صفحة 44 من 48 الأولىالأولى ... 344243444546 ... الأخيرةالأخيرة
النتائج 431 إلى 440 من 475

الموضوع: #تهييسه_مع_طشت_النسكافيه

  1. #431
    An Oasis Pioneer
    الصورة الرمزية hopsan
    الحالة : hopsan غير متواجد حالياً
    رقم العضوية : 195
    تاريخ التسجيل : Aug 2006
    الدولة : البلد اللى هى ماريه و ترابها زعفران
    العمل : بحار و بيحب البحر
    المشاركات : 23,550

    افتراضي

    #تهييسه_مع_طشت_النسكافيه

    عايز تشعر بالقهر فى عز حر قيظ الصيف أن تذهب فى زياره و يلحون عليك تشرب إيه و يزيدون فى الإلحاح و لرفع الحرج تقول خلاص شاى .. شويه و تسمع صوت الخلاط اللى بيكسر الثلج و تبتسم و تبتهج فى داخلك و تشعر أن ريحا شماليه بارده تداعب ثناياك و تجيلك الصينيه فيها كوبايه شاى و تنظر لها طويلا و يقول لك المضيف ... إتفضل



    مكتوب على موج البحر منذ ولدت ... بأنك للبحر مالك

    سيان تعيش على شط البر... أو فى قوقعه البحر فإنك هالك

  2. #432
    An Oasis Pioneer
    الصورة الرمزية hopsan
    الحالة : hopsan غير متواجد حالياً
    رقم العضوية : 195
    تاريخ التسجيل : Aug 2006
    الدولة : البلد اللى هى ماريه و ترابها زعفران
    العمل : بحار و بيحب البحر
    المشاركات : 23,550

    افتراضي

    #تهييسه_مع_طشت_النسكافيه
    يا وزاره التموين يا وزاره الزراعه يا حكومه إيه الغرض من تقليل مساحات زراعه الأرز للنصف و إستيراد 2 مليون طن من أمريكا دون عن مزارع الرز فى العالم اللى الرزايه فيه يادوب تقترب من الرزايه المصريه الذى لا مثيل له ... إستهلاك فدان الرز من الماء 5 آلاف متر مكعب و كمان من الصرف الزراعى و اللى الصرف بتاعه يحسن من ال PH بتاعه الصرف الزراعى و ليست مثل فدان الموز الذى يستهلك 15 الف متر مكعب من الماء النقى حتى يعطى إنتاج مميز ..
    خلاصه الكلام الرز المستورد و الذى لا يضاهى الرز المصرى سيكون ب 14 جنيه الكيلو الأمر الذى سيرفع من سعر الرز المصرى الى 20 جنيه .. لصالح مين الكلام ده و المكتوب ليس كميا و لا إختراع ...

  3. #433
    An Oasis Pioneer
    الصورة الرمزية hopsan
    الحالة : hopsan غير متواجد حالياً
    رقم العضوية : 195
    تاريخ التسجيل : Aug 2006
    الدولة : البلد اللى هى ماريه و ترابها زعفران
    العمل : بحار و بيحب البحر
    المشاركات : 23,550

    افتراضي

    #تهييسه_مع_طشت_النسكافيه
    النهارده يا أولادى المتيسرين أى أصحاب العقارات ... المستأجرين دى مش سكتهم ..
    الدوله بدأت تفوق و تقوم بتحصيل مستحقاتها و هذا بخلاف خفض الدعم الذى لا علاقه له بالمستحق الأصلى و الذى يدفعه أى مواطن فى العالم الآخر غير عالم التكيه و تنابله السلطان و هو تسجيل الوحده المملوكه .. طيب حضرتك كالعاده تمتلك وحده أو حتى أرض لإستعمالك الشخصى فمسأله التسجيل تأتى لاحقا و يمكن إبنك يعملها .. أما فى حاله بيعك لها فلا تستطيع بيعها إلا بعد تسديد حق الدوله و هو 2.5% من قيمه العين الحقيقيه ... طيب مفيش معاك حق التسجيل يبقى من حق الشارى أن يخصم مبلغ 2.5% من قيمه العين و يسدد هو المبلغ لإداره الحفظ و التسجيل .. و طبعا لو قمت بالتسديد قبل البيع سيسهم فى بيعها بصوره أسرع ...
    طيب لو كتبت فى العقد قيمه أقل من قيمتها الحقيقيه فالشارى سيكون متضرر لأنه فى هذه الحاله سيدفع باقى الميلغ تحت الترابيزه و هو فى غنى عن ذلك كما أن الموظف لو شك فى القيمه فيوقف البيع و يأتى بلجنه للتقييم و تحديد القيمه العقاريه و عليه ال 2.5% تسجيلا ... الوحده أم مليون جنيه التيحيل بتاعها 25 الف جنيه ... و يا رمان

  4. #434
    An Oasis Pioneer
    الصورة الرمزية hopsan
    الحالة : hopsan غير متواجد حالياً
    رقم العضوية : 195
    تاريخ التسجيل : Aug 2006
    الدولة : البلد اللى هى ماريه و ترابها زعفران
    العمل : بحار و بيحب البحر
    المشاركات : 23,550

    افتراضي

    #تهييسه_مع_طشت_النسكافيه

    أجدعان حد يشوف الوليه المجنونه دى بتاعه وزاره الصحه .. السلام الجمهورى له إحترامه .. يعنى لما يعزف لازما و لابد الناس داخل المستشفى بما فيهم الدكاتره داخل قسم العمليات و المرضى و الناس كلاتهم يقفون إحتراما ناهيك عن غناءه بصوت خافت أو عال ( متروك لك و لا تثريب ) حتى ينتهى مثل كل البلاد المحترمه و هذا لن يحدث سواء من الأطباء أو الموظفين أو الزوار مما يفقده إحترامه و جلاله

    أما قسم ( اللى هو الحلفان بتاع أبوقراط ) الأطباء كل يوم الصبح فهو الجنون بعينه و كأنها تذكرهم بما هم غافلون عنه و هذا القسم الذى سينبههم لا تسمح ل كليه المريض تزغلل عينك و أنت بتشيل الزايده و تاخودها فى إيدك بالمره .. أو مقله عين مريض إدحرجت من عينه و وقعت بين رجلك .. لازم تروح تسلمها فى الإستقبال لربما صاحبها يسأل عنها .... ده غير الطبيب اللى بيصّبح المرضى و يمسيهم شتما و ركلا و صعقا بالكهرباء

    بالمناسبه .. العلم يترفع الصبح و بينزل عالمغرب .. علمونا كده فى الكشافه

    أمدبولى !! .. إيه حكايتك !!؟

  5. #435
    An Oasis Pioneer
    الصورة الرمزية hopsan
    الحالة : hopsan غير متواجد حالياً
    رقم العضوية : 195
    تاريخ التسجيل : Aug 2006
    الدولة : البلد اللى هى ماريه و ترابها زعفران
    العمل : بحار و بيحب البحر
    المشاركات : 23,550

    افتراضي



    #تهييسه_مع_طشت_النسكافيه
    بص معايا فى الحته دى ... الأيقونه الصنيوره الأموره المأطأطه عهد التميمى الشقراء أم شعر كيرلى ذات المعرفش كام ربيع خرجت معها فى نفس التو و اللحظه و من نفس ذات البوابه بنوته برضه إسمها ياسمين أبو سرور والله ما أعرف شكلها علشان أنزل بصورتها .. بس المؤكد المؤكد إن شعرها مش كيرلى ...
    و عليه أرسل خاقان البحرين و البرين أردوجان رساله تهنئه ,, لمين ؟ .. لأم شعر كيرلى طبعا .... و يا رمان

  6. #436
    An Oasis Pioneer
    الصورة الرمزية hopsan
    الحالة : hopsan غير متواجد حالياً
    رقم العضوية : 195
    تاريخ التسجيل : Aug 2006
    الدولة : البلد اللى هى ماريه و ترابها زعفران
    العمل : بحار و بيحب البحر
    المشاركات : 23,550

    افتراضي

    #تهييسه_مع_طشت_النسكافيه
    أنا من هواه قراءه الأحداث من المشهد و البحث فى خلفيه الصوره و أهتم كثيرا بالبروتوكولات عموما و إستأت عندما ذهب السيسى للمطار للقاء ولى عهد الإمارات حيث بروتوكوليا الذى يستقبله فى المطار إما نائب الرئيس أورئيس الوزراء
    و لكن اللقاء كان فى المطار و لعده ساعات و بعدها غادر بن زايد .. هنا أدركت أن الأمر لا علاقه له بالبروتوكول لأنها زياره غير مرتب لها و من شكل الزياره الخاطفه أنها رساله لا تقال فى تليفون و لا حتى ترسل مع مخصوص لخطورتها لأنها تستحق عناء سفر ثانى شخصيه بالإمارات .. ياترى فى ظلال تلاطم الأحداث فى المنطقه العربيه هل سنشهد زلزل أو نزع فتيل زلزال فى المنطقه ؟

  7. #437
    An Oasis Pioneer
    الصورة الرمزية hopsan
    الحالة : hopsan غير متواجد حالياً
    رقم العضوية : 195
    تاريخ التسجيل : Aug 2006
    الدولة : البلد اللى هى ماريه و ترابها زعفران
    العمل : بحار و بيحب البحر
    المشاركات : 23,550

    افتراضي

    #تهييسه_مع_طشت_النسكافيه

    من كام ساعه نزلت من الكنترول الشروط الأمريكيه التأديبيه الثمانيه لتركيا حتى تسامحها على غلطتها الشنيعه و الفظيعه فحين كانت تركيا تعتقد أن بتسليم القس الأمريكى سينهى المسأله و نعود حبايب و لكن هيهات فأقل شرط فيهم يمثل تدخل سافر فى الشأن التركى و الذى ترفضه تركيا حكومه و شعب ودكتاتور و بالنظر لطبيعه المواطن التركى و الخطاب الشعبوى الذى يتعامل به أردوجان مع شعبه فى مقابل المستحيلات الثمانيه سنكتشف أن أمريكا قررت إسقاط أردوجان الذى سيهرع الى حضن الإتحاد السوفيتى حمايه له و كما هو معلوم بالضروره أن أهم دوله لروسيا فى حاله الحرب هى تركيا التى من خلال ممراتها البحريه نقل الإسطول الروسى للمياه الدافئه فى أقل من 5 أيام

    و ما أشبه اليوم بالبارحه و مثل ما فعلت أمريكا بصدام حسين و ترك له الحبل على الغارب ستفعل بأردوجان نفس الشىء .. فهل يتعلم مقوله المتغطى بأمريكا عريان ؟

  8. #438
    An Oasis Pioneer
    الصورة الرمزية hopsan
    الحالة : hopsan غير متواجد حالياً
    رقم العضوية : 195
    تاريخ التسجيل : Aug 2006
    الدولة : البلد اللى هى ماريه و ترابها زعفران
    العمل : بحار و بيحب البحر
    المشاركات : 23,550

    افتراضي

    #تهييسه_مع_طشت_النسكافيه
    بص يا زميل .. هو تحليل ساذج من العبد لله فى شأن المصيبه التركيه و تدهور الليره فى ظل عنوان عام ( البقره لما تقع )
    فى إعتقادى أن أردوجان طلب من تميم أكبر رقم دولارى ( الذى خذله برقم 15 مليار دين إضافى ) و ذلك للضخ فى السوق التركيه لرفع قيمه العمله بعد إنهيارها الى 7.3 للدولار لترتفع مؤقتا ( 5.8 للدولار ) و ذلك ليتمكن من إنعاش السوق و بث روح التفاؤل والثقه و الأكثر دفع ديون قصيره الأجل فى شهر أكتوبر القادم بقيمه 3.8 مليار دولار بأقل خسائر ممكنه و الذى سيسمى لاحقا بأكتوبر الأسود ( تذكر هذا الإسم ) و هى أول عقبه فى مشوار الديون قصيره الأجل بقيمه 180 مليار دولار واجبين الدفع خلال 2019 .. طبعا تاهيك عن خدمه الدين الذى زاد بقيمه الربع نظرا لإنخفاض الليره للدين البالغ 400 مليار دولار ... أمريكا هتعمل حاجه ؟ ... أمريكا قاعده على الشازلونج بجوار شازلونج مصر و بتاكول فشار و لها مطلب صخنون ( يرحل يعنى ناو ) .... و يا رمان

  9. #439
    An Oasis Pioneer
    الصورة الرمزية hopsan
    الحالة : hopsan غير متواجد حالياً
    رقم العضوية : 195
    تاريخ التسجيل : Aug 2006
    الدولة : البلد اللى هى ماريه و ترابها زعفران
    العمل : بحار و بيحب البحر
    المشاركات : 23,550

    افتراضي

    #تهييسه_مع_طشت_النسكافيه

    ستنا مريم .... و هكذا يطلق عليها

    و أنا طفل كنت أرى صورتها معلقه فى بيت جدى و بيت خال أمى و يتخبط داخلى سؤال لا أبوح به كأى طفل يتكتم الكثير من الأسئله لعل إجابتها تأتى مع الأيام .. و أحببتها لحب أهلى لها ( هذا ما وجدنا عليه ابائنا واجدادنا ) و زاد حبى لها عندما إكتشفت كصبى أن الله أفرد لها سوره كامله بإسمها دون أن أفهم معانى الآيات حيث أنها تحتاج خبره حياتيه و قراءات أكثر و أكثر لأقيم و أزن الآيه على ما علمته الى أن فهمت معنى العفه و الطهر و التعبد و التوارى خجلا و الفضيحه و البشرى و هز جذع النخل الجامد مع الوهن من جراء الولاده .. و قدره الله و المعجزه و أخيرا الآيه المعجزه

    وَإِذْ قَالَتِ الْمَلَائِكَةُ يَا مَرْيَمُ إِنَّ اللَّهَ اصْطَفَاكِ وَطَهَّرَكِ وَاصْطَفَاكِ عَلَى نِسَاءِ الْعَالَمِينَ

    يا لهوى على دى آيه بها كل معانى الإنصاف و التبرأه و الإكبار

    سلاما لك يا مريم .. و سلام عليك الى يوم الدين

  10. #440
    An Oasis Pioneer
    الصورة الرمزية hopsan
    الحالة : hopsan غير متواجد حالياً
    رقم العضوية : 195
    تاريخ التسجيل : Aug 2006
    الدولة : البلد اللى هى ماريه و ترابها زعفران
    العمل : بحار و بيحب البحر
    المشاركات : 23,550

    افتراضي



    #تهييسه_مع_طشت_النسكافيه
    المره اللى فاتت كانت فضيحه الكيماوى المدويه و ذلك بتعاون الخوذ البيضاء ( و خراطيم الميه للذى نسى ... يختاااااى عالجهل ) اللى سربتهم إسرائيل من سوريا بأوامر مباشره من الأمريكان و تورط فيها الفرنسيز و الإنجليز و الطوليان و أكثرهم إنفعالا كان الألمان .. كوول ده نتيجه الثقه فيما تقوله أمريكا ... و طلع الأمر كله تهجيص × تهجيص .. لا فيه كيماوى و لا حتى فيزياوى ... حد إعتذر ؟ .. لم يعتذر أحد
    النهارده بولتون يحذر السوريون من إستخدام الكيماوى ( مجددا ) .. ناوى على إيه المره دى يا بولتون ؟ ...
    طيب مش تستنى لما ننسى الفضيحه اللى فاتت .. علطول كده .. كله سلق بطريقه أنا بلطجى و هضربك

صفحة 44 من 48 الأولىالأولى ... 344243444546 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •