#تهييسه_مع_طشت_النسكافيه

[hopsan]

#تهييسه_مع_طشت_النسكافيه

يعنى هو العيد إيه غير شويه بلالين و أهو جانا العيد على سعد بك نبيهه و ننزل حتتك بتتك عالكبده أم توم عالفطار و نفتتح الفيلم الهندى و نطلع على جدو و تيته و عمو و طنت و خالو نلم العديات و بعد توزيع الإبتسامات و الشكرانيات جرى عالبيت علشان نلحق الفته أم هبر و توم تانى ونكمل مع الفيلم الهندى وعالسينما من 3-6 ( غالبا فيلم كاراتيه أو أكشن .. المهم يكون فيه ضرب لجل رفع المعنويات المحبطه ) و فى الإستراحه جرى على ومبى علشان الزحمه نلحق الهامبورجر ( مجازا ) أم بيضه على الجريل و نرجع للبيت لربما نقابل اللى ملحقش يدينا العديه و نلحق جزء من الفيلم الهندى اللى لسه أحداثه لم تبدأ بعد و بعد إعاده جدوله العديات لأن هناك ثلاثه أيام متبقيه نطلع جرى على الملاهى و كما هو معلوم بالضروره أن هناك ألعاب خطره و ألعاب غاليه و ألعاب أطفال و لكن خيمه الساحر لابد من زيارتها و نقضى بقيه الساعه فى التنقل بين بائع الترمس و بائع الذره والتين الشوكى لو وجد .. لنعود للبيت لنلحق بالجزء الأخير من الفيلم الهندى الذى ينتهى دائما بعوده الإبن لحضن أمه الحقيقيه .. و فى تلك الأثناء نعيد جدوله العديات بعد ما خستعت الميزانيه و عرض شبه مفصل عن خوطه ثانى يوم العيد

[hopsan]

#تهييسه_مع_طشت_النسكافيه

و بدأت الحرب القذره و الضرب تحت الحزام بين الواطى حرامى الفانلات و مو صلاح ... و بتذكيره بالخدمه العسكريه ليس حبا فى الوطن بقدر ما هو الوقيعه بينه وبين الشعب المصرى و ليس الجيش لأن الجيش لا ينسى أو يتناسى مجندينه .. و عديها يا صلاح و بلاش تفضح الجبلايه علشان الواطى يعديهالك

الحل يدفع مو صلاح الغرامه كأى مواطن مصرى يعيش بالخارج و مطلوب للتجنيد ..

و يزداد القرف من الواطى حرامى الفانلات و يا رمان

[hopsan]

#تهييسه_مع_طشت_النسكافيه

العديقين أهلى و زمالك لا يصلح و لا يكون هناك طعم لدورى أو كأس إلا بهما
لشوال الرز مع الأهلى مشكله فقرر أن يضربه بعديقه و أيضا أن يرسل رساله ما مفادها أنا العابث بالشأن الكروى فى مصر تحت سمع وبصر جبلايه القرود
نادى الهلال بطل الدورى السعودى سيلعب مع الزمالك صاحب الترتيب الرابع بعد إعتذار الإهلى و متخطيا الإسماعيلى و المصرى
يا زمالكاويه لا تعطوا الفرصه لهذا الشوال و مشوها اللى داخل بين البصله و قشرتها يصفى لكما وجه الجماهير المصريه

[hopsan]

#تهييسه_مع_طشت_النسكافيه

إدلب .... ستحترق
قررت روسيا و إيران و تركيا .. آسف ... و سوريا كمان .. قرروا فشخ المعارضه الكيوت المسلحه الموجوده فى إدلب علشان مفيش فايده من اللقاءات والإجتماعات التى تنتهى دوما على لا يوجد إتفاق لأن المعارضه دائما تضع الكلاش على طاوله المفاوضات .. و لا يمكن النقاش و التفاوض مع معارضه مسلحه و بسلاح ثقيل لا تنفذ ذخائره و قبل كل إجتماع تنزل أمريكا بترسانه أسلحه على المعارضه بمسمياتها الخمسمائه و ذلك على سبيل الخطأ المتكرر منذ 2014 .. و طبعا كل دوله تسن أسنانها بما فيهم أمريكا اللى أرادت تحجيم إيران بالعقوبات و من بعدها تركيا بإسقاط ليرتها و هدم إقتصادها و طبعا ناهيك عن العقوبات المفروضه على روسيا و التى زادت فى الآونه الأخيره و تذمرت منها مؤخرا
نستطيع القول أن إدلب هى المشهد الأخير لبدايه الحرب العظمى ... أو ربما تنزل قائمه التهديدات على مفيش ... أمريكا لن تغامر بحرب بعد إنتعاش إقتصادى غير مسبوق منذ أيام كلينتون و ربما يجرّون أمريكا لحرب رغما عنها و المصيده جاهزه بقائمه حلفاء غير الموجودين عالشاشه .. إنما المؤكد أصحاب الإقتصاد الخرب سيستعملون مقوله ضربوا الأعور على عينه

[hopsan]

#تهييسه_مع_طشت_النسكافيه

تحذير للساده تجار الذهب والجواهرجيه و أصحاب مكاتب الصرافه و البنوك و الكل كليله
بعد نضب موارد الإخوان من تمويل خارجى و تمويل داخلى بعد حركه الحكومه الأخيره من مصادره الفرخه التى تبيض دهبا فأنتم الهدف القادم للتمويل
و قد أزعر من أزنر

[hopsan]

#تهييسه_مع_طشت_النسكافيه

كده بانت لبتها
عمرو أديب فى برنامجه الجديد حكاوى هو نسخه مكبره من برنامج كل يوم جمعه بعد لقاءه مع هيفاء وهبى
نفهم من كده إنه ممنوع من الكلام فى السياسه إسوه بزميله أبو حمالات و إن مرتب أعلى مذيع فى العالم العربى ما هى إلا ترضيه و معاش نهايه الخدمه و تضرب الدنيا حواليه و لن يتأثر أو يرمش له جفن حسب بنود العقد ..... و فى الأغلب ستكون برامجه مسجله
و أجزم أن شوال الرز واخد أوامر بكده من الرجل الثانى لتحييد هذا الرجل .... و إيه شويه ملاليم .... أقصد ملايين
و أجزم مره أخرى ستموت اﻹعلانات و اï»·كثر سينسحب الجمهور الغفير من متابعته إلا من رحم ربى من عشاق الفنانات و أرباب المهن ....
باى باى عموره ........ اللى بعده !!! .... مد ياخويا مش ناقصين عطله

[hopsan]

#تهييسه_مع_طشت_النسكافيه_

الروايه الإسرائيليه أن الدفاعات السوريه ضربت الطائره الروسيه بعد أن عادت الطائرات لقواعدها
الروايه الروسيه أن الطائرات الإسرائيليه ركبت الطائره الروسيه بعد أن رصدهم الرادار السورى ( S200 العتيقه ) و أطلق الصواريخ الدفاعيه نحوها فأصيبت الطائره الروسيه وعليه إعتبرت روسيا أن إسرائيل دوله معاديه و سترد بما يتناسب لحجم جريمه الحرب
هنا أسقط فى يد الإسرائيلين و إستنجدوا بالأمريكان اللى تدخل طرامبو و أدى واجب العزاء ل بوتن و بعدها إتصل نتنياهو يعزى و يعرض بتكوين لجنه مشتركه لبحث تفادى تلك الأحداث مره أخرى
بعدها قال المتحدث بإسم الجيش الروسى إمتصاصا لغضب الشارع و المعارضه الروسيه أن روسيا ستورد لسوريا منظومه S300 بحيث تغطى كل حدود سوريا و تمنع دخول الطائرات الإسرائيليه الحدودالسوريه مما أثار غضب إسرائيل و ضرب أخماس فى أسداس ...