النتائج 1 إلى 2 من 2

الموضوع: ما يهمك أن تعرفه عن الضرائب العقارية

  1. #1
    An Oasis Pioneer
    الصورة الرمزية سيزيف
    الحالة : سيزيف غير متواجد حالياً
    رقم العضوية : 221
    تاريخ التسجيل : Aug 2006
    المشاركات : 2,300

    افتراضي ما يهمك أن تعرفه عن الضرائب العقارية



    بمناسبة مشاكل حصلت مع أصدقاء و معارف كثيرين بخصوص موضوع الضرائب العقارية

    لاحظت إن مأمورية الضرائب العقارية فى عدد من المحافظات - إن لم يكن فى عموم الجمهورية - بتحسب الضريبة العقارية بشكل خاطىء كنوع من الاستسهال

    يعنى هما عارفين طريقة الحساب الصحيحة لكن بيربطوا بطريقة خاطئة ربما لزيادة حصيلة الضريبة أو جايز كسل منهم

    فأنا باكتب البوست ده عشان تفهم الضريبة بتتحسب ازاى وفقا للقانون و ازاى تقدر تتظلم من الربط الخاطىء للضريبة

    قيمة الضريبة هى 10 % من صافى القيمة الإيجارية السنوية للعقار

    تقدير القيمة الإيجارية له طريقة حساب معقدة بعض الشىء

    أول حاجة نص القانون على أن تشكل لجان اسمها لجان الحصر و التقدير لتقدير قيمة العقار السوقية - غالبا لا تشكل هذه اللجان و يتم الربط عشوائيا بمعرفة مأمورية الضرائب -

    و من خلال القيمة السوقية نقدر نحدد القيمة الرأسمالية للعقار اللى هى 60 % من القيمة السوقية للعقار

    القيمة الإيجارية السنوية للعقار هى 3 % من القيمة الرأسمالية

    يخصم من القيمة الإيجارية 30 % مصاريف صيانة بالنسبة للعقارات السنوية و 32 % بالنسبة للعقارات غير السكنية " تجارية - إدارية - مهنية "

    الوحدة السكنية الرئيسية تتمتع بحد إعفاء 24 ألف جنيه يخصم من قيمة صافى الأجرة السنوية و تدفع 10 % من الباقى و ده بخصوص الوحدة السكنية الرئيسية للأسرة فلو عندك وحدة ثانية لن تتمتع بحد الإعفاء بالنسبة لها

    الوحدة غير السكنية لها حد إعفاء 1200 جنيه

    يعنى لو عندك وحدة سكنية واحدة تمنها لا يتجاوز مليون و تسمعمائة ألف جنيه مش هتدفع ضريبة

    و لو تمنها اتنين مليون جنيه هتبقى قيمة الضريبة العقارية بالنسبة لها حوالى 120 جنيه

    أما لو عندك وحدة ثانية تمنها مليون جنيه هتدفع عنها حوالى 2500 جنيه

    لو عندك محل أو عيادة أو مكتب تجارى - أى وحدة غير سكنية - تمنه مليون جنيه هتبقى الضريبة حوالى 1200 جنيه

    المفروض بعد ما لجان التقدير تقدر قيمة العقار يتم إخطار الممول بالقيمة المقدرة بخطاب مسجل بعلم الوصول - ده غالبا مبيحصلش -

    من حق الممول الطعن على التقدير خلال 60 يوم من تاريخ الإخطار أمام لجان الطعن المبين تشكيلها فى القانون

    و يجوز الطعن فى قرار تلك اللجان خلال 60 يوم من تاريخ إخطار الممول بالقرار أمام محكمة القضاء الإدارى

    يعاد تقدير قيمة العقار كل خمس سنوات

    و لا يجوز أن يزيد التقدير الجديد بأكثر من 35 % من الوحدات السكنية و 45 % بالنسبة للوحدات غير السكنية

    ملحوظة : العقارات التى تخضع لقوانين الإيجار القديمة معفاة من الضرائب العقارية

    العقارات المخصصة لدور العبادة أو الجمعيات غير الهادفة للربح معفاة من الضريبة
    يا حلم الأمس
    يا ابن الحاضر و حفيد الأمس
    المسجى فوق ركام اليأس
    ادعوك ان تنفض عنك أزلام الموت
    ارجوك أن تنفخ فينا روح الإنسان

  2. #2
    An Oasis Citizen
    الحالة : gameel غير متواجد حالياً
    رقم العضوية : 93
    تاريخ التسجيل : Apr 2006
    المشاركات : 1,440

    افتراضي

    اقتباس المشاركة الأصلية كتبت بواسطة سيزيف مشاهدة المشاركة
    بمناسبة مشاكل حصلت مع أصدقاء و معارف كثيرين بخصوص موضوع الضرائب العقارية
    "أصدقاء ومعارف كثيرين" أد إيه يعني؟
    بصراحة يا سيزيف أنا حاسس إن المشاكل حصلت معاك انت بس يمكن تكون خايف من الحسد، أو مش عايز تكشف معلومات عن نفسك مجاناً وبدون داعي.
    المهم، قولنا بقى دفعت كم مليون ضرايب عقارية، وكم ميت مليون عن المصانع والحاجات التانية.





    .
    هناك شىء فى نفوسنا حزيـــــن
    قد يختفى ولا يبين..لكنه مكنـــون
    شىء غريب .. غامض ...حنـون

    (صلاح عبدالصبور)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •