صفحة 40 من 40 الأولىالأولى ... 30383940
النتائج 391 إلى 398 من 398

الموضوع: #تهييسه_مع_طشت_النسكافيه

  1. #391
    An Oasis Pioneer
    الصورة الرمزية hopsan
    الحالة : hopsan غير متواجد حالياً
    رقم العضوية : 195
    تاريخ التسجيل : Aug 2006
    الدولة : البلد اللى هى ماريه و ترابها زعفران
    العمل : بحار و بيحب البحر
    المشاركات : 23,469

    افتراضي

    #تهييسه_مع_طشت_النسكافيه

    طيب أنا عندى إقتراح بخصوص الإنتخابات هيريح الكل سواء موال أو معارض

    وزاره الداخليه ستطبق نظام النقاط على الرخصه .. طيب ما الحكومه معاها قاعده بيانات الرقم القومى أصلا ... تحط 100 نقطه على البطاقه و تحسب على المواطن كم مره إنتخب بدء من سن الإنتخاب .. أى من سن 18 سنه تبدأ معاملته .. المره الإنتخابيه ( سواء رئاسه أو مجلس شعب أو مجلس محلى ) ب 10 نقاط خصم .. لو إجتاز 50 نقطه يحرم من العمل السياسى أو لا يدخل إمتحان وظائف أو أى ما يسمح له بالمنافسه ... هنا لن نحتاج للدعوه و بح الصوت و الرجاء بالذهاب للصناديق .. هو فقط إعلان و الشاب من دولم سيكون أول الواقفين فى الطابور

    التبرع بالدم ب 10 نقاط .. إسبوع عمل عام أو خدمه مجتمعيه ب 10 نقاط و هكذا ....



    مكتوب على موج البحر منذ ولدت ... بأنك للبحر مالك

    سيان تعيش على شط البر... أو فى قوقعه البحر فإنك هالك

  2. #392
    An Oasis Pioneer
    الصورة الرمزية hopsan
    الحالة : hopsan غير متواجد حالياً
    رقم العضوية : 195
    تاريخ التسجيل : Aug 2006
    الدولة : البلد اللى هى ماريه و ترابها زعفران
    العمل : بحار و بيحب البحر
    المشاركات : 23,469

    افتراضي

    #تهييسه_مع_طشت_النسكافيه
    أمس عرضت قناه فرانس24 ريبورتاج عن العشوائيات فى مصر و صورت أماكن العشوائيات فى الدويقه و الصخور التى كانت تسقط على المنازل و قامت بمقابلات مع الأهالى و هم يتهمون الدوله بعدم الإلتفات لهم و أنهم مهمشون ...
    إستعربت أن تستدعى تلك المحطه فيلم وثائقى قديم عن العشوائيات و لم تذكر كلمه واحده عن المدن الجديده التى إستقدمت فيها أهالى العشوائيات و مازالت
    إستغربت أكثر أن الربوتاج ضم صور السيسى التى بها دعم لولايه ثانيه ... يعنى صور عمرها أقل من إسبوعين
    أسيسى .. هيئه الإستعلامات فاشله بالمدعو ضيا و لن تقوم بما هو منوطه به وزاره الإعلام ...

  3. #393
    An Oasis Pioneer
    الصورة الرمزية hopsan
    الحالة : hopsan غير متواجد حالياً
    رقم العضوية : 195
    تاريخ التسجيل : Aug 2006
    الدولة : البلد اللى هى ماريه و ترابها زعفران
    العمل : بحار و بيحب البحر
    المشاركات : 23,469

    افتراضي

    #تهييسه_مع_طشت_النسكافيه

    من كام يوم كتبت بوست عن إنتحار خالد حمدى الفخرانى فى حجرته و كان بالنسبه لى مجرد خبر ليس إلا و أنه شاب عانى من إهمال أهله فإصب بحاله نفسيه تكون نتيجتها الإنتحار

    و لكن بعد ما تداول خبر سبب إنتحاره و هى لعبه الحوت الأزرق أون لاين تذكرت عالفور أن إبنى Gamer و له باع طويل عريض و منذ نعومه أظافره حتى أنه من ضمن اللعيبه الذين ترسل لهم الألعاب الحديثه لإختبارها و معرفه ثغراتها و سرعه تقفيل الجيم من حيث الصعوبه و درجاتها و ظللت على مدار 3 أيام أراقب تصرفاته و أحاول أختيار الألفاظ المصاغه فى سؤال الذى يساعدنى فى معرفه ما إذا كان يلعبها أو ما يشبهها دون أن أنبهه لتلك اللعبه و يلعبها و يخوض فيها و أكون أعطيته مفتاح جهنم بيدى و لما فشلت فى إختيار صيغه يعرف من خلالها قلقى عليه توجهت له بالسؤال المباشر و لا أجدعها رئيس نيابه و هو ينظر للمتهم بنصف عين و النصف الآخر على أصابعه و هو يضرب على الكيبورد بسرعه تفوق سرعه البرق

    يوسف أنت تعرف لعبه الحوت الأزرق ؟؟ ... فنظر لى مبتسما إبتسامته البلهاء دون أن يتوقف ضربا عالكيبورد إيه يا والد .. هكذا ينادينى .. حضرتك ناوى على إيه ؟ ... مش ناوى على حاجه و بعدين أنا اللى بسألك .... و حكى قصتها من طقطق لسلامو عليكم و أنه كان مشارك فى حلقه نقاش دوليه مقرها سيدنى أستراليا لأنها الدوله التى تنتحر فيها الحيتان على الشواطىء و كان هناك عدد من الضحايا و أنه جدد الحديث فيها بإعلانه عن الضحيه المصريه و تجديد المطالبه بمحوها من السيرفرات ... ثم سأل بتخاف عليا يا والد ... لا يابنى أخاف عليك إيه .. ده إنت اللى تخاف عليا

  4. #394
    An Oasis Pioneer
    الصورة الرمزية hopsan
    الحالة : hopsan غير متواجد حالياً
    رقم العضوية : 195
    تاريخ التسجيل : Aug 2006
    الدولة : البلد اللى هى ماريه و ترابها زعفران
    العمل : بحار و بيحب البحر
    المشاركات : 23,469

    افتراضي

    #تهييسه_مع_طشت_النسكافيه
    أنا مش صعبان عليا غير بتوع الأمم المتحده اللى واخدين موضوع الإجتماع بشىء من الجديه و هم أعلم الناس بما سينتهى الأمر عليه و يأخذ القرار رقم و يلقى به فى الأرشيف
    زى ما هو حاصل الآن دول الغرب تطلب إجتماع عاجل لعقد جلسه أمميه آملين الحصول على إدانه دوليه للسوريين بشأن إستعمال الأسلحه الكيماويه ... و سترتفع الأرقام على الشاشه بالمصوتين بالإدانه الدوليه ... و هوووب سيدخل عليهم الدب الروسى بالفيتو و يقش و يردع كل الأصوات الداعيه بالعقاب و بيتك بيتك كل كتكوت على عشه ..
    أولت إمبارح دعت الدول العربيه بعقد نفس الجلسه لنفس الأصوات لإدانه إسرائيل على ما إقترفته من جرائم بحق الغزاويه عينى عينك و عند وصول عدد الأصوات لمستوى الإدانه يدخل عليهم الكاوبوى الأمريكانى بالفيتو .. و اللى عنده معزه يربطها .. و يا رمان






  5. #395
    An Oasis Pioneer
    الصورة الرمزية hopsan
    الحالة : hopsan غير متواجد حالياً
    رقم العضوية : 195
    تاريخ التسجيل : Aug 2006
    الدولة : البلد اللى هى ماريه و ترابها زعفران
    العمل : بحار و بيحب البحر
    المشاركات : 23,469

    افتراضي

    #تهييسه_مع_طشت_النسكافيه
    لما تتفزلك و تتطوع بتنضيف و تفصيص الفسيخ و تحضيره و يقضون هم الوقت فى الضوحك و اللعب و تحرم نفسك من الهيصه و تقضى نصف اليوم ليظهر هذا الطبق بمظهر يشرّف و يسيل عليه اللعاب من مجرد النظر إليه ... و بعد أن تنتهى من أصعب ما فى أمر الفسيخ .. لتكافىء نفسك بعد كل التعب و المجهود و المعاناه بلقمه محبشه بقطعه فسيخه محترمه ورديه بلون خدود بنت 18 ( من بتوع 50 سنه مضت ) إعتراها الخجل و تغمض عينيك و تتخدر أناملك و لا تشعر بمن حولك و تطفو فوق كل الماديات و تخفت كل الأضواء و تتباعد أصوات الأطفال و تسبح فى ليله سرمديه لا متناهيه متشحه بلازورديه اللون و بتهادى لمسامعك صوت جرس لمركب شراعيه تتمايل على صفحه البحر الذى بالكاد تشتم نسيم اليود ليملأ صدرك دون مجهود و تنتفخ أودجتك .... و إذ بك فجأه تعض لسانك .. لتنتفض فرائسك و تفتح عينيك رغما عنك بحركه لا إراديه و كأنك تصرخ بهما و يسرى الألم فى مفاصلك حتى أطراف شعرك و لا تقوى على الصراخ فاللقمه مازالت محشوره فى فمك .. و تستدعى شريط ذكرياتك لتبحث فى العشرين سنه التى مضت ماذا فعلته ليكون عقابك هذا اليوم بهذا الشكل ... و لله الأمر من قبل و من بعد

  6. #396
    An Oasis Pioneer
    الصورة الرمزية hopsan
    الحالة : hopsan غير متواجد حالياً
    رقم العضوية : 195
    تاريخ التسجيل : Aug 2006
    الدولة : البلد اللى هى ماريه و ترابها زعفران
    العمل : بحار و بيحب البحر
    المشاركات : 23,469

    افتراضي

    #تهييسه_مع_طشت_النسكافيه
    الدكتور فى حلقه عمرو أديب كان جاى ينصح الجمهور بمنع و تحريم و تجريم أكل الفسيخ ... بعد شويه قال ممكن معاملته كمقبلات .. بعد شويه قال ممكن أكله مع التقليل ... بعد شويه لم يستطيع مقاومه أكل الفسيخ .. إيد فيها بصله ... و الإيد الثانيه فيها ساندوتش فسيخ .... و مع ختم عمرو أديب للحلقه كان هذا الدكتور بياكول لوحده دون أى إعتبار للكاميرا

  7. #397
    An Oasis Pioneer
    الصورة الرمزية hopsan
    الحالة : hopsan غير متواجد حالياً
    رقم العضوية : 195
    تاريخ التسجيل : Aug 2006
    الدولة : البلد اللى هى ماريه و ترابها زعفران
    العمل : بحار و بيحب البحر
    المشاركات : 23,469

    افتراضي



    #تهييسه_مع_طشت_النسكافيه
    كصه كصيره
    مع هوجه توافد السوريين جت أسره فى شارعنا زوج و زوجه و بنت 9 سنوات بشنطه هدوم واحده و سكنت فى جراج بصوره مؤقته عطفا عليهم و كان الناس يرسلون لهم الأكل و ملابس و بعد صلاه الجمعه كان الزوج يلم مبلغ أكثر من محترم من المصلين و إتضح إنه نجار فدخل بيوت الشارع إصلاحا و تصليحا حتى المواعيد أصبحت بعد إسبوع .. و هوب إشترى محل فى شارع قريب و أصبح فى غضون سنه معلم و عنده صبيان ( سوريين ) و بيعمل مكتبات و حجرات نوم و مش فاضى ..
    مراته سبقته بعمل عينات من الأكلات السوريه و ترسلها لمن عطف عليها بأكل مصرى ثم بدأت تذهب تطبخ و تعلم ستات البيوت الأكلات السوريه و أصبحت أم ساره أشهر من نار على علم ... و تحول منزلها لمعرض الأكلات السوريه و تستقبل الطلبات بالتليفون و ترسل للبيوت ... أم ساره أصبحت فى غضون سنه معلمه و عندها طيارين ( سوريين ) ..... تمت
    التعديل الأخير تم بواسطة hopsan ; 12-04-2018 الساعة 03:43 PM

  8. #398
    An Oasis Pioneer
    الصورة الرمزية hopsan
    الحالة : hopsan غير متواجد حالياً
    رقم العضوية : 195
    تاريخ التسجيل : Aug 2006
    الدولة : البلد اللى هى ماريه و ترابها زعفران
    العمل : بحار و بيحب البحر
    المشاركات : 23,469

    افتراضي

    #تهييسه_مع_طشت_النسكافيه

    # رئيس قبرص جاى يوقع إتفاقيه تسييل الغاز القبرصى فى مصر فى دمياط و إدكو ( بلغه الخرفان مصر كمان هتستورد الغاز القبرصى لأن الغاز الإسرائيلى مش كفايه بعد ما طلع غاز ظهر فطشه ) و يعاد تصديره من مصر للدول البعيده مثل أسبانيا ( شريك مصر فى محطه دمياط ) و البرتغال .... كووول ده عادى

    # اللذيذ و هو ليس جديد لأنى كتبت بوست من عامان سردا تخيلا لتلك الأحداث التى تحدث تباعا

    أن سينشأ أنبوب أو إثنان ( و يفضل إثنان لتقليل التكلفه ) من مصر الى جزيره كريت و منها الى اليونان الصديق الثانى ( و هى أصلا صداقه قويه قديمه كانت فى سبعينات القرن الماضى و ما أكثر المعونات التى كانت تعطيها لمصر و من يتذكر جون لاتسيس صديق مصر ) و من اليونان الى أوروبا ( اليونان صربيا المجر بلغاريا النمسا إيطاليا سويسرا المانيا فرنسا بولند سلوفاكيا و أوكرانيا اللى بتاخود الغاز الروسى مدعم من أوروبا بتمويل المانيا و فرنسا )

    # الأكثر لذاذه أن الإتحاد الأوروبى يقف و بشده خلف هذا الأنبوب حتى لا يكون إعتماده على الغاز الروسى المار بتركيا اللى شايفه الوضع ده و بتشد فى شعرها و حولت تبلطج على قبرص الغلبانه و أوروبا وقفت لها بالمرصاد بل و تهديدا لو قامت بعمل عدائى

    طبعا الأمريكان يدعمون معنويا هذا الخط طالما سينافس الخط الروسى .. و عندك كمان إسرائيل ليست المبلطجه بل المساهمه فى المشروع و حاميه له بإيديها و سنانها

    مصر إن شاء الله ستكون مصدر و مركز فى هذا الجزء من العالم للطاقه النظيفه المتجهه لأوروبا سواء الغازيه أو الكهربائيه مما سيشجع و يخلق بيئه مناسبه جدا للإستثمارات الجديده فى مجال الطاقه بعد ربط المحطات الغازيه السعوديه و النوويه مستقبلا مع مصر اللى هتتربط مع المحطات النوويه الإماراتيه .. الحنفيات عندنا و هتبقى ليله يا معلم

صفحة 40 من 40 الأولىالأولى ... 30383940

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •