#تهييسه_مع_طشت_النسكافيه
لمؤاخذه يا زميل .. أستسمحك فى سر تانى .. بس زى ما إتفقنا الأسرار دى متطلعش بره
لما الجدع الطوليانى بتاع إينى اللى إسمه كلاوديو ديسكالزي يعلن أن الشركه ( و هى من أضخم شركات البحث عن البترول و الغاز 19 فى الترتيب العالمى ) أن الشركه خصصت 70% من حجم إستثماراتها العالميه فى مصر .. يعنى فى منطقه إمتيازها بشمال مصر بالبحر المتوسط ( شروق ) ... يبقى ورا الكلام ده سبب ... أوووم بعد كام شهر و أثناء حفر بئر إستكشافى يتنطط رئيس الشركه و يقول البير جاب قمااااش .. بس قماش البير ده ( بسم الله ما شاء الله .. الله أكبر الله أكبر حابس حابس ) يساوى 3 أضعاف بير ظهر اللى هو أصلا أكبر بئر فى شرق المتوسط ( تقديرات أوليه 90 تريليون متر مكعب ... ظهر وش الخير 30 تريليون متر مكعب و ترتيبه ال 20 ) مما يعده ثامن أكبر حقل غاز فى العالم .. بالنسبه لشرق المتوسط يبقى إسمه الزغلول الكبير
السيسى كان طمعان من ربنا فى عشر حقول بحجم ظهر .. آدى 3 أهم .. فاضل لك 7 أسيسى .. يمكن تلاقيهم فى البحر الأحمر
آه بالمناسبه الحقل الجديد إسمه نور .... فاتحه خير إن شاء الله