صفحة 52 من 53 الأولىالأولى ... 24250515253 الأخيرةالأخيرة
النتائج 511 إلى 520 من 525

الموضوع: #تهييسه_مع_طشت_النسكافيه

  1. #511
    An Oasis Pioneer
    الصورة الرمزية hopsan
    الحالة : hopsan غير متواجد حالياً
    رقم العضوية : 195
    تاريخ التسجيل : Aug 2006
    الدولة : البلد اللى هى ماريه و ترابها زعفران
    العمل : بحار و بيحب البحر
    المشاركات : 23,601

    افتراضي



    #تهييسه_مع_طشت_النسكافيه
    معلوم بالضروره أن الصين تصنع أرخص دراجه هوائيه بالعالم
    ما المانع أن تنشىء مصر مصنع للدراجات الهوائيه بإستثمار صينى و بيع الدراجات بالقسط للشعب الذى سيقبل بكل جوارحه على الدراجه فى ظل الزياده فى سعر البنزين ...
    المكسب سيعم على الجميع وعلى رأسهم الدوله التى مازالت تدعم المحروقات حتى بعد الزياده



    مكتوب على موج البحر منذ ولدت ... بأنك للبحر مالك

    سيان تعيش على شط البر... أو فى قوقعه البحر فإنك هالك

  2. #512
    An Oasis Pioneer
    الصورة الرمزية hopsan
    الحالة : hopsan غير متواجد حالياً
    رقم العضوية : 195
    تاريخ التسجيل : Aug 2006
    الدولة : البلد اللى هى ماريه و ترابها زعفران
    العمل : بحار و بيحب البحر
    المشاركات : 23,601

    افتراضي



    #تهييسه_مع_طشت_النسكافيه
    و يطلع أحدهم ممن يحترمون إخوان الشياطين و ليس منهم يردد كالببغاء ما قيل عن فتاه الأزهر التى قيل أنها أغتصبت و طبعا معاه المطبلاتيه اللى معاه على الصفحه نازلين تريقه على مصر و السيسى
    و بعد جلاء الحقيقه أن لا صحه ما قيل و أن الفتاه مصابه بالصرع و أهلها و أصدقاءها يعلمون ذلك و إستغل ذلك الموقف إخوان الشياطين لهز صوره الأمن فى البلد ترك صفحته كما هى دون نشر الحقيقه إنتظارا للهبده التى بعدها و طبعا الخرفان اللى على صفحته عاملين من بنها لأنهم يعلمون يقينا أنها إشاعه ..... مش مكسوف من نفسك ؟ ... اللى بتعمله ده إسمه تحريض على هز إستقرار البلد و ترويج شائعات كاذبه و إحداث إنشقاق بين المصريين
    ( ولفت نائب رئيس جامعة الأزهر، إلى أن سيارة الإسعاف حضرت إلى المدينة ، وتم نقل الفتاة المصابة بالصرع وتم علاجها، موضحاً أنه فور تردد الشائعات قمنا بإخبار الفتيات جميعاً فى البنيات والاستفسار منهن عن صحة الواقعة وتبين لنا أنها شائعة لا أساس لها من الصحة لدرجة أن الفتاة التى تم ذكر أسمها فى الشائعة حضرت وقالت أنا كنت فى بيتنا ولم يحدث لى شئ وأنا موجودة وسطكم الآن.)
    و لما تضع أمام هؤلاء الحقيقه الدمغه يأخذك فى إتجاه آخر بقوله طيب و اللى عملوه فى رابعه !!

  3. #513
    An Oasis Pioneer
    الصورة الرمزية hopsan
    الحالة : hopsan غير متواجد حالياً
    رقم العضوية : 195
    تاريخ التسجيل : Aug 2006
    الدولة : البلد اللى هى ماريه و ترابها زعفران
    العمل : بحار و بيحب البحر
    المشاركات : 23,601

    افتراضي



    #تهييسه_مع_طشت_النسكافيه
    نبتديها منين ؟ ... آه .. من الحته دى
    جرى العرف لدى الرؤساء الأمريكان على مر التاريخ الأمريكى القصير فى العمر أن يعلن بفخر تذليل أى عقبه أمام تفوق العم سام على العالم و ذلك بكل الطرق شرعيه بنتجانيه لوزعيه إجراميه إرهابيه .. المهم أمريكا أولا ...
    أووووم و بطريقتهم الكاوبوويه يدعمون أى معارضه لأى بلد مش على هوى الحكومه برئيسها ( الشعب الأمريكى نايم فى ميه البطيخ آخر همه البنزين بكام و هيدفع ضريبه كام و هيقفل الشهر بفواتيره و لا هتعجز معاه )
    حظ فنزويلا العاثر أن بها بترول بالهبل و أرخص من بترول الشرق الأوسط أمريكا تريد وضع يدها عليه و عملت المستحيل علشان تقلب البلد مش فارق معها البلد باللى فيها .. المهم البترول الفنزويلى يوصل لمستحقيه فى أمريكا و دعمت بالبلطجه رئيس البرلمان اللى بص فى المرايه و قال أنا رئيس فنزويلا و لم حواليه شويه ألاضيش بتوعه من عشاق الهدم و نجيب البلد على الطوب الأحمر علشان نبنيها من جديد و اللى عمرها ما فلحت
    مين مش عاجبه الليله دى و عنده يقين إن طرامبو لو حط إيده على البترول الفنزويلى ستشكل خساره على الإقتصاد العالمى و بالتالى روسيا و تتبلع دوله طالما تقف أما التمدد الأمريكى فى الجنوب اللاتينى ... أوووم و على عاده الروس يدخلون البيوت من أبوابها ... عرضوا المساعده بس صاحب البيت يطلبهم رسمى فهمى نظمى علشان تكون الإقامه أخت إقامتهم فى سوريا ... و لأن روسيا ليست الإتحاد السوفيتى بقوته و جبروته أعلن طرامبو أن خيار طرد الروس من فنزويلا مفتوح بلا تحفظ .... و لأن الروس يعلمون أن الحرب البعيده خساره أكيده و أن التاريخ لا يكذب .. أوووم إستعانوا بالحليف الصامت و اللى طلب نفس الطلب من الرئيس الفنزويلى بس فى السر ...
    و مع علم الأمريكان بعدم إمتلاك الصين طائرات لحمل الجنود لمسافات بعيده فكانت مطمئنه إلا أن الصينيون تحيلوا على الأمريكان بالذهاب بطائرات الركاب السواح و طائرات نقل الطرود لشركتى ( على بابا و جير بست ) الصينيتين و فى المطار خلع الجنود ملابس السواح و ليسوا ملابس الجيش فى أكبر عمليه خداع إستراتيجى ... و الأمريكان مازالا فى حاله دهشه حتى كتابه التهييسه دى .... و يا رمان

  4. #514
    An Oasis Pioneer
    الصورة الرمزية hopsan
    الحالة : hopsan غير متواجد حالياً
    رقم العضوية : 195
    تاريخ التسجيل : Aug 2006
    الدولة : البلد اللى هى ماريه و ترابها زعفران
    العمل : بحار و بيحب البحر
    المشاركات : 23,601

    افتراضي

    #تهييسه_مع_طشت_النسكافيه

    شوف يا مؤمن .. اللى يخللى سكرتير الأمم المتحده بذات شخصه فى سابقه لم تحدث من قبل أن يطير طيران مكوكى بين طرابلس و بنى غازى و يقابل السراج من ناحيه و حفتر من ناحيه أخرى و نحن ننظر للخريطه الليبيه و نرى إكتساح كامل ل حفتر و لا يتبقى إلا بضعه أحياء فى طرابلس تبع السراج .. يبقى غرض الأمم المتحده ( الدول الغربيه ) أن يكون السراج مسمار جحا ( عميل ) فى النظام الليبيى الجديد .. بمزيد من القلاقل حتى لا يستقر الأمر فى ليبيا ... و يا رمان

  5. #515
    An Oasis Pioneer
    الصورة الرمزية hopsan
    الحالة : hopsan غير متواجد حالياً
    رقم العضوية : 195
    تاريخ التسجيل : Aug 2006
    الدولة : البلد اللى هى ماريه و ترابها زعفران
    العمل : بحار و بيحب البحر
    المشاركات : 23,601

    افتراضي



    #تهييسه_مع_طشت_النسكافيه
    بعد الجوول المصرى الأول فى مرمى تركيا ( الغاز )
    و بعد توجه حفتر لحصار طرابلس ف كووول اللى بيحصل ده حماده و تبعات اللى بيحصل حماده تانى خالص مالص .. ليه ؟
    لو نرجع كام سنه للوراء و نسأل من الذى شيطن الناتو لتدمير ليبيا ؟ ..
    هم الأتراك
    و مين عمل حصر للبنيه التحيه و المدن المدمره ؟ ...
    هم الأتراك
    و مين وقع عقود إعاده إعمار ليبيا و لم يترك مسمار إلا و تم الإتفاق عليها بعقود ؟ ..
    هم الأتراك
    يومها قلنا ستنتعش الصناعات التركيه و يتبقى الفتات لنا من عماله و مواد أوليه و أسمنت
    الآن بعد حصار حفتر لطرابلس
    الأتراك أخذوا صابونه و العقود اللى معاهم لا تساوى ثمن الحبر المكتوب به
    و جووول تانى لمصر

  6. #516
    An Oasis Pioneer
    الصورة الرمزية hopsan
    الحالة : hopsan غير متواجد حالياً
    رقم العضوية : 195
    تاريخ التسجيل : Aug 2006
    الدولة : البلد اللى هى ماريه و ترابها زعفران
    العمل : بحار و بيحب البحر
    المشاركات : 23,601

    افتراضي

    #تهييسه_مع_طشت_النسكافيه
    فى الكام ساعه اللى فاتو كان هناك لعب كبير على مستوى الكبار أوى .. و ذلك فى الشأن الليبى
    بريطانيا العظمى فى مجلس الأمن طلبت أن يكون البيان الصادر بيان رئاسى بدلا من البيان الصحفى لأن البيان الرئاسى يكون أقوى و أقرب للأمر المباشر من قبل الدول العظمى ... أوووم روسيا قالت برضون بس بالروسى مفيش بيان رئاسى .. ردت بريطانيا و ماله ياخويا .. بلاش بيان رئاسى
    من ناحيه تانيه قدمت أمريكا مقترحا موجه مباشره لخليفه حفتر حسب بيانات كل الدول التى دعته بالتروى و إعمال العقل ... أووووم المندوب الروسى قال حاسب عندك يا جدع منك له .. هو الكلام لحفتر بس ؟ ده السراج طلع بطياراته و ضرب فى الجيش الوطنى ... لازما و لابد أن يشمل البيان كل الأطراف الليبيه ألا و رحمه أمى لأفقعكم فيتو يطلع من ننى عنيكم .. أوووم المندوب الأمريكانى قال لا يا بابا لا ... ده حفتر اللى راح له طرابلس فلازم يقف عند حده ... أووووم رد المندوب الروسى ... طب مفيش إقتراح من أصله و مش هفكركم مفيش تدخل خارجى ... و يا رمان بقى .. و كانو هيمسكوا فى خناق بعض لولا تدخل ولاد الخلال
    و على صعيد آخر قال وزير الخارجية البريطاني جيريمي هانت في تغريدة في حسابه على “تويتر” أنه “سيبحث اليوم الاثنين الوضع في ليبيا مع الاتحاد الأوروبي، وأن المحادثات ستركز على تشجيع ضبط النفس وتجنب سفك الدماء”. ... يعنى سايب البريكست يضرب يقلب و رايح تبحث مع الإتحاد الأوروبى .. لا المانيا طايقه الست والدتك و لا خالتى فرنسا عايزه تشوف سحنتك .. و بلاش تماحيك
    و فى الزحمه قال المسمارى يا جزم إنا بينضف لكم ليبيا من الإرهابيين و الإخوان تعملوا فيا كده !؟...
    طيب أوى المسمارى ده ... مش عارف إنهم عايشين على حس الدول العظمى

  7. #517
    An Oasis Pioneer
    الصورة الرمزية hopsan
    الحالة : hopsan غير متواجد حالياً
    رقم العضوية : 195
    تاريخ التسجيل : Aug 2006
    الدولة : البلد اللى هى ماريه و ترابها زعفران
    العمل : بحار و بيحب البحر
    المشاركات : 23,601

    افتراضي



    #تهييسه_مع_طشت_النسكافيه
    أناشد الإخوه فى الجزائر و السودان و بالمره الليبيين اللى عايزين يعملوا سيناريو تانى غير المصرى بنظام نجيبها عالطوب الأحمر علشان نبنيها على نضافه علشان السيناريو المصرى كخه كخه ... أحذركم مصر معدش فيها خرم إبره و الغلاء فيها فاحش و معامله المصريين للعرب اللاجئين بقت زى الزقت .. و الجيش بياكول العيال الصغيره و الشباب بيخطف النسوان
    سوريا تحتاجكم .. العراق يرحب بكم .. اليمن السعيد سيسعد بكم .. كل دول رفضوا السيناريو المصرى

  8. #518
    An Oasis Pioneer
    الصورة الرمزية hopsan
    الحالة : hopsan غير متواجد حالياً
    رقم العضوية : 195
    تاريخ التسجيل : Aug 2006
    الدولة : البلد اللى هى ماريه و ترابها زعفران
    العمل : بحار و بيحب البحر
    المشاركات : 23,601

    افتراضي

    #تهييسه_مع_كوز_إسبرسو
    حتى ينصلح الحال ... لازم نتخلص من آثار الإرث الإجتماعى السيئه و الذى يبدأ بالنيش و القايمه ثم التخلص من الإرث الثقافى السيىء الذى يبدأ بكتب التراث .. طبعا الموضوع من الصعوبه بمكان أن يتم بين ليله و ضحاها ... و لكن المؤكد أنه يسيىر سير السحلفاه ..

  9. #519
    An Oasis Pioneer
    الصورة الرمزية hopsan
    الحالة : hopsan غير متواجد حالياً
    رقم العضوية : 195
    تاريخ التسجيل : Aug 2006
    الدولة : البلد اللى هى ماريه و ترابها زعفران
    العمل : بحار و بيحب البحر
    المشاركات : 23,601

    افتراضي

    #تهييسه_مع_كوز_إسبرسو
    هات ودنك بس متقولشى لحد ... فى الكتامون السعوديه و معاها الإمارات و بعض رجال الأعمال القطريين بدأوا يسحبون إستثماراتهم من تركيا .. عقاراتهم هبطت أسعارها من جراء ذلك .. لسه شويه على السقوط المدوى ....
    عايز إسمع من النطع اللى كان بيقول ياريت نبقى ربع الأتراك ... أنت فين ياض !؟

  10. #520
    An Oasis Pioneer
    الصورة الرمزية hopsan
    الحالة : hopsan غير متواجد حالياً
    رقم العضوية : 195
    تاريخ التسجيل : Aug 2006
    الدولة : البلد اللى هى ماريه و ترابها زعفران
    العمل : بحار و بيحب البحر
    المشاركات : 23,601

    افتراضي

    #تهييسه_مع_كوز_إسبرسو
    حكايه تامر و شفتوره
    # تامر بيشجع الإسكواش كلعبه
    # الإسكواش لا تسمع فيها غير صوت الكوره و الحكم و أنفاس اللعيبه و رنه الإبره لو حصل
    # مصر رقم واحد على العالم .. رجال .. سيدات .. أولاد .. بنات ..
    # تامر عندما يتحدث عن اللعبه مع أى حد فى العالم .. فى العااااالم ... فإنه يبدأ الكلام بأنا مصرى .. ثم يكمل حديثه بطرطوفه مراخيره
    # 10 مصريين فى الـ"توب تن".. 6 لاعبين و4 لاعبات فى العشرة الأوائل بترتيب منظمة محترفى اللعبة
    # تامر يشجع اللعبه و هو كووول و لا يزرف نقطه عرق و لا عنده مشاكل مع مشجعى الأنديه الأخرى
    # شفتوره يشجع كره القدم ...

صفحة 52 من 53 الأولىالأولى ... 24250515253 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •