صفحة 1 من 2 12 الأخيرةالأخيرة
النتائج 1 إلى 10 من 14

الموضوع: 28 يناير 2011 أسوأ يوم في تاريخ مصر

  1. #1
    An Oasis Pioneer
    الصورة الرمزية عفاف
    الحالة : عفاف غير متواجد حالياً
    رقم العضوية : 295
    تاريخ التسجيل : Oct 2006
    الدولة : مقيمة بمصر
    المشاركات : 12,232

    افتراضي 28 يناير 2011 أسوأ يوم في تاريخ مصر



    Tarek El Deeb


    زي النهارده كان كل واحد عنده كلب بلدي أو خشبه في بيته واقف بيهم في الشارع و سهران قصاد قصعه فحم علشان يحمي نفسه و عياله من البلطجيه ،،
    زي النهارده كان فيه راجل بيقلع ساعته و بيدي موبايله لصاحب ماركت علشان ياخد اكل لولاده لحد ما يعرف يتصرف في فلوس ،،
    زي النهارده كان في مساجين واخده أعدام طلعوا يجروا في الشوارع بالبدل الحمرا و الأهالي اخدت منهم البدل و أديتهم هدوم علشان يعرفوا يوصلوا بيوتهم علي خير ،،
    زي النهارده كان في عربيات نص نقل واقفه قصاد بي تك فرع شبرا بتحمل تليفزيونات و غسالات و سخانات كهربا لدرجه ان بي تك فرع احمد عرابي راح جاب بلطجي من ميت عقبه و دفع له 20 الف جنيه في اليوم آتاوه علشان ميتسرقش هو كمان ،،
    زي النهارده كان في عربيات كارو واقفه في ضهر أركاديا قاعد عليها عيال بتلم الادويه و البامبرز من العزبي و بتروح تنزلها في مخازن في السبتيه ،،
    زي النهارده كان مدير ماكرو بيخبي اجهزه الكمبيوتر المحمولة ( لاب توب ) جوه التلاجات خوفاً من الحراميه ليسرقوها لحد ما وصل الحراميه و شالوا التلاجات باللي فيها ،،
    زي النهارده كانت الفنادق و أصحاب المطاعم موقفين الاصطاف بالسكاكين و العصيان علشان يحموا أكل عيشهم ،،
    زي النهارده فتح ( intercontinental city stars ) غرف الأوتيل للموظفات علشان يناموا فيها لانهم مش عارفين يروحوا بيوتهم ،،
    زي النهارده كان الأجانب نايمين بعيالهم علي الارض جوه مطار القاهره و بيشتروا ازازه المياه الصغيره ب 18 جنيه و بيأجروا شاحن الموبايل ب 50 جنيه من الكافيهات اللي قصاد صاله 1 ،،
    زي النهارده كان في مسجلين خطر واقفين بعد نزله كوبري ثروت بيفتشوا الناس و العربيات و معاهم طبنجات 9 مللي حلوان و بنادق خرطوش 12 مسروقين من قسم بولاق و بعدها أتقبض علي الرائد هاني شعراوي رئيس مباحث بولاق الدكرور بتهمه قتل الثوار اللي كانوا بيسرقوا السلاح و بيحاولوا يقتلوه و يقتلوا زمايله من قوه القسم !!!
    زي النهارده كانت مصر بتتباع و بتتحرق و بتتسرق و الكلمه العليا في شوارعها كانت للصيع و المسجلين اللي هربانين من سجن القطا و وادي النطرون ،،
    زي النهارده كانوا عايزين يقتلوا مصر و يدفونها بس نسيوا أن البلد دي لا بتموت و لا بتتهد و لا حد يقدر عليها غير اللي خلقها بس .
    #أوسخ_يوم_في_تاريخ_مصر
    #يوم_ما_سيبنا_شرطتنا_تواجه_كل_ده_لوحدها


    ----------------------------------------------------------------------------------------------------------------------------









    دعاء أبو سعده
    الله لايعيدها أيام

    محمد عبدالعال
    كان اسوأيوم ربنايحرقهم بجازوسخ

    Mohamed Hanoura
    دى مش ثروه دى وكسه

    Masriya Masriya
    وكان فى سرقه كارفور


    Tai Saleh
    للأسف ، ، الناس المحترمة اللى نزلت الميادين ما كانوش يعرفوا ان ناس تانية بتخرب بلدهم ومتحاميين فيهم ،

    Eman El Namees

    زي النهارده واحده من اصحابي عندها شابين تؤم واقفين تحت بيتهم عربيه بلطجيه ضربت عليهم نار واحد وقع مات والتاني اتنقل علي المستشفي ربنا يصبر كل مجروح ويقويها هم تقيل يااااه ذكريات سوده ...الحمد لله

    عبدالفتاح موسى
    المشكلة إن البعض لسه بيسميها ثورة
    25 خساير لم يكن ثورة وإنما كان مؤامرة لسه بنسدد في خسائرها حتى اليوم

    Rabab Seodi
    اه والله فعلا كلام حضرتك صح كفايه اطفالنا عاشو رعب الايام السوده ديه ويسائلك ومش عارف تجواب عليه احنا مرعوبين من ايه
    ايام يارب مايعودها علي مصر ويحميها من كل اهل الشر الداخلها قبل خرجها


    Omar Almasry
    زى النهارده كنت فى الشارع مع بعض الرفقه بنحمى المنطقه وشفت للمرة الاولى اخطر بلطجى وهو جاى بسيارته ومعاه 8 بودى جاردات كل واحد منهم معاه مدفع ألى واستوقفناهم لسؤالهم رايحين فين قالوا روحوا اقعدوا مكانكم احنا جايين نقتل ولد وراجعين وطبعا سمعنا الكلام وراحوا غربلوا الولد وولعوا فى بيته


    محمد محمدعبدالرؤف
    وللاسف وافقنا علي انها ثورة في الدستور ومنهاناس في مجلس النواب هو دة اللي مكتف مصر حاشية هوجة يناير لايريدون تقدم والاسباب معروفة لازم تعديل الدستور بجد وشطبها وانا علي يقين ان اشلعب المصري سيكون سعيد بتصحيح الوضع الشاذ دة تورة البلطجة بس بجد كان لها فائدة اظهار العملاء امام الشعب
    التعديل الأخير تم بواسطة عفاف ; 29-01-2017 الساعة 04:41 AM

  2. #2
    An Oasis Pioneer
    الصورة الرمزية عفاف
    الحالة : عفاف غير متواجد حالياً
    رقم العضوية : 295
    تاريخ التسجيل : Oct 2006
    الدولة : مقيمة بمصر
    المشاركات : 12,232

    افتراضي

    أسوأ يوم مر علينا ..جمعة الغضب 28 يناير 2011.
    ابني بيشتغل في أورانج (قبل ماتاخد رخصة المحمول) الشركة طلبت منهم مايخرجوش بعد انتهاء العمل ..ويباتوا في المكاتب ..ماكانش في اتصالات ولا إنترنت ..

    بنتي كانت في فودافون القرية الذكية ..المفروض ترجع الساعة 6 المغرب ..هي كمان مارجعتش ..وماعرفش عنها حاجة ..وعلى الساعة 11 اتصلت وقالت إنهم في فندق علشان الطريق غير آمن
    عشت على أعصابي لغاية ما كريم لقى تليفون أرضي وطمنا ..وطبعا هم عرفوا يناموا بعد ماسهروا مع زمايلهم وهزروا وضحكوا ..وأنا وباباهم مادوقناش طعم النوم
    تنذكر ولا تنعاد ..والله يطير النوم من عيونهم ويبث الرعب في قلوبهم ويقلقهم على أولادهم بحق اليوم الإسود اللي عيشونا فيه




  3. #3
    An Oasis Pioneer
    الصورة الرمزية عفاف
    الحالة : عفاف غير متواجد حالياً
    رقم العضوية : 295
    تاريخ التسجيل : Oct 2006
    الدولة : مقيمة بمصر
    المشاركات : 12,232

    افتراضي




    Gamal Harran
    ليه فكرتينا بهذه الايام السوده انا عشت 67 كنت صغير وقتها يعني 7 سنين وكان لي اخ في الجيش وعشت الاستنزاف ودخل اخويا التاني الجيش وعشت 73 واستشهد احد اخوتي اقسم بالله ماشفت ولا هاشوف اسود ايام مرت علي مصر مثل مافعلوه فينا ولاد الكلب في هذه الفتره

    التعديل الأخير تم بواسطة عفاف ; 29-01-2017 الساعة 05:28 AM

  4. #4
    An Oasis Pioneer
    الصورة الرمزية عفاف
    الحالة : عفاف غير متواجد حالياً
    رقم العضوية : 295
    تاريخ التسجيل : Oct 2006
    الدولة : مقيمة بمصر
    المشاركات : 12,232

    افتراضي




    سامية سلوم

    أنا يومها كنت في الشغل ونزلت بدري ورغم انه كان في جسر السويس يعني جنب البيت بس كنت راجعة بالعربية ولفيت الكرة الأرضية بسبب قطع الطريق وحرق قسم عين شمس والبنزين كان خلاص والناس مالية الشوارع والعربيات عكس بعض والدخان مبهدل الدنيا وكنت خلاص حا
    سة اني تهت من كتر مادخلت في شوارع اول مرة اروحها
    الحمد لله وصلت البيت بعد المغرب والمسافة اصلا من شغلي في جسر السويس للشارع اللي فيه بيتنا ومتفرع من جسر السويس برضه ربع ساعة ..
    يااااه ياطنط عفاف رجعتيني لليوم ده والحالة اللي كنا فيها


    التعديل الأخير تم بواسطة عفاف ; 29-01-2017 الساعة 05:27 AM

  5. #5
    An Oasis Pioneer
    الصورة الرمزية عفاف
    الحالة : عفاف غير متواجد حالياً
    رقم العضوية : 295
    تاريخ التسجيل : Oct 2006
    الدولة : مقيمة بمصر
    المشاركات : 12,232

    افتراضي






    Rania Ramzy
    ولدت بنتي هيفن يوم 27 بلليل الساعه 2 يعني اول ساعات في يوم 28 وطلعت من المستشفي يوم 28 الساعه 2 الضهر مكناش لاقين طريق نمشي منه دخلنا في كل الطرق المخالفه عشان اوصل البيت كنت حاضنة بنتي واول مره احس بالمسؤولية في الوقت الصعب ده ولما رجعت البيت كنت بحتاج علاج للاسف بسبب حظر التجول مكنتش بعرف اجيبه.... ونسيت اقول ان جوزي وقتها كان في ليبيا

    التعديل الأخير تم بواسطة عفاف ; 29-01-2017 الساعة 05:27 AM

  6. #6
    An Oasis Pioneer
    الصورة الرمزية عفاف
    الحالة : عفاف غير متواجد حالياً
    رقم العضوية : 295
    تاريخ التسجيل : Oct 2006
    الدولة : مقيمة بمصر
    المشاركات : 12,232

    افتراضي


    Maged M. Farag


    زي النهارده من 6 سنين... بدت الحياة في مصر أشبه بالحياة فيما بعد الحرب النووية...

    دولة الخوف... بلا شرطة ولا أمن ولا قانون إلا قانون الغاب... وأشكال وأنماط شبه بشرية غريبة تتجول في الشوارع بالسنج والمطاوي والأسلحة النارية... الكل معرّض للنهب والسرقة والخطف بل وللقتل...
    من زي النهاردة من ظ¦ سنين ولأسابيع طويلة بغيضة حملت سلاحي وتمركزت أمام منزلي مع جيراني في نبطشية الليل من المغرب إلى الفجر...
    أيام كئيبة حقيرة تنسحب ذكراها من الذاكرة ولا يتبقى منها إلا المرارة والحسرة على وطن انتحر..





  7. #7
    An Oasis Pioneer
    الصورة الرمزية عفاف
    الحالة : عفاف غير متواجد حالياً
    رقم العضوية : 295
    تاريخ التسجيل : Oct 2006
    الدولة : مقيمة بمصر
    المشاركات : 12,232

    افتراضي



    Tarek Elghareb
    "" بكرة تشوف حداد يجى يقفل كل شبابيك الدور الارضى بأطارات حديد .. وتروح تجيب طوب وبنا يعلى سور البيت اللى ورا لانه منطه واى حد ممكن ينط منه "" عليه العوض فى البلد"" ( ده كان صوت امى ذات 65 عاما .. وهى تقف معنا بشومه امام بيتنا لنحميه ونحمى انفسنا من البلطجيه والحرامية .. عندما انتشر الخبر فى قريتنا انهم سيهجمون علينا ليلا... كانت ليلة الرعب والخوف على الارواح والاملاك والاولاد .. لم نذق فيها طعم النوم.












  8. #8
    An Oasis Pioneer
    الصورة الرمزية ماجد
    الحالة : ماجد غير متواجد حالياً
    رقم العضوية : 25
    تاريخ التسجيل : Apr 2006
    الدولة : مصر المحروسه
    المشاركات : 10,833

    افتراضي

    يوم لن انساه

    ... اذاعوا فى ميكرفون الجامع القريب ان فيه بلطجيه بيقربوا من الحى

    ... لميت السكاكين و السلاح اللى فى البيت و اديتهم لولادى و اقسمنا اننا نموت دفاعا عن بيتنا و نزلنا عملنا متاريس امام البيت ... لن انسى ابدا

    نظرة ابنى الصغير ( و كان عنده يومها 16 سنه )
    و تسلم الأيادى .....هههههههههه

  9. #9
    An Oasis Pioneer
    الصورة الرمزية عفاف
    الحالة : عفاف غير متواجد حالياً
    رقم العضوية : 295
    تاريخ التسجيل : Oct 2006
    الدولة : مقيمة بمصر
    المشاركات : 12,232

    افتراضي




    مصطفى ضبع
    كنت قاعد 24ساعه باتفرج ع التلفزيون وقلبي مقبوض عشان البلد .بيقولو ثورة بس الي شايفه تخريب وتدمير .انا من جبل كان وقتها سمع بس عن ثورة 52 بس ما شفهاش وكنت محتفظ بصورة معقوله عن الثورات اللي شفته كان شيئ مش عاجبنى وكنت باشوف التلفزيون المصرى وواثق فيه ولما بدات قنوات تاني تتريأ ع التلفزيون المصري وتشكك فيه كنت مرتاب من تلك القنوات ولاني كاتب ومؤلف كنت حاسس كويس جدا مين بيألف ويصنع د اما وكوميديا ومين صادق .
    وشهادتي للتاريخ ان من يوم 25 لغاية ظهيرة 28 كان الهتاف والطلبات عيش حرية عدالة اجتماعيه .والمطالب . اقالة حكومة نظيف .حل مجلس الشعب .تعديل 3 او 4 مواد في الدستور ..لغاية بعد ظهيرة 28 شفت قناة الجزيرة مباشر موسعه كادر على 4 افراد ماشيبن في شارع وبيفولو ارحل يا مبارك والشعب يريد اسفاط النظام وبالتزامن معاها شريط احمر عاجل ان المتظاهرين يطالبوا باسقاط النظام وبعد دقايق اتكتب مظاهرات التحرير تطااب باسقاط النظام وبعد ساعه شريط عاجل كبير بيقول مظاهرات حاشدة في كل مصر تطالب باسقاط النظام ..وهلم جرا









  10. #10
    An Oasis Pioneer
    الصورة الرمزية عفاف
    الحالة : عفاف غير متواجد حالياً
    رقم العضوية : 295
    تاريخ التسجيل : Oct 2006
    الدولة : مقيمة بمصر
    المشاركات : 12,232

    افتراضي





    M.a. Ziedan
    عندي احساس ان خرفان الاخوان في الاعلام شاركوا في اذاعة بيانات الرعب لارهاب المواطنين ... في شبرا كنت بتنزل عادي ..وبالليل ينشط اللصوص وعصاباتهم ونسمع بقي ضرب النار الحقيقي ..مش حرب ايطاليا بتاعة العيال ....وكنا ننزل الشارع بالليل وكل واحد معام اللي ربنا مقدره عليه ولاول مره اشوف اسلحة بيضاء ماكنت اتخيل وجودها ولا اعرف اسماءها .. وانا كنت مسلح بساطور وماسورة حديد ... ايام لا اعادها الله...وربنا يحفظ مصر من الخونة كلهم ..ويخليهالنا ...قولوا امين ..


صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •