...

    الشاب الملتحي: يعني لا دين في السياسة.. طلعت علماني كافر...

  5. #5
    An Oasis Pioneer
    الصورة الرمزية عفاف
    الحالة : عفاف غير متواجد حالياً
    رقم العضوية : 295
    تاريخ التسجيل : Oct 2006
    الدولة : مقيمة بمصر
    المشاركات : 12,222

    افتراضي

    (5)


    علاء (مهموما): تصور يا حموده يا خويا.. توكيلات العربيات بقت ما بتجيبش ربح زي زمان؟

    حموده: يا علاء بيه هو انت كنت دفعت فيها مليم أحمر يعني؟ ما كله كان عافية عشان خايفين من السيد الوالد.. يعني لو جالك منها تعريفة كل شهر يبقي ربح صافي...

    علاء: يعني إيه مادفعتش؟ انا عملت كل دا بمجهودي...

    حموده: يا راجل مجهودك إزاي بس.. إشمعني محدش تاني عرف يعمل زيك؟ يعني ممكن شاب عنده 25 سنة يروح لتوكيل بيجو و يشاركهم محبة؟؟

    علاء: آآه.. فهمت.. إنت نكسجي يا أخ حموده.. من بتوع وكسة يناير.. مانتش عاجبك حاجة و بتحقد علي اللي ربنا أداله.. هذا من فضل ربي.. لو ربنا بيحبك كان أدالك زيه.. يا نكسجي يا عميل يا حقودي...

    حموده: يا سيدي ربنا يزيدك.. إسمع بس يا مولانا أنا حافهمك..

    علاء (للحرس): طلعوا الكلب دا برا...

  6. #6
    An Oasis Pioneer
    الصورة الرمزية عفاف
    الحالة : عفاف غير متواجد حالياً
    رقم العضوية : 295
    تاريخ التسجيل : Oct 2006
    الدولة : مقيمة بمصر
    المشاركات : 12,222

    افتراضي

    (6)


    أحمد بك: شوف يا حموده.. أنا حافهمك بأسلوب سلس مفهوم...

    حموده: قول يا بيه...

    إذا حاولت تعمل النهاردة في صفك الصناعي.. دا ممكن يؤدي لكراهة في الأركان...

    حموده (في غباء): يعني إيه؟

    أحمد بك: الدولاب...

    حموده (يغير الموضوع): قل لي يا سعادة الباشا.. حضرتك يعني قاعد في دبي بقالك ييجي سنتين و نص.. و دبي غالية نار.. بتصرف منين و عايش إزاي؟ سكن فخم و انتقالات و أكل و شرب و لبس و علاج.. منين الفلوس دي يعني؟؟

    أحمد بك: إيه؟؟

    حموده: لا و لا حاجة...

  7. #7
    An Oasis Pioneer
    الصورة الرمزية عفاف
    الحالة : عفاف غير متواجد حالياً
    رقم العضوية : 295
    تاريخ التسجيل : Oct 2006
    الدولة : مقيمة بمصر
    المشاركات : 12,222

    افتراضي

    (7)


    شاب ثائر: شوف بقي يا حموده انت ما تخرجش علي الإجماع.. إحنا قررنا نعصر ليمون و ننتخب مرسي.. متجيش تقولي مين و معرفش ايه...

    حموده: لكن يا جماعة المفروض أختار براحتي...

    الشاب الثائر: نعم؟؟ راحتك؟؟ شي لله يا راحتك.. أممال الثورة قامت ليه؟

    حموده: قامت علشان أنا أختار بحرية.. حتي لو خطأ.. لأن الحرية بتقتضي الخطأ...

    الشاب الثائر: آآه.. قول بقي إنك من أرامل مبارك الفلول ولاد الكلب اللي ضيعوا البلد و عايزين ترجعوا مبارك...

    حموده: يا سيدنا لا مبارك و لا غيره.. اللي راح مبيرجعش.. قل لي انت أنتخب مرسي ليه بس غصب عني؟

    الشاب الثائر: عشان بينا و بينا شفيق دم.. بس الإخوان فصيل وطني بيننا و بينه خلاف سياسي بسيط...

    طنطاوي (يدخل الكادر فجأة): آآه.. طبعا...

  8. #8
    An Oasis Pioneer
    الصورة الرمزية عفاف
    الحالة : عفاف غير متواجد حالياً
    رقم العضوية : 295
    تاريخ التسجيل : Oct 2006
    الدولة : مقيمة بمصر
    المشاركات : 12,222

    افتراضي

    (8)


    حموده (في الظلام): إيه الغلب دا.. تلات تيام مفيش نور و لا ميه...

    شاب إخواني: مانتوا صبرتوا علي مبارك 30 سنة فيها إيه لما تصبروا علي مرسي زيهم؟ و بعدين لو مرسي معملش اي حاجة طول فترتين رئاسيتين يكفيه انه أسقط العسكر.. مش عاجبك دي؟؟

    حموده: هو أنا يا بني اللي قلت 100 يوم؟؟ مش هو اللي وعد و خلف؟؟ و بعدين يا بني أنا مش عايز أسقط العسكر.. أنا عايز آكل لقمة و استحمى...

    شاب إخواني: أيوه أيوه.. إنت أكيد علماني عايز الإسلام يندثر.. موتوا بغيظكم.. يا كفرة يا علمانيين...

    حموده: يا عمنا أنا مش فاهم الأسماء دي.. أنا مصري...

    الشاب الإخواني: مت بغيظك..

    حموده: طيب متشكرين...

  9. #9
    An Oasis Pioneer
    الصورة الرمزية عفاف
    الحالة : عفاف غير متواجد حالياً
    رقم العضوية : 295
    تاريخ التسجيل : Oct 2006
    الدولة : مقيمة بمصر
    المشاركات : 12,222

    افتراضي

    (9)


    رجل ملتحي: طبقا لما تعلمناه من السلف الصالح.. فدخول السياسة مفسدة.. لكن عدم مساندة الرئيس مرسي مفسدة أعظم... و لقد انهزم الفلول الطغاة المتكبرين و انتصر الإخوان بإذن الله علي الفلول.. هذا جيش مبارك الطاغية...

    حموده: أيوه لكن الـ....

    شاب ملتحي آخر يدخل مقاطعا: إلحق يا شيخ ياسر.. وزير الدفاع.. السيسي شال مرسي...

    الشيخ (يفاجأ.. ثم يستدير مرة أخري و كأن شيئا لم يكن): طبقا لما تعلمناه من السلف الصالح.. فدخول السياسة مفسدة.. لكن عدم مساندة الوزير السيسي مفسدة أعظم.. لقد انهزم الإخوان الطغاة المتكبرين و انتصر جيش مبارك الحاكم المسلم الذي ما كان ينبغي الخروج عليه...

    حموده: .........!

    الشيخ: سنقول نعم علي دستور ثورة 30 المجيدة... و لكني سأقولها وحدي.. نوصي الشباب بقول لا...

    حموده: بس دا مش يعتبر كذب يا مولانا؟ زي: أنا مرحتش لشفيق.. لأ رحتله....

    الشيخ: آآه.. إنت جاهل يا أخ حموده.. حمار حصاوي لا تفهم شيئا في الفقه.. هذا اسمه فقها "تعريض"...

    حموده: يا مولانا هذا اسمه تعر...

    يدخل شاب ملتحي أسمر يحمل طبلة مقاطعا:

    - أشتغل يا مولانا؟

    - إشتغل يا بكار بس غير الدربكة...

    حموده: متشكرين يا مولانا
    (ينصرف و صوت طبلة بكار يتعالى)

  10. #10
    An Oasis Pioneer
    الصورة الرمزية عفاف
    الحالة : عفاف غير متواجد حالياً
    رقم العضوية : 295
    تاريخ التسجيل : Oct 2006
    الدولة : مقيمة بمصر
    المشاركات : 12,222

    افتراضي

    (10)


    زكي: انا ناصري و بالتالي لازم الناصرية ترجع...

    حموده: طب و الله بركة.. أهو أي حاجة يا سيدي.. بس الدولة يبقي لها شكل.. ايه الخطوات اللي حاترجعوا بيها الناصرية؟

    زكي: اسقاط حكم العسكر.. ضباط الجيش عمرهم في التاريخ ما كانوا بيعرفوا يحكموا...

    حموده (يسقط مغشيا عليه)

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •