النتائج 1 إلى 8 من 8

الموضوع: لحام المكونات و القطع الالكترونيه

  1. #1
    An Oasis Pioneer
    الصورة الرمزية ماجد
    الحالة : ماجد غير متواجد حالياً
    رقم العضوية : 25
    تاريخ التسجيل : Apr 2006
    الدولة : مصر المحروسه
    المشاركات : 10,833

    افتراضي لحام المكونات و القطع الالكترونيه

    لحام المكونات و القطع الالكترونيه

    موضوع ممكن ما يكونش جذاب جدا ... لكننا ممكن نكون بنحتاجه من وقت لآخر لأعمال الصيانات البسيطه مثل سلك سماعات مقطوع او ما شابه .
    فى الوقت نفسه باحاول يكون مرجع يوفر الكثير من الوقت و الجهد لباحث عن المعلومه.
    لكى تقوم بعملية اللحام يلزمك 3 اشياء اساسيه :
    1- كاوبة لحام
    2- فلكس Flux

    3- سلك اللحام ( الأزير )
    سنتكلم باختصار عن كل مكون و ماهى الشروط المطلوبه فيه.
    مع العلم بأن الموضوع هو للهواة اساسا ... للمحترفين الموضوع مختلف تماما و الى حد كبير و له تقنيات كثيره و دراسات و ابحاث و مواصفات ... رغم ان كل العاملين بصيانة الألكترونيات فى مصر واخدنها فهلوه تماما.
    و تسلم الأيادى .....هههههههههه

  2. #2
    An Oasis Pioneer
    الصورة الرمزية ماجد
    الحالة : ماجد غير متواجد حالياً
    رقم العضوية : 25
    تاريخ التسجيل : Apr 2006
    الدولة : مصر المحروسه
    المشاركات : 10,833

    افتراضي

    كاوية اللحام:

    طبعا دى اداة اللحام الرئيسيه .... و هى تتكون من جزئين الكاوية نفسها و سن اللحام اللى ممكن يتغير و يتبدل حسب المطلوب او لو كان باظ.

    الكاويه مفروض يكون الوات بتاعها مش اقل من 60 وات ... الاقل بتشتغل بردو لكن بتقرف فى الشغل و ممكن تبوظه لأنها بتبرد بسرعه مع اللحام .

    اللى فى الصوره دى نوعها goot يابانى و ممتازه و موجوده على موقع سوق ..لكنى اشتريتها من فتره كبيره من محل عادى.



    الصيانة بتاعتها سهله ...بعد ما تخلص - و كل ما تكون بتلحم او بتفك لحام كتير - امسحها فى اسفنجه مبللوله قليله و هي سخنه ... و بعد ما تخلص خالص حط عليها سلك اللحام بحيث تشكل طبقة واقيه منه .

    المحترفين بيستخدموا سلك نحاس على شكل يشبه سلك الالمونيوم المستخدم فى غسيل الحلل بدلا من الاسفنجه .
    الصور المرفقة  

  3. #3
    An Oasis Pioneer
    الصورة الرمزية ماجد
    الحالة : ماجد غير متواجد حالياً
    رقم العضوية : 25
    تاريخ التسجيل : Apr 2006
    الدولة : مصر المحروسه
    المشاركات : 10,833

    افتراضي

    سن اللحام ( tab ) او heating element

    وده له اشكال كتيره منه المدبب و المشطوف - زى اللى فى الصوره - و غيره .... فى استخداماتنا البسيطه الشكل المشطوف زى اللى فى الصوره مناسب جدا .... المدبب ده من الحاجات الصعبه فى اللحام العادى و مش مطلوب فى اعمال اللحام العاديه لكن بينفع فى فك المكونات من البوردات تحديدا


    الصور المرفقة  

  4. #4
    An Oasis Pioneer
    الصورة الرمزية ماجد
    الحالة : ماجد غير متواجد حالياً
    رقم العضوية : 25
    تاريخ التسجيل : Apr 2006
    الدولة : مصر المحروسه
    المشاركات : 10,833

    افتراضي

    الفلاكس ( flux )

    و ده وسيط اللحام ... الغرض منه تجهيز سطح اللحام لاستقبال طبقة الازير لأن سطح اللحام غالبا ما يكون ملوث بمواد كثيره ( زيوت - اتربه - طبقة اكسده ) و وظيفة الفلكس هو ازالة هذه الطبقات قبل اللحام لكى يمكن عمل اللحام .... بدونه يكون الموضوع صعب جدا .

    الفلكس له انواع كثيره لكن فى مصر مفيش فرق .... لكن مفروض تتأكد من ان الفلكس ليس به اساس حمضى و هذا من رقم PH ..... البى اتش 7 هو متعادل وهو افضلهم .... اقل من 7 يكون حمضى .... اكتر من 7 يكون قلوى ... الحمضى يلزم بعده عمليات تنظيف معقده لأنه آكال للمواد الملحومه .

    الفلكس له اشكال كثيره منه السائل و الهلامى و المعجون مثل الصوره و منه اقلام مثل قلم الماركر... افضلهم الهلامى و يوضع يحقنه صغيره بدون ابره ... لكنه غالى فى مصر و انا استخدم نوع رخيص عادى لأغراض بسيطه ... تمن العلبه 10 جنيه.

    يجب تنظيف الشغله بعد اللحام من الفلكس و سوف نتكلم تفصيلا فيما بعد عن هذه النقطه .


    الصور المرفقة  

  5. #5
    An Oasis Pioneer
    الصورة الرمزية ماجد
    الحالة : ماجد غير متواجد حالياً
    رقم العضوية : 25
    تاريخ التسجيل : Apr 2006
    الدولة : مصر المحروسه
    المشاركات : 10,833

    افتراضي

    شكل الفلاكس المعجون

    الصور المرفقة  

  6. #6
    An Oasis Pioneer
    الصورة الرمزية ماجد
    الحالة : ماجد غير متواجد حالياً
    رقم العضوية : 25
    تاريخ التسجيل : Apr 2006
    الدولة : مصر المحروسه
    المشاركات : 10,833

    افتراضي

    سلك اللحام ( الازير )

    سلك اللحام له مواصفتين ... السمك و نسب التكوين ( القصدير : الرصاص )

    السمك المعتاد فى حالتنا هو 0.3 - 0.6 مم و فى لحام المكونات الالكترونيه يفضل السمك الاقل يعنى 0.3 او اقل ...لكن الصنايعيه فى مصر يستخدمون 0.6 لأنه ارخص .

    نسب التكوين .... اى نسبة القصدير الى الرصاص و عادة تكون 60/40 أو 70/30 أو 63/37 و هو غير منتشر كثيرا ..... و هناك ايضا 50/50 و هو غير مفضل .

    النسبة الاعلى تكون للقصدير و هى الافضل فى حالتنا فمثلا 70/30 افضل من 60/40 لكن فى الاعمال البسيطه مفيش فرق كثير

    فى الصوره النوعين معا ..... الذى على اليسار افضل طبعا لأنه 70/30 و ثمن البكره 30 جنيه بوزن 100 جم .

    يوجد نوع من السلك يحتوى على قنوات من الفلكس بداخله لكنى لم اراه فى مصر


    الصور المرفقة  

  7. #7
    An Oasis Pioneer
    الصورة الرمزية ماجد
    الحالة : ماجد غير متواجد حالياً
    رقم العضوية : 25
    تاريخ التسجيل : Apr 2006
    الدولة : مصر المحروسه
    المشاركات : 10,833

    افتراضي

    طريقة اللحام

    توجد طرق كتيره و تقنيات كثيره للحام ... لكن المعتاد و البسيط يتم بالخطوات التاليه فى حالة لحام سلك بسماعة مثلا .

    1- ادهن منطقة اللحام بالسماعه و كذلك السلك بالفلكس .

    2- ضع قليلا من الازير على السلك بحيث تكسيه تقريبا .

    3- ضع قليل من الازير على منطقة اللحام بالسماعه لكى تخلط الازير القديم بالجديد للتأكد من ازالة الطبقة القديمة المؤكسده و لتوفير ازير لحام للشغله .

    4- الصق السلك بمنطقة اللحام و السعه بالكاويه .

    5- بعد قليل نظف منطقة اللحام بسائل تنظيف لأزالة آثار الفلكس ... سوائل التنظيف تتراوح بين الثنر - الكحول ... انا استخدم الكحول الطبى ... الصنايعيه فى مصر يستخدمون البنزين و هو خطأ جسيم طبعا ... لا استخدم التنر لأنه بعض الاوقات يزيل الطباعه التى قد تكون موجوده على البورده الالكترونيه ... لكنه لا يهم فى حالة لحام سلوك طبعا.

  8. #8
    An Oasis Pioneer
    الصورة الرمزية ماجد
    الحالة : ماجد غير متواجد حالياً
    رقم العضوية : 25
    تاريخ التسجيل : Apr 2006
    الدولة : مصر المحروسه
    المشاركات : 10,833

    افتراضي

    كقاعده عامه و اساسيه ... يجب وضع لحام جديد دائما فوق اى لحام قديم لأزالة الاكسده ... لا تحاول تسييح أو ازالة لحام قديم بالكاوية مباشرة ,,,, ضع عليه ازير جديد ثم تعامل معه كما تريد

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •