النتائج 1 إلى 7 من 7

الموضوع: الفيسبوك .. وطنط عفاف

  1. #1
    An Oasis Pioneer
    الصورة الرمزية عفاف
    الحالة : عفاف غير متواجد حالياً
    رقم العضوية : 295
    تاريخ التسجيل : Oct 2006
    الدولة : مقيمة بمصر
    المشاركات : 12,232

    افتراضي الفيسبوك .. وطنط عفاف

    بعض مانشرته على الفيسبوك .. احببت أن أطلعكم عليه ..من باب التسلية لكم ..والأرشفة لي
    أرجو أن تنال رضاكم
    ---------------------------------------------


    كنت دايماً بآخد ساندوتشات من البيت وأنا رايحة المدرسة..ويوم قررت إني مش عايزة ساندوتشات من البيت .. واشتري من برة .. وقابلت زميلتي عواطف (كنا في 3 ابتدائي) عند البقال وقلت لها بلاش نشتري ساندوتشات ونشتري حلويات .. وقد كان ..وأكلنا الحلويات وإحنا في طريقنا للمدرسة ..و بعد الفسحة الصغيرة شعرنا بالجوع .. اتحملنا حصة ..لكن لسه اليوم طويل .. لما الجوع قرصنا أوي اتفتحنا في العياط ..أبلة عزيزة أحمد مدرسة الفصل سألتنا عن السبب قلنا لها جعانين .. وماجبناش ساندوتشات وصرفنا الفلوس ..إدت الفراش فلوس واشترى جبنة بيضاء ورغيفين وعملت لنا ساندوتشات .. وتاني يوم جينا نديها الفلوس رفضت ..كانت أم ومربية ومعلمة .. الله يسعدك يا أبلة عزيزة ويبارك في أولادك وأحفادك وأحفاد أحفادك ..ويرحمك ويجعل مثواك الجنة لو كنت غادرت عالمنا

  2. #2
    An Oasis Pioneer
    الصورة الرمزية عفاف
    الحالة : عفاف غير متواجد حالياً
    رقم العضوية : 295
    تاريخ التسجيل : Oct 2006
    الدولة : مقيمة بمصر
    المشاركات : 12,232

    افتراضي




    من شهر تقريباً ..حظي العاثر خلاني أشوف جزء من برنامج مصري للأطفال ..مقدمة البرنامج هي والأطفال لابسين فلاحي ..وتقريباً كانوا في مدينة الإنتاج الإعلامي واقفين بيتفرجوا على بط بيعوم في جدول أو قناة صغيرة ..الأطفال فرحانين وكل واحد اختار اسم لبطة منهم ..وإذ فجأتن (فجأة يعني) تقول لهم بصوت فيه رعب وتشويق وأكشن وإثارة : عارفين إحنا حنعمل إيه في البط ده ؟ حندددددددبحه ..ونحشيييييه ..ونحمره في السمنننننننة ..وناكله
    (تربوياً ونفسياً ..ماينفعش تشوف طفل فرحان بكائن حي ..وتكلمه عن الذبح ..لإنه بيكون عقد صداقة مع الكائن ده ..كلمة ذبح مش المفروض الطفل يسمعها في الطفولة ..ولا حتى يشوف الخروف وهو بيندبح )

  3. #3
    An Oasis Pioneer
    الصورة الرمزية عفاف
    الحالة : عفاف غير متواجد حالياً
    رقم العضوية : 295
    تاريخ التسجيل : Oct 2006
    الدولة : مقيمة بمصر
    المشاركات : 12,232

    افتراضي





    كل البنات وكل الأولاد (الطبيعيين) يميل كل جنس للآخر ..ودي ظاهرة صحية وفطرية ..إللي مش طبيعي ومش فطري بنسميه (شذوذ) ..يعني مش معقول بنات وأولاد في مرحلة المراهقة ونقول بنتي مؤدبة ولايمكن تعرف أولاد أبداً .. أو إبني متربي ولايمكن يبص لبنات أبداً .
    اتربينا على العلاقات المنفتحة بين الأولاد والبنات ..في نطاق العائلة ..الجيران ..زملاء الدراسة .
    كنت بأعزم زمايلي (أولاد وبنات) في البيت بمناسبة العيد ..بالذات لو مغتربين .
    وكنا بنقعد في الكافيتيريا شلة مع بعض بنات وأولاد ..وبنتراسل في فترة الأجازة لإننا من عدة دول ..والجوابات بتوصل على البيت ..مافيش حاجة نخبيها على أهلنا ..لإننا مابنعملش حاجة غلط .
    إللي بأشوفه دلوقت ..بنات وأولاد ثانوي وجامعة ..بيتقابلوا في شارعنا الخلفي .. وأحضان وقبلات وقلة أدب ..لإنه في عرف اهاليهم عيب يقعدوا مع بعض في مكان عام . وبعد كده نسمع عن بنات اتخطفت ..ولقطاء مرميين في الشارع .
    النور عمره مابيخوف ..ولا بيحصل فيه غلط ..الغلط بيتم في الضلمة








  4. #4
    An Oasis Pioneer
    الصورة الرمزية free man 4 ever
    الحالة : free man 4 ever غير متواجد حالياً
    رقم العضوية : 5982
    تاريخ التسجيل : Aug 2008
    المشاركات : 6,800

    افتراضي

    متابع ,

  5. #5
    An Oasis Resident
    الحالة : فيليب بطرس غير متواجد حالياً
    رقم العضوية : 25430
    تاريخ التسجيل : Apr 2015
    المشاركات : 164

    افتراضي

    صحيح طنط عفاف النور لا يخيف - بل هو الجو الصحي والطبيعي اصبحوا يلغوا عالم المنافسة في العلم مدارس بنات ابتدائي واخري بنين - بينما الي حد قريب كانت مدارس مشتركه لثانوي بنين وبنات
    المجهول مرغوب
    وعايزين يكرروها بالجامعة

  6. #6
    An Oasis Resident
    الحالة : فيليب بطرس غير متواجد حالياً
    رقم العضوية : 25430
    تاريخ التسجيل : Apr 2015
    المشاركات : 164

    افتراضي

    هذا كان ايام الزمن الجميل

  7. #7
    An Oasis Pioneer
    الصورة الرمزية عفاف
    الحالة : عفاف غير متواجد حالياً
    رقم العضوية : 295
    تاريخ التسجيل : Oct 2006
    الدولة : مقيمة بمصر
    المشاركات : 12,232

    افتراضي



    زينب

    زينب بنت عمي (الله يرحم الجميع) ..مادخلتش مدارس أبدا .. لإن عمي كان شايف إن تعليم البنات في المدارس مضيعة للوقت ..والمفروض البنت تساعد أمها وتتعلم منها شغل البيت لغاية مايجي ابن الحلال ..وعلى أيامها برضه كان عادي جدا إن المتعلم تعليم جامعي يتجوز واحدة مابتعرفش تفك الخط .
    زينب اتجوزت وسافرت مع جوزها ..وأنا اسمع إن لي بنت عم إسمها زينب ..لكن ماشوفتهاش ..ومرت الأيام والسنين ..وجات مصر مع جوزها ..كنت أنا وقتها في الجامعة ..ولإن شقتها في وسط البلد ..كنت كتير أعدي عليها وأنا راجعة من الكلية ..وفي مرة فتحت لي الباب وهي مستعجلة أوي ..كانت بتتفرج على برنامج المرأة ..ومعاها كراسة وقلم وبتكتب الوصفة والطريقة ..وأنا قعدت ساكتة جنبها علشان أسيبها تركز .. وتذكرت إنها لابتعرف تقرا ولا تكتب ..قلت يمكن جوزها ولا أولادها علموها ..ولما البرنامج انتهى سابت الكراس مفتوح وراحت المطبخ ..بصيت على الكراس لإنه قدامي على الترابيزة ..لقيت خطوط بالطول وخطوط بالعرض ودوائر وصغيرة وكبيرة ..وحاجات مش مفهومة ..قلت ياعيني مسكينة بتقلد الستات إللي بتشوفهم بيكتبوا الوصفات .
    وكنت بأروح لها كتير ..بالذات في ساعة الذروة ..اقعد عندها لغاية ما المواصلات تروق ..وبيصادف برضه وقت برامج المرأة ..وكنت بأراقبها وهي بتشخبط بسرعة .. وقلت لنفسي أكتب أنا كمان الوصفة بدل قعدتي كده ...بس كنت قربت اتجنن من الكراسة بتاعتها ..وبعد ماخلص البرنامج سألتها عن المقادير بحجة إني مالحقتش أكتب (كذابة أنا
    ) راحت فاتحة الكراسة وابتدت تمليني المقادير ..طلعت بالضبط زي ما أنا كتبتها وبنفس الترتيب .
    زينب بنت عمي اخترعت لغة لنفسها وفصلتها على مقاسها ..سميتها أنا ( اللغة الزينبية)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •